බැඳුම්කර බබා තොත්තබබා සහ කොහොල්ලෑ බබා
Posted on January 23rd, 2018

මතුගම සෙනෙවිරුවන්

1951 වසරේ දී අචාර්ය කොල්වින් ආර්.ද සිල්වා මහතා මිනීමැරුම් නඩුවකට පෙනී සිටියේය. එම නඩුව එකල හැඳින්වූයේ සතාසිවම් නඩුව යනුවෙනි. හතළිහ දශකයේ බිහිවූ දක්ෂ ක්‍රිකට් ක්‍රීඩකයෙකු වූ මහාදේවන් සතාසිවම් මෙම නඩුවේ ප්‍රධාන චූදිතයා විය.ඔහුගේ බිරිඳ වූ පොන්නම්බලම් රාමනාදන් මහතාගේ මිණිබිරිය වන පරිපූර්ණම් රාජනේද්‍ර මහත්මිය ඝතනයට සැකපිට ඔහු අත්අඩංගුවට පත් විය. නිවසේ මෙහෙකාර විලියම්ද සැකපිට අත්අඩංගුවට පත් විය.පසුව ඔහු රජයේ සාක්ෂි කරුවෙකු විය. දක්ෂ නීතිඥයෙකු වූ සිල්වා මහතා සහ මහාචාර්ය සිඩ්නි ස්මිත් යන දෙදෙන එක්ව තම විත්තිකාර පක්ෂය වෙනුවෙන්  උපරිම සේවය සලසමින් මිනී මරණ ලද්දේ සතාසිවම් නොවන බවට ඔප්පු කරන ලද්දේය.නමුත් මහජනතාව එය පිළිනොගත්හ. සතාසිවම් මහත්මියගේ ගෙල ළඟ තිබූ වංගෙඩිය විසින් එම මිනීමැරම කරන ලද්දේ යැයි ජනප්‍රවාදයක් ඇති විය.ඕනෑම දක්ෂ නීතිඥයෙකුට එලෙස කළ හැකිය.සත්‍යය යුක්තිය කෙසේ වුවත් තර්කයෙන් සහ කපටිකමින් ප්‍රශ්ණ මගහැර යා හැකි බව ලෝක ඉතිහාසයේ වරින් වර ඔප්පු කර පෙන්වා දී ඇත.වර්තමාන භාණ්ඩාගාර බිල්පත් වංචාවට අදාල කොමිෂම සහ එහි වාර්තාව මත දැන් වංචාව මෙහෙයවූ තැනැත්තන් නොව එයට සම්බන්ධ පාර්ශව කරුවන් වැරදිකරුවන් බවට පත් කර තිබේ.

