වෛද්‍ය රුවන් එම් ජයතුංග ගේ 71 කැරැල්ල ගවේෂණාත්මක කෘතිය පිළිබඳව අදහස් දැක්වීමක්
Posted on February 3rd, 2011

 ලයනල් බෝපගේ 

 දැනට වසර විසි එකකට පමණ පෙර ආරක්‍ෂක හමුදා අත් අඩංගුවේ සිටියදී අභිරහස් ලෙස ඝාතනයට ලක් කරන ලද රෝහණ විජේවීර සහෝදරයාත්, ඔහුගේ සිතුවිලි දහරාවත්, ඔහුගේ ප‍්‍රමුඛත්වයෙන් සහ මඟ පෙන්වීමෙන් 1967 සිට ගොඩ නඟන ලද ජනතා විමුක්ති පෙරමුණත් ලාංකීය ජන සමාජය තුළ ඇති කරනු ලැබූ සහ තවමත් ඇති කරනු ලබමින් පවතින දේශපාලන සහ සමාජ ආර්ථික බලපෑම පිළිබඳව නොයෙක් දෙනා විසින් නොයෙක් දෘෂ්ඨි කෝණ යොදා ගනිමින් කරන ලද විශ්ලේෂණ බොහොමයක් ප‍්‍රකාශයට පත් වී ඇත. එහෙත් මෙම ප‍්‍රපංචයන් පිළිබඳව මනෝ විශ්ලේෂණාත්මක ඇසකින් කරනු ලැබූ විග‍්‍රහයක් දක්නට ලැබෙන්නේ කලාතුරකිනි.

 1970 දශකයේ දී ශී‍්‍ර ලාංකීය වාම දේශපාලනය තුල රට පුරාම පාහේ පැතිරී ගියා වූත්, දැඩි කැපවීමකින් යුක්ත වූත්, සමාජ ආර්ථික ප‍්‍රශ්ණ සම්බන්ධයෙන් දැනුම් තේරුම් ඇති වූත් ප‍්‍රබල ව්‍යාපාරයක් ගොඩ නැඟීමට සමත් වූ එකම දේශපාලන නායකයා වූයේ රෝහණ විජේවීර සහෝදරයා බවට සැකයක් මට නැත. මූලික වශයෙන් රෝහණ විජේවීර සහෝදරයාත්, ඔහුගේ දේශපාලන සිතුවිලි දහරාවත් විසින් 1970 දී, 1971 දී සහ 1989 දී කරලියට පැමිණි දේශපාලන සංසිද්ධීන් කෙරෙහි ඇති කරන ලද ජනනාත්මක සහ නිෂේධාත්මක බලපෑම් පිළිබඳව විවිධ අර්ථ නිරූපණයන් දකින්නට තිබේ. මෙම නිර්වචන තුල රෝහණ විජේවීර සහෝදරයාත්, ජනතා විමුක්ති පෙරමුණත් විසින් එම සංසිද්ධීන් කෙරෙහි ඓතිහාසික වශයෙන් කරන ලද බලපෑම සියළු දෙනාගේම අවිවාදිත පිළිගැනීමට ලක් වී තිබේ.

 වසර දහසයක් පුරා රෝහණ විජේවීර සහෝදරයා සමඟ දේශපාලන වශයෙන් ඉතා සමීප ව සිටි සගයෙකු ලෙස අද දිනයේ ඔහුත්, ඔහුගේ දේශපාලන සිතුවිලි දහරාවත්් දෙස විවේචනාත්මක ආකාරයෙකින් ආපසු හැරී බැලීමේ දී වැදගත් වන්නේ යුක්තිය සහ සමාජ සාධාරණත්වය වෙනුවෙන් කරන ලද ජනනාත්මක බලපෑම නොකඩවා ඉදිරියට ගෙන යෑමට අනුබලයක් වන ආකාරයෙන් කටයුතු කිරීම යයි මම කල්පනා කරමි. රෝහණ සහෝදරයා සහ මා අතර පැවතුන දේශපාලන වෙනස්කම් සහ මතභේද කෙසේ වූවද තවමත් රෝහණ සහෝදරයා සහ ඔහුගේ දේශපාලන කැපවීම පිළිබඳව ගරු කිරීමක් මා තුල පවතින හෙයින් ඉතිහාසය විකෘති කර දැක්වීමට හෝ ඔහුට එරෙහිව පෞද්ගලික චෝදනා නඟන්නට හෝ අන්ධ භක්තියකින් යුක්ත ව ඔහු ගැන වර්ණනා කිරීමට හෝ අවශ්‍යතාවයක් මට නැත. මෙම ලිපියේ අදහස වන්නේ මා රෝහණ සහෝදරයාගේ චරිතය අර්ථ දක්වන්නේ කෙසේදැයි යන්න පිළිබඳව කරුණු ස්වල්පයක් ඉදිරිපත් කිරීම පමණකිි.

