ජොනතන් හාකර්ගේ මරණය
Posted on January 14th, 2015

වෛද් රුවන් එම්. ජයතුංග

 

 ලන්ඩනයේ සෙන්ට් තෙරේසා රෝහලට ඇතුළු කරනලද මහලූ රෝගියා හුස්ම ගත්තේ සෙමෙන්ය. ඔහු රෝහලට භාරදුන් පුද්ගලයා රෝගියා පිළිබඳ වැඩි විස්තරයක් දැන සිටියේ  නැත. මහල්ලා වැන්දඹුවකු  බවත්, ඔහුගේ එකම පුතා ස්කොට්ලන්තයට ගොස් ඇති බවත් රෝගියා භාරදුන් පුද්ගලයා හෙදියට කියා තිබි‚. රෝගියාගේ ඇඳුම් බෑගයත්, දිනපොතත්, බයිබලයත්, රූසෝගේ කෘතීන් කිහිපයකුත්, නැගෙනහිර යුරෝපයේ සිතියමකුත් රෝහල් කාර්ය මණ්ඩලයට භාර දී තිබු‚. රෝගීන් භාරගන්නා ස්ථානයේ සිටි ලියන්නා ඇසූ ප්රශ්ණවලට උත්තර දී තිබුණේ අඩ වශයෙනි. එම නිසා  රෝගියාගේ රෝග ඉතිහාසය පිළිබඳව  වැදගත් යමක් මොහුගෙන් ලබාගැනීමට නොහැකි විය.

 

මෝඩ පහේ බේබද්දකු බඳු වූ මෙම පුද්ගලයා ඇඳ සිටියේ කලූ පැහැති   කිලිටු කබායකි. ඔහු නොනවත්වාම කහිමින් ප්රශ්ණවලට වරෙක කල්පනා කරමින්ද, වරෙක හිස සලමින්ද පිලිතුරු දුන්නේය. මොහු මහල්ලා ජීවත් වූ විදීයේ හිම සුද්ධ පවිත් කරන්නකු බවත් මහල්ලාගේ නිවෙසට ඉඳහිට ගොස් මහල්ලා සමග සතුටු සාමිචියේ යෙදෙන බවත් හෙළිවිය.

 

අද සවස්වරුවේ මහල්ලාගේ නිවෙසට යන විට මොහු විසිත්ත කාමරය තුළ විසඥව වැටී සිටිනු දැක වහාම මහල්ලා රෝහලට ගෙන ඒම​ පිළිබඳව රෝහල් නිළධාරියෙක් හිම සුද්ධ කරන්නාට ස්තූති කළේය. ඔහු එම ස්තූතිය භාර ගත්තේ මහරැජිනගෙන් නයිට් නාමයක් ලැබුවා වැනි සතුටකිනි.

 

මහල්ලාට ප්රතිකාර කරනු පිණිස තරුණ වෛද්යවරයකුට බාර දෙන ලදී. අඩු අත්දැකීම් ඇති නමුත් දැණුමින් සන්නද්ධ වී සිටි තරුණ වෛද්යවරයා මහල්ලාට ප්රතිකාර කිරීම භාරගත්තේ කැමැත්තෙනි. මහල්ලාට ස්නායුමය දුබලතාවයක් ඇතැයි තරුණ වෛද්යවරයා සැක කළේය. රෝහලට ඇතු` කොට පුරා දින දෙකක් ගත වුවද මහල්ලා දෑස් ඇරියේ නැත. එහෙත් ඉඳ හිට   මීනා යන නම තොල් මතුරනවා වෛද්යවරයාට  ඇසී තිබිණි.

 

රෝගියාට ලබාදෙන ලද්දේ දියරමය ආහාර පමණි‚. ග්ලුකෝස් වලින් පෙ`ගූ තෙත පුළුන් ස්වල්පයක් ඔහුගේ දිවමත තැබූ විට මහල්ලා එහි වූ සීනිමය දියරය උරා ගත්තේ පූසකු දිය බොන්නාක් මෙනි.

 

රොගියාගේ රෝග ඉතිහාසය පිළිබඳව හෝඩුවාවක්වත් නොලැබුණ බැවින් වෛද්යවරයා රෝගියාගේ දිනපොත පෙරලා බැලූවේය. ඉරීගිය පිටු සහිත පැරදිනපොතේ දින සටහන්  යොදා  තිබුණේ ක්රමාණුකූලව නොවේ. දින පොතේ පිටු රැසක් හැලී තිබූ නිසා වෛද්යවරයාට දින පොත බැලීමට හැකි වූයේ අග කොටසේ සිට පමණි.

 

රෝගියාගේ ඇඳ අසලවූ කුඩා පුටුවේ වාඩි වූ තරුණ වෛද්යවරයා මේසය මත වූ දුබල ලාම්පු එළියේ ආධාරය ඇතිව දිනපොත කියවීම ඇරඹීය. කැඩීගිය පිටු අතර තිබූ පළමුවන සටහන වෙත වෛද්යවරයාගේ අවධානය යොමු විය.

 

 

නොවැම්බර් 17

සත් වසකට පසු අපි ට්රාන්සිල්වේනියාවට පැමියෙමු. අප විසින් ඩ්රැකියුලා සිටුවරයා විනාශකොට වසර හතක් ගතවී තිබුණද ට්රාන්සිල්වේනියාවේ වැසියෝ ඔහුට තවමත් බියක් දක්වති. ඩ්රැකියුලා සිටුවරයාගේ නම කීමට පවා බියවන ඔවුහු තම නිවෙස්හි ජනෙල්වල සුදු `ථෑණු මල් එල්ලති.

 

ඩ්රැකියුලාගේ මන්දිරයට යාමට අශ්ව කරත්තයක් සොයාගැනීම අතිශයින්ම දුෂ්කර විය. අප යහමින් මුදල් ගෙව්වද, කිසි`දු කරත්තකරුවෙක් ඉංගී්රසි සංචාරකයන් සමග ඩ්රැකියුලා මන්දිරයට යාමට එකඟ වූයේ නැත. අවසානයේදී දොස්තර​ සේවුඩ් කළ යෝජනාවකට අනුව අපි පැරඅශ්වකරත්තයක් මිළට ගත්තෙමු. තුර්කියේ මුහුන් කරනලද ජවසම්පන්න අශ්වයන් හතරදෙනෙක් ඇදගන ගිය අපගේ අශ්ව රථය පැරවුවද ශක්තිමත් ඕක් ලීයෙන් සාදන ලද්දකි

 

මේ ගමනට මීනා හා අපගේ කුඩා පුත් ක්වින්සිද එක්කර ගත්තේ ඩ්රැකියුලා පිළිබඳව තවමත් මීනා ගේ සිතේ හොල්මන් කරන  බිය දුරුකිරීමේ අරමුණ ඇතිවය. ඇයගේ නළලේ ඇති කැළල මැකී ඇති මුත් හදවතේ ඇති කැළල තවමත් මැකී නොමැත.  මෙම චාරිකාව මීනාට තම සිතේ ඇති අනිසි බිය අඩුකර ගැනීමට හේතු වනු ඇතැයි දොස්තර​ වෑන්හෙල්සිං මට ලියා දැන්විය. මහ` වයසේ අසනීපයෙන් පෙළෙන ඔහු දැන් ඇම්ස්ටර්ඩෑම්හි කුඩා නිවෙසක ජීවත්වෙයි. ගතේ දුබලතාව නොතිඛෙන්නට දොස්තර​ වෑන්හෙල්සිං  මේ ගමනට එකතු වෙනවා නොඅනුමානය.

