ජාතික ගීය ගැන තවදුරටත් 1
Posted on March 24th, 2016
නලින් ද සිල්වා
ජාතික ගීය දෙමළෙන් ගැයීමට කිසිම ඓතිහාසික, සංස්කෘතික හෝ දේශපාලන හෝ හේතුවක් නැති බව අපි පසුගිය ලිපියෙන් පෙන්වා දුන්නෙමු. මෙරට ස්වාධීන දෙමළ රාජ්‍යයක් කිසිදා කිසිතැනක තිබී නැත. එපමණක් නොව ක්‍රිස්තුවර්ෂයෙන් දොළොස්වැනි සියවසට පෙර මෙරට දෙමළ රාජ්‍යයක් නොව ස්ථිර දෙමළ වාසස්ථාන පවා නොතිබූ බව යාපනය විශ්වවිද්‍යාලයේ ප්‍රථම ඉතිහාස මහාචාර්යවරයා වූ කාර්තිගේසු ඉන්ද්‍රපාල ලන්ඩන් විශ්වවිද්‍යාලයට ඉදිරිපත්කළ තම ආචාර්ය උපාධි නිබන්ධනයෙන් පෙන්වා දී ඇත (මේ නිබන්ධයේ පිටපතක් මා සතුව ඇත). පෘතුගීසීන් පැමිණීමට පෙර අවුරුදු දෙසියයක් පමණ යාපනයේ පැවතියේ සිංහල රජු යටතේ තම ආධිපත්‍යය පවත්වාගෙන ගිය ආර්ය චක්‍රවර්ති නමින් හැඳින්වෙන මුහුදු කොල්ලකරුවන් පිරිසකගේ පාලනයකි (ඉංගිරිසින්ගේ වීරයකු වන ෆ්රැන්සිස් ඩ්‍රේක් ද මුහුදු කොල්කරුවෙක් විය). එකල එහි වැසි ජනයා සිංහල වූහ. යාපනයේ පාලකයා ගම්පොළ හෝ වෙනත් තැනක හෝ වාසය කළ සිංහල රජුගෙන් තමන්ට රජ යන නාමය ව්‍යවහාර කිරීම සඳහා තෑගි බෝග ගෙන රජු හමුවට ගොස් අවසර ගත්තේ ය. වරක් එලෙස අවසර ගැනීමට ගොස් සිටි ආර්ය චක්‍රවර්ති පාලකයා බලයෙන් පහකර බලය පැහැර ගැනීමට සංකිලි නමැත්තා සමත් විය. සංකිලිට පෘතුගීසීන් සමග යුද්ධ කිරීමට සිංහල රජු ආධාර ලබා දුන්නේ ය. යුද්ධයෙන් පසු පෘතුගීසීන් හා සංකිලි අතර ගිවිසුම කෙටු්පත් කෙරී ඇත්තේ දෙමළෙන් නොව සිංහලෙන් හා පෘතුගීසි භාෂාවෙන් බව ගාමිණී ඊරියගොල්ල මහතා පෙන්වා දී ඇත.
ක්වේරොස් වැනි පෘතුගීසි ඉතිහාසඥයන් මෙරට යාපනය ඇතුලු රාජධානි කිහිපයක් වූ බවත් අධිරාජයා (එමපඑරඔර) කෝට්ටේ වාසය කළ බවත් සඳහන් කර ඇත්තේ ඔහුගේ පෘතුගීසි ඇසින් අප රට දෙස බලා ය. ඕනෑම අයකු ලෝකය දැනගන්නේ තම ඇසින් (දැනුම් පද්ධතියෙන්) බලා ය. දැනුම් පද්ධතිය සංස්කෘතියට සාපේක්‍ෂ ය. ක්වේරොස්ගේ දැනුම පෘතුගිසි සංස්කෘතියට සාපේක්‍ෂ ය. අප රටේ කිසි දිනෙක අධිරාජයා යන සංකල්පය තිබී නැත (මහරජු යනු අධිරාජයා යන්නට පර්යාය පදයක් නො වේ). මෙරට තිබූ එක්සේසත් රාජ්‍යය ගැන වැටහීමක් ක්වේරොස්ට නො තිබිණි (ක්වේරොස්ට තබා සුද්දන්ගෙන්, එනම් බටහිරයන්ගෙන්, ඉතිහාසය ඉගෙන ගත් මෙරට ඊනියා ඉතිහාසඥයන්ට ද නැත. එක්සේසත් රාජ්‍යයක් යනු වත්මන් ව්‍යවහාරයට අනුව නම් ඒකීය රාජ්‍ය ප්‍රභේදයකි. පසුව මේ ගැන විස්තර කරමු). ක්වේරොස් යාපනයේ ස්වාධීන රාජ්‍යයක් ද කෝට්ටේ අධිරාජයකු ද දුටුවේ තම යුරෝපීය ