සැබෑ මිලට වඩා ඩොලර් 10 ක් වැඩි මිලට ගල් අගුරු ගෙන්වීම නැවත අරඹයි.
Posted on January 17th, 2017
දුෂණ විරෝධී පෙරමුණ – පුවත්පත් නිවේදනය
සැබෑ මිලට වඩා ඩොලර් 10 ක් වැඩි මිලට ගල් අගුරු ගෙන්වීම නැවත අරඹයි.
ගිය සතියේ රහසේ ණය ලිපි විවෘත කරලා. අත්සන් කරන්න. තැන්තම් ඉවත් කරනවා. ලේකම් ගල් අගුරු සභාපතිට කියයි.
කැබිනට් මණ්ඩලය නොමග යැවූ නීති විරෝධී ගිවිසුමක් මගින් පසුගිය වසරේ ශ්‍රී ලංකාවට රුපියල් මිලියන 4,145.43 ක් අහිමි කළ බවට විගණකාධිපතිවරයා තහවුරු කිරීමෙන් දින කිහිපයකට පසුව, විදුලිබල අමාත්‍යාංශය වැඩිමිලට ගල් අගුරු මිලදී ගැනීම නැවත අරඹා ඇත.
නැවත ඇරඹී ඇති ගල් අගුරු වංචාව මගින් මෙවර මිලදී ගන්නා ගල් අගුරු මෙට්‍රික් ටොන් එකකට ඇමරිකානු ඩොලර් 10 ක් හෝ එයට ආසන්න ප්‍රමාණයක් මෙවර වැඩිපුර ගෙවීමට සිදුවේ. පළමු ගල් අගුරු නැව මගින් මෙට්‍රික් ටොන් 60,000 – 64,000 දක්වා ප්‍රමාණයක් ගල් අගුරු ගෙන්වීමට නියමිතය. පසුගිය සතියේ දී මේ සදහා ණය (එල්.සී.) ලිපි විවෘත කොට ඇත.
කැෆේ සංවිධානය මෙම දුෂිත ගනුදෙනුව නැවත ඇරඹීම පිළිබදව 2017 ජනවාරි 4 දින ජනාධිපතිවරයාගේ අවධානය යොමු කරනු ලැබීය. අගවිනිසුරු ප්‍රමුඛ ශේෂ්ඨාධිකරණය විසින් ‘මහජන මුදල් සම්බන්ධ බැවින් හෘර්ද සාක්ෂිය කම්පා කළ බව‘ කියු නඩු තීන්දුව මගින් ද, 2016 දෙසැ. 30 දින විගණකාධිපති වාර්තාව මගින් ද ගල් අගුරු මිලදී ගැනීමේ දී දැවැන්ත වංචාවක් සිදුව ඇති බව තහවුරු වී ඇත. ශ්‍රේෂ්ඨාධිකරණය අංක SCFR394/2015 දරණ නඩු තීන්දුව මගින් උක්ත ගල් අගුරු මිලදී ගැනීමේ ටෙන්ඩරය ‘ශුන්‍ය සහ බල රහිත‘ බව නිගමනය කොට ඇත. මේ වන විට මේ පිළිබද ශ්‍රේෂ්ඨාධිකරණයේ සුරේන් බටගොඩ ලේකම්වරයා ඇතුළු පිරිසට එරෙහිව ‘පොදු යහපතට සම්බන්ධයෙන්‘ නඩුවක් විභාග වේ.
2016 දෙසැම්බර් 30 දිනැති විගණකාධිපති වාර්තාව අනුව, ඔබතුමන්ගේ නායකත්වයෙන් පිහිටුවා ගනු ලැබූ ‘යහපාලන රජය යටතේ‘ සිදු වී ඇති දැවැන්ත ටෙන්ඩර් මගඩියක් බවට ගල් අගුරු මිලදී ගැනීම සම්බන්ධ වංචාව පත්ව ඇති බව පැහැදිලිය.
මාස ගණනාවක් අතහැර දමා තිබූ ගල් අගුරු ගෙන්වීමට එජාප – ශ්‍රීලනිප දේශපාලනඥයින් තිදෙනෙකු සෘජුව සම්බන්ධ වී ඇත.
දුෂණ විරෝධී පෙරමුණ විසින් ඉදිරිපත් කරනු ලැබූ පැමිණිල්ලට කුමක් වූවේ ද යන්න විමසා අද ‘අල්ලස් හෝ දුෂණ විමර්ශන කොමිෂන් සභාවේ නව අධ්‍යක්ෂ ජෙනරාල් වෙත ලිපියක් ද යොමු කර ඇත.
පූජ්‍ය උලපනේ සුමංගල හිමි කීර්ති තෙන්නකෝන්
සභාපති/දුෂණ විරෝධී පෙරමුණ විධායක අධ්‍යක්ෂ/කැෆේ සංවිධානය
2017 ජනවාරි මස 17
January 19th, 2017 at 1:09 am
We need a Prez who will not fall in to the traps created by ‘mice and men’. MR fell into it knowingly or unknowingly damaging the reputation of the clan and will never be back in power. Perhaps MS also on the way doing same.
Those mentioned above need to find fresh blood asap.
January 19th, 2017 at 4:16 am
What is wrong with our people? When Chandrika sold the country to India in the last election.