බැදුම්කර කොමිසමට ව්‍යාජ ලේඛන! බැදුම්කර මුදල් ආයෝජන ලංකා ව්‍යාපාරික කේෂ්ත්‍රය ආක්‍රමණය කරයි.
Posted on May 16th, 2017
මාධ්‍ය ඒකකය දූෂණ විරෝධී පෙරමුණ
බැදුම්කර මුදල් ආයෝජන ලංකා ව්‍යාපාරික කේෂ්ත්‍රය ආක්‍රමණය කරයි.
බැංකු, ස්කාගාර, එතනෝල්, කල්බදු සමාගම්, විදුලිබල, හෝටල්, සංචාරක සහ තට්ටු නිවාස යන කේෂ්ත්‍රයන්හි බැදුම්කර මුදල් ආයෝජනය කරලා
– කීර්ති තෙන්නකෝන් කියයි
ලංකා ඉතිහාසයේ විශාලතම මුල්‍ය වංචාව ලෙස සැලකෙන බැදුම්කර ගනුදෙණුව මගින් උපයාගත් මුදල් පර්පචුවල් ට්‍රෙෂරීස් ආයතනය මගින් ලංකාවේ ප්‍රමුඛ ආයතන ගණනාවක නැවත නැවත ආයෝජනය කරමින් ඇතැයි දුෂණ විරෝධී පෙරමුණ අද (16) පැවත්වූ පුවත්පත් සාකච්ඡාවක දී පැවසීය. එහිදී අදහස් දැක්වූ එම පෙරමුණේ උපදේශක කීර්ති තෙන්නකෝන් මහතා පෙන්වා දුන්නේ අවස්ථා දෙකක දී සිදු වූ බැදුම්කර වංචාව පිළිබද මේ වන විට ඇදහිය නොහැකි කරුණු පවා හෙළිදරව් වී ඇති බවයි. මෙම දුෂිත ගණුදෙනුව සිදු කළ ආකාරය, එයට සම්බන්ධ මහ බැංකුවේ පුද්ගලයින්, සේවක අර්ථසාධක අරමුදල, මහ බැංකුවේම මුදල් යොදා සිදු කළ ආයෝජන, විවිධ පුද්ගලයින් හා ආයතන විසින් මෙම වංචාවට ආදාල නියෝග ලබාදුන් ආකාරය වැනි කරනු ඒ අතර වන බව ඒ මහතා මෙහිදී පැවසීය.
එහිදී වැඩිදුරටත් අදහස් දැක්වූ කීර්ති තෙන්නකෝන් මහතා
අල්ලස් හෝ දුෂණ විමර්ශන කොමිෂන් සභාව විසින් මෙම වංචාව පිළිබද සිදුකළ සියළු විමර්ශන මේ වන විට අතරමග නැවතී ඇත. බැදුම්කර වංචාව පිළිබද කෝප් කමිටුවේ වාර්තාව නීතිපතිවරයා වෙත යොමු කරනු ලැබූ බව පැවසෙන නමුත් මේ වංචාවට සම්බන්ධ පුද්ගලයින් අත්අඩංගුවට ගෙන විමර්ශන සිදු කරනු නොලැබේ.
මහ බැංකුව විසින් තැරැව්කාර සමාගම වන පර්පචුවල ට්‍රෙෂරීස් ආයතනයේ ගිණුම් අවහිර කිරීම මේ දක්වාම සිදු කොට නැත. සේවක අර්ථසාධක අරමුදලට මෙම ගණුදෙනුව මගින් රුපියල් බිලියන 13.5 ක් අහිමි වී ඇති බවට වාර්තා පළ වන නමුත් එම පාඩුව සිදු කළ කිසිදු පුද්ගලයෙකුට එරෙහිව මේ දක්වා අවම වශයෙන් විනය පරීක්ෂණයක් හෝ ආරම්භ වී නැත.
හිතා මතා දිග්ගස්සන අවසානයක් නොමැති ඉන්දියානු ලාභ මාලා නාටකයක් සේ බැදුම්ක කොමිෂන් සභාවේ කටයුතු පිළිබද වාර්තා කියවමින් සිටින රටක් බවට ලංකාව පත්ව තිබේ. දුෂණ විරෝධී සංවිධාන සංවිධාන විසින් එල්ලවන විරෝධය නොවන්නට මේ විටත් බැදුම්කර වංචාව මුළුමනින්ම යටපත් කරන්නට යහපාලන රජයට හැකියාව ලැබෙනු ඇත.
