සිංහල ජාතිකත්වය වෙනුවෙන්
Posted on March 9th, 2015

නලින් ද සිල්වා

පසුගිය ජනාධිපතිවරණයේ දී ද මතුවීමට තිබුණේ සිංහල ජාතිකත්වය ය. අපි ඒ බව සංධානයට කීවෙමු. එහෙත් එහි ජනාධිපතිවරණ ප්‍රචාරක කටයුතු මෙහෙයවූවෝ අවසන් සතිය දක්වා ම ජාතිකත්වය අමතක කළහ. ඒ අතර සිදුවූයේ ජාතිකත්වය අමතක කර ඊනියා දුෂණය ගැන කතාකිරීමට එ ජා ප ප්‍රචාරකයන් ඉදිරිපත් වීම ය. අවුරුදු තුනකට වැඩි කලක් තිස්සේ එ ජා ප මේ ප්‍රචාරය ගෙන ගොස් තිබිණි. එහි දී ඔවුන්ට ඇමරිකාව ප්‍රමුඛ  (සිංහල ජාතිකත්වයට එරෙහිව දෙමළ ජාතිවාදය ඇති කළේ එංගලන්තය වුවත් අද එය මෙහෙයවන්නේ ඇමරිකාව ය) බටහිරයන්ගේ හා ඉන්දියානුවන්ගේ සහාය නොමඳ ව ලැබිණි. ඉන්දියාවේ උගත් රෝ ඔත්තු සේවයට වැඩ කරන සිංහලයෝ මෙහි දී විශේෂයෙන් යොදාගනු ලැබුණහ. මේ එකකු මා හමුවීමට ද පැමිණියේ කොටින්ට විරුද්ධව රණවිරුවන් කළ මෙහෙයුම් ඔහු ඉන්දීය දෘෂ්ටි කෝණයකින් විස්තර කර ලියූ පොතක් ද රැගෙන ය. කළ යුතු පරිද්දෙන්ම මම ඔහු ගෙදරින් එළවා ගත්තෙමි.

සිංහල ජාතිකත්වය හා සිංහල බෞද්ධ චින්තනය විස්තර කරන ලිපි ඉදිරියේ දී තව තවත් ලිවීමට බලාපොරොත්තුවෙමි. එහෙත් කිව යුත්තේ බටහිර හා ඉන්දීය ගැත්තන් කෙසේ කීව ද සිංහලයන්ගේ ඡන්දවලින් 65%ක් හෝ සිංහල බෞද්ධයන්ගේ ඡන්දවලින් 70%ක් හෝ ගත්තේ නම් මහින්ද රාජපක්‍ෂ මහතාට ජනාධිපතිවරණය ජයගැනීමට තිබුණු බව ය. බටහිරයෝ ද ඉන්දියානුවෝ ද එය දැන සිටියහ. එබැවින් ඔවුන්ට අවශ්‍ය වූයේ 65% ඡන්දය අඩුකිරීම ය. ඒ සඳහා ඔවුහු වෙනසක් අවශ්‍යය, දූෂණයට එරෙහි විය යුතු ය, ඊනියා සාධාරණ සමාජයක් බිහිකළ යුතුය, ඊනියා යහපාලනයක් ඇතිකළ යුතු ය, ඊනියා පිවිතුරු හෙටක් උදාකළ යුතු ය ආදී සිහින ඡන්දදායකයා, විශේෂයෙන් ම තරුණ ඡන්දදායකයා හමුවේ තැබූහ. එහි දී ඔවුහු, විශේෂයෙන් ම බටහිරයෝ , සයිබර් අවකාශය යොදාගත්හ.

ජ වි පෙරමුණේ මිනීමැරුම්, බටලන්ද, වයඹ පළාත් සභා ඡන්දය, වෝටර්ස් එජ් ආදී කිසිවක් ගැන පමණක් නොව කොටි බෝම්බ ගැන ද නොදත් තරුණ තරුණියෝ ජාතිකත්වය පිළිබඳ අවබෝධයක් නැතිව මෛත්‍රිපාල සිරිසේන මහතාට ඡන්දය දුන්හ. මහින්ද රාජපක්‍ෂ මහතාට ලැබුණේ දළ වශයෙන් සිංහලයන්ගේ ඡන්දයෙන් 58%කි . එය 65%ට වඩා අඩු විය. බටහිරයන්ගේ හා ඉන්දියානුවන්ගේ ජයග්‍රහණය වූයේ 65%, 58% දක්වා අඩුකිරීම ය. අද ඉන්දීය ඔත්තු සේවයේ පදනම් නැති ඊනියා පඬියෝ එය තවත් අඩුකිරීමට ශ්‍රී ල නි පක්‍ෂය නොමග යවති. 

