පූරක වෙස් ගත් නිවේදකයින්ට කරුණාගෙන් පාඩමක්
Posted on November 4th, 2015

 ජනිත් විපුලගුණ -යුතුකම

 ශ්‍රී ලංකාවේ රූපවාහිනී ක්ෂේත්‍ර යේ පූරකයින්ගේ ඇතුළාන්තය විනිවිද දැකිය හැකි අවස්ථා ගණනාවක් රුපවාහිනී සංවාදයන්හි දී දැකගැනිමට අවස්ථාව ලද මුත්, හිරු ටීවී සලකුණ එහි තවත් මානයක් විවර කිරීමට ඊයේ සමත් වීය.
2015 නොාවැම්බර් 02 වන දින රාත්‍රී විකාශය වූ කරුණා අම්මාන් සමඟ පූරකයින් යැයි වචනාර්ථයෙන් පමණක් හැඳින්විය හැකි තිදෙනෙක් කළ සංවාදයට භාෂා පරිවර්ථකයෙක් ද එක් ගැනිමට සිදුව තිබුණේ ශ්‍රී ලංකාවේ ජාතිකත්ව අතර සන්නිවේදනය හා මතවාදී පැහැදිලි කරගැනීම් සඳහා ඇති අවකාශයන් පිළිබඳව ද පණිවුඩයක් ලබා දෙමිනි.

පැහැදිලි සහ නිවැරදි මාධ්‍ය භාවිතයක නියැළෙන පූරකයෙක් යනු කවරෙක්ද යන්න තවමත් ලංකාවේ මාධ්‍ය හිමිකරුවන් හෝ ඒවායේ අංශ ප්‍රධානීන් දැන සිටීද යන්න ද ප්‍රශ්න කළ යුතු තැනක තිබේ. එවන් තත්ත්වයන් ප්‍රකට කරන අතරතුර, රටේ වැදගත්ම සංසිද්ධීන් අරබයා ඔවුන් විසින් දේශපාලකයින් ප්‍රශ්න කිරීම කෙතරම් සුදුසු ද යන්න ඉන් ගම්‍ය වෙයි. මාධ්‍ය හිමිකරුවන් මෙතැනට ගෑවෙන්නේ නිකම්ම නොවෙන බවත් කිව යුතුය. මේ වන විට ශ්‍රී ලංකාවේ මාධ්‍ය ආයතන තුළ සංවාද හැසිරවීම සහ ඊට නිවේදකයින් (පූරකයින් ලෙස හැඳින්වීමට සිදුවන නිවේදකයින්) යොදවන්නේද හිමිකාරීත්වයේ ඕනෑ එපාකම් මත බව අප හොඳින්ම දන්නා කරුණක් බැවින් මාධ්‍ය හිමිකාරීත්වයේ සිතැඟි ද සැලකිල්ලට ගත යුතු මට්ටමක තිබේ.

මෙනයින්, පූරකයින් නොවන නිවේදකයින් ඉදිරියේ, දේශපාලනඥයින් නොවන දේශපාලකයින් කරන වැමෑරීම් බලමින් කල් මැරීමට මෙරට බොහෝ ප්‍රේක්ෂකයින්ට සිදුව ඇත. එය වෙනසකට ලක් කළ සංවාදයක් ලෙස 2015 නොවැම්බර් 02 වන දින හිරු ටීවී සලකුණ වැඩසටහන දක්නට ලැබුණේ නිවේදක මහත්වරුන්ගේ දක්ෂතාව නිසා නොව කරුණා අම්මාන්ගේ සම්ප්‍රාප්තිය නිසාය.

මෙම සංවාදයට එක් වූ නිවේදකයින් දෙදෙනෙකුටම දැඩිව අවශ්‍ය තිබුණේ කරුණා අම්මාන් මහින්දවාදියෙක් යන්න ප්‍රකට කරවන ප්‍රකාශ ඔහු ලවාම කියවා ගැනීමය. හාස්‍යය දනවන උපහාසාත්මක පිළිතුරුවලින් කරුණා විසින් අදාළ නිවේදකයින්ට පිළිතුරු දුන්නද ඒවා ප්‍රබලව බහුතර සිංහල පමණක් කතා කරන ප්‍රේක්ෂකයාට නොදැණෙන්නේ එවැනි පිළිතුරු බොහොමයක් ඔහු විසින් දමිළ බසින් වැහැරීම නිසාය.

