අස්‌ගිරියට ප්‍රණාමය
Posted on June 21st, 2017
දිවයින කතු වැකිය උපුටා ගැන්ම දිවයින
අස්‌ගිරි විහාර පාර්ශ්වය අවදිවීම බෞද්ධයන්ගේ සැනසීමට හේතුවකි. නිරන්තරව බෞද්ධයන්ට එරෙහිව චෝදනා එල්ල වනවිට භික්‍ෂූන් නිරපරාදේ නිග්‍රහයට ගර්හාවට ලක්‌ කරන විට බන්ධනාගාරගත කරන විට මහනාහිමිවරුන්ට නිහඬව බලා සිටිය හැකිද? බෞද්ධයන් අනතුරේ දමන දේශපාලකයන්ගේ පිරිකර පිළිගැනීම සිදු කළ යුතුද?
අස්‌ගිරි පාර්ශ්වයේ කාරක සංඝ සභා රැස්‌වීමේදී ගත් තීන්දු පිළිබඳව අස්‌ගිරි මහානායක අති පූජ්‍ය වරකාගොඩ ශ්‍රී ඥනරතන හිමියන් නිකුත් කළ නිවේදනයෙන් අවධාරණය කරන්නේ ගලගොඩඅත්තේ ඥනසාර භික්‍ෂුවගේ ආවේගකාරී හැසිරීම් රටාව අනුමත නොකළද උන්වහන්සේගේ මතවාදය බැහැර නොකරන බවයි. ඒ අනුව අස්‌ගිරි විහාර පාර්ශ්වය ප්‍රකාශ කරන්නේ කුමක්‌ද? ඥානසාර හිමියන් මෙරට බෞද්ධයන්ගේ හඬ වෙනුවෙන් නොබියව පෙනී සිටින බව නොවේද? පක්‍ෂ දේශපාලකයන් බෞද්ධ හඬට කන්නොදීම නිසා පීඩාවට ලක්‌වන බෞද්ධයන් වෙනුවෙන් මෙන්ම අන්තවාදීන් අතින් විනාශ වන බෞද්ධ උරුමය ආරක්‍ෂා කිරීම වෙනුවෙන් ආවේගශීලීව අදහස්‌ දැක්‌වීමට ඥනසාර හිමියන්ට සිදුවිය. මේ ක්‍රියා පක්‍ෂ විපක්‍ෂ දේශපාලුවන්ට ප්‍රශ්නයක්‌ වුවද බහුතර බෞද්ධයන්ට ප්‍රශ්නයක්‌ වූවේ නැත. ඒ බව අස්‌ගිරි නාහිමිගේa ප්‍රකාශයෙන්ද නොමදව පැහැදිලි වේ. සැබවින්ම බෞද්ධයන් නිහඬ කර හෝ සිරගත කර මෙරට සංහිඳියාව ගොඩනැගිය නොහැකිය. මෙරට සංහිඳියාව සුරැකෙන්නේ බෞද්ධයන් නිසා බව සියලුදෙනාම හොඳින් අවබෝධ කරගත යුතුය.
යහපාලන ආණ්‌ඩුව ජාතිවාදී හැඟීම් අවුස්‌සන ඇතැම් දේශපාලකයන්ගේ ප්‍රකාශ ගැන මුනිවත රකිමින් බෞද්ධ විරෝධීන්ට ප්‍රතිචාර දක්‌වන භික්‍ෂූන් වහන්සේලා නිහඬ කිරීමේ උත්සාහයට තමන්a බලවත් අප්‍රසාදය පළ කරන බව අස්‌ගිරි නාහිමියෝ අවධාරණය කර ඇත. අසාද් සාලි වැනි නරුම බෞද්ධ විරෝධීන් මෙරට භික්‍ෂූන්ට නිග්‍රහ කරද්දී ඒ ගැන රජය මාරාන්තික නිහඬතාවයක පසුවන්නේ මන්ද? ජනවාරි 08 වෙනස වෙනුවෙන් කැපවීම නිසා ද? එහෙත් මේ ප්‍රකාශ හරහා සිංහල බෞද්ධ සමාජය ප්‍රකෝප වුවහොත් එහි වගකීම භාර ගන්නේ කවරෙක්‌ද? භික්‍ෂූන් සිරගත කර ඒ ප්‍රකෝපය වැළැක්‌විය හැකිද? කිසිසේත්ම නොහැකිය.
