සියළු සාස්තරකරුවන් පරදමින් විමල් 2005දී මහින්ද ගැන කියූ නොවරදින සාස්තරය.. ලංකවේ බියකරැු ඉදිරිය ගැන නොවරදින දේශපාලන සාස්තරය මෙන්න..
Posted on September 13th, 2016

lanka C news

බටහිර උවමනාවන් ඉටු කිරීමට සිරිසේන ජනාධිපතිවරයා එක්සත් ජාතීන්ගේ මහ ලේකම්වරයාගෙන් කල් ඉල්ලන්නේ ඔවුන් සියලු දෙනා නොසිතූ පරිදි මහින්ද රාජපක්‍ෂ මහතා මේ වන විට මෙරට දේශපාලනයේ කේන්ද්‍රීය සාධකය බවට පත්ව ඇති නිසා යැයි ජාතික නිදහස් පෙරමුණේ නායක, පාර්ලිමේන්තු මන්ත්‍රී විමල් වීරවංශ මහතා පෙන්වා දෙයි.

කළුතර නගර ශාලාවේදී පැවැති ‘ව්‍යවස්ථා මරඋගුල සහ ජාතියේ අවමගුල’ දේශන මාලාවේ 6වැන්න සිදු කරමින් ඒ මහතා මෙසේ පෙන්වා දුන්නේය.

එහිදී වැඩිදුරටත් අදහස් දැක්වූ විමල් වීරවංශ මහතා මෙසේ ද සඳහන් කළේය

මහි කළුතර දත් දොස්තර ආදී සකලවිද සතුරන් කන්න බලන්නෙත් මහින්ද රාජපක්‍ෂව. සියලු සතුරන්ට මහින්ද රාජපක්‍ෂ වටා කැරකැවෙමින් තමයි තමන්ගේ දේශපාලනය කරන්න වෙලා තිබෙන්නේ. කලින් මේ රටේ දේශපාලන භූමියේ කේන්ද්‍රයේ හිටියේ ප්‍රභාකරන්. එදා ප්‍රභාකරන් වටා තමයි කාටත් කැරකැවෙන්න සිදු වුණේ. දැන් එතැනට මහින්න්ද රාජපක්‍ෂ සාධකය දේශපාලන භූමියට නැවත ආගමනය වූයේ නැතිනම් මේ වන විට ජාතියේ ‘නහය’ අල්ලලා බලෙන් වතුර පොවලා ‘තිත්ත බෙහෙත් පෙති’ ටික ඔක්කොම ගිල්වලා ඉවරයි. ජනාධිපති සිරිසේනට මේ ‘තිත්ත බෙහෙත්’ පෙත්තෙන් පෙත්ත පොවන්න වුණේ රාජපක්‍ෂ සාධකය මෙරට දේශපාලන භූමියේ ‘කේන්ද්‍රය’ බවට පත්වූ නිසයි. බලන්න මැලේසියාවට ගියාම කොටි ‘කන්න බලන්නේ’ මහින්ද රාජපක්‍ෂව. අද මෛත්‍රීපාල සිරිසේන, රනිල් වික්‍රමසිංහ හා රතු කමිසධාරී රතු අලි පැටියා, පා.ච රණවකලා,ද රාජපක්‍ෂ සාධකය පැමිණ තිබෙනවා.
මේ නිසා තමයි එක්සත් ජාතින්ගේ මහ ලේකම් බැන් කී මූන්ට ළං වෙලා සිරිසේන ජනාධිපතිවරයාට කියන්න සිදු වුණේ ‘මම හිතුවේ නැහැ මහින්ද ආයෙත් මෙතැනට එයි කියලා. ඒත් දැන් එයා ඇවිල්ලා කේන්ද්‍රයේ ඉන්නේ. එයා කේන්ද්‍රයේ ඉන්නකොට මට ඔයගොල්ලෝ කියන වැඩ ටික පටපට ගාලා කරන්න බැහැ. එකින් එක කරන්න ඉඩ දෙන්න’ කියලා. මහින්ද රාජපක්‍ෂගේ යළි ආගමනයක් සිදු වෙයි කියලා මේ සතුරන් හිතුවේ නැහැ. යළි ආගමනයක් සිදු වූවාට පසුව මහින්ද රාජපක්‍ෂ ඇතුළු ඒ සමඟ සිටින පිරිසට ‘හොරු’ කියන ලේබලය අලවනවා. රාජපක්‍ෂ පවුලේ එකිනෙකා සිරගත කරමින් සිටිනවා. බැසිල් රාජපක්‍ෂ, යෝෂිත රාජපක්‍ෂ, නාමල් රාජපක්‍ෂ සිරගත කළා. දැන් ගෝඨාභය රාජපක්‍ෂ සිරගත කරන්න පුළුවන්ද, කියා බලනවා. රාජපක්‍ෂ පවුලේ අය හිරේ දමලා මහින්ද රාජපක්‍ෂ යටත්කර ගන්න බැරි බව දැන් මේ සතුරන්ට තේරුම් ගොස් තිබෙනවා.