දුෂණ විරෝධී පෙරමුණ දිගින් දිගටම ඉල්ලා සිටියේ, බැදුම්කර වංචාවට සම්බන්ධ සියළු මුල්‍ය හා තැරැව්කාර සමාගම් හි බැංකු ගිණුම් ඇත්හිටුවිය යුතු බවයි. එමෙන්ම මෙම සමාගම විසින් මුල්‍ය, බැංකු, ස්කාගාර, එතනෝල්, කල්බදු සමාගම්, විදුලිබල, හෝටල්, ජනමාධ්‍ය, සංචාරක සහ තට්ටු නිවාස යන කේෂ්ත්‍රයන්හි බැදුම්කර මුදල් ආයෝජනය කෙරෙමින් පවතින බවත් ඒවා වහා නවතා දැමීමට කටයුතු කළ යුතු බවත් තෙන්නකෝන් මහතා මෙහිදී පෙන්වා දුන්නේය.
මෙන්ඩිස් ස්කාගාර සමාගම, සෙන්ට්‍රල් ෆිනෑන්ස්, එන්ඩීබී බැංකුව, කල්කුඩා ස්කාගාරය, මුද්‍රිත පුවත්පත්, වක්‍ර ආයෝජන ලෙස විද්‍යුත් මාධ්‍ය ආයතන ගණනාවකට මෙම ආයෝජන ලැබී ඇත. රටේ මුල්‍ය කේෂ්ත්‍රයේ සෑම අංශයකටම බැදුම්කර මුදල් ආයෝජනය වෙමින් ඇති බව පැහදිලිය. ශ්‍රී ලංකන් සමාගම මිලදී ගැනීමට උත්සහ දරන එක් සමාගමක් ද බැදුම්කර සමාගම සමග හවුල් ව්‍යාපාර කටයුතු සිදු කරයි.
විදුලි බල, හෝටල්, සංචාරක සහ තට්ටු නිවාස කේෂ්ත්‍ර සදහා ද බැදුම්කර මුදල් මේ වන විට කාන්දු වෙමින් තිබේ.
බැදුම්කර වංචාව ත්‍රාසජනක චිත්‍රපටයක් නොව වංචනිකව උපයාගත් මුදල් නැවත මේ රටේ ජනතාව අතට පත්වන ක්‍රමයක් බවට පත් විය යුතුව ඇත. එය සිදු වන තෙක් මේ රටේ ආර්ථික පරිහානිය වලවක්වා ගැනීමට ක්‍රමයක් නොමැත. බැදුම්කර වංචාව හේතුවෙන් ලංකා ඉතිහාසයේ විශාලතම මුදල් අච්චු ගැසීමේ මාවතට පිවිසීමට ශ්‍රි ලංකා මහ බැංකුවට සිදුව ඇත.
මුල්‍ය පනතේ 45.1 වගන්තිය උල්ලංඝනය කරමින් බැදුම්කර වංචාවේ මහ මොළ විසින් අතිශයින් සංවේදී ලේඛණ සාකච්ඡා සාක්ෂි ලෙස බැදුම්කර කොමිසම හමුවේ ඊයේ ඉදිරිපත් කරනු ලැබීය. මේ වන විට නැවත නැවතත් බැදුම්කර වංචාව සම්බන්ධයෙන් මහ බැංකුවේ කටයුතු සම්බන්ධීකරණය කළ නියෝජ්‍ය අධිපති සමරසිරි මහතා වෙනුවෙන් පෙනී සිටි නීතිඥයින් ක්‍රියාකාරමින් සිටින්නේ මේ මහා මුල්‍ය වංචාවේ අපරාධකරුවන් බේරාගැනීම සදහාය. එවැනි පුද්ගලයෙකු තවදුරටත් මහ බැංකුවේ අවම වශයෙන් විනය පරීක්ෂණයක් හෝ නොමැතිව තවදුරටත් සේවය කිරීමට ඉඩ සැලසී ඇත්තේ ඔහු පිටුපස ඇති දේශපාලන බලය හේතුවෙනි.
අද (16) දිනයේ ද, බැදුම්කර කොමිසම හමුවේ ව්‍යාජ ලේඛනයක් ලෙස දින රහිත, අදාළ අයගේ දැනගැනීම සදහා යැයි දැක්වෙන ලිපියක් මුදල් අමාත්‍යාංශ ලිපි ශිර්ෂය යටතේ ඉදිරිපත් කරනු ලැබ ඇත. රුපියල් බිලියන 76 ක බැදුම්කර මිලදී ගැනීමට උපදෙස් ලබාදීම සම්බන්ධයෙන් එම ලිපියේ කරුණු සදහන්වේ. කෝප් කමිටුවට, පාර්ලිමේන්තුවට සහ වෙනත් විමර්ශන සදහා ඉදිරිපත් නොවූ ව්‍යාජ යැයි බැලූ බැල්මට පෙනෙන ලේඛන තුලින් බැදුම්කර වංචාව වසා ගැනීමට රජය දරණ උත්සාහය ලැජ්ජා සහගතය.