 

අපි උදෑසනම ගමන ආරම්භ කෙළෙමු.  හිමවලින් පිරී තිබු මාර්ගයේ අතරින් පතර කරත්ත රෝද එරුණු බැවින් ගමන මඳක් ප්රමාදවිය. විශාල ලෝම තොප්පියක් දමාගෙන කරත්තය දැක්කුවේ දොස්තර සේවුඩ්ය. ඔහු ෂිගනිවරයෙකු ලෙස දිස් විය. ඔහු කසය වනමින් කරත්තය දැක්කුවේ පළපුරුදු කුරදිකාරයෙකු මෙනි.

 

මෙම මාර්ගය මට ආගන්තුක නොවේ. මීට වසර හත අටකට ඉහතද මම මධ්යම රාති්රයේ මෙම මාර්ගයේ ගමන් කෙළෙමි. අත්දැකීම් රහිත උන්නතිකාමී නීති සහායකයකු වූ මා හොල්මන් හා අවතාර කෙරෙහි දැක්වූයේ උදාසීන බවකි. එහෙත් එදා රාති්රයේ මගේ සිත බියෙන් සැලූ‚. අඟරු මෙන් කළුඅසුන් විසින් ඇදගෙන ගිය අශ්වරථය දක්කන ලද්දේ ඩ්රැකියුලා සිටුවරයා බව මම පසුව අවබෝධ කරගත්තෙමි.

 

දහවල්වන විට අපි ඩ්රැකියුලාගේ මන්දිරය පිහිටි කඳු  පාමුලට පැමිණියෙමුඈතින් පිහිටි ඩ්රැකියුලාගේ මන්දිරය දුටු මගේ ගත හිරිවැටීගිය බව අවංකව කිවයුතුය. අවුරුදු ගණනාවක්ම මෙම මාර්ගයේ අශ්ව රථ ගමන්කොට නොමැති නිසා මාර්ගය සොයා ගැනීම දුෂ්කර විය. අප කන්ද උඩට අශ්ව කරත්තය දැක්කුවේ ඉතා සෙමින්ය.

 

දොස්තර සේවුඩ් කසය හිසට උඩින් වැනුවා මිසක අශ්වයන් හදිස්සි කළේ නැත. ඩ්රැකියුලා මන්දිරය පිහිටා තිබුණේ කන්ද උඩ තිබූ විශාල පරිමාණයකය.  මන්දිරයට යන මාර්ගය බිම් මට්ටමේ සිට ක්රමයෙන් ඉහළ ගිය හෙයින් ඊට සාපේක්ෂව අපගේ අශ්ව කරත්තයේ වේගය අඩු විය. කන්ද බාගයක් තරණය කළ විට අසුන් කටින් පෙණ දමමින් විඩාවට පත්වූ සළකුණු  පෙන්වූහ.  එහෙත් දොස්තර සේවුඩ් ඇතැම්විට කස පහර දෙමින් අශ්වයන් ඉදිරියට දැක්කුවේය.

 

හිමෙන් පිරුණු මාර්ගය අද්දරින් අශ්ව කරත්තය නොදක්වන ලෙස මම දොස්තර සේවුඩ් හට කීවෙමි. පහත හෙළ දුටු මීනා   බියට පත්වූවාය. කුඩා ක්වින්සිව ඔඩොක්කුවේ රඳවාගත් ඇය ඔහුගේ හිස සිම්බේ බිය අඩුකර ගැනීමට විය හැකිය.

 

සවස් වන විට අපි මන්දිරය ආසන්නයට පැමියෙමු. මීදුම තවත් අපේ ගමන ප්රමාද කළේය. ඉර බැස යාමට පෙර මන්දිරයට යායුතු බවට මීනා ඇවිටිලි කළාය. ඩ්රැකියුලා සිටුවරයා ස්ථීර වශයෙන්ම විනාශකොට ඇති බව අපි යලිත් වරක් ඇයට කියා සිටියෙමු. මීනා අශ්ව කරත්තයේ කවු`ථව අතරින් ඈත කඳු වලල්ලට යමින් ගිලාබසින සන්ධ්යා හිරු දෙස බලා සිටියාය.

 

හිරු බැස ගොස් පැය බාගයකට පසු අපි ඩ්රැකියුලා මන්දිරයට පැමියෙමු. වෘකයන්ගේ උඩුබුරන හඬ මගේ ගතේ හිරිගඩු පිපීමට සමත්වූ අතර දොස්තර සේවුඩ් වින්චෙස්ටර් රයිෆලය අතට ගත්තේය. මගේ බිය මඳක් පහවිය. මට රිවෝල්වරයට පතුරම් දමාගත්තෙමි.

 

ඩ්රැකියුලා මන්දිරයේ ප්රධාන ද්වාරය වසා තිබු‚. එහිවූ යකඩ දම්වැල් හා සරනේරු මළකඩ කා තිබූ හෙයින් අපි ඉමහත් වෙහෙසක් දරා ප්රධාන ද්වාරය ඇරියෙමු. දොර  ඇරීමේදී ජනිතවූ  කර කරාස්   හඬ මන්දිරය තුළට වැද දෝංකාර   දුන්නේය.

 

සිත ධෛර්යවත් කරගත් මම පළමුවෙන්ම මන්දිරය තුළට ඇතු` වීමි. සෙස්සෝ පසු පසින් මා අනුගමනය කළහ. මුල්වරට මට ඩ්රැකියුලා ඔහුගේ මන්දිරයට අරාධනා කළේ මෙම ස්ථානයේ සිටය. ඔහුගේ පාදයෙන් අපවිත් වූ මෙම ස්ථානය මගහැර බිත්තිය අසලින් මම අඩිය තැබුවෙමි.

 

මා පසුපස එක අතකින්  කුරුසියද, අනිත් අතින් කුඩා ක්වින්සිද  දරාගෙන මීනා  බියගත් දෙනෙතින් යුතුව ඩ්රැකියුලා මන්දිරයට ඇතුළු වූවාය. ඇය පසුපසින්  දොස්තර සේවුඩ් තම රයිෆලය අතේ දරා සිටියේය.

