ලිච්ඡවිලාගේ රනිල්
Posted on July 26th, 2015

නලින් ද සිල්වා

ධර්මිෂ්ඨලාගේ ජේ ආර්ට පසුව අපට ලිච්ඡවිලාගේ රනිල් පහළ වී ඇත. පහළ වී ඇතැයි කිව ද ඔහු ද අනෙක් මිනිසුන් මෙන් ම උත්පත්තිය ලත් තැනැත්තෙකි. ජේ ආර්ට උපදෙස් දුන්නේ කවුදැයි නො දනිමි. රනිල්ට රතන හිමියන් උපදෙස් දුන්නත් ඔහු එ භාරගනී යැයි සිතිය නො හැකි ය. ලිච්ඡවිලාගේ රනිල්ට උපදෙස් දෙන්නේ ලිච්ඡවිලාගේ උදවියවත් කෞටිල්‍යලාගේ උදවියවත් නොව ඔබාමාලාගේ හා කැමරන්ලාගේ උදවිය ය. කෞටිල්‍යලාගේ උදවිය රතන හිමියන්ට නම්,උපදෙස් දෙනවා විය හැකි ය. ඒ උපදෙස් ද කැමරන්ලාගේ උපදෙස් අතර එතරම් වෙනසක් ඇතැයි නො සිතමි. ඒ සියල්ලන්ට අවශ්‍ය මැදමුළණ මහින්ද අතුගා දැමීමට ය, වළලා දැමීමට ය. 

බටහිරයන් දන්නා දෙයක් වේ. ඒ යම් සංස්කෘතියකට පහර ගැසීමට ඒ සංස්කෘතියෙහි ම සංකල්ප ආචාර ධර්ම ආදිය යොදා ගත යුතු බව ය. විශේ’ෂයෙන් ම එංගලන්තයේ සුද්දෝ ඒ බව දනිති. අවුරුදු දෙසියයකට පෙර ද කේම්බ්‍රිජ් උපධිධාරී ජෝන් ඩොයිලි ඒ බව දැන සිටියේ ය. අද ඔවුහු එදාටත් වඩා හොඳින් ඒ බව දනිති. ජේ ආර් ධර්මිෂ්ඨ සමාජයක් ඇති කරන බව සඳහන් කෙළේ මෙරට දශරාජ ධර්මයෙන් කරවීමට නො වේ. ඔහු ජනතාවගේ සංස්කෘතිය ගසා කා ජනතාව තමා දෙසට ආකර්ෂණය කර ගැනීමට එ සංකල්පය යොදා ගත්තේ ය. ධර්මිෂ්ඨ සමාජයක් බිහි කිරීමට යැයි කියමින් බලයට පැමිණි ජේ ආර් පරම පවිටු අධර්මිෂ්ට ඇමරිකන් ගැති ආණ්ඩුවක් පිහිටුවී ය. 

සිංහල බෞද්ධයෝ ලිච්ඡවින් ගැන දනිති. ලිච්ඡවි රාජ්‍යය රාජාණ්ඩුවක්වත් සමූහාණ්ඩුවක්වත් නො වී ය. ඇතැමුන් ඒ සමූහාණ්ඩුවක් ලෙස හඳුන්වන්නේ වෙනත් වචනයක් නැති කමට විය හැකි ය. ඒ ශාක්‍යයන්ගේ රාජ්‍යවලට වඩා ලිහිල් විය. ලිච්ඡවීහු නිතර රැස්වූහ. සාකච්ඡා කළහ. විසිර ගියහ. ඔවුන් බහුතර ඡන්දයෙන්වත් ඒකච්ඡන්දයෙන්වත් තීරණවලට පැමිණි බවක් නො කියැවෙයි. ඔවුහු සම්මුතියෙන් තීරණවලට පැමිණියහ. බුදුසසුනෙහි සංඝයා වහන්සේ ද සම්මුතියෙන් තීරණවලට පැමිණියහ. 

ලිච්ඡවින්ට සුළු කලක් වුවත් එලෙස සාකච්ඡාවෙන් සම්මුතියෙන් තීරණවලට පැමිණීමට හැකි වුයේ ඇයි? ඔවුන්ට පොදු රාෂ්ට්‍ර ප්‍රතිපත්ති විය. එසේත් නැත්නම් පොදු රාජ්‍ය ප්‍රතිපත්ති විය. ඔවුන් අතර වෙනස්කම් ඇතිවූයේ ඒ පොදු ප්‍රතිපත්තිවලට පටහැණීව යෑමෙන් නො වේ. 