 මට රෝහණ සහෝදරයා පළමු වරට මුණ ගැසුණේ 1968 දී ලංකා විශ්ව විද්‍යාලයේ පේරාදෙණිය සරසවි භූමියේ දී ය. චීන පිළේ මා ඕ වාදී දේශපාලනයේ නිරතව සිටි අප එම දේශපාලනයෙන් ඉවත් කොට, එදා පැවති සමාජවාදී කඳවුරේ එක් එක් රටකට පක්‍ෂපාතී ව කටයුතු කිරීමට කැප වී සිටීමේ දේශපාලනයෙන් වියෝ වී ස්වාධීන ආකාරයෙන් පවත්වා ගෙන යන වමේ දේශපාලන ‘ව්‍යාපාරයකට අප එකතු කරවා ගැනීමට ඔහු උත්සාහ කළේය. ඔහුගේ අනන්‍යතාවය පිළිබඳ ව යම්කිසි ආකාරයක රහස්‍ය භාවයක් පැවතුන ද ලංකාවේ දරිද්‍රතාවයෙන් පෙළෙන ජන කොටස් වලට  යුක්තිය සහ සමාජ සාධාරණත්වය ඉටු කර ලීම පිළිබඳව මෙන් ම ඔවුන්ගේ ජීවන තත්වය නඟා සිටුවීම සඳහා අනුගමනය කළ යුතු සමාජ ආර්ථික ප‍්‍රතිපත්ති පිළිබඳව කිසිදු ආකාරයක රහසක් ඔහු තුල හෝ ජනතා විමුක්ති පෙරමුණ තුල නොවීය. ඔහුගේ සහ එම ‘ව්‍යාපාරයේ’ රහස්‍ය භාවය වටහා ගැනීමට නම් ඒ කාලයේ රැුඩිකල් වාදී වමේ ව්‍යාපාරයකට ජාතික සහ ජාත්‍යන්තර තලයේ මුහුණ දෙන්නට සිදු වී තිබුන වාතාවරණය මඳකට හෝ තේරුම් ගැනීම වැදගත් වෙයි. මෙහිදී එම කරුණු දීර්ඝ වශයෙන් සාකච්ඡුා නොකල ද, ඒ පිළිබඳ ව කෙටියෙන් හෝ සටහනක් තැබීම වටනේයයි මම කල්පනා කරමි.

 ජාත්‍යන්තර වශයෙන් මෙම කාල පරිච්ෙඡ්දය තුල ඇමෙරිකා එක්සත් ජනපදයේ ඔත්තු සේවා විසින් සන්නද්ධ බලය යොදා ගනිමින් හෝ විවෘත ලෙස සහ ආවෘත ලෙස (ඉන්දුනීසියාවේ මෙන්* වමේ ව්‍යාපාර සමූල ඝාතනය කර දැමීමෙන් හෝ නායකයන් මිල දී ගැනීමෙන් ලොව පුරා රැුඩිකල් වාදී වමේ ව්‍යාපාර විනාශ කරමින් තිබුන අතර, ලංකාවේ රජය කටයුතු කරමින් සිටියේ වසර විස්සකට වත් මැතිවරණ සිතියම අකුලා දමා දිගු කාලයකට බලයේ ඉන්නට උපාය මාර්ග සහ උපක‍්‍රම සකස් කරමිනි. 1966 දී පොලිස් අධිකාරී සහ අපරාධ පරීක්‍ෂණ දෙපාර්තමේන්තුවේ ප‍්‍රධානියා ව සිටි ආනා සෙනෙවිරත්න මහතා විප්ලවවාදී වමේ ව්‍යාපාරයක් රහසිගතව ගොඩ නැෙඟමින් පවතින බවට රජයට අනතුරු අඟවා සිටි අතර විශ‍්‍රාමලත් පොලිස්පති සහ ආරක්‍ෂක සහ විදේශ කටයුතු පිළිබඳ අමාත්‍යාංශයේ විශේෂ ආරක්‍ෂක උපදේශකයෙකු ව සිටි ජෝන් ආටිගල මහතා 1969 දී මෙම ව්‍යාපාරය මර්දනය කිරීමට තිබෙන අවශ්‍යතාවය අවධාරනය කරමින් රජයට වාර්තාවක් පිළිගන්වා තිබිණි.

