යමපාලනය අවසන් කරමු
Posted on June 26th, 2015

නලින් ද සිල්වා

අවසානයේ දී අද මධ්‍යම රාත්‍රියෙහි දී පාර්ලිමේන්තුව විසුරුවා හැරෙනු ඇත. එක් එක් අයට එක් එක් න්‍යාය පත්‍ර තිබුූ නමුත් ඒ න්‍යාය පත්‍ර ක්‍රියාත්මක කිරීමට නොහැකි විණි. පික්පොකට් ආණ්ඩුවේ කඹ ඇදීම්, හැළ හැප්පිලි ආදිය හේතුකොට ගෙන තවදුරටත් ආණ්ඩුව පවත්වාගෙන යෑමේ දුෂ්කරතා තිබිණි. මෛත්‍රිපාලට, ප්රාජිතට හා චම්පකට ලබන අප්‍රේල් වන තුරු ආණ්ඩුව පවත්වාගෙන යෑමේ අවශ්‍යතාවක් තිබූ නමුත් ඒ කරගත නො හැකි විය. 

ඊයේ (ජූනි 25) මෛත්‍රිපාල හා මහින්ද අතර සාකච්ඡා තිබුණු බව පළමුව ජනමාධ්‍යයෙහි වාර්තා විය. එහෙත් දැන් දෙපාර්ශ්වය ම කියන්නේ සාකච්ඡා නොතිබූ බව ය. රටේ ඇත්තක් කියන්නේ කවුදැයි දැනගැනීමට ක්‍රමයක් නැත. අප ද කරන්නේ අනුමාන කිරීම පමණකි. මෙවැනි කාලයක අනුමාන ඉදිරිපත් කිරීම තරමක අසීරු කරුණකි. දේශපාලනයෙහි ස්ථිර ගමන් මගක් පෙනෙන්නට නැතිවා පමණක් නොව, පෞද්ගලික ගනුදෙනු (ඩීල්) මගින්ද දේශපාලනය තීරණය වෙයි.  

ඒ කුමක වුවත් පික්පොකට් අගමැති මින් පසු භාරකාර අගමැති වෙයි. ප්‍රශ්නය වනුයේ මැතිවරණයෙන් පසු ඔහු අගමැති වේ ද යන්න ය. ඔහු අගමැති වුවහොත් යමපාලනය වඩාත් භයානක අයුරෙන් ක්‍රියාත්මක වනු ඇත. සිංහලයන්ගේ අයිතිවාසිකම් එකිනෙක බලා සිටිය දී නැති වනු ඇත. උතුරු හා නැගෙනහිර පළාත් එකතු කෙරී ෆෙඩරල් ක්‍රමයකට මග පෑදෙනු ඇත. එය රට බෙදීමක් කරා තල්ලු කෙරෙනු ඇත. රණවිරුවන් ජීවිත පූජාවෙන් පරාජය කළ දෙමළ ත්‍රස්තවාදය නැවතත් හිස ඔසවනු ඇත. ඡන්දදායකයන්ගේ යුතුකම වනු ඇත්තේ ඒ නැවැත්වීම ය. ්්

පසුගිය මාස පහමාරක පමණ කාලයෙහි දෙමළ ජාතිවාදය පණගැන්වීමේ කාර්යය හොඳින් දැකගත හැකි විය. මංගල සමරවීර විදේශ ඇමති ලෙස රට බෙදීම සඳහා අවශ්‍ය කටයුතු සම්පාදනය කෙළේ අපේ අනාවැකි සනාථ කරමිනි. විග්නේස්වරන්ලා, සම්බන්ධන්ලා, සුමන්තිරන්ලා හැසුරුණේ කථා කෙළේ උතුරේ ඊනියා පළාත් ආණ්ඩුවක් තිබෙන අයුරෙනි. හකීම් සිංහලයන් තුට්ටු දෙකට දමා ක්‍රියා කෙළේ ය. බදියුද්දීන් විල්පත්තුව වනසතුන්ට අහිමිකර මුස්ලිම් ජනයා පදිංචි කෙළේ ජාතිවාදය පමණක් සලකමිනි. 

දෙමළ ත්‍රස්තවාදීන්ට සමාව දීම ගැන සාකච්ඡා වූ අතර දෙමළ ජනයා ඝාතනය කිරීමක් සම්බන්ධයෙන් රණවිරුවකු මරණීය දණ්ඩනයට නියම කෙරිණි. අප ඔහුට සමාව දෙන ලෙස මෛත්‍රිපාලට බළකළ යුතු ය. ඔහු පෞද්ගලික මිනීමැරුමකට වරදකරු වූවා නො වේ. දරුවන් ගැහැණුන් අමු අමුවේ මරා දැමූ දෙමළ ත්‍රස්තවාදීන්ට සමාව දී ඇත. ජ වි පෙරමුණේ සාමාජිකයන් මරා දැමූ එ ජා ප ආණ්ඩුවට විරුද්ධව ඊනිය අභ්‍යන්තර පරීක්‍ෂණ කිරීමට බටහිරයෝ බලපෑම් නොකළහ. බටලන්ද ගැන විධිමත් පරීක්‍ෂණයක් කිරීම අත්‍යවශ්‍ය කරුණක් බවට පත් වී ඇත.