‘විමල් 2005දී දුටු මහින්දගේ විශේෂ ලක්‍ෂණය’

මම 2005දීත් දුටුවා මහින්ද රාජපක්‍ෂ මහතාගේ තිබෙන එක් සුවිශේෂී ලක්‍ෂණයක්. ඔහු ප්‍රතිප්‍රහාර එල්ල කරන්නේ සතුරා පහර දුන්නොත් පමණයි. මම ජවිපෙ දේශපාලන මණ්ඩලය තුළ එදා තර්ක කළා ‘මහින්ද රාජපක්‍ෂ යුද්ධය කරනවා’ කියලා. ජවිපෙ දේශපාලන මණ්ඩලයේ ඇතැමුන් කීවා,‘නැහැ ඒක වෙන්න බැහැ’ කියලා. නමුත් මම පෙන්වා දුන්නා, ‘මහින්ද, සරත් ෆොන්සේකා හමුදාපති කළේ, ගෝඨාභය රාජපක්ෂ ආරක්‍ෂක ලේකම් කළේ යුද්ධය හරියට කරන්න’ කියලා. මහින්ද කොළඹ කුල්ටූර් සමාජයේ ප්‍රොඩක්ෂන් එකක් නොවෙයි, රෝයල් හෝ සෝබෝන් ප්‍රොඩක්ෂන් එකකුත් නොවෙයි. හම්බන්තොට මැදමුලන ඔර්ජිනල් ප්‍රොඩක්ෂන් එකක්. ඒ ස්වාභාවික චරිතය හැසිරෙන විදියක් තිබෙනවා. ඒ තමයි, ගැහුවොත් ගහනවා. එදා මහින්දට ප්‍රභාකරන් ගැහුවා. ඊට ප්‍රතිප්‍රහාරයක් විදියට මහින්ද ගැහුවා.

‘අහවල් එකෙන් ගහපු විදිය වැරදිලු’

එදා ජවිපෙ සහ මහින්ද රාජපක්‍ෂ ජනාධිපතිවරයා අතර පැවැති සාකච්ඡාවකදී සෝමවංශ අමරසිංහ මහතා ජවිපෙ වෙනුවෙන් කීවා, ‘ආයුධ නැතිනම් අහවල් එකෙන් ගහලා හරි යුද්ධය කරන්න’ කියලා. ඒ අවස්ථාවේ ජවිපෙ ප්‍රධාන ලේකම් ටිල්වින් සිල්වා සහ මමත් සිටියා. කොහොමහරි ‘අහවල් එකෙන්’ ගහලා හරි යුද්ධය දිනපුවාම අද ජවිපෙ නායකයා කියනවා, ‘අහවල් එකෙන් ගහලා තිබෙන්නේ වැරදි විදියට’ කියලා. ඒක යකාගේ කතාවක්නෙ.