 1970 අගෝස්තු මාසයේ දී එවකට ආරක්‍ෂක කටයුතු පිළිබඳ අමාත්‍යාංශයේ ලේකම් වශයෙන් කටයුතු කළ ආතර් රත්නවේල් මහතා මාධ්‍ය සාකච්ඡුාවක් කැඳවා පවසා සිටියේ රටේ අංක එකේ පොදු සතුරා ජනතා විමුක්ති පෙරමුණ බවත් එම ව්‍යාපාරය සමූල ඝාතනය කර දැමිය යුතු බවත් යx ව්‍යාපාරයක් ලෙස ඇරඹුණු ජනතා විමුක්ති පෙරමුණට ඉදිරියට ගමන් කරන්නට සිදු වූයේ මෙවැනි දරුණු වාතාවරණයක් තුල බව අපට අමතක කළ නොහැකි ය. මෙවැනි වාතාවරණයකට මුහුණ දෙන තත්වයෙන් රෝහණ සහෝදරයාගේත් ජනතා විමුක්ති පෙරමුණේත් මානසිකත්වය සකස් වී තිබුණ බව අමුතුවෙන් අවධාරණය කිරීමට අවශ්‍ය වන්නේ යයි මම කල්පනා නොකරමි.

 ගොවි ජනතාවත් තරුණ පරම්පරාවත් ලාංකීය සමාජ පරිවර්තනයේ වැදගත් උත්පේ‍්‍රරකයන් ලෙස හඳුනා ගෙන ඔවුන් සංවිධානය කරන්නට ඉදිරිපත් වීමේ ගරුත්වය රෝහණ සහෝදරයා වෙත හිමිවන අතර ඒ හා සමගාමී ලෙස නාගරික සහ වතු කම්කරුවන් එම සමාජ පරිවර්තනයේ පෙර ගමන්කරුවා ලෙස හඳුනා ගෙන තිබුණද ඒ කාර්යයට උචිත වන ආකාරයෙන් ඔවුන් සංවිධානය කරන්නට ඉදිරිපත් නොවීමේ බරපතල දුර්වලකම පිළිබඳ ව රෝහණ සහෝදරයා ඇතුළු ජනතා විමුක්ති පෙරමුණේ සිටි අප සියළු දෙනාම අඩු වැඩි තරමින් වග කිව යුතු යයි මම කල්පනා කරමි.

 පක්‍ෂයේ කාර්යධරයන් ලෙස පක්‍ෂය විසින් මුළුමණින්ම පාහේ පෙරට ගන්නා ලද්දේ විශ්ව විද්‍යාල හෝ පාසැල් සිසුන් වීම 1971 සහ 1989 සන්නද්ධ අරගලයේ දී ජනතා විමුක්ති පෙරමුණේ අතිධාවනකාරිත්වයටත් වම සහ දකුණ අතර ජනතා විමුක්ති පෙරමුණේ චින්තනය ෙදාා්ලනය වීමටත් ප‍්‍රධාන ලෙස බලපෑවේය. මේ සම්බන්ධයෙන් පක්‍ෂයේ නිර්මාතෘවරයා සහ නායකයා වශයෙන් රෝහණ සහෝදරයා මහත් ලෙස වග කිව යුතු ව තිබුනේ යයි මට සිතේ. එදා අප කර ගෙන ගිය දේශපාලනයේ දී පක්‍ෂය අනුගමනය කරන ලද උපාය මාර්ග සහ උපක‍්‍රම වලට අනුව 1971 අරගලය වත් 1982 ජනාධිපතිවරණය සමයේ සහ ඉන් පසුව ඇති වූ පක්‍ෂ සංවිධාන පරිහාණිය වත් වැලැක්විය හැකිව තිබුනේ නැතැයි යනුවෙන් එදත් අදත් මා දරා සිටින මතයට පදනම් වන්නේ මෙම සාධකයන් ය.

