මෛත්‍රිපාල, රාජිත හා චම්පක
Posted on May 24th, 2015

නලින ද සිල්වා

මෛත්‍රිපාල සිරිසේන කෝප වී ඇත. ඔහු ශ්‍රී ල නි පක්‍ෂයේ ප්‍රාදේශීය සම්මන්ත්‍රණයක දී කෝපයෙන් කතාකර අභියෝග කර තිබුණේ තමාට වඩා පක්‍ෂය හා රට වෙනුවෙන් කැප වී වැඩ කර ඇති අයකු පෙන්වන ලෙස ය. මම ශ්‍රී ල නි පාක්‍ෂිකයෙක් නො වෙමි. මෛත්‍රිපාලගේ අභියෝගය පාක්‍ෂිකයන්ට පමණක් දැයි නිශ්චිත ව කිව නො හැකි ය. ඒ කුමක් වුවත් මෛත්‍රිපාලට වඩා කැප වී පක්‍ෂයට හා රටට වැඩ කළ දෙදෙනකු  ගැන මට කිව හැකි ය. ඒ චන්ද්‍රිකා කුමාරතුංග හා රාජිත සේනාරත්න ය. ශ්‍රී ල නි පක්‍ෂයේ නොවූවත් චම්පක හා රතන හිමි ද පක්‍ෂයට හා රටට කැප වී වැඩ කළ නායකයෝ වෙති. 

චන්ද්‍රිකා එංගලන්තය වෙනුවෙන් ද අනෙක් සියල්ලෝ ම ඉන්දියාව වෙනුවෙන් ද කැප වී වැඩ කළහ. මෛත්‍රිපාල රට යනුවෙන් අදහස් කරන්නේ ඉන්දියාව විය හැකි ය. ඔවුහු සියල්ලෝ ම රාජපක්‍ෂලාට බය වෙති. ඊනියා රාජපක්‍ෂ රෙජිමය දේශපාලනයෙන් අතුගා දැමීම එංගලන්තයේ හා ඇමරිකාවේ අභිප්‍රාය වුවත් ඒ සඳහා මෛත්‍රිපාල තෝරාගනු ලැබුයේ ඉන්දියාව විසිනි. එහි දී ඉහත සඳහන් අය ද තවත් ඉන්දීය ඒජන්තයෝ ද කැප කිරීමෙන් වැඩ කළ හ. එහෙත් ඒ සෑම කැප කිරීමක් ම යම් ප්‍රතිලාභයක් අරමුණු කරගත්තේ විය. එබැවින් ඒ කැපකිරීම් නො වේ යැයි කෙනකුට තර්ක කළ හැකි ය. අපි ඒ ගැන තර්ක නො කරමු. ඒ කැප කිරීම් ලෙස සලකමු. මෛත්‍රිපාල තවත් කෝප ගැන්වීමට අපට අවශ්‍ය නො වේ.

කෙසේ වෙතත් මහින්ද රාජපක්‍ෂ හා ගෝඨාභය රාජපක්‍ෂ පාර්ලිමේන්තු මැතිවරණයට ඉදිරිපත් වුවහොත් තමන් අනාථ වන බව ඉහත කී අය මෙන් ම රනිල්, රවි, කිරඇල්ල ආදීහු ද දනිති. අද කෙසේ නමුත් ගෝඨභය අත් අඩංගුවට ගැනීමේ වෑයමක් ඇත. ඒ සඳහා නීතිපති අතිකාල සේවයෙහි යෙදී සිටිනු දැකිය හැකි ය. උසාවි නියෝගයට වෙනත් අර්ථකථන දීමට ඔවුහු උත්සාහ කරති. යමපාලනයට නිදහස් මැතිවරණයක් කෙසේවත් අවශ්‍ය නො වේ. ඔවුන්ට අවශ්‍ය භීෂණය රජයන මැතිවරණයකි. මෛත්‍රිපාලගේ ද රනිල්ගේ ද කෝපවීම් මගින් පෙන්නුම් කෙරෙනුයේ එය ය. වාසුදේව උඹ කීවාට නම් රනිල් කෝප නො වී ය. රනිල් සමහරවිට උඹ යන්න අසා නැතිවීම එයට හේතුව විය හැකි ය. 

මහින්දට ලැබුණු ඡන්ද පනස්අට ලක්‍ෂය එකකින්වත් අඩු නොවී මැතිවරණයේ දී මහින්ද පිළට (මහින්ද ශ්‍රි ල නි ප –- සංධානයට) ලැබෙනු ඇත. මෙත්‍රිපාලට ලැබුණු ඡන්ද හැටදෙලක්‍ෂය ප්‍රධාන වශයෙන් ම එ ජා ප ඡන්ද හා දෙමළ මුස්ලිම් ඡන්ද ය. ඔහුට ලැබුණු ශ්‍රී ල නි ප ඡන්දවලින් අතිවිශාල බහුතරයක් මහින්ද පිළට ලැබෙනු ඇත. දෙමළ හා මුස්ලිම් ඡන්දවලින් ද සුළු ප්‍රමාණයක් වුවත් මහින්ද පිළට ලැබෙනු ඇත. ඉතිරි කොටස ඔවුන්ගේ ජාතිවාදී ආගම්වාදී පක්‍ෂවලට ලැබෙනු ඇත.  මෛත්‍රිපාල, රාජිත, චම්පක, වෙල් විදානේ පිළට (ඔවුන් එසේ තරග කළහොත්) ලැබෙන්නේ ඉතා සුළු ඡන්ද ප්‍රමාණයකි. තරගය ඇත්තේ මහින්ද පිළ හා එ ජා ප අතර ය. මහින්ද පිළ  තරගයෙන් ජයගනු ඇත. එහෙත් සුළු ජාතික පක්‍ෂවල මන්ත්‍රීවරුන් රනිල්ට සහාය දෙනු ඇත.  මෛත්‍රිපාල ජනාධිපති බලතල යොදා රනිල් අගමැති ලෙස පත්කර ආණ්ඩුවක් පිහිටුවීමට ආරාධනය කිරීමට ඉඩ ඇත. එය ද මෛත්‍රිපාල ශ්‍රී ල නි පක්‍ෂය වෙනුවෙන් කරන කැප කිරීමක් වනු ඇත! ඒ වැළැක්විය හැක්කේ මහින්ද පිළට මන්ත්‍රීවරුන් 112කට වැඩි පිරිසක් ලබා දීමෙනි. ඒ නොකළ හැක්කක් නො වේ. 

