අනුර කුමාර, සජින් වාස්ගේ කැරැට්ටුව දිග හරී
Posted on October 6th, 2014

– Vimasuma

අනුර කුමාර, සජින් වාස්ගේ කැරැට්ටුව දිග හරීමුදල් දීමෙන් හෝ කාන්තාවන් සැපයීමෙන් ජාත්‍යන්තරය මෙහෙයවිය හැකි යැයි සිතන වත්මන් ආණ්ඩුව ඒ සඳහා සුදුසු පිරිසක් පත් කරගෙන ඇතැයි ජවිපෙ නායකයා චෝදනා කරයි.

මේ දිනවල කටාර්හි සංචාරයක නිරතව සිටින ජවිපෙ නායක අනුර කුමාර දිසානායක එරට සම්මන්ත්‍රණයකට සහභාගි වෙමින්, පසුගියදා සජින් වාස් විසින් ක්‍රිස් නෝනින්ට කළ පහර දීම පිළිබඳව මෙලෙස අදහස් දැක්වීය.

මේ ගුටි කන්නේ ක්‍රිස් නෝනිස් නෙවෙයි. මේ ගහන්නේ ජනාධිපති උපදේශකයා නෙවෙයි. මේ රට වෙනුවෙන් යන නියෝජිත පිරිසක්. රට වෙනුවෙන් පත් කරල තියන නියෝජිතයෙක්, තානාපතිවරයෙක්. මේ ගොල්ලො එකට ගහ ගන්නවා නං රටට මොකද වෙලා තියෙන්නෙ.”

එහි දී වැඩිදුරටත් අදහස් දැක් වූ අනුර කුමාර කියා සිටියේ මෙරට විදේශ අමාත්‍යංශය මෙහෙයවන්නේ සජින් වාස් ගුණවර්ධන මිස විදේශ අමාත්‍ය ජී.එල්. පීරිස් නොවන බවයි.

මුළු රටක විදෙස් ප්‍රතිපත්තිය, මුළු රටක රාජ්‍ය තාන්ත්‍රිකභාවය මුළුමනින්ම බිඳ වට්ටලා ඉතාම පහත් ගණයේ මිනිස්සු කණ්ඩායමකට බලය දීලා තියෙනවා අද අපේ රටේ. ඒ නිසා ජාත්‍යන්තරව අපේ රට විශාල හුදකලාභාවයකට පත් වෙලා තියෙනවා.”

ශ්‍රී ලංකාවේ තානාපති සේවය හා විදේශ අමාත්‍යංශය පිළිබඳව ද ඔහු එහි දී අදහස් දැක්වීය.

ඒ ගොල්ලො හිතනවා ජාත්‍යන්තරය මෙහෙයවන්න පුළුවං කියලා හොරෙන් සල්ලි දීලා, කාන්තාවො සපයලා. මේක තමයි අද ආණ්ඩුවේ විදෙස් ප්‍රතිපත්තිය. ඒ සඳහා සුදුසු අය තමයි මේ තියා ගෙන ඉන්නේ…මේ ගොල්ලො ඒවට දක්ෂයි. රාජ්‍ය තාන්ත්‍රික කටයුතු වලට නෙවෙයි දක්ෂ.”

කෙසේ වෙතත් තමාට පහර දුන් බව පවසමින් බ්‍රිතාන්‍යයේ ශ්‍රී ලංකා මහකොමසාරිස් ක්‍රිස් නෝනිස් සිය ධුරයෙන් ඉල්ලා අස් වී ඇති අතර විදේශ කටයුතු අමාත්‍යංශයේ ලේකම් ක්‍ෂෙනුකා සෙනෙවිරත්න විසින් ක්‍රිස් නෝනිස්ට එරෙහිව ඉදිරිපත් කොට තිබෙන පැමිණිල්ලක් සම්බන්ධයෙන් ද පරීක්ෂණයක් පැවැත්වීමට නියමිතය.

ආණ්ඩු පක්ෂයේ මැති ඇමතිවරුන්ගේ දූ දරුවන්ට අමතරව, එජාප පා.ම. රෝසි සේනානායකගේ දියණිය හා චන්ද්‍රානි බණ්ඩාරගේ පුත්‍රයා ද වත්මන් සන්ධාන ආණ්ඩුවේ සහයෝගයෙන්ම විදෙස් රටවල තානාපතිවරු ලෙස පත් කිරීම ගැන ජවිපෙ නායකයා ප්‍රශ්ණ කළේ මෙලෙසිනි.

මේ ගොල්ලො ඩීල් දාගෙන ඉන්නෙ. රෝසිගෙන් අහන්නකො දුව කොහෙද ඉන්නෙ කියලා. දුව තානාපති කාර්යාලයට යවලා තියෙන්නේ ආණ්ඩුව හරහා. චන්ද්‍රානි බණ්ඩාරගේ පුතා කොහෙද ඉන්නේ. තානාපති සේවයට යවලා තියෙන්නේ ආණ්ඩුව හරහා. මෙහෙමයි වෙලා තියෙන්නේ. මේ දෙගොල්ලොම එකයි. මේ දෙගොල්ලො බදා ගෙන බෙදා ගෙන…”

 

One Response to “අනුර කුමාර, සජින් වාස්ගේ කැරැට්ටුව දිග හරී”

  1. NAK Says:

    He is criticizing the other two parties as if they not a party to all this. He is very critical and very vocal on appointments to diplomatic missions abroad with political siblings but he is deaf and dumb when it comes to the price of rice.
    What he actually does is an act to divert attention from the real problem that is price of rice.
    Johnny with help from a few others play havoc with the price of rice. Johnny acted almost like a dictator when he imposed plastic containers to transport veggies but now is running and hiding like mouse with the price of rice when there is a controlled price which he miserably fails to impose.

Leave a Reply

You must be logged in to post a comment.

 

 


Copyright © 2018 LankaWeb.com. All Rights Reserved. Powered by Wordpress