         අර්ජුන් ඇලෝෂියස් ගේ සමාගම විසින් මහ භාණ්ඩාගර බිල්පත් මිළට ගැනීමේ දී කරන ලද සාපරාධී වංචාවට අනුබල දෙන ලද්දේ හිටපු බැංකු අධිපති අර්ජුන් මහෙන්ද්‍රන් බව කොමිෂමේ දී හෙළි දරව් විය.සිංගප්පූරුවේ සිට විශාල ධන ව්‍යාපාර වල යෙදී සිටින තැනැත්තෙකු සහ ඔහුගේ බෑනා විසින් මෙවැනි වංචාවක් කරන ලද්දේ තමන්ගේ ව්‍යාපාර තර කර ගැනීමටද යන්න පිළිබඳ අපට දෙවරක් සිතන්නට සිදු වී ඇත.භාණ්ඩාගර බිල්පත් සඳහා බිලියන 12 ක ඇපකරයක් ඔවුන් විසින්  මහ බැංකුවේ තැන්පත් කර ඇතැයි අගමැතිවරයා පවසයි.එය රජයට ගැනීමෙන් මේ වංචාවෙන් සිදුවූ පාඩුව මගහරවා ගත හැකි බවද ඔහු  කියයි. එහෙත් පසුගිය වසර දෙකහමාරක කාලය තුලදී මෙම වංචාවෙන් හරි හම්බ කරගත් මුදල්  ආයෝජනය කරන ලද ව්‍යාපාර කුමක්දැයි කිසිම තැනක සඳහනක් නැත. අප දන්නා පරිදි ස්කාගාර ව්‍යාපර සහ මාධ්‍ය ව්‍යාපාර සඳහා එම මුදල් ආයෝජනය කර තිබේ.මෙහි බරපතලම කාරණය නම් මෙම වංචාවෙන් පසුව රාජ්‍ය ආර්ථිකයට එල්ල වූ ප්‍රහාරයයි.රාජ්‍ය ණය පොළිය වැඩිවී ඇත.සේවක අර්ථ සාධක අරමුදල් සහ බැංකු සහ රාජ්‍ය ආයතන අර්බුදයට පත් විය. එම බිඳවැටීම කිසිසේත්ම නැවත  ක්ෂණයකින් හරි ගස්සා ගත නොහැකිය.එම නිසා මෙය වංචාවකට එහා යන ආර්ථික ඝාතනයක් ලෙසට අර්ථ දැක්විය හැකිය.

       මට පෙනෙනා ආකාරයට බැඳුම්කර කොමිෂම මගින් මෙම වංචාවේ බරපතල කම වසා සැබෑ චූදිතයන් නිදහස කර හැරීමක් කර තිබෙන බවයි. අද අගමැතිවරයා මාධ්‍ය ඉදිරියේ බබා රැඟුම් පාන්නේ මේ නිසාය.2016 න් පසු මෙම වංචාවට අදාළව පැවති කෝප් කමිටුවේ සභාපති වරයා වූ සුනිල් හඳුන්නෙත්ති මහතා ද මෙහි වරද එනම් අර්ජුන් මහේන්ද්‍රන් පත් කිරීමේ වරද ජනපතිවරයාට පටවා තොත්ත බබෙකු වන්නට තැත් කරයි. ඔහු සභාපතිත්වය දැරූ කෝප් කමිටුව මගින් නිවරදිව මෙම කරුණ වාර්තා කලේ නම් කොමිෂමට කලින් චූදිතයන් හෙළි දරව් වනවා නිසැකය. නමුත් එලෙස නියම චූදිතයන් හෙළිවන්නට ඉඩ තිබුණු ඩිව් ගුණසේකර වාර්තාව එළියට යා නොදී ජනපතිවරයා පාර්ලිමේන්තුව විසිරුවා හැරියේය. එය කරන ලද්දේ බටහිර රටක උපදෙස් පිටයයි කතාවක් දැනට ප්‍රචාරය වී තිබේ.

    කෙසේ වෙතත් මෙම වංචාව හුදෙක් මුදල් හම්බ කර ගැනීමකට වඩා රටේ ආර්ථිකය බිඳ වැට්වීමකට කරන ලද කුමන්ත්‍රණයක් ලෙසට දැක්විය හැකිය.වංචාවෙන් හම්බ කරගත් මුදල් එක්සත් ජාතික පක්ෂයේ සුභ සිද්දිය සඳහා යෙදීම කලා දැයි පැහැදිලි නැති නමුත් 2015 ජනවාර් 08 න් පසු  මහින්ද රැල්ල  පැරදවීමට පෙළ ගැසුණු බලවේගය දිරිමත් කරලීමට මෙම මුදල් අනිවාර්යයෙන්ම යොදවා ගන්නට ඇත.ඒ නිසාම අගමැතිවරයා චූදිතයෙකු නොකර මෙම ප්‍රශ්නය ගොඩින් බේරා ගැනීමට ජනපතිවරයා උත්සාහ ගන්නට ඇත. දැන් අප සලකා බැලිය යුත්තේ මෙවැනි සිද්දියකින් පසුව වුවද අගමැතිවරයා බේරා ගෙන ජනපතිවරයා නිර්භයව චන්දය ට ඉදිරිපත් වන්නේ කුමන පදනමකින්ද යන්නයි.

