මෛත්‍රිපාලට බලපෑම්
Posted on July 4th, 2015

නලින් ද සිල්වා

මෛත්‍රිපාල සිරිසේනට විජාතික බලවේගවලින් බලපෑම් එල්ල වන බව රහසක් නො වේ. චන්ද්‍රිකාගේ සිට එංගලන්ත මහා කොමසාරිස් දක්වා මහින්දට එක්සත් ජනතා නිදහස් සංධානයෙන් තරග කිරීමට ඉඩ දීම පිළිබඳ ව මෛත්‍රිපාලට දොස් කියා ඒ ඉල්ලා අස්කර ගැනීමට බලකරනු නිසැක ය. පික්පොකට් අගමැති ද තම තනතුර බේරා ගැනීම සඳහා විවිධ උපක්‍රම යොදා ගනු ඇත. අජිත් පෙරේරා පමණක් නොව අර්ජුන රණතුංග ද තම නියෝජ්‍ය ඇමතිකම්, ඇමතිකම් බේරා ගැනීමට කටයුතු කරති.

එක්සත් ජනතා නිදහස් සංධානයේ ප්‍රධාන පක්‍ෂය ශ්‍රී ල නි පක්‍ෂය වෙයි. ශ්‍රී ල නි පක්‍ෂය යම් අයුරකින් සංධානයෙන් ඉවත්වීමට තීරණය කළහොත් සංධානයේ පැවැත්ම පිළිබඳ නීති ප්‍රශ්න පැන නගියි. මැතිවරණ කොමසාරිස්වරයා  හෙවත් මැකො එහි දී කිනම් තීරණයක් ගනීවි ද යන්න ප්‍රශ්නයකි. 

අනෙක් අතට නාමයෝජනා දීමට ඇති අවසාන දිනය තෙක් බලා සිටීම ද යහපත් නො වේ. අවසන් දිනට දින තුනකටවත් පෙර නාම යෝජනා භාර දීමට කටයුතු කළ යුතු ය. සංධානයේ ලැයිස්තුව ගැන පමණක් බලා නොසිට වෙනත් ලැයිස්තු ද පිළියෙළ කර අවශ්‍යතාවක් වුවහොත් යොදා ගැනීමට සූදානමින් සිටිය යුතු ය.

විජාතික බලවේග කෙටි කලකට වුවත් තමන්ට ලැබුණු බලය සටනකින් තොරව අත් නොහරිනු ඇත. ජාතික බලවේග හා විජාතික බලවේග අතර සටන අද කිසි දිනෙකට වඩා උග්‍ර වී ඇත. දෙමළ ජාතිවාදය හා මුස්ලිම් ආගමිකවාදය බටහිර උසිගැන්වීම් මැද මෛත්‍රිපාලට මහින්ද ඉදිරිපත් කිරීමට තිබෙන සෑම ඉඩක් ම  වැසීමට කටයුතු කරනු ඇත. 

විජාතික බලවේගවලට විරුද්ධ ව  ජාතික බලවේග සංවිධානය කළ යුතු ය. එහෙත් එපමණකින් සෑහීමකට පත් නොවිය යුතු ය. සිංහලයන් විජාතික බලවේගවලට පරාජය වී ඇත්තේ ශක්තිය අතින් නොව උපක්‍රම අතින් ය. ඇමරිකානුවන් රනිල් වික්‍රමසිංහ තම රටට ගෙන්වා මසක් පමණ කාලයක් පුහුණු කෙළේ උපක්‍රම පිළිබඳ ව දැයි අපි නො දනිමු. ඒ කුමක් වුවත් අද ද මෙරට බටහිර මෙන් ම ඉන්දීය ඔත්තු කරුවෝ උපදේශකයෝ සිටිති. ඔවුන්ගේ උපදෙස් ගැන කලින් සිතා ඒවාට මුහුණ දෙන්නේ කෙසේ ද යන්න දිනපතා සාකච්ඡාවට බඳුන් කළ යුතු ය. 

මෙවර යම් අයුරකින් විජාතික බලවේග ජයග්‍රහණය කළහොත් ජාතික බලවේගවලට තව අවුරුදු විසිපහකට හිස එසවීමට කිසිම ඉඩක් නො දෙනු ඇත. අප කලින් ද කියා ඇති පරිදි බටහිරයන්ගේ ඊනියා ලංකා වසන්තය හේමන්තයක් බවට පෙරළිය යුතු ය. 

නලින් ද සිල්වා

2015 ජූලි 04

2 Responses to “මෛත්‍රිපාලට බලපෑම්”

  1. Christie Says:

    නලින් ඔබ කියන දේ හරි. ඉන්දියානු අදිරදයෝත් පරපෝසිතයෝත් ස්තයකටවත් විස්වාස කල නොහැක. මුන් මහින්දට සිරිසේන දමා කලදෙයම කරනු ඇත. මහින්ද පලමුව නාමයෝජනා ඉදිරිපත්කලයුතුය. පක්සය ගැන පසුව වැඩකලහැක.

  2. ranjit Says:

    I hope Mahinda will discuss his future with political intellectuals as well as experienced politicians of today and plan the next move in this political chess game. He should listen to everybody without making his own decisions like he did before. We know he is a good listener and do things on the advise of people around him but sometimes some advises might not help him and maybe wrong so he needs to be careful when taking any decisions.

    Sira cannot be trusted therefore he should forget the party S.L.F.P. for short period and come forward on MEP ticket to contest the next General election. This is the best way rather than going behind Sira and Choura and beg for nomination. Party is not important for his supporters but name MAHINDA is important for millions in this country therefore I hope he will think of the people who supports him rather than his party and it’s boss who betrayed him once. Reject the traitors and come back alone and the peoples’ power is behind you my dear President.

Leave a Reply

You must be logged in to post a comment.

 

 


Copyright © 2018 LankaWeb.com. All Rights Reserved. Powered by Wordpress