කුඩ මස්සා සහ පොඩි සාදු
Posted on October 9th, 2016
ධර්මසිරි සෙනෙවිරත්න
වැව් ඉස්මත්තේ පන්සල් වත්තේ බුදු ගුණ මුමුණන පොඩි සාදු
ඇය් තව නැත්තේ කැලම්බෙය් චිත්තේ වඩින්න හනිකට පොඩි සාදු
කහවන් සිවුරේ දැවටී හිරු රැස් ජල මත වැටෙනා විට සාදු
දන්නෙම නැතිවය් ඉවුරට එන්නේ මම කුඩා මස්සෙක් මී සාදු
සීතල වතුරේ දෙපා හොවාගෙන වී පොරි ඉහිනා විට සාදු
බුදුගුණ අහගෙන තුඩින් දොවා පා පිසිනෙමි මගේ වරලෙන් සාදු
වැව් තාවුල්ලෙන් වැවට ඇදී එන සිහිළඹ ඔබ වෙය් පොඩි සාදු
ඔබට කියන්නට කරුණක් ඇත මට එය සිත කලම්බය් පොඩි සාදු
ධීවර දුක ගැන සින්දු ලියන අය දන්නවානෙ ඔබ පොඩි සාදු
මරණ බයෙන් අපි ඉකිගසනා හැටි උන්ට කියන්නකො පොඩි සාදු
එකෙකුගෙ කඳ බඩ ලොකු කර ගන්නට තවෙකෙකු නසනා උන් සාදු
දන්නෙම නැතුවද දහමට සරිලන කන බොන දේ ඇති බව සාදු