ජවිපෙ පාවිච්චි කරමින් සිරිසේන – වික්‍රමසිංහ    ආණ්ඩුව ව්‍යවස්ථානුකූලව රට බෙදන්න හදනවා ” අද රට, ජාතිය, භයානක අනතුරකට පත්වෙලා “
Posted on July 16th, 2018

ආචාර්ය ගුණදාස අමරසේකර

සිරිසේන – වික්‍රමසිංහ එකතු වී රටේ ඒකීය බව නැති කරන හැටි බොහෝ දෙනකුට නොතේරෙන බව ආචාර්ය ගුණදාස අමරසේකර පවසයි.

හෙතෙම එම අදහස් පළ කළේ ‘රණවිරු දඩයම, ව්‍යවස්ථා සංශෝධන බෝම්බය සහ 2019 ජනාධිපතිවරණය’ මැයෙන් පෙරේදා (10දා) පැවැති සම්මන්ත්‍රණයකදීය. ජාතික සංවිධාන සම්මේලනය විසින් සංවිධාන කළ මේ සම්මන්ත්‍රණයේදී ආචාර්ය අමරසේකර මහතා වැඩිදුරටත් මෙසේද පැවැසීය.

අද රට, ජාතිය, භයානක අනතුරකට පත්වෙලා. මේක බොහෝ දෙනකුට තේරෙන්නෙ නැහැ. මේ රට, ජාතිය මුහුණ දුන් මේ අනතුර ඒකාබද්ධ විපක්ෂයටවත් තේරෙන්නෙ නැහැ.

විදේශිකයන් රට අල්ලා ගත්තත් භෞමික අඛණ්ඩතාව නැති වුණේ නැහැ. ඉංග්‍රීසීන් පවා අපට ‘සිංහලය’ භාර දුන්නා. ඒත් මේ ආණ්ඩුව නිසා රටේ භෞමික අඛණ්ඩතාව නැති වෙනවා. මේ ආණ්ඩුව බලයට ගෙනා විදේශ බලවේගවල වුවමනා ඉටු කිරීම නිසා එසේ සිදුවී තිබෙනවා.

රට බෙදීමට අවශ්‍ය පසුබිම රට තුළත් අන්තර්ජාතිකවත් සකස් කර තිබෙනවා. ව්‍යස්ථාව මඟින් රට බෙදීම සිදු කරනවා. ජනතා විමුක්ති පෙරමුණ පාවිච්චි කරමින් 20 වැනි සංශෝධනය ගෙනත් ව්‍යවස්ථානුකූලව මේ රට බෙදන්න කටයුතු කරනවා.

ත්‍රස්තවාදය නිමා වූ පසුව උතුරු පළාත් සභාව රට බෙදීමේ මානසිකත්වය උතුර තුළ ඇති කර තිබෙනවා. අපි කියූ දේ අහල පළාත් සභාව පිහිටුවන්නෙ නැතිව මධ්‍යම ආණ්ඩුව උතුරේ ජනතාවගේ හිත දිනාගත්ත නම් මේ ගැටලු නැහැ. උතුරු පළාත් සභාව එම ප්‍රදේශය සංවර්ධනය නොකර තවත් ප්‍රභාකරන් කෙනෙක් බිහිවෙන්න අවශ්‍ය පසුබිම සකසනවා.

උතුර කොටි ත්‍රස්තවාදය, බෙදුම්වාදය සඳහා අවශ්‍ය පසුබිම සකස් කරනවා. දකුණේ දේශපාලකයෝ එය සාධාරණීකරණය කිරීමට අවශ්‍ය පසුබිම සකස් කරනවා. ඒ සඳහා අන්තර්ජාතික පසුබිමත් සකසනවා. මේ රට බෙදීමේ ක්‍රියාමාර්ගය මානව හිමිකම් කවුන්සිලය හරහා සිදු කරනවා.

මේ රටේ හමුදාවේ අත්පා බැඳලා දුර්වල කරනවා. ත්‍රස්තවාදයට බියක් සැකක් නැතිව නැඟී සිටින්න පරිසරයයි එහෙම සකස් කරන්නෙ. හමුදාව අඩු කරලා කඳවුරු අඩු කරලා බෙදුම්වාදයට උඩගෙඩි දෙනවා.

2 Responses to “ජවිපෙ පාවිච්චි කරමින් සිරිසේන – වික්‍රමසිංහ    ආණ්ඩුව ව්‍යවස්ථානුකූලව රට බෙදන්න හදනවා ” අද රට, ජාතිය, භයානක අනතුරකට පත්වෙලා “”

  1. Randeniyage Says:

    What if Rail becomes next ex-prex ?
    Then we have to truly accept “අද රට, ජාතිය, භයානක අනතුරකට පත්වෙලා”.
    I would then say මේක බොහෝ දෙනකුට තේරෙන්නෙ නැහැ.

  2. Christie Says:

    Jeppo wants to divide the country.

    They will be the rulers of Sinhala area under India.

Leave a Reply

You must be logged in to post a comment.

 

 


Copyright © 2024 LankaWeb.com. All Rights Reserved. Powered by Wordpress