…මහින්ද අයියා නොසිටින්නට ලංකාවේ ජනතාවට නිදහසක් නෑ… බව කරුණා කිහිපවිටක් පැවැසීම නිවේදකයින් දෙදෙනෙක් සමාජගතකරන්නට තැත් දරන්නේම, කරුණා මහින්දවාදියෙක් ලෙස පටු කිරීමට තැත් කිරීමෙනි. ඒ සමඟම අමු ම අමු හරක් ප්‍රශ්න කිහිපයක්ම කරුණාවෙත යොමු කිරීමට රංගන නිවේදක උතුමා පසුබට නොවන්නේය. [කරුණා අම්මාන්ගේ එම අදහස් දැක්වීම  >>  ]

1980 දශකයේ දී සමූල ඝාතනයට ලක් කළ බව එක්සත් ජාතික පක්ෂය විසින් ප්‍රසිද්ධියේ ප්‍රකාශ කළ ජනතා විමුක්ති පෙරමුණ සහ රෝහණ විජේවීර , කිහිපවතාවක් උදාහරණයට ගනිමින් කරුණා කළ පැහැදිලි කිරීම් හමුවේ නිරුත්තරවීමට අවශේෂ නිවේදකයින් දෙපළටම සිදුවීමද විශේෂත්වයකි.

ප්‍රභාකරන් වීරයෙක් ලෙස සැළකීමට දමිළ සමාජය සූදානම් නොවීම පිළිබඳව කරුණා විසින් වෙනත් රූපවාහිනී නාලිකාවකට කර තිබූ ප්‍රකාශයක්ද වැරදියට තේරුම් ගනිමින් මහත් උජාරුවෙන් උපුටා දැක්වීමම මෙම තත්ත්වය මනාව පැහැදිලි වීය. එක්සත් ජාතික පක්ෂ විසින් සමූල ඝාතනයට වෙර දැරූ ජවිපෙ සහ විජේවීර උදාහරණයට ගැනීම නිසා ඉන් ඔබ්බට එම කරුණු කරුණාලවා පැහැදිලි කර ගැනීමට යාම හිතා මතාම පෙර කී නිවේදකයින් මඟ හැරීබව ගම්‍ය වීය.

කෙසේ වෙතත්, කරුණා සම්මුඛයට ගෙන ප්‍රශ්න කිරීම කාලෝචිත ක්‍රියාවකි. මන්ද, ඔහු ශ්‍රී ලංකා නිදහස් පක්ෂයෙන් ඉවත්ව යාම, දීර්ඝ ඉතිහාසයක් ඇති දමිළ පක්ෂයක් සමග එක්වීම හා වත්මන් දේශපාලන අර්බුදය හමුවේ ඔහුගේ මතය දැන ගැනීම දේශපාලනික සමාජයට වැදගත් නිසා කරුණාගේ සම්මුඛ සාකච්ඡාව කාලෝචිතය.

රනිල් වාදයෙන් මුසපත්ව, මහින්දවාදය ලුහුබඳින්නට රිසි නිවේදක මහත්වරුන්ගේ හිත සුව පිණිස මෙවන් වැඩසටහන් තව තවත් විකාශය වන්නේ නම් අගෙයි යනුවෙන් සිතමි.

තම හිස් බව හා තම අන්තයෙන්ම අන් මත යටපත් කිරීමට වෙර දරන මාධ්‍ය සංස්කෘතියක් තුළ සුදේව වැන්නන් වචනයේ පරිසමාප්තයෙන්ම පූරකයන් වනු දැක්මත් සුබවාදී ය.

 2015 නොවැම්බර් 03

3 Responses to “පූරක වෙස් ගත් නිවේදකයින්ට කරුණාගෙන් පාඩමක්”

  1. Charles Says:

    Karuna Amman is far too clever to be cornered by the stupid journalists. After all he is a man who had faced death and had the courage to challenge Prabhakaran. He is worth more than hundreds of new journalists coming in various tv debates. The journalists of Satana are absurd and take themselves for super journalists.

    It was a pity that Karuna was not allowed to contest under UPFA. He is a useful man to be with the Sinhala political parties, not with the Tamil and Ananda Sangaree

  2. Independent Says:

    As I said earlier, people change, some for good , some for bad. We need not condemn people just because of their past but critically observe them NOW.
    This man, to the ordinary folks, might be seen as one who changed from bad to good.
    But I see no difference in him. Hidden inside and cladded with an European suit is a manipulative fool who will not do well in life. Wait and see.

  3. dhane Says:

    Karuna was a Terrorist commander but now refined. Even Angulimala was a killer became Arrahath. In my opinion Karuna had become good Politician within these few years and much smarter than all the three journalists who interviewed and try their best to corner him. These 3 stupide journalists failed their target.

Leave a Reply

You must be logged in to post a comment.

 

 


Copyright © 2018 LankaWeb.com. All Rights Reserved. Powered by Wordpress