 රෝහණ විජේවීර නමැති චරිතය තුල ඔහුගේ අභාවය දක්වා ම යහපත් වූ මෙන්ම යහපත් නොවූ ද ප‍්‍රබල අංග ලක්‍ෂණ දකින්නට ලැබුණිx ඔහු සතු වූ දේශපාලන මතකය සහ චතුර කථිකත්වය තුල සරල ලෙස පොදු ජනයා වෙත කරුණු පැහැදිලි කර දීමට ඔහුගේ වාග් ශෛලිය තුල තිබුණු දක්‍ෂතාවය මෙන් ම ඔවුන්ගේ මනස තුල උද්වේගකාරී හැඟීම් ජනිත කරවන්නට තිබුණු ඉමහත් ශක්තිය ද ඒ හා සමඟ සමගාමී ලෙස වෙනත් අදහස් දරන පුද්ගලයන් දේශපාලන වශයෙන් විවේචනය කිරීමට පමණක් සීමා නොවෙමින් ඔවුන්ට පුද්ගලික ලෙස පහර දීමත්, ඔවුන්ගේ චරිත ඝාතනයට ලක් කිරීමත් හේතුවෙන් ජනතා විමුක්ති පෙරමුණේ දේශපාලනයට එරෙහිව අනවශ්‍ය ආකාරයෙන් සතුරන් ඇති කර ගැනීමට මඟ පෑදුවේයx සමාජ ආර්ථික සහ දේශපාලන සිද්ධීන් විශ්ලේෂණය කරන්නට ඔහු සතු ව තිබුණු ප‍්‍රබල හැකියාව මෙන් ම දේශපාලන කණ්ඩායම්, රැුස්වීම්, රැුලි සහ පෙළපාලි සංවිධානය කිරීමේ දී ඔහු සතු ව තිබුණු අසීමිත හැකියාව ද ජනතා විමුක්ති පෙරමුණ ගොඩ නැඟීමට අතිශයින් ඉවහල් වූ බව අමුතුවෙන් පැවසිය යුතු නැතx එහෙත් ඒ සමඟම කල්පනා කළ යුතු කරුණක් වන්නේ මෙම හැකියාවන් කෙතරම් දුරට 1971 අරගලය ආසන්නයේ ඉතා ඉක්මණින් වෙනස් වෙමින් පැවති දේශපාලන වාතාවරණය විශ්ලේෂණය කරන්නට සහ එම අරගලයේ සංවිධාන කටයුතු සාර්ථක ලෙස සංවිධානය කරන්නට ඉවහල් වූයේ ද යන්න යිx

 රටේ සමාජ-ආර්ථික ප‍්‍රශ්න පිළිබඳවත් ඇමෙරිකා එක්සත් ජනපද රාජ්‍යයේ සහ සෝවියට් සංගමයේ හා මහජන චීන සමූහාණ්ඩුවේ රාජ්‍යවල අනුබලය, අනුග‍්‍රහය සහ ආධාරය ඇතිව ලොව පුරා අනෙක් රාජ්‍යයන් අතර කෙරෙමින් පැවතුන ශීතල යුද්ධය සහ බල අරගලය පිළිබඳවත් සමාජවාදී ව්‍යාපාරය තුල රජ කරමින් පවත්නා අවස්ථාවාදය පරාජය කිරීම සඳහා නිර්ධන පංති ජාත්‍යන්තරවාදය යළි නඟා සිටුවීමට ඇති ප‍්‍රබල අවශ්‍යතාවය පිළිබඳවත් රෝහණ සහෝදරයා ඉදිරිපත් කළ අදහස් බොහොමයක් ඉතා හරවත් වූයේ යයි තවමත් මම කල්පනා කරමි. එහෙත් ඔහු ඉදිරිපත් කළ තවත් අදහස් අති සරල ස්වරූපයක් ඉසිළු බවත් මාක්ස්වාදී සහ සමාජවාදී මූලධර්ම වලින් වියෝ වූ ඒවා බවත් අප විසින් අමතක නොකළ යුතුය.