දැන් සිදුවෙමින් තිබෙන දේ අපි ඉතා හොඳින් තේරුම්ගත යුතුයි. ෆෙඩරල් ව්‍යවස්ථාවක් හදනවා. රාජ්‍යය දුබල කරනවා. උතුරු-නැගෙනහිර ඒකාබද්ධ කරනවා. සමූහාණ්ඩු සංගමයක් බවට ශ්‍රී ලංකාව කැබලි කරනවා. ඒ අතරේ අතුරුදහන් වූවන් පිළිබඳ කාර්යාලය පිහිටුවලා රණවිරුවන්ට එරෙහි චෝදනා එකතු කරනවා. යුද අපරාධ අධිකරණය පිහිටුවලා ඉහත චෝදනා මත රණවිරුවන්ට එරෙහිව නඩු අහනවා. වසර එකහමාරකින් පමණ යුද අපරාධ සිදු කළ බවට තීන්දුව දෙනවා. මේ තීන්දුව ආවාට පසුව සිදුවන්නේ කුමක්ද?

‘සර්බියාවේ සිදු වූ දෙය ලංකාවටත්…’

එදා ‘සර්බියාවේ සිදු වූයේ කුමක්ද?’ කියලා අපි බලමු. කොසෝවෝ, සර්බියාවට අයත්ව තිබූ ප්‍රදේශයක්. සර්බියාව බෙදන්න කොසෝවෝ බෙදුම්වාදීන් උත්සාහ ගනිමින් සිටියා. සර්බි ජනාධිපති මෙලොසොවික් එදා කොසෝවෝ බෙදුම්වාදය පැරදවීමට සර්බි හමුදාව යොදවනු ලැබුවා. කොසෝවෝ බෙදුම්වාදීන් පරාජයේ ඉම වෙත පැමිණියා. එවිට නේටෝ හමුදා බලහත්කාරයෙන් කොසෝවෝ වෙත ගොඩබැස්සා. එහිදී සර්බි හමුදාව පලවා හැරපු නේටෝ හමුදාව කෙටි කාලයක් කොසෝවෝ ප්‍රදේශය අල්ලාගෙන හිටියා. ඒ අතරේ හේග්වල ජාත්‍යන්තර යුද අපරාධ අධිකරණය විසින් සර්බි ජනාධිපති සහ හමුදාපතිට එරෙහිව නඩු පැවරුවා, ‘කොසෝවෝ ජනතාව සමූහ වශයෙන් ඝාතනය කිරීම’ යන චෝදනාව යටතේ. 2015 ජනවාරි 08 වැනිදා වගේ දවසක බටහිර අධිරාජ්‍යවාදීන් සර්බි ආණ්ඩුව කුමන්ත්‍රණයක් මගින් ගෙදර යැව්වා. රට ත්‍රස්තවාදයෙන් ගලවා ගත්තු මෙලොසොවික් ජනාධිපතිවරයා ගෙදර යැව්වා. ‘රුපියල් 10,000ක් දෙනවා’ කිව්වාම රට, ජාතිය, ආගම ආදී සියල්ල අමතක කරපු ‘අයියලා ටිකක්’ එදා සර්බියාවෙත් හිටියා.(සභාවේ සිනා) පුංචි කාර් එකක්, ප්‍රී වයි-ෆයි’ දෙනවා කීවාම ඒකට අහුවුණු අයියලා ටිකකුත් එදා සර්බියාවේ හිටියා(තදින් සිනා)

‘එක්සත් ජාතීන්ගේ මහා මණ්ඩලයට ආ යෝජනාව’

