අනුර කුමාර හා රනිල්
Posted on July 22nd, 2015

නලින් ද සිල්වා

ජ වි පෙ වත්මන් නායක අනුර කුමාරට එ ජා පක්‍ෂයෙන් විශාල මුදලක් ලැබුණු බව කියන්නේ ජ වි පෙ හිටපු නායක සෝමවංස අමරසිංහ ය. එය සත්‍ය ද නැද්ද යන්න ගැන මට කිසිවක් කිව නොහැකි ය. එහෙත් අනුර කුමාර හැසිරෙන ආකරයෙන් නම් හැඟී යන්නේ ඒ ප්‍රකාශය සත්‍යයක් බව ය. අනුර ජ වි පෙ නායකයා වීමට පෙර ද රවි කරුණානායක සමග සම්බන්ධකම් පවත්වන බවට කතා පැතිර ගියේ ය. ජ වි පෙ ඒ දිනවල සිට ම ක්‍රියා කළේ එ ජා පක්‍ෂයේ තරුණ සංවිධානය ලෙස ය. එහෙත් ජ වි පෙරමුණේ නායකයන් අතර තරුණයන් සොයා ගැනීම නම් තරමක් අපහසු කටයුත්තකි. 

අද අනුර කුමාර ඇතුළු ජ වි පෙ නායකයන් අතින් විවේචනය වන්නේ මහින්ද රාජපක්‍ෂ හා රාජපක්‍ෂ පවුල ය. ඔවුහු රනිල් ඇතුළු එ ජා ප නායකයන් විවේචනය නො කරති. ජ වි පෙ පසුගිය ජනාධිපතිවරණයේ දී මෛත්‍රිපාලට වක්‍ර ව ආධාර කෙළේ ය. ඔවුහු ඒ අතර මහින්දට නිර්දය ලෙස පහර දුන්හ. යමපාලන ආණ්ඩුව පිහිටුවීමෙහි ලා ජ වි පෙ යම් කාර්යභාරයක් ඉටු කෙළේ ය. එය නැතැයි කීමට ඔවුන්ට කිසිසේත් නො හැකි ය. යමපාලනයේ සියළු දුූෂණවලට මහා බැංකු හොරකම ඇතුළු සියළු හොරකම්වලට ජ වි පෙ ද වගකිව යුතු ය.

අද මාධ්‍ය මගින් අනුර කුමාරට යම් වැදගත්කමක් ලබා දී ඇත. අනුර කුමාර කියන්නේ වැල් වටාරම් වුවත් ඒ ඉතා තර්කානුකූල ප්‍රබුද්ධ ප්‍රකාශ බවට මතයක් විශේෂයෙන් ම මධ්‍යම පංතියෙහි පතුරවා ඇත. විලාසිතා හඹා යන මධ්‍යම පංතියට අනුරගේ වැල් වටාරම් ද ප්‍රබුද්ධ  කතා ලෙස පෙනෙයි. විශේෂයෙන් ම භීෂණ සමය ගැන අත්දැකීමක් නොමැති මධ්‍යම පංතික තරුණයන්ට ඒ කතාවල නැති නවතාවක් මාධ්‍ය මගින් මතුකර පෙන්වනු ලැබේ. 

හිස් පුද්ගලයකු වූ අනුර කුමාර ද එවැනි ම හිස් පුද්ගලයන් වූ ජ වි පෙ අනෙක් නායකයෝ ද මාධ්‍ය මගින් ප්‍රචාරය ලබාගැනීමට මාධ්‍යයට අවශ්‍ය හිස් කතා කියති. අද එ ජා ප අනුව යමින් මේ හිස් පුද්ගලයෝ මහින්ද හම්බන්තොටින් කුරුණෑගලට පැන ගොස් ඇති බව කියති. ඔවුන් එසේ කියන්නේ සජිත් ප්‍රේමදාස නම් වෙන්ඩ උපාධිධාරියා (ඔහු පරීක්‍ෂණවලට පෙනී සිට උපාධියක් ලබා නැත) මැද කොළඹ කෙහෙල්වත්තෙන් හම්බන්තොටට පැන ගොස් ඇති බව අමතක කරමිනි. 