බෞද්ධ ඡන්දවලින් බලයට පැමිණ බෞද්ධයන්ට නිග්‍රහ කරන මැති ඇමැතීන්ට අස්‌ගිරි විහාරය රතු එළි දල්වා ඇත. විවිධ රාජ්‍ය නොවන සංවිධාන මෙරට බෞද්ධයන්ට එරෙහිව ලොව පුරාම අසත්‍ය ප්‍රකාශ පැතිරවීමට පටන් ගෙන ඇත. එය ලංකාවට පමණක්‌ නොව බුරුම ථෙරවාදීන්ටත් පොදු ප්‍රශ්නයකි. බුරුම ථෙරවාදි බෞද්ධ ක්‍රියාමාර්ගවලට එරෙහිව එක්‌සත් ජාතීන්ගේ සංවිධානයටත් පැමිණිලි කර ඇත. මෙරට බෞද්ධ විරෝධී සංවිධාන ද එවැනි පියවරක්‌ අනුගමනය කළහොත් පුදුම විය යුතු නැත. එහෙත් සියලු බෞද්ධ විරෝධී බලවේගවලට එරෙහිව අභීතව සිංහනාදය පැතිරවීමට කටයුතු කළ අස්‌ගිරි නාහිමි ඇතුළු සංඝ සභාවට අපේ ප්‍රණාමය පුද කරමු.
June 21st, 2017 at 8:30 pm
මල්වත්තේ එළුගාල තවම නිහඬයි! මල්වත්ත සිරිලක බුදුසසුනේ අවාසනාවයි!
June 21st, 2017 at 8:33 pm
අස්ගිරියේ මහානායක හිමි ඇතුළු සියළු සංඝයාවහන්සේට අපේ නමස්කාරය!
June 21st, 2017 at 10:49 pm
“අසාද් සාලි වැනි නරුම බෞද්ධ විරෝධීන් මෙරට භික්‍ෂූන්ට නිග්‍රහ කරද්දී ඒ ගැන රජය මාරාන්තික නිහඬතාවයක පසුවන්නේ මන්ද?”
Because the governement, according biggest deshapremiya of Sri Lanka, is protecting Gnanasara Thero (aka Agnana Nissarana Minihek ,accoring to anti-Buddhist Dayan Jayatilake deshpremiya)
June 23rd, 2017 at 6:25 pm
Latest News Flash!
The Ramanna Nikaya has issued a STATEMENT similar to that of the Asgiriya Chapter of the Siam Nikaya!
I am STILL trying to find out the specific derails in the statement.
Jayawewa!
I hope and pray that ALL Nikayas will HEED OUR CALL to take a UNIFIED STAND to protect Sri Lanka’s Sovereignty and its Buddhist Culture against ENCROACHMENT by the Para-Gathi UNPatriotic Yamapalanaya Govt!
June 23rd, 2017 at 7:42 pm
According to Derana TV’s 6.55PM News today (2017.06.23), the Ramanna Nikaya has completely ENDORSED the statement previously made by the Asgiri Chapter of the Siam Nikaya!
The Ramanna Nikaya Theros further stated that a UNIFIED statement from ALL THREE Nikayas should be seriously considered as a warning to the Yamapalana government that cannot be ignored.
Only the Amarapura Nikaya STILL remains to formally issue a similar statement, and we URGE the venerable clergy of the Amarapura Nikaya to do that without delay in the best interest of our Motherland and our threatened Sinhala Buddhist Community.
They MUST HELP NOW to UNIFY the PATRIOTIC FORCES of our nation in this time of GREAT PERIL to our existence as a sovereign Buddhist nation!
May the THRIVIDARATNAYA, the Buddha, the Dahmma and the Sangha, Bless and Protect our Motherland as they have done throughout the hallowed history of our Resplendent Island!