           මෙම යහපාලන රජය බලයට පත් කිරීම හුදෙක් මහින්ද රජය පරදවා එක්සත් ජාතික පක්ෂය බලයට පත් කිරීමේ අරගලයක් නොවේ. මහින්ද රජයේ තිබූ වැරදි උළුප්පා ලමින් මහජනතාවගෙන් ලක්ෂ හයක පමණ කොටසක් හරවා ගනිමින් ජනාධිපතිවරණයෙන් ජයගත් සිරිසේන මහතා මේ ජයග්‍රහණය සඳහා උපයෝගී කරගත් ඩමියක් බව අද ඔප්පු කර ඇත. ඔහුට තනි තීරණ ගෙන කරන්නට කිසිවක් නැත.යහපාලන රජයේ වැරදි ප්‍රසිද්ධියේ විවේචන කරමින් දේශපාලන වේදිකාවල බෙරිහන් දෙන නමුත් කොහොල්ලෑ බබෙකු මෙන් යහපාලන රජය ආරක්ෂා කරමින් එහිම ඇලී සිටී. ශ්‍රී ලංකා නිදහස් පක්ෂය ඉදිරියට දමා මැතිවරණය ට තරඟ වැදුණද තරඟය අවසානයේ එක්සත් ජාතික පක්ෂය සමග නැවත සංධානයට යෑමේ ඉඩකට බොහෝ තිබේ. මෙයට හේතුව කුමක්ද.

      මෙරට තිස් වසරක් පැවති යුද්ධය නිමා කොට රටට සාමය උදා කරන ලද්දේ පැවති රජයයි.එයින් පසු රටේ ඒකීයත්වය පිලිබඳව බෙදුම්වාදීන් ප්‍රශ්ණ කලේ නැත.නමුත් ප්‍රභාකරන් ගේ දඩයම් වපසරිය තුළින් රට තම ආධිපත්‍යයට ගැනීමට මාන බලමින් සිටි ඇමරිකාව සහ ඉන්දියාව ඇතුළු රටවලට මෙම පියවර ඉතා තදින් රිදුණු කරුණක් විය. යුද්ධය පැවති කාල වකවානුවේදී ඉන්දියාවට මහින්ද විසින් දුන් පොරොන්දු කෙසේ වෙතත් ඒවා ඉටු වුණු බවක් පෙනෙන්නට නැත. නමුත් ත්‍රස්තවාදය අවසන් කිරීම වෙනුවෙන් සමස්ත රජයත් ත්‍රිවිධ හමුදාවත් කල කැපවීම කිසිවෙකුටත් අවතක්සේරු කල නොහැකිය. එවැනි වීරෝධාර පුද්ගලයන්ට මුක්තිය ලබා දුන් ආකාරය පනාකඩුව තඹසන්නස විමර්ශනය කරන්නෙකුට වටහා ගත හැකිය. නමුත් යහපාලන රජය පත් වූ පසු ජිනීවාවල දී ඇති කරගත් එකඟතාවය මත යුද්ධයේදී සක්‍රීය දායකත්වය දැක්වූ හමුදා සොල්දාදුවන්  හට හිරිහැර කොට සිපිරි ගෙට දමා ඇත.සාලාව අවි ගබඩාව පුපුරුව හරින ලද්දේ විදෙස් රටවල උපදෙස් මතය. අනතුරුව භික්ෂූන් වහන්සේලා සිරගත කොට බුද්ධ ශාසනයට කළ අවමානයන් නිමක් නැත. මේ කෙණෙහිලිකම් කිසිවෙකුටත් අමතක කළ නොහැකිය. ජිනීවා යෝජනා වලට එකඟවූවා සේම යුද අපරාධ සෙවීමට අතුරුදහන් වූවන් ගැන සෙවීමට කාර්යාල පණත් සම්මත කරගත්තේ රජය පාලනය කරන ලබන්නේ විදෙස් පාලකයන්  ගේ කීම අනුව බව සනාථ කරමිනි. 40000 ක් යුද්ධයේ දී මැරුණු බවට කේලාම් කීවේ කවුරුදැයි විකිලිස් වෙබ් අඩවිය පරීක්ෂා කරලීමෙන් දත හැකිය.දැන් ඔහු බබා රැඟුම්පායි. 2015 රජය පත් වූ අලුතම ව්‍යවස්ථා සම්පාදක මණ්ඩලයක් පත් කොට රට බෙදීම නොහොත් ෆෙඩරල් පාලනයක් ස්ථාපිත කිරීමට අවශ්‍ය ව්‍යවස්ථා යොජනාවලියක් සකස් විය. ඒ පිළිබඳ අතුරු වාර්තාවක්ද පාර්ලිමේන්තු ගත කර ඇත.