 උදාහරණ ලෙස ලංකාවේ සමාජ ආර්ථික අර්බුදය දේශපාලන අර්බුදයක් කරා වර්ධනය වන ආකාරය ගැනත්, 1948 දී ලංකාවට අත් වූයේ සැබෑ නිදහසක් නොව බි‍්‍රතාන්‍ය අධිරාජ්‍යයේ යටත් විජිතයක තත්වයේ සිට ඩොමිනියන් පන්නයේ නව යටත් විජිතයක් දක්වා සංක‍්‍රමණය වීමක් පමණක් බවත්, ලංකාවේ පැරණි වමේ ව්‍යාපාරයේ ජනනාත්මක මෙන් ම අභාවවාචක අත්දැකීම් පිළිබඳව සහ ලෝකයේ අනෙක් රටවල ජයගත් සහ පරාජයට පත් කරන ලද සමාජවාදී ව්‍යාපාර වල ආදර්ශ අන්ධානුකරණයෙන් අනුගමනය කිරීමෙන් තොරව ලාංකීය සමාජවාදී සමාජ පරිවර්තනය සඳහා එම ව්‍යාපාර වල අත් දැකීම් උපයෝගී කර ගත හැකි ආකාරය ගැනත් රෝහණ සහෝදරයා ඉදිරිපත් කළ අදහස් ඒ වකවානුවේ අපේ දැනුම සහ අවබෝධයට සමාන්තරව න්‍යායය සහ භාවිතාව එක් තැන් කිරීමට ජනතා විමුක්ති පෙරමුණ දැරූ ජනනාත්මක උත්සාහයක් වෙයි. මෙම අත්දැකීම් ජාත්‍යන්තර වශයෙන් අනෙක් මහාද්වීප වල කෙරීගෙන ගිය අධිරාජ්‍යවාද විරෝධී සහ නව යටත් විජිත වාද විරෝධී ව්‍යාපාර සහ අරගල සමඟ සමාන්තර ලෙස සංසන්දනය කළ යුතු වෙයි. මෙම කරුණු ඉදිරිපත් කිරීම් වලදී මාක්ස් ලෙනින්වාදී ස්ථාවරත් එක්තරා ආකාරයකින් අද පවතින හරිත ව්‍යාපාරයේ මූලිකාංගත් සුවිශේෂ ලාංකීය සමාජ-ආර්ථික, දේශපාලන, භූ විද්‍යාත්මක සහ සංස්කෘතික තත්වයනුත් අනුගත කොට ගැනීමට දරන ලද ප‍්‍රථම උත්සාහය බව මගේ පිළිගැනීම යි.

 ඉන්දියානු ව්‍යාප්තවාදය නමැති සාකච්ඡුාව මා ඕ සේ තුං සහෝදරයා සහ චීන කොමියුනිස්ට් පක්‍ෂය ඉන්දියානු ධනේශ්වරයේ පැතිරීම සම්බන්ධයෙන් ඉදිරිපත් කර තිබුනු අදහස් ලංකාවේ පැවතුන තත්වයන් වෙත අනුගත කිරීමේ දී අති සරල කිරීම් වලට භාජනය වූ බවත්, ඒ අනුව එම අදහස් ඇතැම් ජාතිකවාදී නම්‍යතාවයන්ට ලක් ව තිබූ බවත් ජනතා විමුක්ති පෙරමුණේ පිළි ගැනීමට ලක් වූයේ 1971 සිර ගෙවල් තුළ දී අප අතර කෙරුණු මතවාදී විවාද වල ප‍්‍රතිඵලයක් ලෙසිනි. ඉන්දියානු ව්‍යාප්තවාදය නමැති මෙම සාකච්ඡුාව ඇතැම් විටෙක ‘මලයියහ’ (ඉන්දියානු සම්භවයක් සහිත වතු කම්කරු* විරෝධී හැඟීම් ඇති කළ බවත්, විශේෂයෙන් හේන් ගොවීන් සහ ‘මලයියහ’ කම්කරුවන් ගේ සමාජ ආර්ථික තත්වයන් සංසන්දනය කිරීමේ දී ‘මලයියහ’ කම්කරුවන් ශ‍්‍රී ලංකාවට වඩා ඉන්දියාවට සමීප බව සහ ඔවුන් ඉන්දියානු ධනේශ්වරයේ අතකොළු බවට පත් කර ගත හැකි බව ඉදිරිපත් කර තිබෙන බවත් මෙහි දී විවාදයට ලක් විය. ඒ අනුව ඉන්දියානු ව්‍යාප්තවාදය නමැති සාකච්ඡුාව 1972 දී පමණ සිට ජනතා විමුක්ති පෙරමුණේ අධ්‍යයන පාඨ මාලාවෙන් ඉවත් කෙරුණේය. එහෙත් 1986 පමණ කාලයේ සිට මෙම සාකච්ඡුාව රෝහණ සහෝදරයා සහ ජනතා විමුක්ති පෙරමුණ විසින් යලිත් වතාවක් පණ ගන්වා කරලියට ගන්නට කටයුතු කොට තිබේ. එහෙත් මම තවමත් ඉන්දියානු ධනේශ්වරයේ දේශපාලන සහ ගෝලීය, කලාපීය සහ ප‍්‍රාන්තීය වුවමනාවන් පිළිබඳ මූලික අදහස ප‍්‍රතික්‍ෂේප නොකරන බව අවධාරණය කළ යුතු බව හැෙඟයි. ඉන්දියානු ව්‍යාප්තවාදයේ මූලික හරය අදත් ඒ අයුරින්ම ක‍්‍රියාත්මක වන බව දකින්නට දුර දක්නයක් හෝ අණ්වීක්‍ෂයක් අවශ්‍ය නැත.

