විසුරුවා හැරිය පාරලිමේන්තුව නැවත කැඳවීමට අවශ්‍යතාවයක් තියෙනවාද ?
Posted on April 30th, 2020

චාර්ල්ස්  පෙරේරා විසින්

එදා රනිල් වික්‍රමසිංහ  නායකත්වය දුන් එක්සත් ජාතික පක්ෂය හා  සම්බන්ධ පක්ෂ එකතුව ඉදිරිපත්කල  ජනාධිපති අපේක්ෂක  සජිත් ප්‍රේමදාස ලක්ෂ 69 කටත් වැඩි චන්දයකින් පරාජයකොට ගොටාභය රාජපක්ස මැතිතුමා ලංකාවේ ජනාධිපති වශයෙන්  පත්කරගත්තෙ,  එදා යහපාලනය ආණ්ඩුව වෙනුවෙන් පෙනී සිටි හා ඒ ආණ්ඩුවට සමබ්න්ධවී  පාරලිමේන්තුවේ සිටි මන්ත්‍රී  වරුන් සියල්ලම කෙරෙහි විශ්වාශයක් නොමැති බැවින්. ජනතාව  එදා යහපාලනය ආණ්ඩුව පරාජය කලේ  ඒ  වෙනුවට  ජනාධිපති ගොටාභය රාජපක්ෂ මහතා ඉදිරිපත්කල සෞභාග්යේ දැක්ම පිළිගෙන  එතුමා සමග දේශපාලන ගමනකට සුදානම්  අලුත් මන්ත්‍රීවරුන් පත්කරගෙන අලුත් ආණ්ඩුවක් පිහිටුවීම සඳහායි.

ඒ යහපාලනය ආණ්ඩුව වෙනුවෙන් පෙනීසිටි පාරලිමේන්තුවේ විපක්ෂයේ මන්ත්‍රීවරු අන්තිම මොහොත දක්වාම  කලේ ජනාධිපති  ගොටාභය රාජපක්ශ මැතිතුමා  කරගෙන ගිය වැඩපිළිවෙලට භාදා කිරීමයි.   නමුත්  සජිත් ප්‍රේමදාස  ඇතුළු විපක්ෂය කීවා  අපි ජනාධිපති තුමාට සම්පුර්ණ සහාය දෙනවා, පාරලිමේන්තුවට ගෙනෙන ඕනෑම යෝජනාවකට එක අතක් නොවෙයි  අත් දෙකම උස්සල චන්දය දෙනවා කියල.

 නමුත්  මාර්තු මාසයේ කැඳවන ලද පාරලිමේන්තුවට ජනාධිපතිතුමාගේ ආණ්ඩුව  අතුරු ඇස්තමේන්තුවක් ඉදිරිපත්කල අවස්ථාවේ සජිත් ප්‍රේමදාස ඇතුළු විපක්ෂයේ මන්ත්‍රී කාන්ඩායම එදා දුන් පොරොන්දුව අමතක කර ඊට විරුද්ධවූ නිසා  ආණ්ඩුව ඒ අතුරු යෝජනාව අස්කර ගත්තා .  ඒ බැවින් ජනාධිපති  තුමාට රටගෙනයාම සඳහා වෙනත් විකල්පයක් නොතිබුන බැවින්  2020  ජුනි 2වනදා පාරලිම්වෙන්තු චන්දයක් සඳහා දින නියම කරමින්  2020 මාර්තු  3වනදාම පාර්ලිමේන්තුව විසුරුවා හැරියා. ඒකයි  ජනාධිපති තුමා  මාර්තු  3දාම පාර්ලිමේන්තුව විසුරුවා හැරීමට හේතුව වූයෙ.    

මේ අතරතුර සජිත් ප්‍රේමදාසත් රනිල් වික්‍රමසිංහත් අතර ඇතිවූ  දේශපාලන විරුද්ධතාවයක් හේතුවෙන් සජිත් ප්‍රේමදාස සමගි බලවේගයයි වෙනම දේශපාලන පක්ෂයක් පිහිටුවාගත්තා.   ඔවුන් පාර්ලමෙන්තු චන්දයකින් නියත වශයෙන්ම පරාජය වන බව  දැනගෙන  චන්දයකට මූහුනදීමට බියව සිටි අවස්ථාවේ  රටේ අවාසනාවකට  නොසිතුපරිදි කුරිරු කොරෝන වසංගතයක්  පැතිරෙන්න පටන්ගත්තා.

