සෝමවංශ ඉවත්වෙයි
Posted on April 17th, 2015

නලින් ද සිල්වා

තමා ජනතා විමුක්ති පෙරමුණේ සාමාජිකත්වයෙන් ඉල්ලා අස් වූ බව සෝමවංශ අමරසිංහ කියා ඇත. එහෙත් ජ වි පෙ ඒ ඉල්ලා අස්වීම භාරගෙන ඇති බවක් නො පෙනෙයි. විජිත හේරත්ට අනුව ජ වි පෙ පක්‍ෂයෙන් ඉල්ලා අස්නොවන ලෙසට සෝමවංශගෙන් ඉල්ලා ඇත. සෝමවංශ ඒ ඉල්ලීම පිළිගෙන ඇති බවක් ද වාර්තා නො වෙයි. සෝමවංශ කියා ඇත්තේ තමා ජ වි පෙරමුණෙන් අස් වූ අය ද වෙනත් අය ද එක්කරගෙන අලුත් පක්‍ෂයක් සංවිධානය කරන බව ය.

සෝමවංශ ඉල්ලා අස්වීමෙන් ජ වි පෙරමුණටවත් සෝමවංශටවත් වෙනසක් සිදු නො වෙයි. දේශපාලන වශයෙන් පක්‍ෂය ද පුද්ගලයා ද මියගොස් තරමක කලක් ගත වෙයි. සෝමවංශගේ ඉල්ලා අස්වීම අවසානයේ දී පිළිගනු ලැබී ක්‍රියාත්මක වුවත් නැතත් එය රටේ දේශපාලනයට අබමල් රේණුවක තරමින් බල නො පායි. එසේ නම් අප ඒ ගැන ලියන්නේ ඇයි? 

ඒ වෙන කිසිවකට නොව ජ වි පෙරමුණේ බංකොළොත්බව තවදුරත් කියා පෑමට ය.  ජ වි පෙරමුණට වයස අවුරුදු පනහකට වැඩි ය. සෝමවංශ එහි ආරම්භක සාමාජිකයකු යැයි කියැවෙයි. ඒ කුමක් වුවත් ජ වි පෙරමුණට අවුරුදු පනහක් දේශපාලන වශයෙන් පැවතීමට නොහැකි විය. අද එය ඇවිදින මළ මිනියක් පමණකි. එහි අවතාරය පවත්වාගෙන යනු ලබන්නේ ජනමාධ්‍ය විසිනි. එවැනි පක්‍ෂ බොහොමයක් මෙරට ඇත. නව සමසමාජ පක්‍ෂය, සිරිතුංගගේ දේශපාලන පක්‍ෂය ආදිය පමණක් නොව අද වන විට ලංකා සමසමාජ පක්‍ෂය, ශ්‍රී ලංකාවේ කොමියුනිස්ට් පක්‍ෂය, ජාතික හෙළ උරුමය, පිවිතුරු හෙළ උරුමය, පෙරටුගාමී පක්‍ෂය ආදී පක්‍ෂ ද ජනමාධ්‍යට පින් සිදුවන්නට පැවැත්වෙයි.

සෝමවංශ ඉල්ලා අස්වෙමින් කියා ඇත්තේ රට සමාජවාදය කරා ගෙන යෑමට ජ වි පෙරමුණට තිබූ අවස්ථා මගහැරී ගොස් ඇති බව ය. ජ වි පෙරමුණ ඊනියා කේඩර් පක්‍ෂයකින් ජනතාව මත පදනම් වූ පක්‍ෂයක් බවට පත්විය යුතුව තිබී යැයි සෝමවංශ කියයි. එහෙත් ජ වි පෙරමුණට එවැන්නක් කිරීමට නොහැකි බව සෝමවංශට නො තේරෙයි. ජ වි පෙරමුණ ආරම්භයේ සිට ම සකස් වී ඇත්තේ කිහිප දෙනකු එකතු වී ගන්නා තීරණ ක්‍රියාත්මක කිරීමට  කැපවීමෙන් වැඩ කළ වහල් සාමාජිකයන්ගේ පක්‍ෂයක් ලෙස ය. ඒ අච්චුවෙන් පිට දේශපාලනයක් ජ වි පෙරමුණට නැත.  

ජ වි පෙරමුණ මූලික වශයෙන් චීන කොමියුනිස්ට් පක්‍ෂය අනුකරණය කළේ ය. විජේවීර කැඩී වෙන් වූයේ ශන්මුගදාසන්ගේ  චීන හිතවාදී කොමියුනිස්ට් පක්‍ෂයෙනි. දෙමළ ජනවර්ගයට අයත් වූ ශන්මුගදාසන්ට මෙරට බලයට පැමිණීමට නොහැකි බව විජේවීර තේරුම් ගත්තේ ය. ස්ටැලින්වාදී පක්‍ෂ ආකෘතියේ චීන කොමියුනිස්ට් පක්‍ෂය ට්‍රොට්ස්කිවාදී පක්‍ෂවලට වඩා ජාතිකවාදී විය. නැතහොත් ට්‍රොට්ස්කිවාදී පක්‍ෂ තරමට ඊනියා ජා ත්‍යන්තරවාදී නො වී ය. 

