ඩිලාන් වාසු හඳුන්නෙත්ති ගයන අණ්ඩර දෙමළය
Posted on March 20th, 2015

නලින් ද සිල්වා

මෛත්‍රිපාල සිරිසේන ඩිලාන් පෙරේරාගේ පියා වූ මාෂල් පෙරේරා සබරගමුවේ ආණ්ඩුකාරයා ලෙස පත් කළේ ය. එයට රනිල් අනුමැතිය දුන්නාට සැකයක් නැත. අද ඩිලාන් ශ්‍රී ල නි පක්‍ෂයේ මාධ්‍ය ප්‍රකාශක ලෙස පත්වීමක් ලබා ඇත. මෛත්‍රිපාල ශ්‍රී ල නි පක්‍ෂයේ සභාපති ධුරය පික්පොකට් ගසා ඇති බැවින් ඔහු යටතේ කෙරෙන පත්වීම්වලට නීත්‍යානුකූල භාවයක් නැත. එහෙත් ඩිලාන් සිතා සිටින්නේ ඔහුට ශ්‍රී ල නි පක්‍ෂය වෙනුවෙන් කතාකිරීම පිය උරුමයෙන් ලැබුණු දෙයක් ලෙස ය. ඔහු පාර්ලිමේන්තුවේ දී පවසා ඇත්තේ දෙමළෙන් ජාතික ගීය ගැයීමට හැකි ය යන්න ශ්‍රී ල නි පක්‍ෂයේ ප්‍රතිපත්තිය බව ය. ඒ ප්‍රතිපත්තිය පක්‍ෂය විසින් පිලිගැනුණේ කවදා දැයි කලකට පෙර මහජන පක්‍ෂයේ සිටි ඩිලාන් හෝ ඔහුගේ පියා හෝ පවසන්නේ ද? 

මොවුන්ට ඇත්තේ ශ්‍රී ල නි ප ප්‍රතිපත්ති නොව රෝස පාට සමාජවාදයේ චන්ද්‍රිකා ප්‍රතිපත්තිය. ඩිලාන් කියා ඇත්තේ මහින්ද රාජපක්‍ෂ පැරදුණේ ශ්‍රී ල නි පක්‍ෂයේ ජාතිවාදී අන්තවාදී පිරිස් නිසා බව ය. එහෙත් ඩිලාන් නිමල් සිරිපාල වැන්නවුන් මහින්දට වැඩකළ තරම බදුල්ලේ ජනතාව දනිති. පසුගිය දා මෛත්‍රිපාල වෙනුවෙන් පක්‍ෂය දෙකඩ නොකරන්න යැයි ඉල්ලීමට  මහින්ද හමුවීමට ගිය ශ්‍රී ල නි ප නායකයන්ගේ කණ්ඩායමට ඩිලාන් ඇතුළත් වූ බවක් දැනගන්නට නැත. එහෙත් එහි ගිය පිරිසට බඩකට පුරා පිළිතුරු මහින්දගෙන් ලැබුණු බවට වාර්තා වෙයි. මහින්ද පැරදුණේ ඊනියා ජාතිවාදයක් නිසා නොව සිංහල ඡන්දවලින් 65%කට ආසන්න ප්‍රමාණයක් ලබාගත නොහැකි වූ නිසා ය. මෙවර ඔහුට ලැබුණේ සිංහල ඡන්දවලින් 58%ක් පමණ ය. එයට ඔත්තු සේවා, තරුණයන් නොමග යැවූ සයිබර් අවකාශය මෙන් ම සිංහල ජාතිකත්වය ඉදිරියට නොගෙන ඊනියා යහපාලනයකට ප්‍රධාන තැන දුන් අමන ශ්‍රි ල නි ප නායකයන් ද වගකිව යුතු ය. කෙටියෙන් කිවහොත් මහින්දගේ පරාජයට ඩිලාන්ලා, නිමල් සිරිපාලලා මෙන් ම මාධ්‍ය හැසිරවූ ඩලස්ලා හා බැසිල්ලා ද ඔවුන් යටතේ වැඩකළ ඔත්තු සේවා නියෝජිතයෝ ද සිංහලයන්ට විරුද්ධ වී අද ගලේ පැහැරූ බළලුන්ගේ තත්ත්වයට පත්ව ඇති ජාතික හෙළ උරුමයේ නායකයෝ ද වගකිව යුත්තෝ වෙති. මොවුන් ජාතික ව්‍යාපාරයේ හතර මායිමට වද්දා නොගත යුතු ය. මහින්ද පැරදුණේ ඊනියා ජාතිවාදයක් නිසා නොව ජනාධිපතිවරණයේ දී සිංහල ජාතිකත්වය ඉස්මතු නොකළ බැවිනි.

