මෛත්‍රිපාල මහින්දට ඇති බය
Posted on April 10th, 2015
නලින් ද සිල්වා
රාජිතලා ඊනියා දින සියය නොව වැඩ සියය කතා ද අවශ්‍ය වන්නේ දින සියයයෙන් මැතිවරණයකට යෑම නොව දින සියයට නියමිත වැඩ අවසන් වී මැතිවරණයකට යෑම ආදී කතා ද අසන්නට ලැබුණේ අප්‍රේල් 23 වැනි දා පාර්ලිමේන්තුව විසුරුවා නොහරින බවට නිකුත් කරන ලද පණිවුඩ ලෙස ය.
එහෙත් රනිල්ට අවශ්‍ය වූයේ අප්‍රේල් 23 වැනි දාට පාර්ලිමේන්තුව විසුරුවා හැර ඉක්මන් මැතිවරණයක් පැවැත්වීම ය. එ ජා පක්ෂය කල්පනා කළේ ශ්‍රී ල නි පක්ෂය දෙකඩ වී ඇති අවස්ථාවෙහි මැතිවරණයක් පවත්වා ජයග්‍රහණය කිරීම ය. ඔවුන් දැන සිටි කරුණ නම් මෛත්‍රිපාල එ ජා ප වෙනුවෙන් මැතිවරණ වේදිකාවට නොනගින බව ය. කෙසේ වුවත් ජාතිවාදී හා ආගමිකවාදී ජනවාර්ගික පක්‍ෂ වූ දෙමළ ජාතික සංධානය, මුස්ලිම් කොංග්‍රසය ආදිය සමග එක් වී මැතිවරණයෙන් පසුව ආණ්ඩුවක් පිහිටුවා ශ්‍රී ල නි පක්‍ෂයේ විශාල පිරිසක් බාගෙන ඊනියා ජාතික ආණ්ඩුවක් කරා යෑම එ ජා පක්‍ෂයේ අරමුණ විය. ඒ අතර 19 වැනි ව්‍යවස්ථා සංශෝධනය මගින් ව්ධායක ජනාධිපතිගේ බලතල අගමැතිට පවරා රනිල් ආණ්ඩුවේ නායකයා බවට පත්වීමට සිහින දුටුවේ ය.
ශ්‍රී ල නි පක්ෂය රනිල්ට විධායක බලතල දීමට එකඟ නො වී ය. එබැවින් ඔවුහු 19 වැනි ව්‍යවස්ථා සංශෝධනය මග හැරීමට මාන බැලූහ. 19 වැනි සංශෝධනය සමග මැතිවරණ ක්‍රමය ද සංශෝධනය විය යුතු ය යන යෝජනාව ඉදිරිපත් කෙරුණේ කල් මැරීමට මිස වෙනත් හේතුවක් නිසා නො වේ. එ ජා පක්ෂයට සහාය දෙන ජනවාර්ගික පක්‍ෂවලට, ජ වි පෙ වැනි කුඩා පක්‍ෂවලට මැතිවරණ ක්‍රමයේ සංශෝධනයක් අවශ්‍ය නො වී ය. එ ජා පක්‍ෂයේ නායකයන්ට මෙන් ම ශ්‍රී ල නි පක්‍ෂයේ නිවට නායකයන්ට ද මැතිවරණ ක්‍රමය සංශෝධනය කිරීමට අවශ්‍ය නො වේ. ශ්‍රී ල නි පක්ෂය මැතිවරණ ක්‍රමය වෙනස් කරන ලෙස ඉල්ලා සිටියේ 19 මග හරවා පාරලිමේන්තුව විසුරුවා හැරීම කල්දමා ගැනීමට පමණකි.