 බන්ධනාගාරයේ දී රෝහණ සහෝදරයා විසින් ලියා පසු කාලයේ දී ජනතා විමුක්ති පෙරමුණේ ‘නියමුවා’ මුද්‍රණාලයේ අනුග‍්‍රහයෙන් පළ කරන ලද ‘අවස්ථාවාදය ද? නිර්ධන පංති ජාත්‍යන්තරවාදය ද?’ නමැති කෘතියේ එවකට චීන කොමියුනිස්ට් පක්‍ෂය සහ එහි නායකත්වය අවස්ථාවාදී මඩ ගොහොරුවේ කෙතරම් නින්දනීය ආකාරයට කර වටකට ගිලී ගොස් තිබුණේ දැයි විග‍්‍රහ කොට දක්වා තිබුණද, 1989 නොවැම්බරයේ රෝහණ සහෝදරයා ඝාතනය කර දැමීමෙන් පසු මෙම කෘතිය ද ජනතා විමුක්ති පෙරමුණ විසින්  දේශපාලන වශයෙන් ‘පරිහරණය නොකළ යුතු ග‍්‍රන්ථ’ ලැයිස්තුවට එකතු කරන ලද බව පෙනේ.

 රෝහණ සහෝදරයා ගේ චරිතය සහ ඔහුගේ දේශපාලන මානසිකත්වය තුළ ඇති වී තිබෙන දෝලනයේ ස්වභාවය හොඳින් පිළිබිඹු කරන්නේ ඔහු විසින් ම මනා ලෙස විශ්ලේෂණය කොට ඉදිරිපත් කරන ලද ‘අවස්ථාවාදය’ නමැති ප‍්‍රපංචය තුළ ඔහුත්, ඔහුගේ දේශපාලනයත්, ජනතා විමුක්ති පෙරමුණත් චීන කොමියුනිස්ට් පක්‍ෂය සහ එහි නායකත්වය තරමටම අවස්ථාවාදී මඩ ගොහොරුවේ ගිලී ගිය බව ය. මාක්ස්වාදයත් ජාතිකවාදයත් අතර මෙවැනි දෝලනයන්ට ලක් විය හැකි ආකාරයේ මනෝ තත්වයන් රෝහණ සහෝදරයා ගේ චරිතය තුළ දිස් වෙන්නට බල පෑ සමාජ පංතිමය සාධක හැරුණු විට එසේ බල පෑ අන්‍ය සාධක මොනවාදැයි සලකා බැලීම වැදගත් වන්නේ යයි මා අදහස් කරන්නේ මේ නිසා ය.

 පක්‍ෂය තුල මධ්‍යගත ප‍්‍රජාතන්ත‍්‍රවාදී ලෙස ක‍්‍රියා කරන්නට පැවති අවකාශය ක‍්‍රමයෙන් හීන වී යෑමට හේතු සාධක වූ කරුණු අතර පක්‍ෂය තුල කෙරුණු වැඩ කටයුතු වලදී පවා රෝහණ සහෝදරයා අනෙක් අයගේ අදහස් වලට ඇහුම් කන් නොදීම, ඇතැම් අවස්ථාවලදී හිතුවක්කාර ලෙස පුද්ගලික තීරණ ගැනීම, පක්‍ෂ සංවිධානය තුල කල්ලි කණ්ඩායම් ඇති වන ආකාරයෙන් කටයුතු කිරීම, තමන් පුද්ගලිකව ගන්නා ලද තීරණ ක‍්‍රියාත්මක කිරීම සඳහා එම කල්ලි කණ්ඩායම් යොදා ගැනීම වැනි කටයුතු දැක්විය හැකිය. එවැනි කල්ලි කණ්ඩායම් පක්‍ෂයේ වැඩ කටයුතු වලට හානි වන ආකාරයෙන් කටයුතු කරන බව සාක්‍ෂාත් වූ විට ඔහු එම කල්ලි වලින් ඉවත් වී කටයුතු කළ බව ද ඒ සමඟම මා සඳහන් කළ යුතු ය.