යමපාලනය ක්‍රියාත්මක කෙරුණේ සිංහලයන්ට, රණවිරුවන්ට හා ඊනියා රාජපක්‍ෂ රෙජිමයට විරුද්ධව ය. පොලිස් මාෆියාවක් පිහිටුවා පළිගැනීමේ ක්‍රියා දිගින් දිගට ම කෙරී ගෙන ගියේ ය. පික්පොකට් අගමැති රිසි සේ සිංහලයන්ගෙන් පළිගත්තේ ය.  ඒ අතර දෙමළ ජාතිවාදීහු නිදැල්ලේ හැසිරුණ හ. මේ සියල්ල හා තවත් සඳහන් නොකළ සිංහල විරෝධී ක්‍රියා අවසන් කළ යුතුව ඇත. අප කලින් ම කී පරිදි ඊනියා යහපාලනය සිංහල විරෝධී ක්‍රියා වසං කිරීමට යොදාගත් වෙස් මුහුණක් පමණක් විය.   සියළු දේශප්‍රේමීන්ට එකතු වීමට කාලය පැමිණ ඇත. සිංහලයන්ගෙන් තුනෙන් දෙකක ඡන්දය ලබාගැනීමට හැකි නම් ආණ්ඩුවක් පිහිටුවීම ප්‍රශ්නයක් නො වේ. මේ සම්බන්ධයෙන් සිංහල විරෝධීන් ඉදිරිපත් කරන ගණන් හිලවු මුළුමනින් ම වැරදි ය. සිංහලයන්ගෙන් තුනෙන් දෙකක් එකතු වන විට රටට හිතැති දෙමළ මුස්ලිම් ජනයා ද ඔවුන්ට එක්වනු ඇත.  

අද අවශ්‍ය වන්නේ දේශපාලන පක්‍ෂයක නායකත්වය නොව දේශප්‍රේමී වැඩ පිළිවෙළක නායකත්වයකි. ඒ සඳහා සටන්පාඨ කිහිපයක් අවශ්‍ය වෙයි. ඇතැම් විට එකක් වුවත් සෑහෙනු ඇත. ව්‍යවස්ථාව වෙනස් කිරීමට ජනවරමක් ලබාගෙන 1972 දී මෙන් ව්‍යවස්ථා සභාවක් පිහිටුවා ක්‍රියා කළ යුතු ය. පළාත් සභාවල කාර්යභාරය  වෙනස් කළ යුතු ය. අද පළමු කාර්යය විය යුත්තේ දේශප්‍රේමි වැඩ පිළිවෙළක් වහා සකස් කර ගැනීම ය.

නලින් ද සිල්වා

2015 ජූනි 26

6 Responses to “යමපාලනය අවසන් කරමු”

  1. charithsls Says:

    Nalin I do not know why you failed to realize holding the election in August is falling prey to the West who is awaiting to come out with stringent measures at the UNHRC meeting in September if MR is going to be the winner. Elections should have been held after September but I think MSRW were under orders to hold elections before UNHRC meeting. So Champika is right if he wanted to prolong the parliament.
    And also Baddhiduin had a whale of time under MR & destroyed Wilpatttu during MR’s time which was brought to light by BBS who unfortunately got the bad name because of it.MR should be more flexible with the West this time around to prevent reliance solely on ME countries.

  2. Ancient Sinhalaya Says:

    Maru Sira holding elections to please traitor chief gb ranil. His tiger buddy ruined the economy
    by the bond scam. The idea behind the bond scam is to ruin the economy and surrender the country to
    the west and india. Helpless, then these traitors will have to agree to break up the country.
    But there are a lot of Sinhalese
    donkeys think it is fashionable to support these traitor lot.

    Now the rupee is going down and down soon all the prices going to sky rocket.
    Before that happens the traitor bunch wants the elections so some Sinhalese donkeys still vote
    for them. That’s the only rason. Traitor chief gb ranil knows his days and UnPatriotic party’s (UNP) days
    are numbered if the effect of the bond scam felt. So get a new lease of life. These traitors know
    there are a lot of Sinhalese donkeys out there who think it is fashionable to be UnPatriotic party supporters.
    So why not try now before the stinking YAMAPALANA ship sinks?

