රාජිත-පාඨලි-අර්ජුන තුන් කට්ටුව රටට කියා දෙන පාඩම!
Posted on July 14th, 2015
නාමල් උඩලමත්ත යුතුකම සංවාද කවය www.yuthukama.com
මේ වන විට ශ්රීලනිප සන්ධානය වටා රොද බදින ඡන්ද දායකයින් මහින්ද කෙරෙහි විශ්වාසය තබන හෙයින් බොහෝ විට මහින්ද වෙනුවෙන් පෙනී සිටි පිරිස් සන්ධානය තුළ රාජිත-පාඨලි-අර්ජුන තුන් කට්ටුවට වඩා මනාප ලබා ගැනීම ඒකාන්ත ය. කොළඹින් විමල්, දිනේෂ්, සුසිල් පෙරමුණ ගනු ඇති අතර පාඨලිට පසු බැසීමට සිදු වනු ඇත. කළුතරින් වෙල්ගම, රෝහිත ඉදිරියට පැමිණෙනු ඇති අතර ගිය වරදත් යන්තම් සන්තම් දිනූ රාජිත පසු බසිනු ඇත. ෆීල්ඩ් මාර්ෂල්ගේ විලක්කුවෙන් අලියා මතට කරණමක් ගැසූ අර්ජුන සිය සහෝදරයා වන ප්රසන්න ලබන මනාපවලින් අඩක් හෝ නොලබනු නියත ය. එහෙයින් ලංකාවේ අමන දේශපාලඥයින් කුණු බක්කියට විසිවීමට මොහොතකට පෙර ලැගුම් ගන්නා එජාපය නම් නගර සභා කුණු ලොරියට සිය ආත්ම ආරක්ෂාව පිණිස මේ තුන් කට්ටුව නැඟ තිබේ.
මේ කරණම මගින් මේ තුන් කට්ටුව කිසියම් ආරක්ෂාවක් ලැබුව ද එජාපයේ ඒ ඒ දිස්ත්රික්කවල ප්රබලයින් සිය මනාප එජාප නොවන මේ වවුල් කල්ලියට යෑමට ඇති ඉඩ ඍජු සහ වක්ර ක්රියා මාර්ග ඔස්සේ වසා දමනු ඇත්තේ අනභියෝගීව සිය ආධිපත්ය ආරක්ෂා කර ගනු පිණිස ය. එහෙයින් දෙලොවක් අතර රඟන රාජිත, පාඨලි, අර්ජුන වැන්නෝ ගෙදර ගියත් තෝ නහී, මඟ හිටියොත් අඹු නහී තත්ත්වයට පත්ව සිටිති. එමෙන් ම පාඨලි සිය සැබෑ වෘක සම වැසෙන සේ පොරවා ගෙන බැටළු සමට රැවටී සිංහ කොඩිය උස්සා ගෙන ඔහු පසුපස ඒකීය රාජ්යය ආරක්ෂා කරනු පිණිස පසු ගමන් ගිය ජාතිකවාදීන් යැයි කියා ගන්නා ඊනියා දේශප්රේමීන් මෙවර පාඨලීට රනිල් වික්රමසිංහ සමඟ පඨිසෝතගාමීව ෆෙඩරල් රාජ්යයක් කරා යෑමට ගොම්පස් ඇල්ලිය හැකි ය. කෙසේ වුව ද අනපේකෂිත මහින්ද පුනරාගමනය නිසා එජාපය සමඟ පයුරු පාසානමකට යාම හැර සිය ආත්ම ආරක්ෂාව සඳහා මොවුන්ට වෙන කිසිඳු විකල්පයක් රටට ආදරය කරන ජනතාව ඉතිරි කර නොමැත. මේ වන විට සිරිසේන ජනාධිපතිවරයා මෙන් ම ඔහුට සහාය දැක්වූ ශ්රීලනිප කණ්ඩායම ද ජනපදනමක් නොමැති අනාථ බවට පත් කිරීමට ජනතාව නිවැරදි ලෙස කටයුතු කර තිබේ. රාජිත-පාඨලි-අර්ජුන තුන් කට්ටුව මේ උපාය මාර්ගය තේරීම සඳහා යොමු කරන්නේ එම යථාර්ථය විසිනි. මෙය එක්තරා ආකාරයකට දිට්ඨ ධම්මවේදනීය කර්ම ඵල දීමකි. මෙතෙක් එළිදැක ඇති ශ්රීලනිප සන්ධාන මහ මැතිවරණ අපේක්ෂක කටවුඩ්වලට සිරිසේනගේ රුව වෙනුවට මහින්දගේ රුව පැමිණීමෙන් සංකේතවත් කරන්නේ එය නොවෙද?
July 14th, 2015 at 2:56 am
Look at the faces of the traitors. These traitors are siding with the Unpatriotic Party (UNP).
Unpatriotic Party (UNP) has never ever done anything to the country. Except putting foundations to break up the
country. Killing Sinhalese youth. Killing 600 policemen in the east. Within few days of this yamapalanaya, catholic
chief’s catholic tiger buddy did the biggest robbery in the country’s history. How can you face public with a record like
that? These traitors has no shame! You can’t be Sinhalese, to support such a treacherous party! Shame on you!