 

මන්දිරය තුළ මකුළු දැල් බැඳී තිබූ හෙයින් මම රිවොල්වරයේ මිටෙන් මකුළු දැල් ඈත් මෑත් කෙළෙමි. අපි විසිත්ත කාමරය දක්වා ගියෙමු.එදා   ඩ්රැකියුලා මට ආහාර පිළියෙළ කොට තිබූ මේසය අසල ඇති විශාල පින්තූරය ඔහුගේ පරපුරේ විරුවකුගේ යැයි ඔහු මට ප්රථම දිනයේදීම කීවේය. එහෙත් එම පින්තුරයේ නාසයේ හැඩය කවුන්ට් ඩ්රැකියුලාගේ නාසයේ හැඩයට සමාන නිසා එම පින්තූරය ඔහුගේ තරුණ කාලයේ එකක් යැයි කිව හැකිය. මා අනපේක්ෂිතව මුල්වරට ලන්ඩනයේදී ඔහු දකිනවිට ඔහුගේ එම මුහුණ මේ පින්තූරයට සමානය. එම පින්තූරයේ දෙනෙත් ගිනිගන්නවාක් මෙන් අප දෙස වියරුවෙන් බලා සිටින නිසා මම ඉවත බලා ගතිමි.

 

මේසය මත දූවිලි තට්ටුවකි. ඉහල මාලයේ මා නැවතී සිටි කාමරයට යාමට මට සිත්විය.  මගේ අතේ තිබූ පන්දම දල්වාගත් මම පිරිස සමඟ පියගැට පෙළ නැග්ගෙමි. අපගේ පා සටහන් දූවිලි මත පැහැදිලිව දැක ගැනීමට හැකි විය.  දුබල පන්දම් එළියෙන් දර්ශනය වූ පියගැට පෙළ අසල වූ බිත්තියේ ගසා තිබූ රත්රන් ආලේප කළ කඩු තෝමර මෙතෙක් කාලයක් නිරුපද්රිතව තිබීම පුදුමයකි. අසුන් පවා සොරකම් කරන අණක් ගුණක් නැති ෂිගිනිවරුන් පිරුණු ට්රාන්සිල්වේනියාවේ ඩ්රැකියුලා මන්දිරයට කඩා වැදී එහි ඇති වස්තුව සොරකම් කිරීමට තරම් හිත දැඩි එකකු නොමැති තරම්ය.

 

දොස්තර  සේවුඩ් බිත්තියක ගසා තිබූ රන් කිනිස්සක් අතට ගෙන එය දෙස ආශාවෙන් බැලීය.   එහි මුවත පරික්ෂා කිරීමට යාමේදී ඔහුගේ `ගිල්ලක් කැපී ලේ බි`දු කිහිපයක් දූවිලි පිරී තිබු පියගැට පෙළෙහි පතිත විය. මම ඔහුට දොස් පැවරුවෙමි. සමාව ඇයැද සිටි දොස්තර   සේවුඩ් ඔහුගේ කැපුණු ඟිල්ල මුව තුළට දමා දිවෙන් තද කළේ රුධිර වහනය නැවැත්වීමටය.

 

මා නැවතී සිටි කාමරය සොයාගත් අප කාමරයේ දොර ඇර ගත්තේ මදක් වෑයම් කිරීමෙනි. දොර  ඇරීමේදී ඇති වූ හඞ අඳුරු මන්දිරය පුරා දෝංකාර දුන්නේය. එම `ඩින් මීනාත් කුඩා ක්වින්සි පුතාත් තැති ගත්හ.

මගේ ` එලෙසම තිබේ. ඇඳ ඇතිරිලි දුර්වර්ණය. එහි දූවිලි තට්ටුව නිසා ඇඳ ඇතිරිල්ලේ ඇති රත් පැහැති සිත්තමද හරිහැටි නොපෙනේ. ඇඳ අසල තිබූ විශාල උස මේසය මට තවමත් මතකය. එය එදාමෙන් අදද දක්නට ලැබේ. මෙම මේසය මත මගේ කුඩා මුහුණ බලන කණ්ණාඩිය තබා රැවුල කපමින් සිටින විට ඩ්රැකියුලා කාමරයට පැමිඅයුරු මම සිහිපත් කළෙමි.  ඔහු මගේ පසුපස සිට මා ඇමතීය. ඩ්රැකියුලාගේ ප්රතිබිම්භය කණ්නාඩිය තුලින් මම නොදුටුවෙමි. එයින් වික්ෂිප්තභාවයට පත්වීමෙන් අත වෙව්ලීම නිසා දැළි පිහියට මගේ මුහුණේ කුඩා කැපුමක් ඇති කළේ ලේ බින්දු කිහිපයක් මතු කරමිනි. එම ලේ බින්දු දුටු ඔහුගේ මුහුණ වෙනස්වී, දෑස් රත්පැහැ ගැන්වුණේ කොතරම් භයානක ලෙසටද? මම පැළද සිටි කුරුසය  වෙත දෙනෙත් යොමු කළෙමි. එම දර්ශනය මට තවමත් බිය ගෙනදෙයි.

 

කාමරයේ ඇති ජනේලය තුලින් මම පහත ප්රපාතය දෙස බැලූවෙමි. ඉහතදී වරක් මෙම කවුළුව තුළින් බැලීමේදී කවුන්ට් ඩ්රැකියුලා වවුලකු සේ ගල්බිත්ති දිගේ බඩගා යනු මම දුටුවෙමි. පහත ඇති ප්රපාතය දෙස බැලීම පවා බිය ගෙන දෙන්නෙකි. මම මගේ දෑස් ඉවතට ගත්තෙමි.

 

අපි මන්දිරයේ ඇති තවත් කාමර කිහිපයකට ගියෙමු. එක් කාමරයක රන් කාසි පිරවූ ලොකු මැටි භාජනයක් තිබුණි. මම හා දොස්තර රන්කාසිවලින් අපගේ සාක්කු පුරවා ගතිමු. එම රන්කාසි ඉතා බරය. තුර්කි භාෂාවෙන් අකුරු කොටා තිබේ.

 

ඉහළ මාලයේ තිබූ විශාල කාමරය දුටු මාහට දූවිලි හා සඳරැස් කලම් වී තිබු‚. එතුළ සිටි සුරූපිනියන් තිදෙනා මගේ මතකයට නැගු‚. ඔවුන්ගේ අමනුෂ් සිනහව, සරාගී දෙතොල්,  පිරුණු ළැම, සිහිපත්වූ මා හට බිය සම` යම් ආශ්වාද හැ`ගීමක් සිතට දැනුණි. මීනාගේ දෙනෙත් දුටු මම එම හැ`ගීම යටපත්කර ගත්තෙමි.