ශ්‍රී ල නි පක්‍ෂය බණ්ඩාරනායක මහතාගේ නිර්මාණයක් නො වේ. එය සිංහල ජාතිකත්වයේ නිර්මාණය ය. බණ්ඩාරනායක මහතා බිහි කළේ බටහිර අච්චුවේ ලිබරල් පක්‍ෂයකි. ඒ මහතා ඩඩ්ලි සේනානායක මහතා ආදීහු බටහිර අච්චුවේ පැරණි ලිබරල්වාදීහු වූහ. 1951 දී බිහි වූ ශ්‍රී ල නි ප සිංහල ජාතිකත්වයේ පක්‍ෂය බවට පත්වූයේ මින්නේරිය අතුරු මැතිවරණය ආසන්නයේ දී ය. 1952 මැතිවරණයේ දී ල ස ස පක්‍ෂයට වඩා ආසන සංඛ්‍යාවක් දිනා ගැනීමට නොහැකි වූ ශ්‍රී ල නි ප සිංහල රාජ්‍ය භාෂාව කළ යුතුය යන යෝජනාව සම්මත කර ගැනීමෙන් පසු මින්නේරිය අතුරු මැතිවරණය ජයගත්තේ ය. 1956 දී විප්ලවකාරී සමසමාජ පක්‍ෂය හා තවත් පක්‍ෂ කිහිපයක් සමග එකතු වී ම එ පෙරමුණ පිහිටුවා මැතිවරණය ජයගෙන ආණ්ඩුවක් ද පිහිටුවේ ය. 

පක්‍ෂය පිහිටුවා අවුරුදු පහකින් ශ්‍රී ල නි පක්‍ෂයට (එය ප්‍රධාන සංධානයකට) ආණ්ඩුවක් පිහිටුවීමට හැකි වීම සුළු පටු කරුණක් නො වේ.  ජ වි පෙරමුණට දැන් වයස පනහ ද පැන ගොස් ය. ල ස ස ප, කො ප ආදී පක්‍ෂවලට අවුරුදු හැත්තෑවට වඩා වැඩි ය. ජාතික හෙළ උරුමයට ජනතා තරුණයෝ කාලයේ සිට ගණන් බැලුවහොත් අවුරුදු විසිපහක් පමණ වෙයි. මෙයින් පෙනෙන්නේ ශ්‍රී ල නි ප හා සිංහල ජාතිකත්වය අතර ඇති සම්බන්ධය ය. බටහිරයෝ ඒ බව දනිති. ශ්‍රී ල නි පක්‍ෂයේ ජාතිකත්ව ප්‍රතිපත්ති වෙනස් කිරීමට  කිහිප වතාවක් ම ඔවුහු උත්සාහ කළහ. 