       වර්තමාන මැතිවරණ ක්‍රියාවලිය පිළිබඳ ගැසට් නිවේදනය නිකුත් වන විට මෙම අතුරු ව්‍යවස්ථා යොජනාවලිය මදකට පසෙකට කරමින් රජය නිහඬ වූයේ මහාවිහාරය සහ සමස්ත භික්ෂූන් වහන්සේලාගේ ද විරෝධය එයට එල්ල වීම නිසාවෙනි. නමුත් මෙම මැතිවරණය අවසන් වූ පසු මාර්තු මස එළඹෙන ජිනීවා සමුළුවට සමගාමීව නැවතත් මෙම ව්‍යවස්ථා වෙනස් කිරීම සිදු කිරීම ඔවුන් ගේ බලාපොරොත්තුවයි. පසුගිය තෛයිපොංගල් උත්සව දිනයේ දී එබැව් අගමැති වරයා ප්‍රකාශ කොට තිබේ.එම නිසා මෙම මැතිවරණය පළාත් පාලන මැතිවරණයකටත් වඩා ජනමත විචාරණයක් බවට පත් වෙමින් ඇත.බැඳුම්කර මගඩිය පිළිබඳ බොහෝ දේ කරළියට පැමිණෙන විට නාට්‍යමය රංගනයකට දායක වීමට රජයට සිදු ඇත්තේ මේ නිසයි. කෙසේ හෝ රජය ආරක්ෂා කර නොගතහොත්  ව්‍යවස්ථා යෝජනාවලිය සම්මත කර ගැනීමට නොලැබෙන බව සිරිසේන මහතාත් රනිල් වික්‍රමසිංහ මහතාත් දනී. තමුන් පැරදීමට වඩා විදෙස් හාම්පුතුන් ගේ නියෝග පිළිපැදීමට තිබෙන කැමැත්ත ඉන් ප්‍රකාශ වේ. සතාසිවම් නඩුවට පෙනී සිටි කොල්වින් ආර්. ද සිල්වා මහතා 1951 දී දෙහිවල මැතිවරණයෙන් ජනතාව විසින් පරාජයට පත් කරන ලද්දේ යම් සේද මේ යහපාලන රජය පරාජයට පත් කිරීම අත්‍යවශ්‍ය වේ.මුස්ලිම් සහ දෙමළ පක්ෂ සිය බලකොටු වලදී උපරිම ලෙසට මෙවර ලකුණ රැස් කිරීමේ යෙදෙන හෙයින් මැතිවරණයෙන් පසු රජයට එකතු වීමට හෝ සිය බලය ප්‍රදර්ශනය කරමින් අන්තවාදී ඉල්ලීම දිනා ගැනීමට උත්සාහ කරනු නිසැකය. මැතිවරණයට කලින් අගමැතිට බලපෑම් කරමින් කැබිනට් තීරණයක් මගින් අඹගමුව ප්‍රා දෙශීය සභාව තුනකට කඩා ගත්තේ එලෙසය. මේ භයානක තීරණාත්මක සමය තුළ සිහිබුද්ධියෙන් කටයුතු නොකළහොත් සිංහල ජාතිය සතු ශක්තිය විනාශ කිරීමේ කුමන්ත්‍රණ තව දුරටත් සිදු වනු නිසැකය.

