සුද්දන් කියන කියන දේට ඔළුව නැමීම රාජ්‍ය පාලනය නොවේ.. මෛත‍්‍රීගේ මඤ්ඤොක්කා විවේචනයට මහින්දගෙන් පිළිතුරු…
Posted on October 4th, 2015

lanka C news

සුද්දන් කියන කියන දේට ඔළුව නැමීම රාජ්‍ය පාලනය නොවේ.. මෛත‍්‍රීගේ මඤ්ඤොක්කා විවේචනයට මහින්දගෙන් පිළිතුරු…රාජතාන්ත‍්‍රිකටින් ඇඹිලිපිටියට ගෙන ගොස් මඤ්ඤොක්කා කැවුවේ යයි ජනාධිපති මෛත‍්‍රිපාල සිරිසේන මහතා එල්ල කරන චෝදනාවට මෙන්ම ජිනීවාහිදී ශ‍්‍රී ලංකාව සම්බන්දයෙන් ඡන්ද විමසීමකින් තොරව සම්මත වූ යෝජනාව ගැන හිටපු ජනාධිපති මහින්ද රාජපක්‍ෂ මහතා අදහස් පල කරයි.

හිටපු ජනාධිපතිවරයා සිය අදහස් දක්වා නිකුත් කර ඇති නිවේදනය මෙසේය.

රණවිරුවන් රැක බලා ගැනීම ආණ්ඩුවේ යුතුකමයි.

එක්සත් ජාතීන්ගේ මානව හිමිකම් කවුන්සිලය තුළ ලංකාවට එරෙහි ඇමරිකානු යෝජනාව ඡන්ද විමසීමකින් තොරව සම්මත කර ගැනීම ලංකාව ලැබූ රාජ්‍යතාන්ත්‍රික ජයග්‍ර‍හනයක් හැටියට ඇතැම් අය හුවා දක්වනු ලැබුවද එම මතයට මට එකග විය නොහැක. සම්මත වූ යෝජනාවේ 06 වෙනි ක්‍රියාන්විත ඡේදයට අනුව ලංකාවේ සිදු වූවා යැයි කියන මානව හිමිකම් උල්ලංඝනය කිරීම් විමර්ශනය කිරීමට පිහිටුවන යාන්ත්‍ර‍නය තුළ විදේශීය විනිශ්චයකාරවරුන්, පරිචෝදකයන්, විමර්ශණ නිළධාරීන් හා නීතීඥයන්ගේ සහභාගීත්වය තිබිය යුතු වේ. 08 වන ක්‍රියාන්විත ඡේද‍යට අනුව ශ්‍රී ලංකා ආරක්‍ෂක හමුදා තුළ මානව හිමිකම් උල්ලංඝනය කළ බවට සැක කරන සාමාජිකයන් උසාවියකට ඉදිරිපත් කිරීමට තරම් සාක්‍ෂි නැතත් පරිපාලනමය ක්‍රියාදාමයකින් සේවයෙන් ඉවත් කළ යුතු වේ.  04 වන ක්‍රියාන්විත ඡේදයට අනුව ලංකාවේ යුද සමය අලලා බිහි කරන මේ යාන්ත්‍ර‍නයන් වලට විදේශීය රටවල් වලින් මූල්‍ය පහසුකම් ලබා ගැනීමට ඉඩ සැලසේ. එයින් සිදු වන්නේ මේ ඊනියා ශ්‍රී ලාංකික යාන්ත්‍ර‍නය විදේශීය බලවතුන්ගේ මුදල් වලින් පවත්වාගෙන යන ආයතන බවට පත්වීමයි.

ඒ, මෙම යෝජනාවේ අඩංගු අහිකර ක්‍රියාන්විත ඡේදවලින් කීපයක් පමණි. මෙකී යෝජනාව සම්මත වීමෙන් පසු අගමැතිවරයා පවසා සිටියේ ශ්‍රී ලංකාව දැන් මානව හිමිකම් කවුන්සිලයේ න්‍යාය පත්‍ර‍යෙන් ඉවත්කරගෙන ඇති බවයි. ජිනීවාහී අධිරාජ්‍යවාදී මර උගුලෙන්” රට බේරාගත් ආණ්ඩුවට සුභ පතමින් එක්සත් ජනතා නිදහස් සන්ධානයේ පෝස්ටර් හා කටවුට් ද බොහෝ තැන්වල දක්නට තිබුණි.  එවැනි අදහස් හා සම්මත වූ යෝජනාවේ ඉහත දක්වන ලද ක්‍රියාන්විත ඡේද අතර ගැලපීමක් නැත. මේ ආකාරයට ජිනීවා යෝජනාවේ ක්‍රියාන්විත ඡේදත් ආණ්ඩුවේ වර්ථමාන වාග් මාලාවත් අතර නොගැලපීමට හේතුව ලංකාව ඇමරිකාව සමග එක් වී සහයෝගයෙන් මේ යෝජනාව සම්මත කර ගැනීමෙන් කිසිදු වාසියක් රටට අත් වී නැති බව ප්‍ර‍මාද වී හෝ අදාල බලධාරීන්ට අවබෝධ වී ඇති නිසා විය හැක. මේ යෝජනාවෙන් සිදු වී ඇත්තේ රටට අහිතකර මෙන්ම දේශපාලනික වශයෙන්ද ප්‍රායෝගික නොවන ක්‍රියාදාමයක ආණ්ඩුව හිරවීම බව ඔවුන්ට වැටහී තිබෙනවා විය හැක.