 

තවදුරටත් මේ හොල්මන් මන්දිරයේ සිටිය නොහැකිබව මීනා   කීවාය. අඳුරවැටී සඳ  මෝදුවී තිබූ හෙයින් මම ඇගේ ඇවිටිල්ලට අවනතවී පතහ මාලයට පැමියෙමි.

 

අප පහත මාලයට පැමිවහාම ඉහළ තට්ටුවෙන් හඬක් නැගුනෙන් අපි විශ්මයට මෙන්ම බියට පත්වීමු. මීනා   දරුවා තුරු`ථකර ගත්තාය. දොස්තර   සේවුඩ් කුරුසිය හා තුවක්කුව අතැතිව තරප්පු පේළියේ මඳක් ඉහළට නැග, එය මීයන් විසින් ඇති කරන ලද්දක් යැයි කීමෙන් අපගේ බිය හා කුකුස පහවිය.

 

අපි ප්රධාන ද්වාරයෙන් එළියට පැමියෙමු. වෘකයන්ගේ හඬ නිසා අපගේ අශ්වයෝ හේෂාරව කරමින් සිටියහ. රාතී් අන්ධකාරය නිසා වෘකයන් නොපෙනුනත් උන්ගේ දෙනෙත් කාන්තිමත් වීදුරු බෝල ලෙස බැබ`‚. අසීරුවෙන් අශ්වයන් මෙල්ලකරගත් දොස්තර   සේවුඩ්   අපට කරත්තයට නැඟීමට උපකාර කළේය.

 

දොස්තර   සේවුඩ්   කසය වැනූ විගස අශ්වයෝ කරත්තය ඇදගන හිමපිරී ඇති පල්ලම දිගේ සෙමින් සෙමින් ගමන් කළහ. වෘකයන්ගේ හඬ  ළං ළංව  ඇසෙන්නට වූ නිසා මම මගේ රිවෝල්වරයෙන් අඳුරට වෙඩි තැබුවෙමි. රාතී් නිසලතාව හා වෘකයන්ගේ හඬ පරදවමින් ඇතිකළ වෙඩි වෘකයන් බියපත් කරන්නට ඇත. ක්රම ක්රමයෙන් ඈත්වෙන ඩ්රැකියුලා මන්දිරය දෙස මම බැලූවෙමි. සඳ එළිය නිසා මන්දිරයේ පියස්ස ආසන්නයේ පියාඹමින් සිටි විශාල වවුලකු මම දුටුවෙමි. මම තරමක් බියට හා වික්ෂිප්තභාවයට පත්වූ නමුදු  නිශාචර වවුලෙකු බව සලකා මගේ කලබලය අන්යයන්ට නොපෙන්වීමට උත්සාහ කළෙමි.

 

හදිසියේම අශ්වයෝ ගල්ගැසුනා සේ නැවතුණෝය. මම කරත්තයේ කවුළුවෙන් හිස එළියට දමා බැලූවෙමි. මාර්ගය ඉදිරියේ `  පැහැති පිළිමයක් සේ කවුන්ට් ඩ්රැකියුලා සිටගෙන සිටියේය. සඳඑළියට ඔහුගේ ඇත්දළ පැහැති දත් සුදට සුදේ දිළිසි‚. දෙනෙත්වල රෞද්රබව  එදා මෙනි. බිය සහ කැළඹීම නිසා මට යටිගිරියෙන් කෑගැසු‚.

 

මා යළිත් ප්රකෘති තත්වයට පත්වූයේ විනාඩි ගණනකට පසුය. දොස්තර   සේවුඩ් හා මම කරත්තයේ එල්ලා තිබුණු ලාම්පුව ගලවාගෙන  මදක් ඉදිරියට ගියෙමු. මගේ දෑත් අතරට හිරවූ රන් කුරුසිය මම ඉදිරියට දිගුකරගෙන සිටියෙමි. වෙව්ලීම නිසා කුරුසිය බිම ඇද වැටේදැයි චකිතයක් මා තුළ ඇති විය. දොස්තර    සේවුඩ්ගේ නිර්භීතභාවය පිලිබඳව මම පැසසිය යුතුවෙමි.  ඔහු ලාම්පුව හා වින්චෙස්ටර් තුවක්කුව ගෙන ඉදිරියට ගමන් කළේය. එහෙත් කිසිවකු මාර්ගය ඉදිරියේ සිටිබවට කිසි`දු හෝඩුවාවක් නොවීය. අපි යළිත් කරත්තය දෙසට ඇවිදගන ආවෙමු.

 

අතීත අත්දැකීම් නිසා හිතේ කැළඹිලි ස්වභාවය නිසා ඩ්රැකියුලාගේ රුව දකින්නට ඇතැයි මම අනුමාන කෙළෙමි. කෙසේ වෙතත් දොස්තර   සේවුඩ් දුන් බ්රැන්ඩි බෝතලයෙන් කාලක් පමණ උගුරට හලාගත් මම කරත්තයට නැග මීනා   හා දරුවා තුරුලූ කර ගත්තෙමි. මීනා   ඇය අත තිබූ ශුද්ධවූ පැන් කරත්තය පුරා ඉස්සාය. දොස්තර   සේවුඩ් අශ්වයන්ට සැරදමා යළි කරත්තය  පැදවීය.

 

ඩ්රැකියුලා මන්දිරය අපගෙන් ඈත්වන්නට, ඈත්වන්නට අපට දැනුණේ සහනයකි. අනිවාර්යෙන්ම මේ සහනය මීනා   අත්වි`දින්නට ඇත. හරි හැටි කරුණු නොදත් ක්වින්සි පුතා මවගේ ඇකයට වී නිදිමින් සිටියේය.

 

අප තනායමට පැමිණෙනවිට `ථයම එළඹී තිබි‚. කඳු අතරින් හිරුපායත්ම අපට මහත් සහනයක් දැනිණි. අප සිය` දෙනා සිටියේ විඩාපත්වය. අශ්වයන් පවා කටින් පෙණ දමමින් නොසන්සුන්ව සිටි බව පෙණුනි. අප දුටු වහාම  තානායම්කරු හා ඔහුගේ බිරිඳ කුරුසියේ ලකුණ සටහන් කර ගත්හ. තානායම්කරුවා රොමනි භාෂාවෙන් තම ඇඹනියට යමක් කීවාය. ඇය වහාම මුළුතැන්ගෙට වැදුණාය.

 

වෙහෙසී හා බඩගින්නේ සිටි අපි කේජු, ගම්මිරිස් දමා සාදන ලද කුකුල් මස් ඉස්ටුවක් හා කළු පාන් අනුභව කළෙමු.  අපට ආහාර ඛෙදූ වේටර්වරයා පසමිතුරු ආකාරයෙන් අප දෙස බැලීය. වරින් වර ඔහු ෂිගනි භාෂාවෙන් කුමක්දෝ තොල් මැතිරීය. මීනා   ගේ කරේ තිබූ රත්රන් කුරුසිය දෙස බැලු ඔහු එයට විරිත්තුවේය.