වාසනාවකට අපේ ජනාධිපති තුමා දේශපාලනඥයෙක් නොවන බැවින් කොරෝනා වය්රසයටමුහුණ දීමට දේශපාලනමය  තීරණයක් නොවන පැහැදිලිවම ජනතාතාවගේ ආරක්ෂාව සඳහා  විශේශඥ වෛද්‍යවරුන්ගේ හා තාක්ෂණික  දනුම ඇති අයගේ සහාය ලබාගෙන වීරෝධාර  රණවිරුවන්  හා පොලිසිය සම්බන්ධකරගෙන   ඉතා කාලෝචිත  වගකිවයුතු කාර්යක්ෂම වැඩපිළිවෙලක් ගෙන යනවා .

දැන් විසුරුවා හරින ලද පාරලීමේනතුවේ විපක්ෂ මන්ත්‍රී වරු ජනාධිපති තමාගේ කොරනා ව්‍යාසනයට මුහුණදීමේ වැඩපිලිවල පිළිබඳව ධනාත්මකව බලා ඒ සඳහා ඔහුට දිය හැකි ආධාර සොයා බලා ජනාදිපතිතුමා සමග  එක්ව  ඒ වැඩ පිළිවෙලට සහය දෙනවා  වෙනුවට ඔවුන්  විසුරුවා හරින ලද පාරලිමේන්තුව නැවත කැඳවිය යුතුයයි ජනාධිපතිතුමාට බලකිරීම සඳහා මාද්‍ය ප්‍රකාශකරමින් සිටී.    

ජනාධිපතිතුමා  කොරෝනා වයිරසයට මුහුණදීම සඳහා හොඳ වැඩපිළිවෙලක් ගෙනයද්දී, රටේ වෙනත්  ජනාධිපතිතුමාට තනිව තීරණයක්  ගත

නොහැකි විශේෂ තත්වයක් ඇතිවී නොමැති හෙයින්  විසුරුවාහරින ලද පාරලිමේන්තුව කැඳවීමට අවශ්‍ය තාවයක් නැත.

නමුත් මොවුන්  කියා සිටින්නේ කොරනා වයිරසයෙන් රට ආරක්ෂා කරනු සඳහා ජනාධිපතිතුමාට විශාල මුදල් ආධාර ලැබෙමින් තිබෙන බැවින් ඒ මුදල් කලමනාකරණය පිලිබඳ ඔවුන්ට සාධාර න සැකයක් ඇතිවී තිබෙන හෙයින්  ඒ ලැබෙන මුදල් පිලිබඳව පාර්ලිමේන්තුවට දැන්වීමේ වගකීමක් ජනාධිපති තුමාට තියෙන නිසා   විසුරුවාහරිනලද පාරලිමේන්තුව කැඳවා  ඒ පිළිබඳව රපොර්තුවක් ඉදිරිපත් කලයුතුයයි ඔවුන් විශ්වාශ කරන බවයි.

මේක බොරු මනස්ගාතයක්. ව්‍යවස්ථාව අනුව ජනාධිපති තුමා විසින් විසුරුවාහරින ලද පාරලිමේන්තුව නැවත කැඳවීමට කිසිකෙනෙකුට බලකළ නොහැකිය.  විසුරුවා හරින ලද පාරලිමේන්තුව කැඳවීම හෝ නොකැඳවීම ජනාධිපති තුමාට ඇති  විශේෂ බලයක්.   විශේෂ බලය පාවිච්චි කරන්නයි බලකරන්න කිසිවෙකුට නොපුළුවන.