බොහෝ විට විදේශීය බලවතුන් වෙනත් රටවල් මත තම අභිමතයන් පැටවීමට උත්සාහ ගන්නා බවත් එවන් අවස්ථාවල අදාල රටට ඒ තත්වයට මුහුණ දීමට සුදුසු ක්‍ර‍ම සහ විධි ගැන කල්පනා කිරීමට සිදුවන බවත් මම පිළිගනිමි. ශ්‍රී ලංකා ආණ්ඩුවේ පළමු යුතුකම වන්නේ අපේ රණවිරුවන් රැකබලා ගැනීමයි. සම්මත වූ යෝජනාවේ ක්‍රියාන්විත ඡේද 06 සහ 08 එම පූජනීය යුතුකමට ඍජුවම හරස් වෙයි. ජිනීවාහී සම්මත වූ මෙම අවාසිදායක යෝජනාවට සුදු හුණු ගෑමට තවමත් උත්සාහයක් පවතින බව මම කණගාටුවෙන් ප්‍ර‍කාශ කරමි. ලංකාවට ජිනීවාහී ලබා ගත හැකි උපරිම සහනය මෙය බවත් රාජපක්‍ෂ ආණ්ඩුව තවමත් බලයේ සිටියේ නම් තත්වය මීට වඩා දරුණු වී ආර්ථික සම්බාධක පවා පැනවීමට ඉඩ තිබුනු බවත් ඇතැම් අය කියනු අපට ඇසෙයි. 2010 දී ජී.එස්.පී+ බදු සහනය නැතිවීමත් මේ වසරේ ජනවාරියේ දී යුරෝපා සංගමය තුලට ලංකාවෙන් මාළු ගෙන්වීම තහනම් කිරීමත්, මග එමින් තිබූ ඒ ආර්ථික සම්බාධක වල පෙරමග සලකුණු හැටියට ඇතැම් පාර්ශව හුවා දක්වනු ලැබේ.

මේ වසරේදී යුරෝපය තුලට ලංකාවේ මාළු ගෙන ඒම තහනම් කරනු ලැබුවේ ඉන්දියන් සාගරයේ මතස්‍ය කොමිසමේ නිර්දේශ වලට පටහැනිව නීති විරෝධීව,  අවිධිමත්ව, හා වාර්තා කිරීමකින් තොරව” මසුන් මැරීම පිළිබදව ආරවුලක් නිසා මිස කිසිදු දේශපාලනික හෝ මානව හිමිකම් ප්‍ර‍ශ්නයක් නිසා නොවන බව ජනතාව දැනගත යුතුය. ජී.එස්.පී+ පිළිබද කතාවද බොහෝ දෙනා සිතනවාට වඩා වෙනස්ය. ජී.එස්.පී+ යනු යුරෝපා සංගමය විසින් දේශපාලනික කොන්දේසි සහිතව ලබා දෙන බදු සහනයකි. මෙයට සම්බන්ධවී ඇති දේශපාලන කොන්දේසි නිසා ආසියාවේ කිසිදු අපනයනය කරන රටක් මේ බදු සහනය ලබාගෙන නැත. 2010 දී ලංකාවට ලැබී තිබුණු ජී.එස්.පී+ බදු සහනය ගැන අවු. 05 කට වරක් කෙරෙන සමාලෝචනයේ දී යුරෝපා සංගමයේ දේශපාලන න්‍යාය පත්‍ර‍ය ලංකාව මත පැටවීමට උත්සාහයක් තිබුණු නිසා එම බදු සහනය සදහා නැවත ඉල්ලුම් නොකිරීමට මාගේ ආණුඩුව තීන්දුවක් ගත්තේය. මේ බදු සහනය නොමැතිව වුවද යුරෝපා සංගමය තුළට ලංකාවේ ඇගලුම් අපනයනය සෑම වසරකම 6% කට වඩා වර්ධනය වන බවට වගබලා ගැනීමටද අප පියවර ගත්තෙමු.

මා ලිබියාවේ නායක මුවම්මර් ගඩාෆි මහතාගේ කර වටා අත දමා ගැනීම නිසාත් බටහිර රටවල් ලංකාව සමග උරණ වූ බවද ඇතැම් අය කියයි. මේ කියන ඡායා රූපයේ මාගේ කර වටා අත දමා සිටින්නේ ගඩාෆි මහතාය. 2009 දී යුද්ධයේ අවසන් මාස කීපයට අවතීර්ණ වත්ම එවක ලෝකයේ ඇති වී තිබූ දරුණු ආර්ථික අවපාතය හේතුවෙන් ලංකාවේ විදේශ සංචිත සීග්‍රයෙන් පහත වැටෙමින් පැවතුණි. මේ අවස්ථාවේ දී බටහිර රටවලින් එල්ල කරනු ලැබූ පීඩනය නිසා ජාත්‍යන්තර මුල්‍ය අරමුදලින් අපට ලැබිය යුතුව තිබූ ණය පහසුකම් ද ප්‍රමාද විය. ඒ අවස්ථාවේ දී මා දුන් එක දුරකථන ඇමතුමකින් ඇ.ඩොලර් මිලියන 500 ක ණයක් ලංකාවට ලබා දීමට ගඩාෆි මහතා එකග විය. ඒ පොරොන්දුව නොවන්නට යුද්ධය ජය ගැනීමට පෙර ආර්ථිකය ඇණ හිටීමට ඉඩ තිබුණි.