මෙලොසොවික් පැරදුනාට පසුව හේග් නුවර යුද අපරාධ අධිකරණයට ගෙනගියා. හිරේ දමලා නඩුව ඇහුවා. මේ නඩුව අහන අතරේ එක්සත් ජාතීන්ගේ මහා මණ්ඩලයට යෝජනාවක් එනවා, ‘සර්බියානු ආරක්‍ෂක හමුදා විසින් කොසෝවෝ වැසියන් සමූහ වශයෙන් ඝාතනය කළ බවට වන චෝදනා සනාථ වී ඇති බැවින් ද කොසෝවෝ වැසියන්ට සර්බි රාජ්‍යය යටතේ ආරක්‍ෂාව සැලසෙන්නේ නැති බව සක්සුදක් සේ පැහැදිලි වී ඇති බැවින් ද එම ජනතාවගේ ආරක්‍ෂාව තමන් විසින්ම සලසාගනු වස් ‘ආරක්‍ෂාව සඳහා වගකීම’(Responsibility to Protect) යන ජාත්‍යන්තර නීති මූලධර්මය යටතේ කොසෝවෝ වෙනම රාජ්‍යයක් ලෙස අද පටන් එක්සත් ජාතීන් විසින් පිළි ගත යුතුයි’ කියලා. යෝජනාව සම්මත වෙනවා. කොසෝවෝ වෙනම රාජ්‍යයක් වෙනවා. හේග් නුවර යුද අපරාධ අධිකරණය දිගටම නඩුව අහමින් යනවා. ඒ අතරේ සිරගත කළ සර්බි හිටපු ජනාධිපති මෙලොසොවික් මිය යනවා. මියගියාට පසුව තමයි දීර්ඝ කාලයක් අහපු මේ නඩුවේ තීන්දුව ලැබෙන්නේ. ‘යුද අපරාධ සිදු වී නැත’ කියායි අවසානයේ හේග් නුවර යුද අපරාධ අධිකරණය තීන්දුව ලබා දෙන්නේ. ‘කොසෝවෝහි සමූහ මිනිස් ඝාතන සිදුව නැත. හිටපු සර්බි ජනාධිපතිවරයා සහ හමුදාපතිවරයා නිදොස්කොට නිදහස් කරමි’ කියලයි ඒ තීන්දුව ලැබී තිබුණේ. නමුත් ‘යුද අපරාධ සිදුවී ඇත’ යන උපකල්පනය මත ඒ වන විට සර්බියාව සතුව තිබූ කොසෝවෝ ප්‍රදේශය වෙනම රාජ්‍යයක් බවට පත්කොට අවසන්ව තිබුණා. බොරු යුද අපරාධ චෝදනා දමලා බටහිර අධිරාජ්‍යවාදීන් කොසෝවෝ, සර්බියාවෙන් වෙන් කළේ එහෙමයි. අද ශ්‍රී ලංකාවට කරන්න යන්නෙත් ඒකයි.

‘මියගිය කොටි මළසිරුරු ගොඩදැමීම’

අර මියගිය කොටින් වල දමපු භූමියේ තිබෙන හමුදා කඳවුර ඉවත් කළා, කියලා හිතන්න. එතැන තිබෙන මළමිනී ටික ජාත්‍යන්තරව විකුණුවා, කියලා හිතන්න. ඒ අතරේ ෆෙඩරල් ව්‍යවස්ථාවත් සම්මත කළා, කියලා හිතන්න. ඒ සමඟම අර මළමිනී ටිකත් පදනම් කරගෙන නඩුව යනවා. එහි තීන්දුව එනවා, ‘සමූහ මිනිස් ඝාතන සිදුව ඇත. යුද අපරාධ සිදුව ඇත’ කියලා. ඒ නඩු තීන්දුව අනුව යමින් එක්සත් ජාතින්ගේ මහා මණ්ඩලයට යෝජනාවක් ගෙන එනවා, ‘ශ්‍රී ලංකාවේ උතුරු නැගෙනහිර ප්‍රදේශවල ජීවත් වන දෙමළ ජනතාවට ආරක්‍ෂාව සැලසීමට ශ්‍රී ලංකා ආරක්‍ෂක හමුදා අසමත්ව ඇති හෙයින් ද එම හමුදාව විසින් දෙමළ ජනතාව සමූහ වශයෙන් ඝාතනයකර ඇති බව ඉහත නඩු තීන්දුවෙන් ද සනාථව ඇති හෙයින් ද ‘ආරක්‍ෂාව සඳහා වගකීම’(Responsibility to Protect) යන මූලධර්මය යටතේ එක්සත් ජාතීන් ශ්‍රී ලංකාවේ උතුරු – නැගෙනහිර ප්‍රදේශය වෙනම රාජ්‍යයක් ලෙස පිළිගත යුතුයි’ කියලා. යෝජනාව සම්මත වේවි. ඉතා හොඳින් තේරුම් ගන්න, අද බටහිර අධිරාජ්‍යවාදීන් යුද්ධ කරලා නොවෙයි රටවල් බෙදන්නේ. මේ භයානක ක්‍රියාවලියට බාධාවකින් තොරව ඉදිරියට යන්න ඉඩ දුන්නොත් ජාත්‍යන්තර පිළිගැනීමක් සහිතව නීත්‍යනුකූලව ඊළම නිර්මාණය වේවි.

