අගමැතිට පක්ෂ වීමට දෙමළ සන්ධානය දාපු කොන්දේසි 10 මෙන්න
Posted on April 5th, 2018

Sri Lanka News

අග්‍රමාත්‍ය රනිල් වික්‍රමසිංහ මහතාට එරෙහිව පාර්ලිමේන්තුවට ඉදිරිපත්ව ඇති විශ්වාසභංග යෝජනාවට එරෙහිව පාර්ලිමේන්තුවේ දී ඡන්දය භාවිත කිරිම සඳහා දෙමළ ජාතික සන්ධානය කරුණු 10න් යුත් කොන්දේසියක් ඉදිරිපත් කර තිබෙනවා.

එම කොන්දේසි 10 සම්බන්ධයෙන් එකඟ වනවා නම් තමන් අග්‍රමාත්‍යවරයාට එරෙහිව අද (04) පැවැත්වෙන විශ්වාසභංග යෝජනාවට අදාළ ඡන්ද විමසීමේ දී අග්‍රාමාත්‍යවරයාට පක්ෂව ඡන්දය භාවිත කිරිමට දෙමළ ජාතික සන්ධානය කටයුතු කරන බව විපක්ෂ නායක ආර්.සම්බන්දන් සඳහන් කළ බවයි එම පක්ෂයේ පාර්ලිමේන්තු මන්ත්‍රී සෙල්වම් අඩයිකලනාදන් කියා සිටියේ.

දෙමළ ජාතික සන්ධානය මෙම තීරණය ගෙන ඇත්තේ විපක්ෂ නායක කාර්යාලයේ අද (04) පැවති විශේෂ සාකච්ඡාවකින් අනතුරුවයි.

එහිදී දෙමළ ජාතික සන්ධානයේ මන්ත්‍රීවරුන් අතර ද දැඩි උණුසුම් තත්ත්වයන් හට ගත් බවද සඳහන්.

  1. ඉදිරි පළාත් පාලන මැතිවරණයට පෙර නව ආණ්ඩුක්‍රම ව්‍යවස්ථාව 2/3 ක බහුතරයකින් පාර්ලිමේන්තුවේ සම්මත කළ යුතුයි.
  2. හමුදාව සතුව ඇති උතුරු නැගෙනහිර සියළු ඉඩම් ජනතාව වෙත ලබාදිය යුතුයි.
  3. සිරභාරයේ සිටින දෙමළ දේශපාලන සිරකරුවන්ට පොදු සමාව ලබාදිය යුතුයි.
  4. අතුරුදන් වූවන්ට හිමිව ඇත්තේ අතුරුදන්වුවන්ගේ කොමිසම පමණයි… ඒ සම්බන්ධයෙන් අවධානය යොමු කර අතුරුදන්වුවන්ගේ පවුල්වලට සාධාරණය ඉෂ්ඨ කළ යුතුයි.
  5. උතුරු නැගෙනහිර ජනතාවගේ අයිතීන් ආරක්ෂා කිරිම.
  6. උතුරු නැගෙනහිර තරුණ තරුණියන්ට රැකියා අවස්ථා ලබාදිය යුතුයි.
  7. උතුරු නැගෙනහිර පළාත් සඳහා දකුණෙන් රැකියා පත්වීම් ලබාදීම වහාම නතර කළ යුතුයි.
  8. උතුරු නැගෙනහිරට අයත් දිස්ත්‍රික්ක 8 සඳහා දෙමළ දිස්ත්‍රික් ලේකම්වරුන් පත්කළ යුතුයි.
  9. උතුරු නැගෙනහිර සංවර්ධනයේ දී අදාළ අදාළ පළාත් සභාවල මතයට ගරු කළ   යුතු අතර පළාත් සභාවල ව්‍යාපෘති සඳහා ප්‍රමුඛත්වය ලබාදිය යුතුයි.
  10. දෙමළ ජනතාවට කඩිනම් දේශපාලන විසඳුමක් ලබාදිය යුතුයි.

One Response to “අගමැතිට පක්ෂ වීමට දෙමළ සන්ධානය දාපු කොන්දේසි 10 මෙන්න”

  1. NAK Says:

    Instead of ten all these demands could have been summarized in to just short one. Give us Eelam!!!

Leave a Reply

You must be logged in to post a comment.

 

 


Copyright © 2018 LankaWeb.com. All Rights Reserved. Powered by Wordpress