ජනවාරි 08 මෝඩයාගේ කැරැල්ලක් ද?
Posted on December 7th, 2015

-ජ්‍යේෂ්ඨ කතිකාචාර්‍ය මහින්ද පතිරණ යුතුකම සංවාද කවය

ජනවාරී 08 සිදු වූයේ මෝඩයින්ගේ කැරැල්ලක්. අපි එහෙම කියන්නේ එම කැරැල්ලට නායකත්වය දුන් න්‍යායාචාරයින්ට මෙන් ම දේශපාලකයින්ට ද කැරැල්ලෙන් පසු සිදු වෙන්න යන දෙය පිළිබඳ කිසිම අදහසක් නැති වීම නිසා. ඇත්තට ම මේක මම හිතන්නේ ඇකඩමික් හා එම කෝවේ ම නිර්මාණය වූ බුද්ධිමතුන්ගේ පිරිහීම නියෝජනය කරනවා කියල. මිට හේතුව වත්මන් උගතා නිර්මාණශීලි බුද්ධිමතෙක් නොවීම. මෙය ගැඹුරින් හැදෑරිය යුතුයි. මොකද ඕනෑම සමාජයක උගත්කම කියන්නේ කෙනෙක් වහා හසුවන වෙළඳ දැන්වීමක් නිසා.බුද්ධිමතාගේ පිරිහීමට බලපාන අමතර බොහෝ කාරණා හේතු වුනත් ප්‍රධාන හේතුව වෙන්නේ බටහිර මොඩලයේ අධ්‍යාපනයේ අර්බුදය. බටහිර අධ්‍යාපනය දැනුම සොයා යන්නේ ඒවා කොටස්වලට ‍‍බෙදළා ඒ තනි තනි කොටස වෙන වෙනම අරගෙන. දැන් ඔය විශ්වවිද්‍යාල කියන්නේ අන්න එහෙම දැනුම හොයන්න හදපු ආයතනය. එකේ දැනුම අධ්‍යනාංශවලට බෙදල ඒ ඒ අධ්‍යයනාංශ තුළ ඒ ඒ විෂයට අදාළ විශේෂ දැනුමැත්තන් හදනවා. මෙහෙම ඉගෙන ගෙන එළියට එන බොහෝ අයට ලෝකයේ සෙසු පැතිකඩ ගැන අවබෝධයක් නැ. උදාහරණයක් විදියට ආර්ථික විද්‍යාවෙන් කියන්නේ කෙසේ හෝ පරි‍භෝජනය වැඩිකරල ඉලක්කම් ඉහළ නංවන්න කියල. ඒත් වැඩි කල් මෙහෙම යන්න සම්පත් නැති බවත් ඒ අතර ම පරිසරය විනාශ වි මිනිසා විනාශ වෙන බවත් හිතන්න උගන්වන්නේ නැහැ. අද දේශගුණික විපර්යාස ප්‍රශ්නය බටහිර දැනුමේ අර්බුදයක්.

ලංකාවෙත් ඉන්නෙ මෙහෙම හිතන අය. මොවුන් යම් දෙයක් හුදකලා කරල අරගෙන, ඒ වටා තිබෙන අතුරු සෙසු දැනුම් සලකන්නේ නැතුව නිගමනවලට එනවා. බලන්න විශ්වවිද්‍යාල ආචාර්වරු බහුතරයක් මහින්ද එළවන්න පාරට බැස්ස විදිය. ඔවුන්ට හැකියාවක් නැ මේ රට නිදහසින් පසු මුහුණ දෙමින් සිටි අර්බුදය හා මහින්ද රජය විසින් ඉන් මිදීමට ගත් දැවැන්ත උත්සාහය එකට තියල තේරුම් ගන්න. ඔවුන් මහින්ද වෙනමත් මහින්දට හිමි වූ සෑම අතින් ම කුණු වූ රට වෙනමත් තියල තේරුම් ගත්තා. අනික ඔවුන්ට බැරි වුණා රනිල් ආවොත් මොන විදියේ ආර්ථික මොඩලයක් ක්‍රියාත්මක කරයි ද කියලවත් හිතන්න. පූර්ණ නවලිබරල්වාදය දැන් යල්පැනපු එකක්. ඒත් රනිල් නවලිබරල් ගැත්තෙක් කියල දැන දැනත් ඔහුගෙන් රටේ සමාජ සුබසාධනයට එල්ල විය හැකි දැවැන්න බලපෑම ගැන තක්සේරු කරන්න මේ ආචාර්වරුන්ට හැකියාව තිබුණෙ නැහැ. මේ ‍ගොඩක් ආචාර්යවරු ශිෂ්‍ය කාලෙදි කෑව වාමංශික තෙල් නිසා කිසියම් මතුපිට සමාජවාදයක් නියෝජනය කරන අය. ඒත් අඩුම තරමින් ඔවුන්ට බැරි වුණා තමන් දක්ෂිණාංශික ද වාමාංශික ද කියලවත් තීරණය කරගන්න.