‘ප්ලෑන් A වෙනුවට ප්ලෑන් B

එදා ඊළම ලබා ගැනීමට බටහිර අධිරාජ්‍යවාදීන් හඳුන්වා දුන්නේ ‘ප්ලෑන් ඒ’නම් වූ ‘ප්‍රභාගේ අවි බලය හරහා ඊළම ලබා ගැනීම’ සඳහා වූ සැලැස්මක්. ඒක මහින්ද රාජපක්‍ෂ පාලනය විසින් පරදවනු ලැබුවා. පසුව ඔවුන් ‘ප්ලෑන් බී’ හඳුන්වා දුන්නා. ඒ මගින් යුද්ධයක් නොකර රාජ්‍යය බෙදා වෙන්කිරීම සිදු කෙරෙනවා. ඉහතදී අප පෙන්වා දුන්නේ එයයි. එම නිසා ඔවුන් සර්බියාවට කළ දේ ලංකාවටත් කරනවා. ඇමෙරිකාවට අවශ්‍යව ඇත්තේ ශ්‍රී ලංකාව දුබලකොට දකුණු ආසියාවේ දියාගෝ ගාර්ෂියාව බවට පත්කර ගැනීම. ඉන්දියාවට අවශ්‍යව ඇත්තේ ද ශ්‍රී ලංකාව කැබලි කොට දකුණ එට්කා ගිවිසුම හරහාත් උතුරු නැගෙනහිර ‘හනුමාන් පාලම’ ඉදි කිරීම හරහාත් තම ග්‍රහණයට ගැනීම. ඒ අනුව ශ්‍රී ලංකාව බෙදාවෙන්කර දුබල කිරීම ඇමෙරිකා එක්සත් ජනපදය සහ ඉන්දියාව යන දෙදෙනාටම අවශ්‍යයි. අද ඔවුන්ගේ උවමනාවන් සමපාතයි. නමුත් ඉදිරියේදී ශ්‍රී ලංකාව තුළ සිය ආධිපත්‍යය පතුරවා ගැනීමේදී එකිනෙකා අතර ගැටුම්කාරී තත්වයක් ඇති වීමට පුළුවන්. අද ඇමෙරිකා එක්සත් ජනපදය ඇතුළු බටහිර උවමනාව වෙනුවෙන් අගමැති රනිල් වික්‍රමසිංහත් ඉන්දියානු උවමනාව වෙනුවෙන් ජනාධිපති මෛත්‍රීපාල සිරිසේනත් කටයුතු කරනවා. මෙතැන ඇතිව තිබෙන්නේ කසාද දෙකක්. මෛත්‍රීපාල සිරිසේන බටහිරට යටත් නොවී ඉන්දියාවට උවමනා දේ පමණක් කළොත් වන දේ තමයි පසුගියදා අපට දකින්න ලැබුණේ. ඕස්ට්‍රේලියානු පුවත්පත් මගින් එළියට ආවේ සිරිසේනට කළ ඒ බටහිර අනතුරු හැඟවීම. කෙසේ වෙතත් මේ සියලු දෙනා අද ඉටු කරමින් ඉන්නේ විජාතික උවමනාව. රටට සතුරු න්‍යාය පත්‍රයන් තමයි ඔවුන් ඉදිරියට ගෙන යන්නේ. එය පැරදවීම තමයි අප කළ යුත්තේ.