 1982 ජනාධිපතිවරණය සම්බන්ධයෙන් ද මේ හා සමාන ප‍්‍රශ්ණ නැඟිය හැකියx එම මැතිවරණ වාතාවරණය පිළිබඳ ඔහුගේ විග‍්‍රහයත්  එවකට පැවති මැතිවරණ සංවිධානවල ශක්තිය පිළිබඳ සහ ඒ ශක්තිය මත ඔහු තබා තිබුණු බලාපොරොත්තුත් එම මැතිවරණයෙන් අත්කර ගන්නා ලද ප‍්‍රතිඵල සමඟ කෙතරම් දුරට ගැලපුණේ ද යන්න ඉන් පැන නැඟුන එක ප‍්‍රශ්ණයකිx ජනාධිපතිවරණ ප‍්‍රතිඵල සම්බන්ධයෙන් ඔහු ඇති කර ගෙන තිබුණු සහ පක්‍ෂයේ සාමාන්‍ය සාමාජිකත්වය තුළ ඇති කොට තිබුණු බලාපොරොත්තු කෙතරම් ඉහළ මට්ටමේ වූයේද යන්න ජනාධිපතිවරණ ප‍්‍රතිඵල නිකුත් වීමෙන් පසු දින තුනක් ගත වන තෙක් රෝහණ සහෝදරයා ඇඳෙන් නැගිට්ටුවා ගැනීමට නොහැකි වීමෙන් ම පෙනී ගියේයx ඔහු එබඳු දැඩි මානසික ආතතියකට ලක් ව සිටියේයx

 එදිනෙදා පක්‍ෂයේ කෙරෙන දේශපාලන කටයුතු වලදී රජයෙන් සහ එහි ආරක්‍ෂක හමුදා වලින් ජනතා විමුක්ති පෙරමුණ වෙත එල්ල වූ මර්දන, තර්ජන, ගර්ජන සහ වෙනත් අභියෝග හමුවේ ඔවුන් සමඟ ගණුදෙනු කිරීමට රෝහණ සහෝදරයා ඉමහත් ලෙස දැක් වූ මැලිකම පසු කාලයේ දී මා විසින් සාධාරණය කරන ලද්දේ කුඩා කාලයේ සිට රෝහණ සහෝදරයාට මානසික ව මුහුණ දෙන්නට සිදු ව තිබුණු කරුණු සැලකිල්ලට ගැනීමෙනි. ශ‍්‍රී ලංකාවේ කොමියුනිස්ට් පක්‍ෂයේ සාමාජිකයෙකු වශයෙන් කරන ලද දේශපාලන කටයුතු වල දී තමන්ගේ පියාට මුහුණ දෙන්නට සිදු ව තිබූ රාජ්‍ය මර්දනයේත් ශාරීරික තර්ජන සහ පහර දීම් වලත් ප‍්‍රතිඵලයක් වශයෙන් ඔත්පලව සිට මිය යන්නට සිදු වීමෙන් කුඩා කාලයේ සිටම රෝහණ සහෝදරයා දැඩි මානසික ආතතියකට ලක් ව සිටින්නට ඇති බව නිසැක ය.

 1982 ජනාධිපතිවරණ අපේක්‍ෂකයෙකු ලෙස රෝහණ සහෝදරයාට පොලිස් මූලස්ථානයේ පැවැත්වූ සාකච්ඡුාවකට සහභාගි කරවා ගැනීම ඉතාමත් දුෂ්කර කාර්යයක් වූයේත්, කොළඹ මහපාරේ පයින් ගමන් කරද්දී පොලිස් ස්ථාන ඉදිරියෙන් ඇවිද යාම ප‍්‍රතික්‍ෂේප කිරීම මට තේරුම් ගත හැක්කේ ඒ ආකාරයෙන් පමණකි. ජීවිතයේ කුඩා කාලයේ දී සහ තරුණ අවධියේ දී ඔහුට මානසික වශයෙන් දැඩි ලෙස බලපෑමක් ඇති කිරීමට හේතු වූ ඉහත සඳහන් කරන ලද කරුණු වලට අමතරව 1971 අරගලය ත් ඒ ආශ‍්‍රිත ව ඔහුට මුහුණ දෙන්නට සිදු වුනු කටුක අත්දැකීම් සහ එම අත්දැකීම් විසින් ඇති කරන ලද මානසික ආතතියත් 1971 න් පසු ඔහු ගත කල ජීවිතයට ද බරපතල ලෙස බලපාන්නට ඇතැ යි කල්පනා කිරීම වැරදි සහගත නොවේය යන්න මගේ අදහස යිx