මතුගම සෙනෙවිරුවන්

5 Responses to “බැඳුම්කර බබා තොත්තබබා සහ කොහොල්ලෑ බබා”

  1. NAK Says:

    Sri Lanka has a set of special kind buffalo who eat rice and call themselves “kapuwath kola” for them their party is all that matter and to hell with the country. As long as these buffalo’s are on the loose they will run around destroying every thing on their path.

  2. Senerath Says:

    Sad storey. Sharing with you. Why can’t we have proper safety rules ?

    දික්‌කසාද නඩුවට කොළඹ ආපු කත වැල්ලවත්තේදී දුම්රියට බිලිවෙයි
    fShare

    අම්මා… අම්මා…කියා 7 හැවිරිදි දරුවා දේහය ළඟ හඬාවැටේ

    ප්‍රදීප් ප්‍රසන්න සමරකෝන්

    වව්නියාව බලා යාමට සිය හත් හැවිරිදි පිරිමි දරුවා සමඟ වැල්ලවත්ත දුම්රිය ස්‌ථානයේ පදික වේදිකාවේ රැඳී සිටි මවක්‌ ධාවනය වෙමින් තිබූ දුම්රියක හැපී මරුමුවට පත් වී ඇතැයි වැල්ලවත්ත පොලිසිය පවසයි.

    ඊයේ (23 වැනිදා) අලුයම 5.30 ට පමණ ගල්කිස්‌ස සිට යාපනය බලා ධාවනය වෙමින් තිබූ දුම්රියේ ගැටුණු මෙම මවගේ සිරුර තැලී පොඩිවී තිබූ බවද පොලිසිය කියයි.

    මව මියගියත් ඇගේ දරුවාගේ ජීවිතය බේරී තිබූ බවත් දරුවා හමුවන විට අම්මා… අම්මා… කියමින් හඬාවැළපෙමින් සිටි බවත් පෙලිසිය කියයි. මෙම අවාසනාවන්ත සිද්ධියෙන් මියගොස්‌ ඇත්තේ වව්නියාව, පුලියන්කුලමේ පදිංචිව සිටි එන්. කමලවදනා නමැති 36 හැවිරිදි මවකි.

    මෙම මව සිය දරුවා සමඟ පෙරේදා (22 වැනිදා) අලුයම 1.00 ට පමණ වව්නියාවේ සිට කොළඹ බලා පැමිණ ඇත්තේ දික්‌කසාද නඩුවකට පෙනී සිටීමටය. ඒ අනුව ඇය එයට පෙනී සිට පසුව ඥති නිවසක හිඳ ඊයේ අලුයම සිය ගම් බිම් බලා යාමට වැල්ලවත්ත දුම්රිය ස්‌ථානයට පැමිණ තිබේ. ඒ අනුව දුම්රිය ස්‌ථානයේ පදික වේදිකාවේ හිඳ යාපනය බලා පැමිණෙමින් තිබු දුම්රියට නැගීමට සූදානම් වූ මොහොතේ මෙම අවාසනාවන්ත සිද්ධියට මුහුණ පා තිබේ.