‘අලුත් පක්‍ෂයට නමක් විතරයි අඩු’

අද මෛත්‍රීපාල සිරිසේන මහතාට ජනබලයක් නැහැ. ශ්‍රී ලනිප ජනබලවේගය ඔහු සමග නැහැ. ශ්‍රී ලනිප ජනබලවේගය සිටින්නේ මහින්ද රාජපක්‍ෂ මහතා සමඟයි. ජනබලවේගයක් තිබෙන කෙනාට පක්ෂයක් හදන්න බැරි කමක් නැහැ. නමක් විතරයි තවම අඩු. ඒ නිසා සිරිසේන මහත්තයෝ අලුත් පක්‍ෂයක් බිහිවන එක වළක්වන්න ඔයාට බැහැ.

‘පළාත් පාලන ඡන්දයට කලින් ජනමතවිචාරණයක්?’

අද ශ්‍රීලනිප බෝඞ් ලෑල්ල විතරක් හිමි මෛත්‍රීපාල සිරිසේන මහත්තයා, පළාත් පාලන ඡන්දයට ගියොත් තමන්ට ලැබෙන්නේ තුන්වන හෝ හතරවන තැන කියලා දන්නවා. ඒ නිසා ෆෙඩරල් ව්‍යවස්ථාව සම්මතකර ගැනීමේ ජනමතවිචාරණය, පළාත් පාලන ඡන්දයට පෙර පැවැත්වීමේ ඉඩකඩ තිබෙනවා. එවිට ඒ ‘කලගෙඩි – ලාම්පු’ සෙල්ලමේදී එජාපය, දෙමළ ජාතික සන්ධානය, මුස්ලිම් කොංග්‍රසය හා ඇතැම් විට ජවිපෙත් කලගෙඩිය තෝරා ගනීවි. එතැනදී මෛත්‍රීටත් ශ්‍රී ලනිපය බෝඞ් ලෑල්ල එතැනට හේත්තු කරන්න පුළුවන් වේවි.

බටහිර අධිරාජ්‍යවාදය සහ ඉන්දියානු ව්‍යාප්තවාදය ආපසු හැරවීමට නොහැකි ලෙස ශ්‍රී ලංකාව තුළ දිගේලි වෙමින් තිබෙන මේ මොහොතේ අපි මේ රටට ආදරය කරන සුජාත දූ පුතුන් ලෙස ඊට එරෙහිව නැඟී සිටිය යුතු වෙනවා. ඒ සඳහා පෙළගැසෙන්න. එක්වන්න.”

අනුරුද්ධ බණ්ඩාර රණවාරණ
මාධ්‍ය ලේකම්,
ජාතික නිදහස් පෙරමුණ

kllll

2 Responses to “සියළු සාස්තරකරුවන් පරදමින් විමල් 2005දී මහින්ද ගැන කියූ නොවරදින සාස්තරය.. ලංකවේ බියකරැු ඉදිරිය ගැන නොවරදින දේශපාලන සාස්තරය මෙන්න..”

  1. plumblossom Says:

    When looking at Sri Lanka’s history, it is extremely obvious that from 600BC to around 1400AD there were three kingdoms, all Sinhala Buddhist, Ruhuna, Pihiti or Rajarata and Maya or Malayarata. Rajarata encompassed today’s North Central, North Western, Northern and even the Central Province. Ruhunu rata encompassed today’s Uva, Eastern and Southern Provinces. The Kandyan Kingdom from 1400AD encompassed most of the island inclusive of today’s Northern and the Eastern Provinces except for the Jaffna Peninsula. Even the Jaffna Peninsula was invaded and occupied by force by Aryachakravarthi (Pandyan) and actually did belong to Rajarata earlier and later the Kandyan Kingdom.