එ ජා පක්ෂය මැතිවරණයෙන් පසු විපක්‍ෂයක් නැති ප්‍රජාතන්ත්‍රයක් නැති ඊනියා ජාතික ආණ්ඩුවක් ගැන කතා කළ අතර ශී්‍ර ල නි පක්‍ෂයේ නිවට නායකයෝ මැතිවරණයකට පෙර ඊනියා ජාතික ආණ්ඩුවක් පිහිටුවීමට උත්සාහ කළහ. එහි ප්‍රතිඵලයක් ලෙස රාජිතලාට පසුව එස් බී දිසානායක වැනි නිවටයෝ ඇමතිකම් භාරගත්හ. ඔවුන්ගේ කිසිම රඟපෑමක් ගැන අපි විශ්වාස නොකරමු. රනිල්ට කිසිම දිනෙක ජනාධිපතිවරණයකින් ජයගැනීමට නොහැකි බැවින් ඔහුගේ අරමුණ වූයේ විධායක බලතල අගමැතිට පවරා ඒ මගින් විධායක බලතල තමන් අතට ගැනීමට ය. ඔහු ඉදිරිපත් කළ ඇතැම් සංශෝධන සම්මත කර ගැනීමට නම් ජනමත විචාරණයක් පැවැත්විය යුතු බව ශ්‍රෙෂ්ඨාධිකරණය තීරණය කළේ ය. මේ සංශෝධන අගමැති ආණ්ඩුවේ නායකයා බවට පත්කිරීම හා සම්බන්ධ බව අමතක නොකළ යුතු ය.
රනිල්ට ද මෛත්‍රිපාලට ද පොදු සාධකයක් නොතිබිණි යැයි මෙයින් නො කියැවෙයි. ඔවුන්ගේ ද චන්ද්‍රිකාගේ ද අනෙක් නිවට ශ්‍රී ල නි ප නයකයන්ගේ ද එ ජා ප, ජ වි පෙ, ජාතිවාදී හා ආගම්වාදී ජනවාර්ගික පක්‍ෂ, ජාතික හෙළ උරුමය ආදී පක්‍ෂවල නායකයන්ගේ ද පොදු අරමුණ වූයේ මහින්ද රාජපක්‍ෂ දේශපාලනයෙන් ඉවත් කිරීම ය. එහෙත් එය කළ නොහැකි බව ඔවුන් තේරුම් ගෙන ඇත. එබැවින් දැන් නැවතත් පොදු අරමුණ වෙනුවෙන් තම වෙනස්කම් අමතක කර පොදු එකඟත්වයකට පැමිණීමට ඔවුන් තීරණය කරව ඇති බව පැහැදිලි ය. 19 වැනි සංශෝධනය උසාවි තීරණයට යටත්ව වුවත් සම්මත කර ගෙන පාර්ලදමේන්තුව විසුරුවා හැරීමට රනිල් හා මෛත්‍රිපාල එකඟ වී ඇත. එය පිටුපස මහින්ද දේශපාලනයෙන් ඉවත් කිරීමට කටයුතු කරන විදේශීය බලවේග සිටින බව පැහැදිලි ය. අද මේ සියල්ලන්, විශේෂයෙන් කුරුණෑගල දී හූ සංග්‍රහයක් ලැබූ චන්ද්‍රිකා දන්නා කරුණ නම් මහින්ද රැල්ල ඔවුන්ට සුනාමියක් වේගන එන බව ය. සුනාමියට පළමු පාර්ලිමේන්තුව විසුරුවා හැරීමට මෛත්‍රිපාල එකඟ වී ඇත්තේ මහින්දට ඇති බිය වැඩි වීමෙනි.
නලින් ද සිල්වා
2015 අප්‍රේල් 10
April 10th, 2015 at 4:12 am
මොකා ආවත් කම් නැත, රටට දැයට ආදරය තමන්ගේ පොකැට්ටුවට වඩා ගරුකරන් එකෙක් ආවොත් ඇති. මහින් ද රටට යම් ආදරයක් ඉතුරුව ඇත්නම්, වීරවන්සලාගේ ශ්‍රිලනිපය ශක්තිමත් කල යුතුය. වෙනම ඉල්ලුවත් කොන්දේසිඇතිව හෝ ශ්‍රිලනිපය සමග එකතුව රජයකය් පිහිටවිය යුතුය. කෙසේ වෙතත් වෙනමම ඉල්ලුවොත් උන්පී එක දෙමලුන් මුස්ලිම් එකතු වී රජයක් පිහිටවීමට 90% ක් සහතිකය.
April 10th, 2015 at 5:56 am
Nobody on earth can stop Mahinda Tsunamiya for sure. He is the man of the hour to overcome all difficulties we face today with these Jarapalana traitors.