 රෝහණ සහෝදරයා ඇතුළු ජනතා විමුක්ති පෙරමුණේ බොහෝ නායකයන් පැවැත්මට ආවේ සිංහල බෞද්ධ ගැමි පරිසරයකිනිx එම පරිසරයෙන් ඔවුන් විසින් උකහා ගන්නා ලද ඇතැම් ආකල්ප ඔවුන් තුල දක්නට ලැබීම සාමාන්‍ය තත්වයක් බව කල්පනා කළ හැකියx එහෙත් එම මානසික බැඳීම් තුළ ඔවුන් දිගින් දිගටම කොටු වී සිටියේ යයි පැවසීමට මට නොහැකියx එසේ කොටු නොවීම මා දකින්නේ ජනතා විමුක්ති පෙරමුණේත් එහි නායකත්වයේත් සාධනීය ලක්‍ෂණයක් ලෙස යිx එහෙත් මෙහිදී පැණ නඟින ප‍්‍රශ්ණය වන්නේ 1982 පරාජිත ජනාධිපතිවරණයෙන් පසු සමාජ ආන්තික ජාතිවාදී ස්ථාවරයක් ගැනීමට රෝහණ සහෝදරයා ඇතුළු ජනතා විමුක්ති පෙරමුණේ නායකයන් පෙළඹුනේ කෙසේ ද යන කරුණ යිx තමන් ගොඩනඟා ගෙන තිබුනු සිංහල බෞද්ධ ගැමි සමාජ පදනම බිඳ වැටීමේ තර්ජනයට ලක්ව සිටි රෝහණ සහෝදරයාගේ නායකත්වයෙන් යුක්ත ජනතා විමුක්ති පෙරමුණ අවස්ථාවාදී ලෙස ජාත්‍යන්තර වාම දේශපාලන ස්ථාවර විකෘති කොට ඉදිරිපත් කරමින් තම සාමාජිකත්වයත් බහුතර ජනතාවත් නොමඟ යවන්නට කටයුතු කිරීම පැහැදිලි කළ හැක්කේ කෙසේද?

 රෝහණ සහෝදරයා තුළ මෙවැනි ආකාරයේ ආන්තිකවාදී දෝලනයක් 1971 දී ද, 1989 දී ද දක්නට ලැබුනේය යන්න මගේ අදහස යිx 1971 සන්නද්ධ අරගලය පරාජයට පත් වීමෙන් පසුවත්, 1989 අත් අඩංගුවට ගැනීමෙන් පසුව ත් රෝහණ සහෝදරයා ගේ ස්ථාවරය වූයේ අරගලය වර්ධනය වෙන ආකාරය සහ අරගලයේ වටපිටාව පිළිබඳව ඔහු දැනුවත් ව නොසිටි බැවින් ඔහු අරගලය නතර කිරීමට උත්සාහයක් නොකළ බව යිx ගුවන් විදුලි හෝ රූපවාහිනී නාලිකාවන් ඔස්සේ ඔහුට ඉන්පසු පවසන්නට සිදු වූයේ කැරලිකාර කටයුතු නතර කරන ලෙස යිx පවතින සමාජ ආර්ථික ක‍්‍රමයේ අසමානකම් සහ අසාධාරණ වලට එරෙහිව තමන්ගේ හඬ නඟන්නටත් එම අසමානකම් සහ අසාධාරණ දුරු කර ලන්නට තම ජීවිත කැප කිරීමෙන් කටයුතු කරන්නටත් ඉදිරිපත් වී නායකත්වය දුන් රෝහණ සහෝදරයාත්  ජනතා විමුක්ති පෙරමුණත් ද්විඝඨනාත්මක සමාජ වර්ධනයන් තුළ මෙවැනි දෝලනයන් ට ලක් වීම පැහැදිලි කර දිය හැක්කේ එම ප‍්‍රපංචයන්ගේ සමාජ පංතිමය පදනම තුල බවට සැකයක් නැතx එහෙත් එම සමාජ පංතිමය පදනම සහ එම ප‍්‍රපංචයන්ගේ මනෝ චිකිත්සක භාවයන් අතර සම්බන්ධයක් තිබේද? එසේ නම් ඒ සම්බන්ධතාවය කුමක්ද? ජාත්‍යන්තර වශයෙන් පවා මෙවැනි සම්බන්ධතාවයන් පිළිබඳව ලියැවී ඇත්තේ මඳ වශයෙනි.   වෛද්‍ය රුවන් එම් ජයතුංග මහතා විසින් කරන ලද පර්යේෂණ සහ ගවේෂණ වල ප‍්‍රතිඵලයක් ලෙස එළි දැක්වෙන මෙම කෘතිය එම අඩුව පුරවා ලනු ඇතැ යි මට සිතේ.

Leave a Reply

You must be logged in to post a comment.

 

 


Copyright © 2015 LankaWeb.com. All Rights Reserved. Powered by Wordpress