බොහෝ දේශපාලන පක්ෂ මීටරය තබා සෙන්ටිමීටරයේ වත් පරතරය ගැන සැලකිලිමත් නෑ. – කැෆේ කියයි
Posted on July 5th, 2020

මාධ්‍ය නිවේදනය – පාර්ලිමේන්තු මැතිවරණය 2020  මාධ්‍ය ඒකකය කැෆේ සංවිධානය

බොහෝ දේශපාලන පක්ෂ සිය මැතිවරණ රැස්වීම් වලදී මීටරයේ දුර නොව සෙන්ටිමීටරයේ දුරක් වත් තබා නොගන්නා බව කැෆේ සංවිධානය කියයි. කැෆේ සංවිධානයේ අධ්‍යක්ෂිකා සුරංගි ආරියවංශ මහත්මිය සඳහන් කළේ පවතින සෞඛ්‍යමය තත්වය හේතුකොටගෙන ආරක්ෂිත ලෙස මුහුන ආවරණ පැළඳ මීටරයක දුරින් ජනතාව රැස්කර මැතිවරණ ව්‍යාපාර කළ යුතු බවට සඳහන් වුව ද බොහෝ අපේක්ෂකයින් මෙම නිර්දේශ මායිම් නොකර පුරුදු පරිදි සිය මැතිවරණ කටයුතු පවත්වාගෙන යමින් සිටින බවයි.  

කොරෝනා රෝග ව්‍යාප්තිය යම් මට්ටමින් පාලනය වුවද ජනතාවගේ නොසැලකිල්ල මත යළි දරුණු වසංගත තත්වයක් ඇතිවීමේ දැඩි අවධානමක් පවතින බවත්, එම තත්වයෙන් රට මුදා ගැනීමට අවශ්‍ය පියවර ගැනීම සියලු දෙනාගේම  වගකීමක් බවත් ඇය පෙන්වා දෙයි. මෙම ආරක්ෂිත සමයේ කටයුතු කළ යුතු ආකාරය  පිළිබඳ පක්ෂ මට්ටමින් සිය ආධාරකරුවන් දැනුවත් කළ යුතු වුව ද  එවැනි විධිමත් වැඩපිළිවෙළක් පිළිබඳව මෙතෙක් වාර්තා වී නැති බවත් ඇය පෙන්වා දෙයි.

මැතිවරණ ව්‍යාපාරය යනු  ජනයා ඒකාරාශි වන, පුළුල් ක්‍රියාවලියක් වන අතර එම අවස්ථාවලදී නිසි සෞඛ්‍ය ක්‍රමවේද අනුගමනය කිරීම සැබෑ ජන හිතකාමී පක්ෂ සහ අපේක්ෂකයින්ගේ වගකීමක් වන බව ඇය සඳහන් කරයි. මැතිවරණ කටයුතු සඳහා ජනතාව යොදා ගැනීමේදී සෞඛ්‍ය සම්පන්න වීම ජනතාව මත පටවා අත් පිසදා ගැනීම එම දේශපාලන පක්ෂ වලට සහ ආධාරකරුවන්ට නොහැකි බවද ආරියවංශ මහත්මිය සඳහන් කරයි. මේ ආකාරයට ජනතාවගේ ආරක්ෂාව ගැන නොසිතා තම ජයග්‍රහණය පිළිබඳව පමණක් සිතා කටයුතු කරන අපේක්ෂකයින්ට  කතිරයෙන් නිසි පිළිතුරු ලබා දීමට ජනතාවට ස්වර්ණමය අවස්ථාවක් හිමිව ඇති බවද ආරියවංශ මහත්මිය වැඩිදුරටත් සඳහන් කරයි

මාධ්‍ය ඒකකය

කැෆේ සංවිධානය

One Response to “බොහෝ දේශපාලන පක්ෂ මීටරය තබා සෙන්ටිමීටරයේ වත් පරතරය ගැන සැලකිලිමත් නෑ. – කැෆේ කියයි”

  1. Gunasinghe Says:

    Look who is talking. COVID 19 is under control. Stop coughing for NGO money.

Leave a Reply

You must be logged in to post a comment.

 

 


Copyright © 2020 LankaWeb.com. All Rights Reserved. Powered by Wordpress