 

වේටර්ගේ සහ තානායම්කරුගේ මිත්රශීලීබවින් තොර සත්කාරය අපගේ සිත් නොගත්  නමුදු කෑම හා නවාතැන් සඳහා ගෙවීමට දොස්තර   සේවුඩ් ඩ්රැකියුලා මන්දිරයෙන් ලබාගත් රන් කාසියක් තනායම්පල්ලා අත තැබීයශුද්ධ වස්තුවක් අතට ගන්නාක් මෙන් එය දෝතින් ගත් තානායම්පල්ලා දොස්තර සේවුඩ් දෙස හෙළුවේ නපුරු බැල්මකි.

 

දහවල් වනවිට අපගේ බඩුබාහිරාදිය බුඩාපේස්ට් දුම්රිය පොළට ගෙනෙන ලෙස අපි  තානායම්කරුට දැණුම් දුන්නෙමු. ඔහු ඊට අවනත විය. බුඩාපේස්ට් සිට දුම්රියෙන් බෙල්ජියම දක්වා ගොස් එතැන් සිට ඩෝවර් බලා යන දුම්නැව අල්ලා ගැනීම අපගේ මීළග සැලැස්ම විය.

 

 

නොවැම්බර් 27

බූඩාපේස්ට් සිට ඛෙල්ජියම දක්වා අප දුම්රිය මගින්ද, අශ්වකරත්ත මගින්ද පැමිණියේ නොයෙකුත් ප්රමාදවීම්වලට මුහුණ දෙමිනි. ඔස්ටින්ඩේ සිට ඩෝවර් බලායන දුම්නැව අපට මගහැරුණු හෙයින්, අතිරේක දින තුනක් මීළග දුම්නැව එනතෙක් බලාසිටීමට අපට සිදුවිය. රේගු පරීක්ෂා කිරීම් වලදී දොස්තර   සේවුඩ් ඩ්රැකියුලා  මන්දිරයෙන් ගෙන රන් කිණිස්ස අසු වූයෙන්, අපට රේගු නිළධාරීන් සමග තර්ක කරන්නට සිදුවිය. එය කෞතුක වස්තුවක් බව ඔවුන් කියා සිටියහ. අවසානයේදී  සේවුඩ් තම සාක්කුවට අතදමා රන් කාසි අහුරක් දී ඔවුන්ගේ කට වැසීය.

 

නොවැම්බර් 30

අද දින සවස ඩෝවර් බලායන දුම් නැවට අපි ගොඩ වෙන්නෙමු. අප සැම දෙනාට එය සුභ ආරංචියකි.

 

දෙසැම්බර් 03

යලි ලන්ඩනයේ අප නිවෙසට පැමිණිමට ලැබීම කොතරම් සතුටක්ද? වීනාද එම සතුට අත්වි`දින්නීය. තව වසර දහයකින්වත් යළි ට්රාන්සිල්වේනියාවට යාමට සිත් නොදේ.

 

දෙසැම්බර් 06

අපගේ චාරිකාවේ විස්තර දොස්තර  වැන්හෙල්සින් මම ලියුවෙමි.

 

දෙසැම්බර් 23

මෙතරම් කලින් දොස්තර වැන්හෙල්සින්කිගෙන් පිළිතුරක් ලැබීම විශ්මය ජනකය. ලන්දේසි නෞකා ඉංගී්රසි නෞකාවලට වඩා වේගයෙන් ගමන් කරන බව පෙනී යයි.  වැන්හෙල්සින් ගේ ලිපිය ඉතා විශාලය. ලිපියට අමතරව ඔහු පැරපොත් දෙකක්ද එවා තිබු‚.

 

ඩ්රැකියුලා මන්දිරයේදී දොස්තර  සේවුඩ්ගේ ඇඟිල්ල කැපීයාම හා ලේ බින්දු බිම වෑටීම ගැන දොස්තර  වැන්හෙල්සින්  තම නොසතුට පළ කොට තිබු‚. මමද එයට එකඟ වෙමි. අප විනාශ කළ ඩ්රැකියුලාගේ ශරීරය ධූලිවී ගිය අයුරු අපි දුටුවෙමු. එම දූවිලි සුළගට ගසාගෙන මන්දිරය තුළට පැමිණියේ නම්, මිනිස් ලේ බිඳක්  එම දූවිලි මතට වැටුණු වහාම යළි ඩ්රැකියුලාට සකි්රය විය හැකිය. එවැනි විනාශකාරී අත්වැරැද්දක් නොවේවායි මම දහස් වරක් ප්රාර්ථනා කරමි.

 

නවකතාවක් බඳු වූ මෙම අද්භූත දිනපොත තරුණ වෛද්යවරයාගේ සිත්ගත්තේය. ඔහු එය මධ්යම රාති්රය වනතෙක්ම කියවූයේ අභිරුචියෙනි.  රෝහල් ඇෙ`ද් අසිහියෙන් වැතිරී සිටින මහල්ලා බොහෝ රටවල් වල සංචාරය කොට ඇති අයෙකු බව වෛද්යවරයාට වැටහු‚. එහෙත් මහල්ලාගේ දිනපොතේ සඳහන්වන මිත්යා කතා තරුණ වෛද්යවරයාගේ සැලකිල්ලට පාත් නොවීය. පිටු ගැලවී ඇති නිසා දිනපොතේ සටහන් කාලයට අනුකූල නොවුණි. ඇතු` පිටුවල තීන්ත බො`දවී ගොස් ඇති නිසා කියවීමට අපහසුය. එහෙත් දිනපොතේ මීළග සටහනට වෛද්යවරයාගේ දෙනෙත් යොමුවිය.

 

අප්රේල් 27

දොස්තර  සේවුඩ්ගේ මරණය මට ප්රහේළිකාවකි. ඔහුට කිසි`දු සතුරකු සිටියේ නැත. කිසිම අසනීපයක් තිබුණේද නැත. ඩ්රැකියුලා මන්දිරයේ සිට ඔහු ගෙන රන් කිනිස්ස ඔහුගේ හදවතට ඇන්නේ කවුද?

 

රෝහලේ සේවකයන් කියන පරිදි එදින සවස ඔහු පුරුදු පරිදි රෝගීන් බලා තම කාමරයේ දොරවසාගෙන නින්දට ගොස් ඇත. යම්ලෙසකින් රෝගියෙකුට අසාධ්යවුවහොත් තමා අවදිකරවන ලෙස ඔහු සේවකයන්ට  කියා තිබේ. එදින රාති්රයේ අශ්වකරත්තයකට අසුවී බරපතල තුවාල ලබූ ළමයකු රෝහලට ගෙන ආවෙන් රෝහල් සේවකයන් දොස්තර සේවුඩ්ගේ දොර තට්ටුකර තිබේ. දිගින් දිගටම තට්ටු කළමුත් කිසිදු ප්රතිචාරයක් නොලත් හෙයින් අවසානයේදී ඔවුන් දොස්තර   සේවුඩ්ගේ කාමරයේ දොර කඩන ලදී.