  3. ranjit Says:

    Yes let’s rally behind our great leader Mahinda to send this Yamapalanaya home in the next General election. Don’t trust Sira.He is nothing but a traitor to his boss,Party and to the country. He came to power by a coup orchestrated by UNP,JVP,International Mafia and the Indian Parasites. All what he did was unconstitutional up to this date,appointing a Prime Minister,Chief Justice etc.

    Except Gas everything has gone up in price. No salary increases,No Motor Bikes as promised,No development work, Actually nothing except revenge from their Opponents. They brought hate to the Parliament. Ranil the pimp became a joker at the end. Sira became a Pambaya and the whole country have gone to dogs. Wake up Sinhalaya.Forget party politics and join to save the Motherland from traitors from abroad and within. May triple Gem lights the Sinhala land.

  4. Indrajith Says:

    LankaCnews reports that:

    ජාතික හෙළ උරුමයේ සභාපති හිටපු පාර්ලිමේන්තු මන්ත‍්‍රී පුජ්‍ය අතුරලියේ රතන හිමියන්ගේ පාර්ලිමේන්තු කටයුතු ලේකම්වරයා ඇතුළු සිවුදෙනෙක් ඊයේ දිනයේ එක්ටසි නම් මත්ද්‍රව්‍ය තොගයක් සමඟ පොලීසිය විසින් අත්අඩංගුවට ගෙන ඇතැයි අන්තර්ජාල වෙබ් අඩවි හා සමාජ ජාලා වාර්තා පල කරමින් තිබේ.

    අත්අඩංගුවට ගත් පිරිස අතර පොලිස් බුද්ධි ඒකකයේ කොස්තාපල්වරයෙකුද සිටිතැයි එම වාර්තාවල දැක්වෙයි.

    සුරාබදු දෙපාර්තමේන්තුවේ මත්ද්‍රව්‍ය නාශක අංශයේ ස්ථානාධිපති සඳලාල් පතිරන සමග නිලධාරීන් පිරිසක් විසින් මෙම වැටලීම සිදු කර ඇති අතර සිද්ධිය යටපත් කිරීම සඳහා දේශපාලන බලපෑම් එල්ල වෙමින් පවතින බවද කියැවෙයි.

  5. Indrajith Says:

    LankaCnews reports: නව ආණ්ඩුවේ මේ දක්වා කාලය තුල විදේශ සංචාර 40ක් ගොස් ඇත්තේ ඇමති නන්දිමිත‍්‍ර ඒකනායක හා ඔහුගේ පුත් චින්තන ඒකනායක මහතා යයි වාර්තා වෙයි.

    මේ දක්වා මෙම සංචාර සඳහා කෝටියකට වැඩි මුදලක් අමාත්‍යාංශයෙන් වියදම් කර ඇතැයි මාධ්‍ය වාර්තා කලේය. මේ අතර පාර්ලිමේන්තුව විසුරුවීමට පෙර තවත් රටවල් නවයක සංචාර සඳහා සූදානමින් සිටින බවද දැනගන්නට ඇත.

    කෙසේ වෙතත් මේ වාර්තා ප‍්‍රතික්‍ෂෙප කරන ඇමති නන්දි මිත‍්‍ර ඒකනායක අමාත්‍යාංශ ඇතුලෙන්ම ආ බොරුවක් යයිද සඳහන් කරයි.

    මේ අතර තොරතුරු වාර්තා වන්නේ ඇමතිවරයා එන මැතිවණයට තරඟ නොකර තම පුත‍්‍රයාට අවස්ථාව ලබා දීමට තීරණය කර ඇති බවයි.

  6. Christie Says:

    ඉන්දියානු අදිරදයෝ 2005දී රනිල් පරදා මහින්දව දිනුව්වේ බන්ඩාරනායකලා, ජේආර්ලා මෙන් රූකඩයෙකු කලහැකියයි සිතාය. නමුත් ඉන්දියානු ජඩයින්ට සිතූ දේ වැරදුනේය. 2010 උන් සරත් ෆොන්සේකා ගෙනාවේය. 2015 දී උන් සින්හල චන්ද කඩාදමා ඉන්දියානු පරපෝසිතයින්ගේ චන්දයෙන් සිරිසේන රූකඩය ගත්තේය. 2005දී ඉන්දියානු පරපෝසිතයෝ චන්දය දීමෙන් වැලකුනහ. මේවර ඉන්දියානු ජඩයෝ මොනවා කරත්දැයි සිතා ගැනීමට අමාරුය. ගියවර සින්හල කිතුනු හා මුස්ලිම් චන්ද නැතිකල අය මේවර බොදු සින්හල චන්ද තව තවත් කොටස්වලට කඩාඩැමීමට පින්ඩපාතයේ යයිද?

Leave a Reply

You must be logged in to post a comment.

 

 


Copyright © 2018 LankaWeb.com. All Rights Reserved. Powered by Wordpress