ආබාධිත පොලිස් රණවිරුවන් ලබාදුන් දුබලතා විශ්රාම වැටුප අහිමි කිරීම. මෙවැනි කුණු වැඩ කරන රජයක් අපිට එපා. සල්ලි නැත්නම් රජය ඉල්ලා අස්වෙන්න.
Posted on December 3rd, 2017
Chaminda Pradeep Dissanayaka
ආබාධිත පොලිස් රණවිරුවන් ඊයේ විශ්රාම වැටුප් දෙපාර්තමේන්තුව වටලයි
යුද්ධය හේතුවෙන් ආබාධ තත්ත්වයට පත්වූ ආබාධිත පොලිස් රණවිරුවන්ට ලබාදුන් දුබලතා විශ්රාම වැටුප අහිමි කිරීම ඇතුළු ඉල්ලීම් කිහිපයක් ලබානොදීම හේතුවෙන් ආබාධිත පොලිස් රණවිරුවන් ඊයේ (29 දා) විශ්රාම වැටුප් දෙපාර්තමේන්තුව වටලනු ලැබීය.
පෙරවරු 11.00 ට පමණ විශ්රාම වැටුප් දෙපාර්තමේන්තුවට පැමිණි 300 ක පමණ ආබාධිත පොලිස් රණවිරුවන් පිරිස විශ්රාම වැටුප් කොමසාරිස් ජනරාල් ජගත් ඩයස් මහතා රැඳී සිටින කාමරය අසල බිම හිඳගෙන කප්පාදු කළ රණවිරු අයිතීන් නැවත ලබාදෙන තෙක් දෙපාර්තමේන්තුවෙන් පිට නොවන බව පවසමින් විරෝධතාවයක් ආරම්භ කරනු ලැබීය.
මෙම විරෝධතාවය පස්වරු 4.00 පසුවන තෙක් පැවැති අතර නීතිය හා සාමය පිළිබඳ අමාත්යාංශ ලේකම් ජගත් පී. විඡේවීර මහතා හමුවීමට ආබාධිත රණවිරුවන්ගේ සංගමයේ නියෝජිතයන් දෙදෙනකු සහභාගීවූවද රණවිරුවන් කොමසාරිස් ජනරාල්වරයාගේ කාමරය අසල රැකවල්ලා සිටින බවත් ඔවුන් ඉවත්ව යනතෙක් කාමරයෙන් පිටතට පැමිණ සාකච්ඡාවට නොයන බව කොමසාරිස් ජනරාල්වරයා දැනුම්දී තිබුණි.
සිද්ධිය සමථයකට පත්කර ගැනීම සඳහා ප්රදේශය භාර උසස් පොලිස් නිලධාරීන් විශ්රාමික පොලිස් රණවිරුවන් දෙපාර්තමේන්තුවේ පහළ මාලයට කැඳවා කොමසාරිස් ජනරාල්වරයා ඉවත්කර ගැනීමට කළ උත්සාහයක්ද ව්යර්ථ වී තිබිණි.
කෙසේ වෙතත් විශ්රාම වැටුප් දෙපාර්තමේන්තු ආරංචි මාර්ග කියා සිටියේ ආබාධිත පොලිස් රණවිරුවන්ට හිමි ගෙවීම් සිදුකරන ලෙස චක්රලේඛ මගින් උපදෙස් දී ඇතත් එහි අඩුපාඩු තිබෙන නිසා එහි වගකීම භාරගෙන කොමසාරිස් ජනරාල් වරයාට ගෙවීම් සිදුකළ නොහැකි බවයි. මේ නිසා නීතිය හා සාමය පිළිබඳ අමාත්යාංශය සමඟ සාකච්ඡා කර විසඳුමක් ලබාගතයුතු බව ඔවුන්ගේ මතය වී තිබුණි.
චමින්ද සිල්වා
ඡායාරූප – සමන් රණවීර