 

හදවතට අනිනලද කිනිසි පහර නිසා දොස්තර සේවුඩ් ලේ විලක ඇඳමත මැරී සිටිනු ඔවුන් දැක ඇත. ඔහුගේ මුහුණේ වචනයෙන් කිය නොහැකි භීතියක ලකුණු තිබිණු බව ප්රධාන රෝහල් සේවකයා මා සමග කීය. තම මරණයට පෙර මිනීමරුවාගේ මුහුණ දැකීම නිසා දොස්තර සේවුඩ් අතිශයින්ම බියට පත්වූබව මින් උපකල්පනය කළහැකිය. එවැනි බියක් ඔහුතුළ ඇතිකළ හැක්කේ කාටද? මියගිය රෙන්ෆීල්ඩ්ට වුවද ඔහු බිය නොවන බව සහතිකය. ඔහුට භීතිය ගෙනදීමට සමත් එක් පුද්ගලයෙකු ගැන මම දනිමි. එහෙත්     පිළිබඳව කල්පනා කිරීමට පවා මම මැලි වෙමි.

 

දොස්තර සේවුඩ්ගේ මරණයේ අභිරහස විසඳිය හැක්කේ දොස්තර වැන්හෙල්සින්ට පමණය. අවාසනාවකට මෙන් මහල්ලා පසුගිය නත්තලේ ජන්මාන්තරගතවිය. දොස්තරවැන්හෙල්සින්ගේ මරණය මට ඉමහත් පාඩුවකි. ඔවුන් දෙදෙනාගේම ආත්මයන්ට මම යාඥා කරමි.

 

 

 

දෙසැම්බර් 07

දොස්තර  සේවුඩ් ඝාතනය කොට මාස අටකට වඩා ගතවී තිබේ. තවමත් ඔහුගේ මරණය පිළිබඳ කිසිදු හෝඩුවාවක් නැත. තොම්සන් පොළිස් ලොක්කා අද හෙටම මිනීමරුවන් අත්අඩංගුවට ගන්නා බව මා සමඟ කිවේය. එහෙත් මම ඔහුගේ කටමැත දෙඩවීම් ගැන මායිම් නොකරමි.

 

ජනවාරි 08

අද මම මගේ ජිවිතයේ පනස්වන උපන් දිනය සැමරුවෙමි. මගේ ආදර මීනා   මා අසල සිටීම මට මහත් ශක්තියකි. අප දෙදෙනා මුහුණ දුන් ප්රශ්න කොතෙක්ද? එහෙත් අපි   සියල්ල ජයගතිමු.

 

 

පෙබරවාරි 03

මම ඊයේ රාති්රයේ බිහිසුණු සිහිනයක් දුටිමි.  මා නින්දේ සිටියදී කවුන්ට් ඩ්රැකියුලා අපගේ නිදන කාමරයට පැමියේය. ඔහු මා මුලින් දුටුවාට වඩා මහළුවී  සිටියේය. ඔහු  මීනාගේ නළල සිම්බේය. මට බියක් හා කෝපයක් දැණුනි. මා දෙස තම ගින්දරවන් දෙනෙත්වලින් බැලු කවුන්ට් තව ටික දිනකින් මීනා  තමා සතුකර ගන්නා බව අමනුෂ් හඬකින් කීවේය. තැති ගැනීම නිසා මම අවදිවූයෙමි. කාමරයේ කිසිවෙකු නැත. මීනා  සන්සුන්ව නිදා  සිටින්නීය. දෙවියන්ට  ස්තූතිවේවා. එය සිහිනයක වීම කොතරම් භාග්යයක්ද?

 

මාර්තු 04

මීනා තුළ යම් යම් වෙනස්කම් දකින්නට තිබේ. ඇය මා සමග වැඩිපුර සල්ලාපයට නොඑයි. දිනක් ඇය මධ්යම රාති්රයේ මා අවදිකොට ඇයට ලූසී කථා කළබව කීවාය. ලූසී ඇයට කථා කිරීමට කිසිදු ඉඩක් නැත. දොස්තර  වෑන්හෙල්සින්කි ලූසීගේ ගෙළ කපා ඇයගේ හදවත හරහා ලී උලක් යැවු අයුරු මා සමඟ කියා තිබේ. එය මනස්ගාතයක් විය හැක.

 

මාර්තු 12

ඊයේ රාති්රයේ ලූසී පැමිබව මීනා මට කීවාය. ලූසීගේ අමනුෂ් ආත්මය දොස්තර  වෑන්හෙල්සින් මුදාගත් අයුරු මම මීනාට පැහැදිලි කළෙමි. ඇය නිශ්ශබ්දව මට සවන් දුන්නා පමණය.

 

මාර්තු 26

රාතී් නින්දේදී ඇය මා අවදි කළාය.

 සවන් දෙන්න, සවන් දෙන්න ඇය මට කීවාය. ලූසී ඇවිදින ශබ්දය ඇහෙනවාද?   ඇය මගෙන් ඇසුවාය.

 

මම  හොඳින් කන් යොමාගෙන සිටියෙමි. ලී පොලොවේ යමෙකුගේ අඩි ශබ්දය මටද ඇසුණි.  ලාම්පුව දැල්වූ විට මා කිසිවෙකු දුටුවේ නැත. එය මීයන් විසින් ඇති කරන ලද ශබ්දයක් විය හැකිය.

 

අප්රේල් 03

මීනා ආහාර වර්ජනය කරන්නීය. මම ඇයට බ්රැන්ඩි වීදුරුවක් දුන්නෙමි. ඇය කවුන්ට්ගේ රුධිරය ඉල්ලූවාය. තැතිගත් මගේ අතින් බ්රැන්ඩි වීදුරුව බිම වැටී ගියේය. කවුන්ට් ඇයට ඔහුගේ අපිරිසිදු රුධිරය බොන්නට දුන් අයුරු ඇයගේ සිතේ තවමත් සනිටුහන්ව තිඛෙන හැඩයි.

 

අප්රේල් 06

මීනා දිගින් දිගටම ආහාර වර්ජනය කරමින් සිටින නිසා ඇය කෙට්ටුවීමට පටන් ගෙන තිබේ. ඇය රෝහල් ගත කිරීමට මම අදහස් කරමි.

 

 

අප්රේල් 07

රෝහල් ඇෙ`ද් මීනා සන්සුන්ව වැතිරී සිටියාය. රෝහලේ හෙදි කන්යා සොයුරියගේ යකඩ කුරුසයට ඇය බියක් පෙන්වූවාය. ඇය තම දුබල අත්වලින් කන්යා සොයුරියට ඉවතට යන ලෙස කීවාය. කන්යා සොයුරිය ලතින් පාඨයක් කියා ඉවත්ව ගියාය.