දුෂණ විරෝධී පෙරමුණ විසින් සිදු කළ හෙළිදරව් කිරීමෙන් පසුව අර්ජුන් මහනේද්‍රන් මුදල් අමාත්‍යාංශයේ උපදේශක ලෙස රැස්වීම් සදහා සහභාගිවීම පමණක් මේ වන විට නැවතී ඇත. නමුත් ඔහු දිගින් දිගටම සිය ව්‍යාපාරික සගයින් මගින් රාජ්‍ය මුදල් ප්‍රතිපත්තිය කෙරෙහි බලපෑම් සිදු කරමින් සිටින බව දුෂණ විරෝධී පෙරමුණේ උපදේශක කීර්ති තෙන්නකෝන් මහතා පවසයි.
මාධ්‍ය ඒකකය
දූෂණ විරෝධී පෙරමුණ
2017 මැයි 16 වනදා
May 16th, 2017 at 7:53 pm
2015 ජනවාරි 26 සිරිසේන/රනිල් විසින් අර්ජුන මහේන්ද්‍රන් මහබැංකු අධිපති ලෙස පත්කලේය. ශ්‍රි ලංකා
පුරවැසියෙක් නොවන මහේද්‍රන් රනිල්ගේ පාසල් අවධියේ සිටම කුලුපගු මිතුරෙකි. පර්පෙචුවල් ට්‍රේඩිං සමාගම යනු අර්ජුන මහේද්‍රන්ගේ බෑනාට අයිති මහබැංකු බැඳුම් කර විකුනන සමාගම් පහලොවෙන් එකකි. පර්පෙචුවල් සමාගමේ 2015ට පෙර වත්කම රුපියල් මිලියන 310 කි. 2015 හා 2016 යන දෙවසර තුල අඩුමිලට මහබැංකු බැඳුම්කර මිල දී ගෙන වැඩි මිලට විකිනීමෙන් පර්පෙචුවල් සමාගමේ වත්කම් රු. මිලියන 23,000 දක්වා වර්ධනය වී ඇත. එම සමාගමේ වසර දෙකක ඉපයිම 740% කි. අද වන විට පර්පෙචුවල් සමාගම බැංකු පවා අභිබවා යමින් ලංකාවේ සාර්ථකම සමාගම බවට පත්වී සෑම ව්‍යාපාර ෂේත්‍රයකම මහාපරිමාන අායෝජන කරමින් ඉදිරියට යය්.
‘යහපාලන’ රජයේ පළමු දින පනහ තුල එනම් 2015 පෙබරවාරි 27 දින කුප්‍රකට බැඳුම්කර වංචාවේ පළමු අධියරය සිදු කලේය. කිසිම උකසක් නොතබා ‘ලංකා’ බැංකුවෙන් රු. බිලියන ගනනක ණයක් 9.5% ක පොලියට ගෙන පැය කිහිපයක් තුල මහබැංකුව එදා ප්‍රසිද්ධ කර තිබූ මුදලටත් වඩා ණයක් 12.5% පොලියට මහබැංකුවට දුන්නේය.
රජයේ විගනකාධිපති කෝප් කමිටුවට දුන් වාර්තාව අනුව පර්පෙචුවල් සමාගම රුපියල් බිලියන 227 බැඳුම්කර මහබැංකුවෙන් මිල දී ගෙන ඉන් 95% ක්ම මහබැංකුව පාලනය කරන අර්ථසාධක අරමුදලට විකුනා ඇත. අර්ථසාධක අරමුදලට මේ වසර තුල සිදු වූ අලාභය රුපියල් බිලියන 14.9 කි. මහේන්ද්‍රන්ට අනුව එම ගනුදෙනු වල වරදක් සිදුවී නැත. නමුත් දැනුමැති විශ්ලේශකයන්ට අනුව ඉදිරි වසර 30 තුල ඩොලර් බිලියන ගනනක් පාඩුවක් ශ්‍රි ලංකා මහ බැංකුවට දරා ගැනීමට සිදුවී අැත.
ඒකාබද්ධ විපක්ෂය, ටීඑන්එ් හා ජවිපෙ බැඳුම්කර වංචාවට නීතිමය පියවර නොගැනීම ගැන සිරිසේන/රනිල් ආණ්ඩුවට චෝදනා කරය්. හිටපු ජනාධිපති රාජපක්ෂ මෑත දී ප‍්‍රකාශ කලේ තමන් බලයට ආ විට බැඳුම්කර වංචාවෙන් උපයා ගත් දේපල සියල්ල රාජසන්තක කර ඊට සම්බන්ධ අයට දඬුවම් කරන බවය.