රටේ යුද්ධයක් වැනි විශේෂ අවස්තාවක් ඇතිඋවහොත් ජනාධිපතිතුමාට විසුරුවාහරින ලද පාර්ලිමේන්තුව නැවත කැඳවිය හැකියා .  එවැනි ජනාධිපති තුමාට තනිව තීරණයක් ගත නොහැකි අවස්තාවක් තාමත්  රටේ ඇතිවී නැත.  එබැවින් විසුරුවාහරිනලද පාරලිමේන්තුව නැවත කැඳවීමට අද අවශ්‍යතාවයක් නොමැත.

ඒ විසුරුවාහරින ලද  පාරලිමේන්තුවේ බහුතරයක් තුබූ,  විපක්ෂය අබමල් රේණුවක් තරම් වත් විශ්වාශකළ නොහැකියි. 

ජිනීවා නුවරදී අමෙරිකාව සමග එක්වී තාමාගේම රටේ විරෝධාර යුදබලකායන් යුද අපරාධ කරුවන් වශයෙන් පාවා දුන්,  සංඝරත්නය ත්‍රිවිධ රත්නයෙන් අහක්කල,  මුසල පාපකාරී මංගල සමරවික්‍රම, නින්දාසහගත ලෙස බොරුවෙන් සත්‍ය වසන්කරන රාජිත සෙනාරත්න, අසරණ තරුණයකු ජීවිත කාලයටම  ආභාදිතයෙක් කර එය නොපිළිගත් වාන්චනික චම්පික රණවක, තෙරුමක් නැතිව කට තියෙනවාට  දොඩවන එස් ඒම මරික්කාර්,  අප්‍රේල් මාසයේ පාස්කු ඉරිදා භිෂනයට් කෙලින් හෝ වක්‍රව සම්බන්ධ  රවුෆ් හකීම්, රිෂාඩ් බද්යුදීන්, මුජුබු රහමාන්,  මාන්නයෙන් පිම්බුණ  රංගේ බන්ඩාර, සදාචාරයක් නැතිව ඕනෑ නොහොම්බිනා දෙයක්  කිරීමට සුදානම් කතානායකව සිටි කරු ජයසුරිය,  එක්සත් ජාතික පක්ෂය වෙනුවෙන්  නා නා විධියට බල මෙහෙවර කම් කල අදටත් කරන ජනතා විමුක්ති පෙරමුනේ හිටපු මන්ත්‍රී රැළ,  ආදීන්ගෙන් සමන්විත වූ විසුරුවාහරින ලද එවුන් විසින් මඩ ගොහොරුවක් කල විසුරුවාහරින ලද  පාරලිමේන්තුව නැවත කැඳවන්නේ මොන කෙන්ගේඩියකටද  ?  

සජිත් ප්‍රේමදාස ඇතුළු විපක්ෂයේ හිටපු මන්ත්‍රීවරු  දැන් පුන පුනා ඉල්ලා සිටින්නේ,

විසුරුවාහරින ලද පාරලිමේන්තුව නැවත කැඳවන ලෙසයි.  මේ ඉල්ලිම පිටුපස කුමන්ත්‍රණයක්  තිබේ ?

විසුරුවා හරින ලද  පාරලිමෙන්තුව යලි කැඳවූවහොත් පාරලිමේන්තුවේ  බහුතරය තිබෙන්නේ  ඔවුන්ටයි.  එවිට  මේ අවස්ථාවෙන් ප්‍රයෝජනය ගෙන ඔවුන්ට පුලුව්න්  වෙනවා ජනාධිපති තුමාගේ වැඩකටුයුතුවලට භාදාකල හැකි   පනතක් කඩිමුඩියේ පාරලිමේන්තුවට ඉදිරිපත්කරගෙන එය අනුමතකරගන්න. කරු ජයසුරියගේ  අතීත හැසිරීම අනුව එහෙම කුමන්ත්‍ර කාරී වැඩපිළිවෙලක් තියෙනවානම්  කතානායක වශයෙන් කරු ජයසූරිය කිසි පැකිලීමල් නොමැතිව එවැනි කුමන්ත්‍රණයකට සහාය දෙනවා ඇත.   නිසා ජනාධිපති තුමා මොවුන් එතුමා ඉදිරියේ තබන උගුලට හසුවිය නොයුතුය.