    දිවි බේරුණු දරුවා පොලිස්‌ භාරයේ පසුවේ. මියගිය මවගේ හදිසි මරණ පරීක්‍ෂණය ඊයේ (23 දා) කළුබෝවිල දකුණු කොළඹ ශික්‍ෂණ රෝහලේදී සිදු කිරීමට නියමිතව තිබිණි. වැල්ලවත්ත පොලිසියේ ස්‌ථානාධිපති ප්‍රධාන පොලිස්‌ පරීක්‍ෂක කපිල විඡේමාන්න මහතාගේ උපදෙස්‌ මත විවිධ පැමිණිලි අංශයේ ස්‌ථානාධිපති උප පොලිස්‌ පරීක්‍ෂිකා සඳුනි සිරිවර්ධන මහත්මියගේ මෙහෙයවීමෙන් පොලිස්‌ කොස්‌තාපල් ජිනදාස (3097) මේ පිළිබඳව වැඩිදුර පරීක්‍ෂණ සිදු කරයි.

  3. Christie Says:

    Will India kick the ass of Ranil and appoint Chandrika as PM. A proven sucker of India like her father.

  4. Senerath Says:

    මේක සුදු කරපටි රොබරියක්‌ ; මම කැමතියි මංකොල්ල කාරයන් සහ අපරාධකාර යන්ගේ මුහුණු බලාගෙන කියන්න – අනුර කුමාර දිසානායක (ජවිපෙ)

    බැඳුම්කර විමර්ශන වාර්තාව හා බරපතළ මූල්‍ය අපරාධ පරීක්‍ෂණ වාර්තා අද ලැබුණා. මෙම බැඳුම්කර වාර්තාව අධ්‍යයනය කරද්දී මැනැවින් පැහැදිලි වෙනවා. අදාළ ඇමැතිවරු, අගමැතිවරයා සහ මහ බැංකු අධිපතිවරයා මීට මැදිහත්වීමේ ස්‌වභාවය. ඒ වගේම මේ නිලධාරීන්ගේ ක්‍රියා පටිපාටියේ තිබෙන දුබලතාවන්. ඒ නිසා සේවක අර්ථ සාධක අරමුදලට කෝටි 850 කට වඩා හානි සිදුව තිබෙනවා. පෞද්ගලික අංශයේ සේවකයන්ගේ හව්හරණ සඳහා තිබෙන අරමුදලෙන් තමයි මේ වංචාකරුවන් කෝටි 850 ක්‌ වංචාකර තිබෙන්නේ. මේ බැඳුම්කර කොමිසම් වාර්තාව මගින් මේ මහ බැංකු වංචාවට මොන තරම් ප්‍රබලයන් සම්බන්ධව සිටිනවාද, ඔවුන්ගේ අතු විහිදී තිබෙන්නේ කිනම් ආකාරයටද යන්න පැහැදිලි වෙනවා. මේවා සුදු කරපටි රොබරි. රටේ පහළ පන්තියේ මිනිසුන්ගේ මුදල් ඉහළ ඉන්න මිනිස්‌සු මොනතරම් ප්‍රමාණයකට අපහරණය කරනවාද යන්න මෙයින් පෙන්නුම් කරනවා.

    අපි වංචා දූෂණ හඳුනා ගත්තේ ප්‍රාදේශීය සභාව ගමේ පාරක්‌ හදද්දී, නැතිනම් කඩයකට පැන රුපියල් ලක්‍ෂයක්‌ කොල්ල කද්දී ඒවා තමයි හොරකම් ලෙස දැක්‌කේ. නමුත් පළමුවරට විධිමත් වාර්තාවක්‌ මගින් පෙන්නුම් කර තිබෙනවා ඉහළ දේශපාලන හා රාජ්‍ය යාන්ත්‍රණය මහජන මුදල් මොනතරම් වංචා කරනවාද අවභාවිත කරනවාද යන්න පෙන්නුම් කර තිබෙනවා. තම තනතුරු බලය මොන ආකාරයට උපයෝගී කර ඇත්ද යන්න මේ වාර්තාව පෙන්නුම් කරනවා. මේ වාර්තාව අනුව දඬුවම් ලබාදීමට ප්‍රතිපාදන තිබෙන්නේ නීතිපතිට, අධිකරණයට හා අල්ලස්‌ කොමිසමට. අපි දන්නවා නීතිපති දෙපාර්තමේන්තුවේ අල්ලස්‌ කොමිසමේ හැසිරීම්. ඒ සියල්ල දේශපාලන ආධිපත්‍යයට යටත් වී තිබෙන නිසා මේ ආයතන එම දේශපාලකයන්ට දඬුවම් ලබාදේවි යෑයි හිතන්න බෑ.