ශ්‍රී ල නි පක්‍ෂය හා සිංහල ජාතිකත්වය අතර කිසිම වෙනසක් නැතැයි මම නො කියමි. එහෙත් චන්ද්‍රිකා කුමාරතුංග ලවා සිංහල ජාතිකත්වයට එරෙහි වූ විවිධාකාර ගණවල මාක්ස්වාදියෝ ශ්‍රී ල නි පක්‍ෂයේ ජාතිකත්ව ප්‍රතිපත්ති නැතිකිරීමට උත්සාහ කළහ. එහෙත් එය අසාර්ථක විය. අද ද බටහිරයෝ ද ඉන්දියානුවෝ ද ඔවුන්ගේ ඔත්තු සේවාවල සේවකයෝ ද ශී්‍ර ල නි පක්‍ෂය ජාතිකත්වයෙන් ඉවත් කිරීමට උත්සාහ කරති. අද ශ්‍රී ල නි පක්‍ෂයේ ජාතිකත්වය නැති කිරීමට උත්සාහ කෙරෙන්නේ ඊනියා යහපාලනය, සාධාරණ සමාජය, විභීෂණය ආදී සංකල්පවලට මුවා වී ය. එහි දී මෛත්‍රිපාල සිරිසේන මහතා යොදා ගැනීමට ඔවුහු උත්සාහ කරති. ජාතිකත්වය ඇත්තේ ඇඳුමෙහි නොව යටත්විජිතවාදයෙහි, ඉන්දියානු කලාපීය ආධිපත්‍යයෙහි ඉත්තකු නො වීමෙහි ය. ඇතැම් විට ඊනියා විභීෂණ යනු රාවණගේ භීෂණයකට විරුද්ධව රාමලා ඉදිරිපත් කළ සංකල්පයක් මත ගොඩ නැගූ රාවණගේ සහෝදරයකු විය හැකි ය. විභීෂණගෙන් පසු ලංකාවට (එය කුමක් වුවත්, කොහේ තිබුණත්) සිදු වූයේ කුමක් ද? අද මෙරට සිදුවන දෙයින් අපට ඉතිහාසය වෙනත් අයුරකින් විස්තර කිරීමට ඉඩක් ලැබී ඇත.    

අද ශ්‍රී ල නි ප සිංහල ජාතිකත්වය හැර යෑමෙහි ඉඩක් ඇත. එසේ වුවහොත් සිංහලයන් ඉතා සුළු කලකින් ම සිංහල ජාතිකත්වයේ පක්‍ෂය ලෙස එක්කෝ වෙනත් පක්‍ෂයක් බිහි කරනු ඇත. එසේත් නැතහොත් ජාතිකත්වයේ සංධානයක් ගොඩනගනු ඇත. එවිට ශ්‍රී ල නි ප අභාවයට යෑම වැළැක්විය හැකි නො වේ. ඒ ගොඩනගන පක්‍ෂය ජාතික හෙළ උරුමය ය යන පාපී සිතිවිල්ල ඇතිකර ගත යුතු නො වේ. 

ජාතිය, ජාතිකත්වය, ජාතිකවාදය ආදිය ගැන ඊනියා ශාස්ත්‍රීය වශයෙන් කතාකිරීමට ගිය තැන මෙරට පඬියෝ බටහිර බුද්ධිමතුන් ඒ සම්බන්ධයෙන් ගොඩනගා ඇති ප්‍රවාද, සංකල්ප ආදිය යොදා ගනිති. එ ඔවුන්ට බටහිරයන් උගන්වා ඇති ආකාරයට ය. මෙරට පාසල්වල, විශ්වවිද්‍යාලවල උගන්වන්නේ බටහිර මතවාද ය. බටහිර විද්‍යාවට මුවා වී ඇදුරෝ බටහිර දැනුම මෙරට ප්‍රචලිත කරති. බටහිර විද්‍යාව ඊනියා වාස්තවික දැනුම් පද්ධතියක් ලෙස හඳුන්වනු ලැබෙයි. එහෙත් බටහිර විද්‍යාව යනු සාපේක්‍ෂ දැනුම් පද්ධතියක් බවත් ඒ නිර්මාණය වී ඇත්තේ ග්‍රීක යුදෙවු ක්‍රිස්තියානි චින්තනයෙහි බවත් තේරුම් ගැනීමටවත් මෙරට අනුකාරක උගතුන්ට විවේකයක් නැත. 

මේ අනුකාරකයන්ගෙන් ඉතා වැඩි පිරිස බෞද්ධයෝ වෙති. ඒ ඇතැම්හුූ දෙමළ ජාතිවාදයට ද විරුද්ධ වෙති. එහෙත් ඔවුන්ට බුදුදහම ගැන ඇත්තේ මෞර්යයන්ගෙන් හා බටහිරයන්ගෙන් ලැබුණු දැනුමකි. ඔවුන්ගේ බුදුදහම ද වාස්තවික වෙයි. තමන්ගන් බාහිර ව වාස්තවික ව පවතින ලෝකයක් ගැන මේ බෞද්ධයෝ විශ්වාස කරති. බුදුන් වහන්සේ ඒකාන්තව නිරීක්‍ෂකයාගෙන් බැහැර ව ලෝකයක් ඇති බව දේශනා කර ඇති සූත්‍රයක් උපුටා දක්වන මෙන් මම ඔවුන්ගෙන් ඉල්ලමි. එහෙත් ඒ සමග සංදර්භය ද සඳහන් කළන යුතු ය. බුදුන් වහන්සේගේ දේශනා සංදර්භයෙන් ස්වාධීන නො වේ. සුද්දන්ගේ අධ්‍යාපනයෙන් නොමග ගොස් ඇති බොහෝ සිංහල බෞද්ධයෝ සංදර්භයෙන් ස්වායත්ත වූ බුදුදහමක් ගැන කතාකරති. ඔවුහු සුද්දන් පසුපස ගොස් සංදර්භයෙන් පිට ගොස් බුද්ධ වචනය සාධාරණීකරණයට ලක්කර අඳුරේ අතපත ගාමින් වාස්තවික බුදුදහමක් සොයති. 