ජනාධිපති තුමා විසින් පාරලිමේන්තුව විසුරුවාහැරීමෙන් පසුව, ඔහු රටේ විවිධ කාර්යයන්  සඳහා කරන වියහියදම් පිළිබඳව වගකිවයුත්තේ අනාගතයේදී කැඳවනු ලබන අලුත් පාරලිමේන්තුවට මිස, විසුරුවාහරින ලද  පාරලිමේන්තුවට නොවේ.

ජනාධිපති තුමා පාරලිමේන්තුව විසිරුවා හැරිමෙන් පසුව අලුත් පාරලිමේන්තුවක්  කැඳවීම  සඳහා චන්දය පැවැත්වීම චන්ද කොමසාරිස් වෙත පැවරෙන වගකීමයි, ඒ සඳහා ජනාධිපති තුමාට මැදිහත්විය නොහැක.

මේ විපක්ෂයේ හිටපු පාර්ලිමේන්තු මන්ත්‍රී වරුන්ට උවමනා යම් විධිහක චන්ද ප්‍රචාරක කටයුතු කොටසක්  කොරෝන වය්රසය මුවාවෙන් කරන්නටනම්, ඒ සඳහා තමන්ගේ කොට්ටාසවල මිනිසුන්ට  ඔවුන්ට හැකිපමනින් ආධාර උපකාර කිරීම සඳහා වැඩපිළිවෙලක් ඔවුන්ට සකසාගත හැකියි. නැත්නම්  දේශපාලන වෙනස්කම් අත්හැර ආණ්ඩුවට යම් විධියක සහයක් දීමට  ජනාධිපතිතුමාට  දන්වා  වැඩපිළිවෙලක් සකස් කර ගැනීමට භාධාවක් ඇතැයි නොසිතමි.

මේපිළිබඳව සුමන්දිරන් වගේ බෙදුම්වාදී  හිටපු මන්ත්‍රීවරයෙක් ශ්‍රේශ්ටාධිකරණයට ගියහොත්  උසාවිය මොන  තීන්දුවක් ගනීවිදැයි කිව නොහකියි. පුද්ගලිකව ලංකාවේ ශ්‍රේශ්ටාධිකරණය පසුගිය කාලයේ ගත් තීරණ දෙකක් සම්බන්ධව  මම ඒකඟ නැත.  එකක් අග්‍රවිනිශ්ච කාරවරියට විරුද්ධව ගෙනා  ද්යෝෂාභියෝගය පිළිබඳව ශ්‍රේශ්ටාධිකරණය ව්‍යවස්ථාවේ වගන්තියක් පිළිබඳව දුන් අසම්පුර්ණ අර්ථකතනයක්. දෙවෙනුව ජනාධිපති මෛත්‍රීපාල සිරිසේන  මැතිතුමා එදා පරලිමේන්තුව විසුරුවා හැරීමට  විරුද්ධව ශ්‍රේශ්ටාධිකරණ දුන් තීන්දුව.  මේ දෙකම  පිළිගත නොහැකියි. . .

එංගලන්තයේ නිතිය හදාරන කාලයේදී  අධිකරණ තීන්දු විශාල ගණනාවක් කියවලා  දැනගත් දෙයක් තමා බ්‍රතාන්‍ය විනිශචකරාවරුන් බොහොවිට තීරනය ගැනීමේදී  නීතියෙන් ඔබ්බට ගිහින්  වැරදිකරු හා වැරැද්දට භාජනය  වූ තැනැත්තාගේ ජීවිත වාතාවරණයන් හා ගතිගුණ  සලකා බලා මානුෂික මය නඩු තීන්දු දෙනවා. . නමුත් ලංකාවේ විනිශ්ව්යකාරවරුන්  එවැනි තීරණ ගන්නවාද යන්න ප්‍රශ්නයක්.

