යකුන් කොළඹ ඇවිත්
Posted on March 18th, 2016
නලින් ද සිල්වා
පසුගිය 17 වැනි දා කොළඹ පිලිප් ගුණවර්ධන (හයිඩ්) පිටියට පැමිණි පිරිස මහින්ද රාජපක්‍ෂගේ බැතිමතුන් යැයි වමේ යැයි කියන එක් පඬියකු කියා තිබිණි. එහි ඇත්තක් නැතිවා ම නො වේ. සිංහල බෞද්ධ සංස්කෘතියෙහි ප්‍රධාන සංරචකය යැයි කිවහැකි යක්‍ෂ සංස්කෘතියෙහි නායකයන් දේවත්වයෙන් පිදීම ද වෙයි. මහසෙන් දෙවියන් නමින් හැඳින්වෙන්නේ එවැනි රජෙකි. එයට බොහෝ කලකට පෙර කතරගම මහාසේන නමින් දෙවියකු වූ නායකයකු ගැන සඳහන් වෙයි. අද සිංහල බෞද්ධයන් දැනුවත් ව හෝ නොදැනුවත්ව හෝ කතරගම යන්නේ කිරිවෙහෙරට ද ගොස් මේ දෙවියන්ට ද පුද පූජා පැවැත්වීමට ය. දෙවියන්ට පුද පූජා පැවැත්වීමෙන් කිසිවකු නිවන් දැකීමට බලාපොරොත්තු වන්නේ යැයි පඬියකු හැරෙන්නට වෙනත් අයකු නොකියනු ඇත. ලෞකික ලාභාපේක්‍ෂාවන් සඳහා දෙවියන්ට පුද පූජා පැවැත්වීම සිංහල බුද්ධාගමෙහි අංගයකි.
මහින්ද රාජපක්‍ෂ දේවත්වයට පත් වී නැත. එහෙත් ඔහුට දේවත්වයට පත්වීමට සුදුසුකම් ඇත. මහසෙන් රජු මහාවිහාරය සමතලා කර එහි උඳු වැපිරී ය. එහෙත් ඔහු පසුව ඒ සියල්ලට සමාව ගෙන මින්නේරි දෙවියන් බවට පත්විය. ඒ යක්‍ෂ සංස්කෘතියෙහි ඵලයක් විය. මහසෙන් රජු දඹදිව සංස්කෘතික ආධිපත්‍යයකට විරුද්ධ ව සටන් කෙළේ ය. මහින්ද වැරදි කර ඇත. එහෙත් ඔහු මහාවිහාර භූමියෙහි උඳු වපුරා නැත. ඔහු ඉන්දිය දේශපාලන හා ආර්ථික ආධිපත්‍යයට හිස නො නැමී ය. මහසෙන් රජුට එංගලන්තයට හා පොදුවේ බටහිරට විරුද්ධව සටන් කිරීමට අවස්ථාවක් නො ලැබිණි. එකල ගී්‍රසියට හා රෝමයට උතුරෙන් සිටි සුද්දෝ පාන් කියා ගන්න බෑරි තත්ත්වයක සිටියහ. ඔවුන් එකල පාන් ගැන දැන සිටියේ දැයි විශ්වවිද්‍යාලයක පුහු ඇදුරකුට සොයා බැලිය හැකි ය. කෙසේ වුවත් උතුරේ සුද්දන් දැන සිටි පෙරදිගක් නැත. අද ග්‍රිසීයට හා ඉතාලියට පාන් කියා ගැනීම තරමක් අමාරු ය. මහින්ද එංගලන්තයට හා පොදුවේ බටහිරට හිස නොනමා ඇඹිලිපිටියට පාර පෙන්වී ය.
මහින්දට දේවත්වයට පත්වීමට නම් කළ යුත්තේ සිංහල බෞද්ධ සංස්කෘතියට මෙරට හිමි තැන ලබා දීම ය. මෙකල ඒ කළ හැකි නායකයකු සිටී නම් ඒ මහින්ද ය. මහින්ද ඔහුගේ බටහිර ගැති හා ඉන්දීය ගැති, බටහිර ඔත්තුසේවාවල හා ඉන්දීය ඔත්තුසේවයේ ඊනියා උපදේශකයන්ට ඇහුම්කන් නොදී ඒ කළ යුතු ය. අවශ්‍ය නම් මේ උපදේශකයන් නම් වශයෙන් සඳහන් කළ හැකි ය. එමෙන් ම එහි දී වාසුදේව, තිස්ස, ඩිව් ත්‍රිත්වයට ද මහින්ද ඇහුම්කන් නො දිය යුතු ය. ත්‍රිත්වය යම්තම් දේශපාලනයේ එල්ලී සිටින්නේ මහින්දට හා සිංහල බෞද්ධ ඡන්දවලට පින්සිදුවන්නට ය.