 

අප්රේල් 08

මීනා පහත් `ඩින් කාටදෝ ආමන්ත්රණය කරන්නීය. එම භාෂාව මට ආගන්තුකය. එය ෂිගිනි හෝ ස්්ලෝවෙයාන් පවුලට අයත් භාෂාවක් විය යුතුය. ඇයට අසිහියෙන් මෙම භාෂාව කතා කිරීමට හැකියාව ලැබුණේ කෙසේදඑය​ මට විශ්මයකි.

 

අප්රේල් 10

මීනා දිගින් දිගටම අසිහියෙන් දොඩවන්නිය. ඇය කිහිපවරක් කවුන්ට්ගේ රුධිරය ඉල්ලූවාය. අසිහියෙන් සිටියද යකඩ කුරුසිය පැළදි කන්යා සොයුරියන් ඇගේ කාමරයට පැමිවහාම ඇය ඉද්ද ගැසුවාක් සේ බයින් ත්රාස්තව නැගටියි. රෝහල් හෙදියෝ හවස දේව මෙහෙය පවත්වන විට ඇය අත්වලින් දෙසවන් වසා ගනියි. මීනාට ප්රතිකාර කිරීමට හෙට ෂෙෆීපීල්ඩ් සිට විශේෂඥ  වෛද්යවරයෙක් පැමිණිමට නියමිතය.

 

අප්රේල් 12

ෂෙෆීල්ඩ් සිට පැමිවෛද්  බැසිල් ෂොක්මන් හටද මීනාගේ රෝගය ප්රහේලිකාවක් විය.  ඔහු ඇයට රසදිය අඩංගු ඛෙහෙතක් දුන්නාය. එහෙත් එයට කිසිදු ගුණයක් ඇතිවූ බවක් නොපෙනේ. සවස අපගේ පුත් ක්වින්සිද පැමිණ ඇයට කථාකළ නමුදු මීනා ඔහුටද ප්රතිචාර නොදැක්වූවාය.

 

අප්රේල් 13

මගේ ජවිතයේ අවාසනාවන්තම දිනය අදයි. මා අදරැති මීනා අද උදයේ අවසන් හුස්ම හෙළුවාය. ඇය මා තනිකර ගියේ මන්ද?

 

අප්රේල් 20

මීනා නොමැති නිවස මට පාලූය. ක්වින්සි රැකියාවක් සඳහා ස්කොට්ලන්තයට ගොසිනි. මම මෙම පාළු ගෘහයේ තනිවී සිටිමි.

 

මැයි 02

මම සවස් යාමයේ මගේ රැවුල කපමින් සිටියෙමි. මට එකවරම අපුල දුර්ගන්ධයක් දැනිණි. එය මුල් වතාවට ඩ්රැකියුලාගේ ප්රශ්වාස හුමාලය මගේ නාසයට ඇතුල්වූ අවස්ථාව මට සිහිපත් කළේය. එය කුණුලේ අමාශික යුෂ හා වමනය ගඳ මිශ්රව එන අපුල ගඳකි. ඩ්රැකියුලා සිටුවරයා මා පසුපස සිටින බව මට හැඟ=ණෙන් මම එකවර ඛෙල්ල හරවා පසුපස බැලූවෙමි. මළානිකව දැල්වෙන ලාම්පුව මවන අඳුරු සෙවණැලි මිස කාමරයේ කිසිවෙකු නැත. මා එකවර ගෙළ හරවා පසුපස බැලීම නිසා දැළිපිහියට මගේ කම්මුල මඳක් කැපී තිබු‚. මට ඩ්රැකියුලා මන්දිරයේ සිද්ධිය මතක්වූ හෙයින් මගේ ගතේ හිරිගඩු පිපුණි.

 

මැයි 08

මට ඊයේ රාති්රයේ නින්ද නොගියේය. මම මගේ කාමරයේ ඇඳේ වැතිර හුදකලාව සිටියෙමි. මීනා නොමැති නිසා මට පාළුව දැනේ. කවුළුව තුළින් සඳරැස් කාමරයට වැටී ඇත. මට ඩ්රැකියුලා මන්දිරයේ සඳරැස් තුළින් මතුවූ අමනුෂ් රූමතියන් තිදෙනා මතක්විය.  මම ඔවුන්ගේ සරාගී සිරුර සිතෙන් ස්ඵර්ශ කෙළෙමි. මහළු  වයසේ සිටින නමුදු මගේ ඉන්දි්රයන් ඉන් ප්රාණවත් වේ. මට මීනා පිළිබඳ මතකය සිහියට නැගි‚. මම වහාම එම පාපකාරී සිතිවිල්ල සිතෙන් පළවා හැරියෙමි. සඳරැස් කාමරයට නොවැටෙනු වස් මම කාමරයේ කවුළුව වසා දැමීමි.

 

ජුනි 02

මම රාති්රයේ නිසලව වැතිර සිටියෙමි. නින්ද නොයන නිසා මම මගේ දිනපොත අතට ගත්තෙමි. මහා මූසල ගතියක් මට දැනේ. මගේ නිදන කාමරය අසල ජනේලයේ වවුලකු තටු ගසන්නාක් වැනි `ඩක් මට ඇසේ. එම ශබ්දයට මගේ ගත හිරිවැටී යයි.

 

ඈතින් වෘක රංචුවක් උඩුබුරණු ඇසේ. මෙය මායාවක්ද? මධ්යම ලන්ඩනයේ වෘකයන් සිටිය නොහැකිය. එහෙත් වෘක නාදය යවුල් හඬක් සේ මගේ ශ්රවණ ඉන්ද්රිය හරහා යයි. මහා වේගයෙන් සුළං හමයි. ළඟ ළඟ එන මහා කුණාටුවක පෙර නිමිත්තකි.  

 

මොහොතකදී ධාරානිපාත වර්ෂාවක් ආරම්භ විය. සුළං රැල්ලකට කාමරයේ වූ ලාම්පුව නිවී ගියේය. අඳුර නිසා මට කිසිවක්ම නොපෙනේ. විදුලි කෙටීමක් සමග දෙසවන් බිහිරි කරවන මේඝ ගර්ජනාවක් ඇසු‚. විදුලිකෙටීම නිසා මොහොතකට අඳුරු කාමරය ආලෝකමත් විය. එම ආලෝකය අතරින් මම කවුන්ට්ව දුටුවෙමි. ඔහුගේ රත්පැහැති දෙනෙත්්,  ඇත්දළ පැහැති දඩයම් දත් හා වියරු සිනහව දුටු මම වහාම කොට්ටයට මුහුණ තදකරගෙන බයිබලයේ 13 වැනි පර්ච්ඡේදයේ පාඨයක් මතකයෙන් කියාගෙන ගියෙමි. අහෝ  ඩ්රැකියුලාගේ ශාපය මගේ මුළු ජීවිතයම වෙළාගන තිඛෙන හැඩයි.