    Today’s provincial boundaries were drawn up by the British colonialists as per their divide and rule policy and the Sinhala people were not consulted when drawing up these provincial boundaries. In the meantime, most Sri Lankan Tamils of today were actually brought over during Dutch and British times to the Jaffna Peninsula and elsewhere to work on tobacco and indigo plantations which were planted extensively in all the colonies since they were much sought after and made a lot of money for the colonialists. Therefore they are recent arrivals and cannot claim homelands or separate states whatsoever.

    The usual practice when a colonial power hands over their former colonies is to hand it over to its original owners. Therefore the British colonialists should hand over the Kandyan Kingdom to the Kandyan Sinhalese from whom they took it by force. Since the Kandyan Kingdom encompassed the North and the East, these provinces too should be handed over to the Kandyan Sinhalese who are its rightful owners. Even the Jaffna Peninsula should be handed over to the Kandyan Sinhalese since it was part of Rajarata and was forcefully occupied by Aryachakravarthi (Pandyan).

    Since this has now been done already, the TNA and other separatist terrorists or the US, UK EU, Canada, Norway, Sweden and India cannot demand that present day Northern or even the Eastern provinces be provided any more powers or be made into federal states since this is totally going against the history and archaeology of the island and totally going against the rights of the Sinhala people who also have fundamental rights to claim the entire island inclusive of the North and the East as their homeland first and foremost. Therefore, the TNA , the separatist terrorists, the US, UK, Norway, Sweden, Canada and India has to respect the history and archaeology of the island and accept that the present day provincial councils are more than sufficient to run the affairs of the provinces. Sri Lanka must be a unitary state and no more powers should be provided to the provincial councils. In fact, when talking about the 13th amendment, the concurrent list subjects must be included in the national list. The provision where two provinces can merge should be deleted. The bogus claim of the North and the East being the homeland of the Tamil speaking people should be deleted. The entire island should be declared the homeland of all its peoples.

    Sinhala people should be resettled in the North in quite a large number if there is to be peace and harmony within the island since Sinhala people have every historical right to live in the North as well as the East. It is only due to ethnic cleansing of the North of Sinhala people by the LTTE and the other separatists that Sinhala people are not at present living in the North. Many thousands of landless elsewhere in the island especially Sinhala people should be provided land in the North since most of the vacant land in the country is in the North and in the East since both these provinces encompass over 28% of the land area of the island. Then only will there be peace since when people mix, there is more harmony. This is the only way towards peace and development in the island.

  2. plumblossom Says:

    Apart from highly commending you for taking legal action against the treacherous CBK (Chaura Rejina) regarding the defamatory and utter lies she keeps repeating to defame her rivals, legal action should be taken against her for stating that she will definitely devolve more powers to provincial Councils within the new constitution. Does this evil woman CBK think she owns Sri Lanka and that she is the one who is going to draw up the new constitution of Sri Lanka (according to the wishes of the imperialistic US, UK, EU, Canada, Norway, Sweden, India, the racist TNA and the separatist terrorists)? The constitution of Sri Lanka should satisfy first and foremost the majority of people of this island i.e. the Sinhala people and the Sinhala people firstly do not want to draw up a new constitution nor do they want any more powers whatsoever be provided to the provincial councils especially land, police and fiscal or to illegally merge the North and the East.

    Someone has to go to the supreme court and take action against treacherous CBK for suggesting that she will definitely devolve more powers to provincial councils within the yet to be drawn up constitution since this means the treacherous Ranil, Sirisena, CBK and Mangala have already drawn up a constitution to satisfy the imperialistic US, UK, EU, Canada, Norway, Sweden, India, the racist TNA and the separatist terrorists which is illegal.

Leave a Reply

You must be logged in to post a comment.

 

 


Copyright © 2024 LankaWeb.com. All Rights Reserved. Powered by Wordpress