මේ ඓතිහාසික තත්ත්වයන් යටතේ  ජ වි පෙරමුණ මුල සිට ම මාක්ස්වාදය හා ජතිවාදය අතර දෝලනය විය. එහෙත් එහි වැඩි බර තිබුණේ මාක්ස්වාදය දෙසට ය. එහි සාමාජිකයන්ගෙන් අති මහත් බහුතරය රැකියා විරහිත ගැමි තරුණයන්ගෙන් සමන්විත විය. ඒ හේතුවෙන් ම විජේවීර ඊනියා කම්කරු පංතියට නිර්ධන යන තේරුමෙන් රැකියා විරහිත ගැමි තරුණයන් ද ඇතුළත් වන ආකාරයෙන් නිර්වචනයක් සැපයී ය. එය සම්මත මාක්ස්වාදීන්ගේ ගැරහුමට ලක්වුව ද ජ වි පෙරමුණට තම පක්‍ෂ සාමාජිකත්වය යුක්තියුක්ත කර ගැනීමේ අවස්ථාව ඉන් ලැබිණි.   

ජ වි පෙරමුණ  දෙවතාවක් ම ආයුධ අතට ගත්තේ කේඩර පක්‍ෂයක් ලෙස මිස ජනතා පක්‍ෂයක් ලෙස නො වේ. ඒ අවස්ථා දෙකෙහි ම සෝමවංශ පක්‍ෂයේ සාමාජිකයෙක් විය. මා දන්නා පරිදි ඔහු ඒ ක්‍රියාමාර්ගවලට විරුද්ධ වූ බවක් කිසි තැනක සඳහන් නො වේ. තම නිර්වචනවලට අනුව මාක්ස්වාදී වූ ජ වි පෙරමුණ අවස්ථාවාදීව ජාතිකත්වය දෙසට ද දෝලනය විය. ඒ අවස්ථාවාදී ජාතිකත්වය ජ වි පෙරමුණෙන් බිඳී ගිය ජාතික හෙළ උරුමයට ද උරුම වෙයි. අද වන විට ජ වි පෙරමුණ අනුර දිසානායකගේ නායකත්වයෙන් යළි නොඑනා ගමනක් ගොස් ඇත. ඒ ගමන යෑම සඳහා සෝමවංශ නායකත්වයෙන් ඉවත් කෙරිණි. අද ජ වි පෙරමුණට ඊනියා සමාජවාදයක් හෝ ජාතිකත්වයක් හෝ නැත. අද එය එ ජා පක්‍ෂයේ තරුණ සංවිධානය  වෙයි. සෝමවංශගේ අස්වීමෙන් එ ජා පක්‍ෂයට වන හානිය කුමක් ද? 

නලින් ද සිල්වා

2015 අප්‍රේල් 16  

5 Responses to “සෝමවංශ ඉවත්වෙයි”

  1. Leela Says:

    සෝමවංස අලුත් පක්‍ෂයක් හදන එක ඉතා හොඳ වැඩක්. ලපයගෙ පැට්ටිකිරිය අශ්වයගෙ කටින්ම ජවිපෙ කේඩරයන්ට දැන ගන්න පුලුවන්. අා අමතක උනා නෙ කියන්න. බටලන්දට කොහොම වෙතත් ජවිපෙ ට අවසාන වල කැපුවට රනිල් ටත් මල් මිටක් දිය යුතු මයි.

  2. Christie Says:

    Namaste: I wonder how much have been reduced by Indian Imperialist’s funds? Jai Hind

  3. ranjit Says:

    Whether they are there or not who cares. These guys were pain in the ass to the public. They were barbarians than LTTE killers. What they did to our country cannot be forgotten easily. They murdered people in cold blood. They cut fingers,legs,hands sometimes cut innocent people in to pieces in front of their loved ones so these were truly bloody murderers same as LTTE. People should not forget their massacres and destruction to our Motherland. Black Modi Anura thinks that people in this country will believe his sweet talk and his fairy tale stories and give their vote. People in this country are more educated than this silly goat and his henchmen. Let them break in to different groups and fight each other we should not worry or care.

    Pacha Bahu,JVP,Hela Urumaya,Azad Sally and many more bankrupt political parties in this country doesn’t have much say in this country and no voter base in any electorate so we shouldn’t worry much of these traitors. Let’s think of the future and bring back the man who saved our Motherland from LTTE murderers and white Imperialists. Strong leader is the solution for all our troubles.

  4. Hiranthe Says:

    JVP’s pay master (Raw, CIA, Norway) will save Somawansa’s salary payment. That will be the only effect. He can form another party and look for another pay master to maintain the party and carry out what they want and say what they want..

    Only good thing JVP ever did to this country is going to courts against the merger of North and East. Other than that, all what they did were destructive to the forward journey of the country. It was them who obstructed Mrs B’s national development drive. They have been pests to Mother Lanka. That may have been the intention of their Pay Masters even at that time.

    Dear friends!!! Was WW with JVP when they did try the North and East merger case?. Can anyone remember?? If yes, then the answer is WW was the nationalistic minded person behind that move, who was a misfit to JVP’s destructive nature and could not survive.

  5. Jag Says:

    Well said ranjit. Can’t agree with you more.

Leave a Reply

You must be logged in to post a comment.

 

 


Copyright © 2018 LankaWeb.com. All Rights Reserved. Powered by Wordpress