    හොරාගේ අම්මාගෙන් පේන අහනවා කියන කියමන අප අත්දැකීමෙන් දුටුවේ නෑ. ඒත් මේ බැඳුම්කර වාර්තාව මගින් අපට පෙන්නුම් කරනවා හොරාගේ අම්මාගෙන් පේන අහන්නේ කවරාකාරයකින්ද කියලා. ඒ වගේම නඩුත් හාමුදුරුවන්ගේ බඩුත් හාමුදුරුවන්ගේ කියා උපහැරණයක්‌ තිබෙනවා. ඒ උපහැරණයේ අත්දැකීම අප දැක තිබුණේ නෑ. මේ වාර්තාව මගින් අප එයත් දුටුවා.

    කථානායක- හෙට අපට ඔය ගැන පක්‍ෂ නායක රැස්‌වීමේදී කතා කළ හැකියි.

    දිසානායක මහතා- නෑ. එකඟ වුණා. ඒ වගේම අද තවත් වාර්තාවක්‌ සභාගත කළා. ඒ වාර්තාවේ තිබෙනවා පසුගිය පාලනය රාජ්‍ය ආයතන (බාධා)

    සභානායක ලක්‍ෂ්මන් කිරිඇල්ල මහතා- අපි මේ ගැන විවාදයකට සූදානම්. මේ වාර්තාව නීතිපතිට, අල්ලස්‌ කොමසාරිස්‌ට යවා තිබෙනවා. වෙන මොනවද කරන්න කියන්නේ. ඔය කතා කරන්න හවසක රැස්‌වීමකදී.

    අනුර කුමාර දිසානායක- රැස්‌වීමේදීත් කරනවා. රැස්‌වීමේදී කියන්න ඕනේ අගමැති එතන ඉන්නවා නම්.

    සභානායක ලක්‍ෂ්මන් කිරිඇල්ල මහතා-මෙතුමා කියන දේවල් මේ වාර්තාවේ නෑ. මේවා ගොතන ඒවා.

    අනුර කුමාර දිසානායක- මම කැමතියි මේක මේ මංකොල්ලකාරයන්, අපරාධකරුවන්ගේ මුහුණ බලාගෙන කියන්න. සභානායකතුමා කලබල විය යුතු නෑ.

    අද සමහර අපරාධකරුවෝ නෑ. හිටපු ජනාධිපති තම බලය උපයෝගී කරගත් අයුරු, මැතිවරණවලට තම බලය උපයෝගී කරගත් අයුරු, ඇවන්ගාඩ් ගනුදෙනු නිවාස අමාත්‍යාංශයේ ගැටලු, ගැන සවිස්‌තරාත්මක තොරතුරු, රාජ්‍ය ආයතන තම දේපළ බවට පත් කරගත් අයුරු මේ වාර්තාවල සඳහන්. එනිසා මේ වාර්තා පෙබරවාරි 10 ට පෙර මේ සභාවේ සාකච්ඡා කළ යුතුයි.

    කථානායක- අපි හෙට පක්‍ෂ නායක රැස්‌වීමේදී කතා කරමු.

  5. S.A Says:

    An excellent article.

Leave a Reply

You must be logged in to post a comment.

 

 


Copyright © 2024 LankaWeb.com. All Rights Reserved. Powered by Wordpress