තුසිත මළළසේකර මහතා ගැන සටහනක් 
Posted on March 31st, 2016

වෛද්‍රුවන් එම් ජයතුංග 

පාසල් යන කාලයේදී මම  සිළුමිණ , රිවිරැස පත්තර වල යන  තුසිත මළළසේකර මහතාගේ සහ දෙල්තොට චන්ද්‍රපාල මහතාගේ  සෞඛ්‍යය ලිපි  කියවීමට   ආශාවක් දැක්වූයෙමි.  තුසිත මළළසේකර මහතාගේ ලිපි වල විශේෂ බවක් මා දුටිමි. එනම් ඉතා සරල සහ ආකර්ශනීය අයුරින් කියවන්නාට ගෝචර වන ලෙසට සෞඛ්‍යය කරුණු සඳහන් ලිපි ලිවීමේ හැකියාවයි.

මගේ පරම්පරාවේ වෛද්‍යවරු බොහෝ දෙනෙකු පාසල් සිසුන් ලෙසට තුසිත මළළසේකර මහතාගේ ලිපි කියවා ඇති බව නිසැකය​. එහෙත් මට තුසිත මළළසේකර මහතා හමු වීමට 2001 පමණ වන තෙක් ඉඩක් නොවීය​. එම වසරේදී තුසිත මළළසේකර මහතා විසින් රූපාවාහිනියේ කරගෙන ගිය වෛද්‍ය හමුව වැඩ සටහනට අධ්‍යාපන ප්‍රතිකාර පිළිබඳව කතා කිරීමට මට ආරාධනා කලේය​. මේ කාලය වන විට මම  අධ්‍යාපන ප්‍රතිකාර නමින් පොතක් ද ලියා තිබුනි. ළමුන් විසින් පෙන්වන අධ්‍යාපන ගැටළු සඳහා වෛද්‍ය සහ මනෝ විද්‍යාත්මක ප්‍රතිකාර උපකාර වන අන්දම මෙම ග්‍රන්ථයෙන් මම පෙන්වා දුන්නෙමි.

විශේෂඥ මනෝ වෛද්‍ය නීල් ප්‍රනාන්දු සහ මා විසින් ලියන ලද විශාදය සහ මනෝ ප්‍රතිකාර යන කෘතිය දොරට වැඩීමේ උත්සවයේදී ප්‍රධාන දෙසුම පැවැත්වීම සඳහා අප විසින් ආරාධනා කරන ලද්දේ  තුසිත මළළසේකර මහතාටය​. එසේම මම පුත්තලම දිස්ත්‍රික් මානසික සෞඛ්‍යය සම්බන්ධීකරණ නිලධාරී ලෙස සේවය කරන ලද සමයේදී වෛද්‍යවරුන් ගේ සන්නිවේදන කුසලතා නැංවීම සඳහා වැඩසටහන් මාලාවක් කලෙමි. මින් එක් ප්‍රධාන වැඩසටහනක් වූයේ  තුසිත මළළසේකර මහතා මගින් සෞඛ්‍යය සන්නිවේදනය කරන අයුරු පිළිබඳව පිළිබඳව වැඩමුළුවක් කිරීමයි. මෙම වැඩසටහනට වෛද්‍යවරු බොහෝ දෙනෙකු සහභාගී වූ අතර එම වැඩසටහන බොහෝ එලදායී විය​.

ලංකාවේ  සෞඛ්‍යය අධ්‍යාපන ක්ශේත්‍රයට තුසිත මළළසේකර මහතාගෙන් සිදුවූ සේවය සෞඛ්‍යය අධ්‍යාපන බලධාරීන් හෝ අනෙකුත් සෞඛ්‍යය  ක්ශේත්‍ර අගැයීමක් සිදු නොකිරීම මට එක්තරා අන්දමකට වේදනාවක් ගෙන ආවේය​. මේ අතර  තුසිත මළළසේකර මහතා සෞඛ්‍යය අධ්‍යාපන බියුරෝවෙන් විශ්‍රාමද ගියේය​. මේ නිසා දුම්කොල භාවිතයේ ආදීනව ගැන පෙන්වා දෙමින් 2009 වසරේ මා ඇතුළු වෛද්‍ය බුද්ධික විජේගුනවර්ධන , වෛද්‍ය දිනේජ් චන්ද්‍රසිරි   සහ සෞඛ්‍යය අධ්‍යාපන නිලධාරී ධර්මදාස පින්නවල මහතා විසින් ලියන ලද දුම්කොල මාරයා පොත අප තුසිත මළළසේකර මහතා  වෙත පිළිගැන්වූයෙමු.  මෙම පොත සෞඛ්‍යය අමාත්‍යාංශයේදී මානසික සෞඛ්‍යය  අධ්‍යක්‍ෂකවරිය විසින් තුසිත මළළසේකර මහතා  වෙත පිලිගන්වන ලදි.

 

වෛද්‍රුවන් එම් ජයතුංග 

Leave a Reply

You must be logged in to post a comment.

 

 


Copyright © 2018 LankaWeb.com. All Rights Reserved. Powered by Wordpress