ඩිලාන් වාසු සහ හඳුන්නෙත්ති කියා ඇත්තේ ආණ්ඩුක්‍රම ව්‍යවස්ථාවට අනුව ජාතික ගීය දෙමළෙන් ගැයිය හැකි බව ය. ඔවුහු නොදන්නා අණ්ඩර දෙමළයකට ගොස් වරිගෙ නසති. මොවුන්ගේ අදහස් ගලා එන්නේ ජාතිකත්වයකින් නොව කසිකබල් මාක්ස්වාදයෙනි. ඒ කෙසේ වෙතත්, ඔවුන් හරිහැටි නොදන්නා ආණ්ඩුක්‍රම ව්‍යවස්ථාවේ හත්වැනි ව්‍යවස්ථාව අනුව ජාතික ගීය එහි තුන්වැනි උපලේඛනයෙහි දැක්වෙන පරිදි ශ්‍රී ලංකා මාතා විය යුත්තේ ය. ජාතික ගීයෙහි වචන හා සංගීතය එම උපලේඛනයෙහි ම සඳහන් වෙයි. එපමණක් නොව 83 වැනි ව්‍යවස්ථාවට අනුව හත්වැනි ව්‍යවස්ථාව සංශෝධනය කළ හැක්කේ පාර්ලිමේන්තුවේ තුනෙන් දෙකක බහුතරයකින් හා ජනමතවිචාරණයකින් ය. එය ව්‍යවස්ථාවෙහි සඳහන් නොවන ඊනියා ජාතික විධායක සභාවක මනෝ ගනේෂන් වැනි සිංහලත්වයට මෙරට හිමිතැන නොදෙන සිංහල විරෝධියකුගේ යෝජනාවක් සම්මත කර චක්‍රලේඛ මගින් කළ හැක්කක් නො වේ. මෛත්‍රිපාල තමාට දෙමළ ඡන්ද ලැබීම හේතුවෙන් දෙමළ ජාතිවාදයට කප්පන් දෙයි. හැකිනම් මනෝ ගනේෂන්ගේ යෝජනාවට පාර්ලිමේන්තුවේ තුනෙන් දෙකක බහුතරයක් ලබාගෙන ජනමත විචාරණයකින් ද ජයගන්නා ලෙසට අපි අභියෝග කරමු.  

දෙමළ ජාතිවාදීන් එදා සිට ම කටයුතු කළේ මෙරට සිංහලත්වයට හිමි තැන ලබා නො දීමට ය. සිංහල පමණක් රාජ්‍ය භාෂාව කිරීමට ඔවුන් විරුද්ධ වූයේ ද එබැවිනි. අද සිංහලෙන් පමණක් ජාතික ගීය ගැයීමට විරුද්ධ වන්නේ ද ඒ නිසා ය. ජාතික ගීය දෙමළෙන් ගැයීම කිසිසේත් යුක්තියුක්ත කළ නොහැකි ය. ඒ යෝජනාව හා යෝජකයන් පරාජය කළ යුතු ය. 

නලින් ද සිල්වා

2015 මාර්තු 20

 

6 Responses to “ඩිලාන් වාසු හඳුන්නෙත්ති ගයන අණ්ඩර දෙමළය”

  1. NAK Says:

    I normally am with what Prof. Nalin says. But here if he has taken this position solely because it is against the constitution to sing the national anthem in Tamil it is fair enough, but would be helpful if he can elabote why singing in tamil should not be facilitated.
    My own belief is that if the song in Tamil is identical to the Sinhala song in meaning,melody and rhythm there should not be a problem. Since those who want to sing in Tamil has no knowledge in sinhala is not entirely their fault. But by singing in Tamil with understanding and the feeling that they pledge allegience to and praise Sri Lanka is what we need, rather than just utter some words without knowing the meaning or the feeling it creates.

  2. NAK Says:

    Most Tamils not only in the north but in the central hills do not understad a word of Sinhala,mostly because they have no use for it. Only those who come down from the hills learn Sinhala. If they are allowed to learn in Tamil and allowed to live in the country as citizens is it not a second class treatment to deprive them the use their language in singing the National anthem? Isn’t it a pleadge of allegiance to this country?Isn’t it better to have it willingly with the understading it comes with.
    As long as it does not differ in meaning,melody and rhythm I don’t see any problem,after all all these are our own creations.
    It should not be however viewed as a victory to the seperatists but exactly the opposit.

  3. Leela Says:

    ඉන්දියාවෙ ලක්‍ෂ 700 ක දෙමළුන්ට ඉන්දියාවෙ ජාතික ගීය දෙමළෙන් කියන්න නැති රුදාවක් ලක්‍ෂ 30කට අඩුවෙන් දෙමළ ඉන්න ලංකාවෙ ජාතික ගීය දෙමළෙන් කියන්න ජාති වාදී වලිප්පුව මනෝ ගනේෂන්ට හැදිල. ඉන්දියාවෙ දෙමළ අය බර සන්ස්කෘතින හුරුවට බෙන්ගාලි භාෂාවෙන් ඉන්දියාවෙ ජාතික ගීය කියන්නෙ එ්කෙ තේරුම වැටහිලාද කියලයි මට NAK ගෙන් අහන්න වෙන්නෙ. මෙතන වෙන්නෙ සිරිසේන එයාට චන්දෙ දීපු මනෝ ගනේෂන් වගෙ ජාති වාදය කර පින්න ගත්ත උන්ට බය වෙලා ව්‍යවස්තාවට පටහැනිව කප්පන් දෙනව. අානන්ද සමරකෝන් ලංකාවෙ ජාතික ගීය ලිව්වෙ සිංහලෙන්. එනිසා ලංකාවෙ ජාතික ගීය සිංහලෙන් ගැයිමයි කල යුත්තෙ.

  4. NAK Says:

    This is not about Mano Ganesan or what they do in India. Sinhalese demand the loyality of the Tamils to this country, allow them to do it with understanding and feeling.
    I am a Tamil who has a goos understanding of Sinhala and whenever I hear or Sing the National anthem my eyes well my hairs stand and the throat limps with feeling. I am sure it is so for you too. I only say let them also have that feeling too.

  5. NAK Says:

    In third line it shloud be corrected as ‘good’.Don’t you think that is why the TN politicians always think seperatly from the other counter parts.

  6. NAK Says:

    What we have to be more obsernat about is if we have fallen for the bait.

Leave a Reply

You must be logged in to post a comment.

 

 


Copyright © 2024 LankaWeb.com. All Rights Reserved. Powered by Wordpress