ජනාධිපති වරයාට පාරලිමේන්තුව විසුරුවාහැරීමට ඇති අයිතියක් තියෙනවාද නැද්ද  විනිස්චයකිරීමෙදී  නඩුකාරයන් විසින්   පාරලිමේන්තුව විසුරුවා හැරීම වැරදියයි නඩුතීන්දුවක්  දීමට තීරණයක් ගෙන,  ව්‍යවස්ථාවේ  ප්‍රජාතන්ත්‍රවාදී වගන්ති නොබලා  නඩු තීන්දුවක් දී තිබෙන බවක්  ජනාධිපති සිරිසේන මැතිතුමාගේ පාර්ලිමේන්තුව විසුරුවා හැරීමේ තීරනයට විරුද්ධව  දුන් නඩු තීන්දුවෙන් පෙනෙනවා.    

අවුරුදු හතරහ මාරකට පෙර පාරලිමේන්තුව විසුරුවාහැරීමට ජනාධිපති තුමාට  අයිතියක්  නොමැතියි ප්‍රජාන්ත්රවාදයට පටහැනි වගන්තිය පමණක් කියවා,  ජනාධිපති තුමන්ට අවුරුදු හතරහමාරකට  පෙර  පාරලිමේන්තුව විසුරුවා හැරීමේ  බලය තිබෙයයි  කියන වගන්තිය සම්පුර්ණයෙන් අත්හැර දමා එදා  ඒ නඩුකාර කට්ටලය වැරදි තීරණයක් ගත්තා. .

යුක්තිමත්, සාධාරණ හා ප්‍රජාතන්ත්‍රවාදී  නඩු තීන්දු ගන්නට තුබූ අවස්ථාවේ ගෙනත් තිබුනේ අයුතු, අසාධාරණ නඩු තීන්දු.  එබැවින් අද අපේ විනිශ්චයකාරවරු නීතිය අකුරටම පිළිපදියි ද  පවතින කොවිඩ් 19 ව්‍යාසනය තත්වය  නඩුවට අදාළ නැතියයි  සලකා  දරදඬු තීන්දුවක් ගනිත්දොයි නොදනීමූ. සරත් ආබ්රු නඩුකාරවරයා තාමත් සිටිත් දැයි නොදනිමු.

දැන් ඔය ජනාධිපතිතුමාට කොන්දෙසි විරහිත සම්පුර්ණ සහාය දෙනවා කියල ගිවුසුම  අත්සකරලා දෙන්න සුදානම් වන විසුරුවාහරින ලද පාරලිමේන්තුවේ  හිටපු මන්ත්රීවරු පහුගිය දවස්වල් ජනාධිපති තුමාට ගෞරවාන්විතව හෝ ප්‍රශාන්ශනීය ප්‍රකාශයන් කලේ නෑ.   ජනතා වීමූක්ති පෙරමුන කීවා ජනාධිපතිතුමා ගෙන යන්නේ මිලිටරි පාලනයක් කියල, තවත් තැනක යහපාලනයෙ  හිටපු මන්ත්‍රීවරයෙක් කීවා ජනාධිපතිතුමා  ආඥාදායකයෙක් කියලා.  තවත් එකියක්  කීවා ආන්ඩුවට විශාල ධනස්ඛන්ධයක් ලෑබෙනවා නමුත් ඒ මුදල් පරිහරණය  කිරීම පිළිබඳව සාධාරන සැකයක් තියෙනවා කියල.

යහපාලන ආන්ඩුවකාලයේ  මහින්ද රාජපක්ෂ මැතිතුමා ඇතුළු ඒකාබද්ධ  විපක්ෂය  පාරලිමේන්තුවේ ව්පක්ෂය මෙන් පිළිනොගෙන දෙමල සන්ධානයේ සම්බන්ධන්  විපක්ෂනායකයා කරගත් ,ඒ විසුරුවාහරින ලද පාරලිමේන්තුවේ හිටපු එකම මන්ත්රීවරයකු කෙරෙහිවත්  කිසිම විශ්වාශයක් තැබීය නොහැකිය  එබැවින් මොවුන් නැවත කැඳවාගැනීමට  අවශ්‍යතාවයක් තියෙනවාද ? ඇත්තටම එහෙම අවශ්‍යතාවයක් කිසිසේත්ම නැත. 

Leave a Reply

You must be logged in to post a comment.

 

 


Copyright © 2020 LankaWeb.com. All Rights Reserved. Powered by Wordpress