අද මෙරට තත්ත්වය කුමක් ද? මෙරට දේශපාලන පක්‍ෂ අතර පොදු ප්‍රතිපත්ති නැත. ඊනියා ජාතික ප්‍රතිපත්ති ගැන කෙතෙක් කතා කළ ද අපට කිසිම දෙයක් ගැන පොදු රාජ්‍ය ප්‍රතිපත්ති නැත. අද සමහර පක්‍ෂවලට නම් ලංඩනයෙන් නියම කෙරෙන ඊනියා පොදුරාජ්‍ය මණ්ඩල ප්‍රතිපත්ති ඇත. මහින්ද රාජපක්‍ෂ අතුගා දැමීමට කතා කරන්නේ ඔහු මේ යටත්විජිතවාදී පොදු රාජ්‍ය මණ්ඩල ප්‍රතිපත්ති නො පිළිගන්නා බැවිනි. 

ලිච්ඡවිලාගේ රනිල්ට අවශ්‍ය වන්නේ දශරාජ ධර්මය ස්ථාපිත කිරීමට නො වේ. ඔහුට අවශ්‍ය ලංඩනයේ පොදු රාජ්‍ය මණ්ඩල ලොක්කන් සකස්කරන ප්‍රතිපත්ති දියවන්නාවේ දී බොරු සාකඡඡාවකට භාජනය කර ක්‍රියාත්මක කිරීම ය. ඉතා පැහැදිලිව ම සංධීය රාජ්‍යයක් පිහිටුවීම, මුස්ලිම් ඒකක බිහිකිරීම උතුරු හා නැගෙනහිර පළාත් එකතු කිරීම ආදිය එහි අඩංගු වෙයි. 

ප්‍රශ්නය වන්නේ ඒවාට එකඟ නොවන පක්‍ෂ පිලිබඳ ව ය. ලිච්ඡවින්ගේ නාමයෙන් රට පාවාදීමට ඔවුන් සූදානම් නැත. රනිල් ඔවුන්ට කුමක් කරන්නේ ද? ඔහු පැහැදිලිව ම ලන්ඩන් ලිච්ඡවිලා හා දිල්ලි ලිච්ඡවිලා සමග එකතු වී ඒ පක්‍ෂ මර්දනය කරනු ඇත. අප කළ යුත්තේ නූතන ව්‍යාජ ලිච්ඡවින් අගොස්තු 17 වැනි දා දියවන්නාවේ ගිල්ලවීම ය    

නලින් ද සිල්වා 

2015 ජූලි 25

4 Responses to “ලිච්ඡවිලාගේ රනිල්”

  1. Charles Says:

    Ape Aiyala monawa Karaida, Mun nevatath wenasak kiya Raniltam

  2. Charles Says:

    Ape Aiyala monawa Karaida, Mun nevatath wenasak kiya Raniltama chande deida ? Ehema kaloth unta hena wandinta one -Deiyo Sakki

  3. ranjit Says:

    Charles I too think of the same.Cannot trust our people but we do hope they will fully open their eyes and ears this time and decide wisely without giving the power back to these Ungrateful,unpatriotic,uneducated,unreliable traitors to the Motherland. That’s the wish of Sinhala Buddhist who loves this nation. Just look at the UNP habitual s who are barking like silly dogs day and night and bashing Mahinda our great hero without any decency or respect? In other developed countries the heroes are remembered day and night for their gallantry and bravery but in here the UNP rulers treat them worse than the beggars and making jokes out of them. These are the vicious traitors who laughed at the war heroes while we are at war. They went abroad and spoke against the country in world forums. They wanted to take war heroes to courts and punish them. I hope people in this country think more of the country they were born than about their stomach and little pay increase which was promised by these western backed coup plotters.

    I hope Maha Sanga will take a lead and educate the people about the danger ahead if these traitors come to power. LTTE sympathizers and Muslim fanatics are dancing too much and they hope they will get their demands very easily if Ranil the crook comes back to power. Their dreams should be shattered by voting Mahinda back to power with a clear majority. He is the only savior we have today. All Sinhala Buddhists if they love their country of birth and they want to keep the Sinhala land in one piece should and must vote only to Mahinda and no one else. Defeat the reactionary forces of Ranil/Sira/Choura combined and make a good choice by selecting Mahinda as the next Prime Minister of SRI LANKA.

  4. Ancient Sinhalaya Says:

    Catholic traitor chief newest idea is destroying village life. Moving farmers from villages and giving the land
    to big foreign corporations to large scale farming. Idea behind the sinister plan? Destroy Buddhism in villages and
    eventually make Sri Lanka a catholic country.

    Tragedy for Sinhalese, Buddhism and Sri Lanka is a lot Sinhalese Buddhists (Asinhalese) support this traitor Unpatriotic party
    (UNP) thinking it is fashionable to support them. So the traitor chief’s job is easy. Please the tamils and mussies,
    Asinhalese idiots will vote for the traitors anyway.

Leave a Reply

You must be logged in to post a comment.

 

 


Copyright © 2018 LankaWeb.com. All Rights Reserved. Powered by Wordpress