Chandrika is Garbage nothing else. My3 is a puppet on a string. Ranil is a shrewd and cunning manipulator. Rajitha has proved himself that he is a damn liar and was kicked out from the cabinet spokesman job. Kidnapper and a coup leader. Ravi is a world class thief. How can a Govt do it’s businesses when the big thief robs 50 Billion in 40-50 days? The people of this country should not vote for a party just look at the individual who comes to ask for your vote whether he is good and have a decent character, whether educated and not involved in any crime or Drugs etc. If you send the same people then we are the people who suffer most therefore select the best leader ( Mahinda nobody else) and new faces who hasn’t any black mark or blood on their hands. We should send Ranil who has lost 29 times packing this time because he is not suitable to Govern our beloved Motherland anymore. He is a white man’s favorite and do things according to their wishes not benefited to the Sri Lankan society. Choura Regina too the same. They are lover’s of white Imperialists and Indians. So give them the best answer this time my dear countrymen. Come to see “NUGEGODA MAN” ON 9TH IN MY HOMETOWN KURUNEGALA. Rally in thousands to bring back M A H I N D A the great savior of our Motherland.
April 10th, 2015 at 6:42 am
Namaste: Indian Imperialists got the colony under control for six years with the new President. Any fighting among the Sinhalese is not going to change things much. Jai Hind
April 10th, 2015 at 2:55 pm
රටට ලොකුම ද්‍රෝහිකම කර ඇත්තේ මෛත්‍රී පාල සිරිසේන මහතා ය. ඔහු තමාගේම පක්ෂයට ද්‍රෝහිවී අවසාන රාත්‍රියේ ආප්ප බෝජන සංග්‍රහය දක්වාම තම පාක්ෂිකයන් රවටා අවසානයේ දින සීයේ බොරුව තුලින් බලය අරගෙන තම පක්ෂය තුළ බහුතරය තියෙද්දිත් 29 වතාවක් රටේ ජනතාව එපාකියපු රනිල් අගමැති කොට අද මුළු රටම පඹගාලක පටලවා ඇත . හිටපු ජනාදිපතිට ඔහු ද්‍රෝහිවුවා සැබෑය එහෙත් තව දුරටත් ඔහු රටේ බහුතර ජනතාව හිටපු නායකයාගෙන් ඇත් කිරීමට මනබැලීමෙන් වෙන්නේ රට අරාජිතත්වයට පත්කිරීමය. ඔහුට එකතුවී සිටින අනෙකුත් නිවටයන්ද මීට වගකිවයුතුය.
April 10th, 2015 at 3:29 pm
මේ රට විනාශ් කිරීමට ඉඳියානුවන් ඇටවූ මර උගුල 13අ ය.
පලාත් සභාය. පලාත් සභා වල විශකුරුකම නිසාම රට බෙදා විනාශ කිරීමේ අවස්තාව උතුරු හා නැහගෙනහිර පළාත්සභා අක්‍රිව තිබීමෙන් කරදයක් නොමැතිව අවුරුදු කීපයක්ම රජය ගෙනයාම පහසු වී තිබිනි. එහෙත් යුද්ධයින් පසු සර්පයින්ට කිරි පොවා උතුරු හා නැහගෙනහිර පළාත්සභා අත්තනෝමතික ලෙස කරගෙනයාමට ජනපති ඉඩදුන්නේය. උතුරු හා නැහගෙනහිර ට සංචාරයට හෝ ගිය සිංහලයින්ට රජයේ ආයතනයකට සිංහලෙන් කෝල් එකක්වත් දීමට බැරිතැනට ගෙනාවේය.පලාත් සභාවලින් නූගත් මැරයින් මැති ඇමති වරුන් බවට කිරුලු පලන් දා තිබේ.
විශකුරු 13ආ නැතිකිරීමට මහින් ද කැමතිකරවා ගැනීමට දඟලන අයට නොතේරෙන යමක් තිබේ. මහින් දගේ ජනප්‍රිය තාවය යලි ගොඩනගා ඇත්තේ පළාත් සභා කාරයෝය. ඒ නිසා 13ආ නැතිකිරීමට මහින් දට කොහොමටවත් නොහැකිය.
වෙන කිසිම එකෙකුටවත් පළාත් සභා නැතිකිරීමට කිසිම උවමනාවක් නැත.
විශකුරු ආන් ඩුක්‍රමය නැතිකොට රට හරිමගටගේමට හැකි එකම නායකයෙක්වත් නැත.