එ අතර තවත් සමහරු සිංහලකමෙන් තොර බෞද්ධකමක් ගැන කතා කරති. ඔවුහු ඕල්කට් බෞද්ධයෝ වෙති. ඔවුන්ට සිංහල ජාතිකත්වයක් නැත. ඒ අතර භික්‍ෂූන් වහන්සේ ද වෙති. ඕල්කට් බෞද්ධයෝ ද වාස්තවික බෞද්ධයෝ වෙති.් එහෙත් සිංහල ජාතිකත්වයෙහි ඇත්තේ සිංහල බුද්ධාගමකි. සිංහල ජාතිකත්වය වෙනුවෙන් අද කිරීමට ඇති ප්‍රධාන කාර්යයක් නම් බටහිර දැනුමෙහි වෙස් මුහුණ ගලවා දැමීම ය. බටහිර දැනුම බටහිර විද්‍යාවේ ආධිපත්‍යය මත රැඳෙයි. බටහිර විද්‍යාව වෙනත් සංස්කෘතියක නිර්මාණය වී ඇති බවත් එය පට්ටපල් බොරුවක් බව දැන ඉගෙන ගත යුතු බවත් සිංහල ජාතිකත්වයේ නාමයෙන් සිංහල බෞද්ධයකු ලෙස මතක් කළ යුතු ය. 

නලින් ද සිල්වා

2015 මාර්තු 08

9 Responses to “සිංහල ජාතිකත්වය වෙනුවෙන්”

  1. cwije Says:

    It is not enough to talk about nationalism. What about 13-A. 13-A is about Tamil racism and anti-Sinhala nationalism. You are with the pro-13A crowd. 87 PC members who came to Kandy meeting are pro 13-A sharks coming save their gold mine. MahindaR is pro 13-A. So do you think by trying to bring him back you are helping Sinhala Nationalism?

  2. Christie Says:

    Namaste: Indian intelligence service the Third Eye was engaged developing and uniting the Indian Union as well as the Indian Empire from its inception by Mohandas, Nehru and Bose. They new that with independence from the British the Indians will have to leave their colonies. For example Indian colonists had to leave Burma and Uganda. We had two agreements with Indian Empire to repatriate Indian colonists under Nehru-Kotalawala and Sirima-Shastri agreements. Indian Empire did not fully honor these two agreements. What we have to realize is that we are still subjects of the Indian Empire. Jai Hind.

  3. Leela Says:

    cwije, මහින්ද අගමැති අපේක්‍ෂක නොවන ශ්‍රිලනිපට මේ චන්දය දිනිය නොහැක. යතාර්තය එයයි. එවිට දිනන්නේ එජාපයය, අගමැති වන්නේ රනිල්ය. රනිල් යනු දෙමළ ජාතීවාදීන්ට 13A නොව කොන්-ෆෙඩරල් දෙන්න වලිකාපු අයෙකි. බැරිවෙලාවත් මහින්ද නැති ශ්‍රිලනිප දිනුවහොත් අගමැති වන්නේ සිරිපාලය. සිරිපාල යනු ශ්‍රිලනිප ප්‍රෝ 13A කල්ලියේ බලවත් සාමාජිකයෙකි. මහින්ද අඩුම ගනනේ දියාරු ප්‍රෝ ය. දැන් තිබෙන තත්වය අනුව එය හොඳටම අැතිය.