මෛත්‍රිපාලගේ කෝපය සාධාරණ ය. ඔහු සිතූ අයුරින් කරුණු සිද්ධ නො වේ. ඔහුට අද බටහිරයන් හා රනිල් කියන ආකාරයට වැඩ කිරීම හැර වෙනත් විකල්පයක් නැත. එහෙත් ඒ සෑම සිද්ධියකින් ම ඔහු ජනතාවගෙන් තව තවත් ඈත් වෙයි. ඔහුට මහින්ද පිළ සමග එකතු වුවහොත් පමණක් යම් අනාගතයක් ගැන බලාපොරොත්තු තැබිය හැකි ය. එහෙත් බටහිරයෝ එයට ඉඩ නො දෙති. මෛත්‍රිපාල වෙනුවෙන් කළ හැක්කේ කුමක් ද? ඔහුගේ කැපකිරීම් ඔහු රැක බලා ගනු ඇතැයි ඔහු සිතනවා විය හැකි ය. එවිට චම්පක, රාජිත, රතන හිමි ආදීන් රැක ගන්නේ කවු ද? ඉන්දියාව ද? චන්ද්‍රිකාට නම් ඕනෑම වෙලාවක මහගෙදරට (එංගලන්තයට) ගිය හැකි ය.  

නලින ද සිල්වා

2015 මැයි 24

5 Responses to “මෛත්‍රිපාල, රාජිත හා චම්පක”

  1. Christie Says:

    Namaste: The former President called an early election. The Indian imperialists (India) were ready to correct its mistake in 2005 when it backed Mahinda Rajapaksa over Ranil Wickramasinge. Indian imperialists advised Indian block vote in the island to abstain from voting. The reason for the preference was Indian imperialists thought it will be easier to negotiate with Mahinda an unknown matter for India. Unfortunately for India, Mahinda did not follow Indian directions as former Sri Lankan leaders did since 1956. In 2010 India enrolled General Sarath Fonseka as a presidential candidate against Mahinda and failed. So behind the scene as Indian imperialist always do they were planning for years and got former governor Chandrika to do the job and succeeded with doing a repeat of what India did with her father SWRD 1951. India did not have to wait for four year this time. India managed to divide the non-Indian vote and got the Indian block vote for Sirisena the new governor of Sri Lanka.
    Indian Empire knows better than any of us about our constitutions after quarter Indian JRJ amended it. Recent amendments have not changed things much. What ever it is Indian Emperor is in full control.
    Jai Hind

  2. Senevirath Says:

    ඩිලාන් ලාගේ බලාපොරෝත් තුව මහින්දගේ කරපිටින් ගොස් චන්ද්‍රිකා රජකරවීමය් මහින්දගේ පිල උන්ට ජාතිවාදී මදගොහොරුවක්ලු එජාපය අසුචි වලක් ලු. හැබය් මු වාගේ පණුවන්ට හොඳ අසුචි වලක් මය් . එහෙත් ලොකු පනුවෝ අතර මේ වාගේ ගදවිලුන්ට තැනක් නැති නිසය් ප්‍රශ්නේ නැත්නම් මෙසේරම පනුවෝ කන්නේ සිංහල බෞද්ධ සිරුරුමය් වැඩි විනාශයකට තමන්ට එජාපයෙන් ඉඩක් ලැබේ නම් දිලාන් පණුවා එජාප අසුචි ගොඩේ පිනුම් ගහය් .මහින්දට 112 ක් ලැබේවා .

  3. Kumari Says:

    If My3 thinks his coup masters would look after him, he is living in a dream world. Did America help JRJ, when Rajiv Gandhi forced the 13A down his throat? It is very easy for the west to change sides, depending on who is more useful. They are good for nothing fellows with no principles.

    It is high time our voters also to wake up to reality. Regional politics are not helping the ordinary person on the street. We have to elect parliamentarians who got a back bone, who love the country and who has some wisdom. See what is happening in Jaffna, other than the LTTE and TNA thugs, is this what the ordinary Jaffna man/woman want?

  4. janakic Says:

    SLFP needs to get rid of Mr. Sirisena as its Chairman? Mr. Sirisena has said that he has no party allegiance. If that is the case, why is he the party chairman? Time is running out. This issue needs to be resolved as soon as possible.

  5. Sarath W Says:

    It is obvious why MY3 can not go against Ranil. He has taken dirty money from India and the west through Ranil and modi Chandrika. When he agreed to betray MR, he never thought he will be the president and a slave of those two traitors.

Leave a Reply

You must be logged in to post a comment.

 

 


Copyright © 2024 LankaWeb.com. All Rights Reserved. Powered by Wordpress