එයටත් වඩා ජ වි පෙ නායකයෝ තම උපන් ගම්බිම්වලින් වෙනත් පළාත්වලට පැනගොස් සිටිති. මාධ්‍ය ඒ සියල්ල අමතක කරන්නේ තම ස්වාමීන්ට සේවය කිරීමට ය. මහින්ද හම්බන්තොටින් කුරුණගලට පැනගොස් නැති බව හම්බන්තොට මෙන් ම කුරුණෑගල ද ජනතාව දනිති. එය අගෝස්තු 18 වැනි දාට තහවුරු වනු ඇත. 

මේ සියල්ලටමත් වඩා අද අනුර කුමාර ඇතුළු ජ වි පෙ නායකයන් රනිල්ට තුරුල් වී ඇත්තේ ජ වි පෙ භීෂණය ද එ ජා ප ආණ්ඩුවේ ප්‍රතිභීෂණය ද අමතක කරමිනි. අද ජ වි පෙ ඊනියා ප්‍රජාතන්ත්‍රවාදයක් ගැන කතා කරන්නේ ඔවුන්ගේ මිනීමරු අතීතය අමතක කරමිනි.   ඇතැම් තරුණයන් 1987-92 භීෂණය ගැන නොදන්නවා විය හැකි ය. එහෙත් ජ වි පෙ දියත් කළ භීෂණයත් එයට ප්‍රතිචාරයක් එ ජා ප ආණ්ඩුව දියත් කළ ප්‍රතිභීෂණයත් බොහෝ දෙනාට අමතක නැත. ටයර් සෑය, ධර්මචක්‍ර, පාරවල තිබූ මිනි කඳු අනුර කුමාරට අමතක ද? ජ වි පෙ විසින් මරාදමනු ලැබුවෝ කොපමණ ද?

එයටත් වඩා රනිල්ගේ බටලන්ද අනුර කුමාර අමතක කරන්නේ සිය සගයන් සියල්ල පාවා දෙමිනි. අනුර කුමාරගේ ඊනියා ප්‍රබුද්ධත්වය එබඳු ය. මෙරට ඉතිහාසයේ ලොකුම හොරකම කළ රනිල් සතොස ගිල්ල රවි, නැව් ගිල්ල පාරාජිත, චෞර රැජින ආදීන් සංධානයේ අපේක්‍ෂකයන්ට හොරුන් යැයි කීම තරම් වංචාවක් තවත් තිබිය හැකි දැයි අනුර කුමාර හුදී ජන පහන් සංවේගය සඳහා ප්‍රකාශ කරන්නේ ද? 

නලින් ද සිල්වා

2015 ජූලි 22

3 Responses to “අනුර කුමාර හා රනිල්”

  1. NAK Says:

    Anura the “Rathu ali patiya”(red calf elehpant)

  2. ranjit Says:

    Prof these two shameless naked artists walk these days with only with their underpants because people in this country have already removed the other parts in their suits after they come to know the biggest daylight robbery in this country “BOND SCAM” They are both responsible for killing thousands of youths in this country. They both stay in power in their respective parties thru force. Red elephant is for Green elephant and green elephant is for red elephant these days. They both meet in Singapore for discussions and planning. They both have enough cash to run their campaigns,thanks to International community and Indian parasites. We have to print a small booklet to show the people about their past records and their speeches in different occasions bashing each other and so on. Young youths should know their real color and their character. Prof write more about them as you know better than everybody about these shameless creatures.

  3. Ancient Sinhalaya Says:

    UNPatriotic Party (UNP)
    Jaathiya Vinashakari Party (JVP)
    what a combinatiton?
    Tratiors to the core! Jaathiya Vinashakari Party (JVP) can’t remember how alugosu jr, alugosu lk premadasa,
    alugos rw killed their youth. Now these Jaathiya Vinashakari Party (JVP) clowns are the darlings of gb rw. These
    clowns are insulting those youth who met their terrible, terrible deaths in the hands of those alugosuwas!
    You have no shame!

    Sinhalese please dump these UNPatritoic party (UNP) and Jaathiya Vinashakari Party (JVP)
    traitors on August 17 to save our motherland, Sinhalese race and Buddhism!

Leave a Reply

You must be logged in to post a comment.

 

 


Copyright © 2018 LankaWeb.com. All Rights Reserved. Powered by Wordpress