මෙරට ජනගහණයෙන් 75%ක් සිංහල වන අතර 70% ක් සිංහල බෞද්ධ වෙත්. 17 වැනි දා කොළඹ පැමිණි ජනගහනයෙන් 95%කට වඩා සිංහල වන අතර 90%කට වඩා සිංහල බෞද්ධ වෙයි. මහින්දට දෙමළ හා මුස්ලිම් ජනයා අතර යම් ඡන්ද ප්‍රමාණයක් ඇත. එහෙත් ඔහුගේ ඡන්ද පදනමෙන් අති විශාල ප්‍රතිශතය සිංහල වෙයි. ඉනුත් සිංහල බෞද්ධ වෙයි. මහින්ද අද තැත්කළ යුත්තේ කසිකබල් තුට්ටු දෙකේ උපදේශකයන්ට සවන් නොදී සිංහල බෞද්ධයන්ගෙන් 80%කට වඩා ඡන්ද ලබාගැනීමට කටයුතු කිරීම ය. දැනටමත් ඔහුට සිංහල බෞද්ධයන්ගෙන් 70%ක් පමණ ඡන්දය දෙන්නේ යැයි සිතිය හැකි ය. අද කුමන ආකාරයක මැතිවරණයක් පැවැත්වුවත් ජයග්‍රාහකයා වනු ඇත්තේ මහින්ද ය. මෛත්‍රිපාල සිරිසේන සීමා නිර්ණ බොරුවට මුවා නොවී පළාත් පාලන මැතිවරණ පවත්වා ඒ බව ප්‍රායෝගිකව ම දැනගැනීමට කැමති ද?
17 වැනි දා කොළඹ පැමිණි ජනතාවගෙන් පිළිබිඹු වූයේ මෙරට යක්‍ෂ සංස්කෘතික සංරචකය ය. එදා යක්කු කොළඹ පැමිණියහ. ඔවුන් පැමිණියේ ඉන්දීය මෙන් ම බටහිර ආර්ථික, සංස්කෘතික හා දේශපාලන ආධිප්‍යයන්ට එරෙහිව ය. එට්කා ගිවිසුම මේ ආධිපත්‍යයෙහි එක් කොටසක් පමණකි. ඉන්දියාවේ ජනයාට අවශ්‍ය ප්‍රමාණයට ගිලන් රථ නැතිව තිබිය දී ඔවුන් අපට ගිලන් රථ දෙන්නේ අප ගිලනුන් කිරීමට ය. ඉන්දීය හා බටහිර ඔත්තුසේවාවල නියෝජිතයෝ ලංකාව පුරා, විශේෂයෙන් කොළඹ හා යාපන දිස්ත්‍රික්වල, ගැවසෙති. ඔවුන්ගෙන් යම් පිරිසක් ගිලන් රථවල ද යනු ඇත.
යක්කු විදේශීය ආධිපත්‍යවල ද සහායෙන් ආණ්ඩුව සිංහලයන්ට කරන අඩත්තේට්ටම්වලට, රණවිරුවන් සිරගත කර දෙමළ ත්‍රස්තවාදීන් මුදාහැරීමට, බුද්ධි අංශය දියාරු කිරීමට, භික්‍ෂූන්වහන්සේට හිරිහැර කිරීම්වලට, බුදුසසුන ඊනියා ථෙරවාදී කතිකාවත් මගින් පාලනය කිරීමට, ආර්ථික පීඩනයට, ජනමාධ්‍යවලට බලපෑම් කර ඒ නිහඬ කිරීමට, ආදී වශයෙන් කරන සියළු කටයුතුවලට විරුද්ධ ව කොළඹ පැමිණියහ. පොදුවේ ගතහොත් ඔවුහු යුදෙවු ක්‍රිස්තියානි සංස්කෘතික හා ග්‍රීක යුදෙවු ක්‍රිස්තියානි චින්තන ආධිපත්‍යයට එරෙහිව කොළඹ පැමිණියහ. බටහිර හා ඉන්දීය ගැති රනිල් සිරිසේන ආණ්ඩුවට බලයේ රැඳී සිටීමට දැනට හැකි වී ඇත්තේ ශ්‍රි ල නි පක්‍ෂයේ යැයි කියන මෛත්‍රිපාලගේ මැති ඇමතිවරුන්ගේ පාවාදීම හේතුවෙන් පමණකි.
නලින් ද සිල්වා
2016 මාර්තු 19
March 18th, 2016 at 5:07 pm
කරුණාකර මේ ලිපිය යක් රජුට යවන්න. අපටත් කියන්නට ඇත්තේ මෙයමයි.
තංගම්මා දෙමළ උනත් කම් නැත. සූර සරදියෙල්ට අපි ආදරය කලෙමු. ඒ සූර සරදියෙල් දුප්පතාට සැලකූ නිසයි. අප්පුහාමිලාට සැලකූ නිසයි.
එහෙත් අපි පල්හොරුන් ගේ රාජයකටද උවත් ලැහැස්ති වෙමු. යකා දෙවියා කරමු. බුදුන් ද පසෙක තබාගෙන දෙවියා අදහමු.