අයවැය නිසා අද රටේ සෑම ස්ථරයක් ම දැඩි අසහනයට පත් කරල උද්ඝෝෂණ කරන තැනට රට තල්ලු කළේ මේ ඇකඩමික් බුද්ධිමතුන්. හැබැයි අපේ ගම්වල මිනිසුන් තාම තීරණ ගන්නේ ව්‍යවහාරික බුද්ධියෙන්. ඔවුන්ට පුළුවන් සමස්තය දිහා බලල වඩාත් හොඳ තීරණයක් ගන්න. ඒකයි ජනාධිපතවරණයේ දී මහින්දගේ ප්‍රශ්න තිබිලත් ඔවුන් මහින්ද ව තෝරගන්න යොමු වුනේ. ඒ කියන්නේ අද රට පත්වෙලා තිබෙන අර්බුද සියල්ල ගැමියා තමන්ගේ ඉවෙන් ම එදා තේරුම් ගත්තා. අව්‍යාජ බුද්ධිය විසින් ව්‍යාජ උගත්කම පරයා ගිය කදිම අවස්ථාවක් ඒක. උගත්කම සැක කරන්න.

-ජ්‍යේෂ්ඨ කතිකාචාර්‍ය මහින්ද පතිරණ

Word count: 430

යුතුකම සංවාද කවය

www.yuthukama.com
ඔබේ මනාපය රට වෙනුවෙන් කැපවුනු යුතුකම සංවාද කවයේ ෆේස්බුක් පිටුවේ ලකුණු කරන්න. (Like us on facebook)
https://www.facebook.com/yuthukama

2 Responses to “ජනවාරි 08 මෝඩයාගේ කැරැල්ලක් ද?”

  1. jay-ran Says:

    “ජ්‍යේෂ්ඨ කතිකාචාර්‍ය මහින්ද පතිරණ THUMANI!!!”
    “අයවැය නිසා අද රටේ සෑම ස්ථරයක් ම දැඩි අසහනයට පත් කරල උද්ඝෝෂණ කරන තැනට රට තල්ලු කළේ මේ ඇකඩමික් බුද්ධිමතුන්. හැබැයි අපේ ගම්වල මිනිසුන් තාම තීරණ ගන්නේ ව්‍යවහාරික බුද්ධියෙන්. ඔවුන්ට පුළුවන් සමස්තය දිහා බලල වඩාත් හොඳ තීරණයක් ගන්න. ඒකයි ජනාධිපතවරණයේ දී මහින්දගේ ප්‍රශ්න තිබිලත් ඔවුන් මහින්ද ව තෝරගන්න යොමු වුනේ. ඒ කියන්නේ අද රට පත්වෙලා තිබෙන අර්බුද සියල්ල ගැමියා තමන්ගේ ඉවෙන් ම එදා තේරුම් ගත්තා. අව්‍යාජ බුද්ධිය විසින් ව්‍යාජ උගත්කම පරයා ගිය කදිම අවස්ථාවක් ඒක. උගත්කම සැක කරන්න.
    ?????????Oba thumage den rate thibennawoo thathway ihatha vigrahayeng kadimata suluweng penwadeema gena mama pudgalikawa isthuthiya saha gaurawaya puda karami.
    Obathumakiya ethi paridi VISWA VIDYALAYE PANDITHA KOOK LA KALA EMA PAAPA KARMAYATA,BUDU WADANA PARIDI-DHITTA,DHAMMA,VEDANEEYA KARMAYA MEMA KELEHIGUNA NODATH PAAHARAYANTA PALA DENAWA!!! SATHYAYAI!!!! ETHTHAI!!!!!

  2. Nanda Says:

    ජනවාරි 8 මෝඩයා ගේ කැරැල්ලක් වන්නේ කෙසේ ද ? මේ දිනය නියම කලේ මෝඩයෙක් ද ? කිසිවෙක් කැරලි ගැසුවේත් නැත​.
    එහෙත් මේ දිනයේ ඉලෙක්‍ෂන් එක නිසා නිසා අපට හොඳක් නොවුනු බවත්, රට පසුපසට ගිය බව සත්‍යයකි. මෙය අමුම අමු මෝඩ ඉලෙක්‍ෂන් එකක් බව ඇත්තයි.

    ඒ නිසා “ජනවාරි 8 මෝඩයාගේ ඉලෙක්‍ෂන් එක ” කියා ඔබේ ටොපිච් එක වෙනස් කල යුතුය​.

Leave a Reply

You must be logged in to post a comment.

 

 


Copyright © 2018 LankaWeb.com. All Rights Reserved. Powered by Wordpress