ලංකාවේ යුද්ධය නැවැත්වීමට විදේශීය ප්‍ර‍භූවරුන් මෙහි පැමිණි අවස්ථාවේ දී ඔවුන්ව ඇඹිලිපිටියට ගෙන්වා මඤ්ඤොක්කා කෑමට දී ඔවුන්ට සිතා මතා අපහාස කළ නිසා බටහිර රටවල් අපට එරෙහිව යෝජනා සම්මත කරන බවටද අදහසක් පල විය. යුද්ධයේ අවසන් දිනවල හමුදා මෙහෙයුම් නතර කර වීමට මට බලපෑම් කිරීම සදහා පැමිණි බ්‍රිතාන්‍ය හා ප්‍ර‍ංශ විදේශ ඇමතිවරුන්ට ලබාදුන් ආහාර මොනවාදැයි මට දැන් මතකයක් නැත. නමුත් යුද මෙහෙයුම් නතර කිරීම මම එකහෙලාම ප්‍ර‍තික්‍ෂේප කල බව පිළිගනිමි. අප අද ත්‍ර‍ස්තවාදයෙන් තොර රටක ජීවත් වන්නේ විදේශීය පීඩනයට මම යටත් නොවුනු නිසාය. ලංකාවේ ජනතාව සර්වජන ඡන්ද බලයෙන් ආණ්ඩු පත් කර ගන්නේ මේ රටට සුදුසු ක්‍රියාමර්ග ගැනීමට මිස විදේශීය බලවතුන් කියන හැමදේකටම ඔළුව වැනීමට නොවේ. ජිනීවාහි සම්මත කරගත් මේ යෝජනාවටද ඒ යථාර්තය එලෙසම වලංගු වේ.

මහින්ද රාජපක්‍ෂ (පා.ම)
හිටපු ජනාධිපති

4 Responses to “සුද්දන් කියන කියන දේට ඔළුව නැමීම රාජ්‍ය පාලනය නොවේ.. මෛත‍්‍රීගේ මඤ්ඤොක්කා විවේචනයට මහින්දගෙන් පිළිතුරු…”

  1. Cerberus Says:

    Dear President Mahinda Rajapaksa. You were the only one who stood up to the bullying tactics of these foreign countries yesterday and today also you are the one who is telling the truth about what happened to all our people. My3,CBK, RW trio seem to be hell bent on selling the country to India and breaking it up as requested by Sambandan. What a tragic day it was when you were defeated by cheating. It was also pointed out in an interview with election commissioner which was published in Lanka web on Aug 30 how impossible it was for UNP to have received the votes they did. Please see the link below:

    http://www.lankaweb.com/news/items/2015/08/30/%E0%B6%B8%E0%B6%B1%E0%B7%9C-%E0%B6%B8%E0%B7%90%E0%B6%AD%E0%B7%92%E0%B7%80%E0%B6%BB%E0%B6%AB-%E0%B6%9A%E0%B7%9C%E0%B6%B8%E0%B7%83%E0%B7%8F%E0%B6%BB%E0%B7%92%E0%B7%83%E0%B7%8A%E0%B6%AD%E0%B7%94%E0%B6%B8/

    Thank you for all you do in your retirement years for the country.

  2. Hiranthe Says:

    Thank you Sir,

    We want you to fight back so the true patriots will not be feeling lost in the storm.

    You may have to totally ditch your old buddies and advisers and think fresh as a true son of Mother Lanka to which all those “Purohithas” those who mislead you are no more required.

    You should be able to separate true patriots from the traitors similar to the swan separates milk from water. That is what Mother Lanka expects from you.

    We all support you and if you plan to get GOTA to the Presidential seat for the next election, it will pave the way to save Mother Lanka and put the things right.

    WE ARE THERE FOR YOU DEAR SIR!!

  3. Hiranthe Says:

    Dear Sir,

    Please also bring back Sarath from Ampara to the action team along with Wimal, Udaya, Dinesh etc.

    He is a true son of Mother Lanka, which you have not realised!! from what we observed..

  4. NAK Says:

    From what RW says, it seems, what they are planing on doing is to just agree to everything they propose but do nothing while the Americans agree to turn a blind eye. So they can keep Geneva alive for ever and as soon as MR or any other patriotic party comes back to power cudgels of Geneva will be back on them.

Leave a Reply

You must be logged in to post a comment.

 

 


Copyright © 2018 LankaWeb.com. All Rights Reserved. Powered by Wordpress