ඒ සිහල රාජයක් බිහිකිරීම සඳහාය.
කුමාරි හාමිලාට , කොළඹ නෝනලාට නොව, ඒ රාජයයෙන් අප්පුහාමිලාට සැලකිය යුතුය.
එසේ නැත්නම් ඉතාම ටික කලකින් දෙවියා මරාගෙන මැරීමට අප්පුහාමිලාට සිදුවනු ඇත.
March 18th, 2016 at 7:04 pm
“බටහිර හා ඉන්දීය ගැති රනිල් සිරිසේන ආණ්ඩුවට බලයේ රැඳී සිටීමට දැනට හැකි වී ඇත්තේ ශ්‍රි ල නි පක්‍ෂයේ යැයි කියන මෛත්‍රිපාලගේ මැති ඇමතිවරුන්ගේ පාවාදීම හේතුවෙන් පමණකි.”
Not entirely true. It is also the weakness of Mahinda who thinks he will be defeated if not came through SLFP. He has to take charge now.
How on this earth a “minority opposition” officially function when there is a legitimate opposition outnumbering the official opposition? Probably first one on this earth.
It surely proves inability of Mahinda to organise anything. It is others who are organising for him and he is there as a symbol only.
If he cannot take charge in the parliament now, it will be a disaster.
Why ? Because we will have a monstrous evil government and a symbolic opposition ( only capable of sabotage and create havoc but will vote for constitutional changes same as what s happened when passing 19A) for 4 + years.
Somehow , together, they will divide the country and kill Buddhism and Sinhalaness.
March 19th, 2016 at 12:54 am
Sirisena’s illegitimate government is waiting to pounce on the united opposition and to sack the SLFP MP’S from parliament to fill them with another set of traitor losers to consolidate his position.
March 19th, 2016 at 2:29 pm
ජී එල් හා දයාන් ගෙන් පරිස්සම් විය යුතුය් . ඩලස් ද සුනිල් මාධව ගනයේ සත්‍ය වාදියෙකි පුර්ණ ජාතිකත්වයක් නැත . විමල් ජාතිකත්වය පැත්තට වැටුනේ අමරසේකරලාගේ පෙරමුණට හෙත්තුවූ පසුවය ඩලස් හා විමල් නරක නැත. එහෙත් මාක්ස් ධර්මයේ ජාතිකත්වයේ මිස බුද්ධ ධර්මයේ ජාතිකත් වයේ නැත . මහින්ද ථෙරවාදී බුදු දහමට හා එම සංස්කෘතියට පිටු පාන්නේ මෙවැනි ය නිසය් මහින්දටත් මේවා ගැන හරි වට හීමක් නැත
කොහොම වුනත් මේ අවස්ථාවේ මහින්ද දිනවියයුතුමය් වෙන කෙනෙක් නැත ..
March 19th, 2016 at 3:01 pm
Thnaks Nalin for reminding the roots of our belief system built on Reeri Yakas or the coming Raja Yoga in the horizon.
In the same vein Greeks believed in an island ruled by a one eyed giant, that is mentioned in Iliad, the epic story of sea travels of a group of warriors around Greek isles after Trojan wars. I heard one scholar convincingly argue that the myth of one eyed giants grew out of skeletons of elephants from a more previous age occasionally found in Greece and indeed in many parts of Europe. Elephants had not survived in Greece in the time of writing Greek Myths; so they found skeletons with a large hole in the forehead inexplicable as Greeks had not travelled to elephant dwelling parts of Africa.
Similarly many stories of Dragons in Chinese myths may have something to do with many skeletons of dynosores found in Chinese deserts. One may find more unbelievable stories in the writings of great writer / historian Herodotus, about how they believed folks living beyond Persia are processing gold with what is dug by giant ants or how a sailor noticed the unbelievable way sun moved in going round possibly Africa, but actually they did not have a name for that land mass..My belief is that ancient Civilizations are built n myths and need not be taken with all that seriousness by the present with all the access to internet.
March 19th, 2016 at 3:08 pm
ධර්මසිරි,
මම කියන්නේ මහින්දව සම්පූර්ණයෙන්ම ජාතික සටනකටම යොමු කරවිය යුතු බවයි.
ඔහු එන්නේ පුද්ගලික වැඩ වලට බලය අවශ්‍ය නිසානම්, එය ජාතික සටනේ අවසානයයි.
මේ බවක් මට නොපෙනේ. මොහු නලින්ලාට නැවතත් පිටුපානු ඇත.
නලින් මේව ලිය ලිය ඉන්නවාට වඩා මහින්දට ඕනෑහැටියට නැටීමට ඉඩනොදී පෙරමුණට ආ යුතුය.
වාසුලා, ජීඇල් ලා මහ දෙයක් නොවේ. සුලු ගැටලුය.
March 20th, 2016 at 3:25 am
Ayibo Nalin, Yes, you must go to the forefront as a National leader not as a party politician in a practical way – Jayaweva!