 

ජුනි 03

ඩ්රැකියුලාගේ ශාපය මගේ මු ළු ජීවිත කාලය තුළම මා අත් නොහරින බව මට සිතේ. ආධුනික නීතිඥයෙකු ලෙසට මා මහත් බලාපොරොත්තු ඇතිව ට්රාන්සිල්වේනියාවට ගියෙමි. මට සිදුවූයේ අනපේක්ෂිත, අමානුෂික අත්දැකීමකට මුහුණ දීමටය. රෙන්ෆීල්ඩ් මෙන් මා මියගියේ නම් මැනවි. මට ජීවත් වීමට ඉඩ ලැබුණු නමුදු ඩ්රැකියුලාගේ ශාපය මා පසු පසම එයි. ඩ්රැකියුලාගේ ශාපයෙන් මිදීමට මා එදා ඔහුගේ මාලිගයේ සිට ප්රපාතයට පැන්නෙමි. මා මිය නොගියේ මන්ද? මා මිය නොගියේ ගල් කුලක් වෙනුවට ගංගාව මා පිළිගත් නිසාය.   එදා ගල්කුලක් මා පිළිගත්තා නම් මගේ විඳවීම නිමවී බොහෝ කල්ය.

 

ජුනි 20

රාති්රයට නිවසේ අඩි ශබ්ද මට ඇසේ. මා හැර තවත් අයෙකු මගේ නිවසේ සිටින බව මට හැෙ`ග්. මගේ ` වටා සුදු`ළුණු මල් එල්ලා,  ඉහ ඉද්දර ලී කුරුසියක්ද,  මගේ කොට්ටය යට  ශුද්ධ වූ ජලය අඩංගු කුඩා බෝතල් කුප්පියක්ද තිබේරාත්රිය මා සුරක්ෂිතය. එහෙත් හැම විටම මා දවාලන බය මා මරා දැමීමට පවා සමත්ය.

 

ජුනි 26

අපගේ වීදි අමදින්නා මා හමුවීමට පැමිණියේය. පෙරදා හිරු උදාවට පැයකට පමණ පෙර උස්වූ, මදක් කුදු, කලූ කබායක් ඇඳගත් විදේශිකයකු බඳු  අයෙක් මගේ නිවසේ සිට මාර්ගයට අවතීර්ණ වූ බව හෙතම මට කීවේය. ඔහු මෙම පුද්ගලයාට කතා කළ නමුදු අමුත්තා මීදුම විසින් ගිල දැමුවාක් මෙන් ආගිය අතක් නැතිව අතුරුදහන් වී තිබේ. තමා බීමතින් සිටි නිසා මෙය මනෝ විකාරයක් විය හැකි බවද වීදි අමදින්නා ප්රකාශ කළේය. මම ඔහුට අමුත්තා ගැන විපරමින් සිටින ලෙස පවසා ෂිලිං භාගයක් දුනිමි. මුදල් අතට ගත් ඔහු මට හිස නමා ආචාර කොට පිටත් විය.  

 

ජුනි 28

වීදි අමදින්නා දැක ඇත්තේ කවරෙක්ද? ඔහු කවුන්ට් ඩ්රැකියුලාද? මගේ නිවසේ වාසය කරන තැනැත්තා කවුද? ඔහු මායාවක්ද? කවුන්ට්ගේ උපක්රමයක්ද? මට තවදුරටත් මෙම නිවසේ වාසය කළ නොහැක. මගේ හිස භ්රමණය වේ. මගේ ශරීර ශක්තිය අඩුවී යයි. මට ක්ලාන්ත සෑදෙනවා විය හැකිය.

 

තරුණ වෛද්යවරයා මහල්ලාගේ දින පොතේ අවසන් සටහනද කියෙවුවේය. මහල්ලාගේ රෝගය තවම ඔහුට ප්රහේලිකාවකි. දිනෙන් දින මහල්ලා දුර්වල වී යයි. රෝගියාගේ අවසන් හෝරාව ලඟා වී ඇති බව වෛද්යවරයා දැනගත්තේය.

 

එදින සැන්දෑවේ මහල්ලා අවසන් හුස්ම හෙළීය. මහල්ලාගේ මරණයෙන් පසුව ඔහුට ප්රතිකාර කළ තරුණ වෛද්යවරයා පහත දැක්වන සටහන තැබීය.

 

මෙම මස 12 වැනි දින අපගේ රෝහලට ඇතුළත් කරන ලද ජොනතන් හාකර් නැමති රෝගියා අද දින 6.20 මිය යන ලදී. ඔහු රෝහලේ සිටියේ අඩ සිහියෙනි. මෙම රෝගියා දීර්ඝ කාලයක් පුරාම අනියත බියකින් පෙලූණු බව මට සිතේ. නීතීඥයකු වූ ඔහු තරුණ කාලයේ දේශාටනයේ යෙදී ඇත. නොදියුණු නැගෙනහිර යුරෝපයේ මනස්ගාතවලින් හිස පුරවාගත් රෝගියා තමා විසින්ම නිර්මාණයකරගත් බියකින් ජීවත් වූ බව පෙනේ. මධ්යතන යුරෝපයේ මිත්යා ආකල්ප තවමත් අපගේ ඉංගී්රසි සමාජය තුළ තිඛෙන බව මෙම රෝගියාගේ දින පොත කියවන විට මට  හැඟී යයි. මෙම රෝගියා අපගේ වියානාවේ මහා වෛද් චාකෝට් හට හොඳ​  සිද්ධි අධ්යයනයක් වීමට ඉඩ තිබු‚. එහෙත් අවාසනාවකට මෙන් රෝගියා තුළ වූ බිය ඔහුගේ් දුර්වල හදවතට තවදුරටත් දරාගත නොහැකි නිසා ඔහුගේ මරණය සිදු විය.

 

ජොනතර් හාකර්  මහතාගේ මරණය පිළිබඳව ස්කොට්ලන්තයේ සිටින ඔහුගේ එකම පුත් ක්වින්සි හාකර් මහතා වෙත ටෙලිග්රාෆ් පණිවිඩයක් දීමට මම කාර්ය මණ්ඩලයට උපදෙස් දුනිමි.

 

අත්සන් කළේ ,

 

දොස්තර රොබට් ඉන්ග්රඩ්

නේවාසික වෛද් –    සෙන්ට් තෙරේසා රෝහල.

Leave a Reply

You must be logged in to post a comment.

 

 


Copyright © 2024 LankaWeb.com. All Rights Reserved. Powered by Wordpress