  4. Independent Says:

    ලීලානන් ද​,
    පළමුවෙන්ම අපි 13අ නිරුද්ධ කරන් පොරොන් දුව වාසු, විමල්, උදය තිදෙනාගෙන් ගනිමු.
    ඊලඟ මීටිමේ දී මෙය ප්‍රකාශ කර්න්න ඉල්ලා සිටිමු.
    ඔවුන් එසේ ප්‍රකාශ කලොත් පහුවදාට මමත් මහින් ද ගේ පිලේ.

  5. cwije Says:

    If a former president comes to politics again all his/her benefits must be removed. Not even the security given.

    This is a big joke. After ten years CBK or MR or even Ranil has no new ideas.

    SLFP if it is pro 13A, should be defeated. A person like Vidura Wickremanayaka or even Dinesh Gunawardena is better than Nimal Siripala or Premjayanth.

    If the stupid Sinhala Buddhist leaders and monks realize the danger of 13-A they would have come together to inform people of the danger.

  6. ranjit Says:

    Sinhalese must work together to save our Buddhist culture and the Buddhist religion without these two we Sinhalese cannot survive very long. Mahinda is the only leader at this moment we can have faith to help the nation to preserve both not any other leader. Chandrika is a witch who has come back to take revenge from the man who led us to victory over the LTTE killers. Ranil the pimp is a man who has taken over the Premiership by force and intend to keep it with the help of America and Indian spies. MY3 & Siripala as President and Opposition leader are both weak leaders who has no guts to stand up for foreign pressure and their demands. MY3 has no personality or wisdom to run a country with his poor back ground. He is a liar and a traitor more than anybody in S.L.F.P. He didn’t left the party for just nothing.He was been paid in millions by the western and Indian Govts and the evidence was there but not investigated yet. Why they haven’t investigate millions of foreign currency found in Ratmalana during the elections? What about the tape conversation by Rajitha the witch Doctor regarding a coup? Direct Involvement of Embassies to MY3’s election campaign? Champaka’s photo gimmick and many more of their dirty games?

    This idiotic Govt should not worry about Mahinda. We the people are there to protect him, to give him transport, to give money to start his movement. We all want only one thing from him just to come back to save Motherland from these hypocrits and western backed Mafia. He is the only hope no one else. Intellectuals,Buddhist priests,ordinary people all were doing an immense service to the Motherland by going from village to village,city to city explaining the danger ahead and the necessity to bring back our hero Mahinda to lead us. We have to thank them for keeping the pressure on this wicked Govt.

  7. Leela Says:

    cwije, You can have your own opinion on ex-presidents but you must not forget that 5.7 million people or 47.6% of the populace have voted for MR to elect him the President of Sri Lanka for some reason or the other. And those people still back him. And that’s the crux of the matter.

    It’s no secret that MR wants to limit the powers of 13A if not to abolish it, whereas, the new man at the helm is pro 13A to say the least. So, we need to stop that Ranil/Chandrika/Sirisena trend at the coming up elections.

    Hopefully Sinhala Buddhists are smart enough to know that any good politicians cannot be made a winner. They should know that selecting a leader is a question of getting priorities right in the right order. And that’s my opinion.

  8. S.A Says:

    නලින් ද සිල්වා මැතිතුමනි.ඔබ තුමාගේ සේවය අප ඉතා අගේකොට සලකමු. ඔඹ අප ජාතිය අවදිකරන මිනිපහනකි. වත්මන් පාලකයන් මගින් 13A ට විසඳුම් සොයන තම නම අගට උපාධි අකුරු ටිකක්දාගත් ඇතැම් කසිකබල් උගතුන් ගේ ඇතැම් ප්‍රතිචාරගැන නොසැලෙන්න. තව තවත් ලියන්න.

  9. NAK Says:

    The 13A is a must go.
    But, we are stuck with it as long as Indias security concerns are tied to it with the 87 Indo- SL pact. So, the first step to get rid of the 13A should be to get India’s security concerns addressed in a different way.
    For example Sri Lanka can and should work towards a new security pact with India addressing their concerns and our concerns making the 1987 Indo-SL pact irrelevant.
    Since we are not interested in doing anything harmful to India,signing such a pact with India should not be a problem and it will enhance the trust India places on SL and will cooperate more.

Leave a Reply

You must be logged in to post a comment.

 

 


Copyright © 2018 LankaWeb.com. All Rights Reserved. Powered by Wordpress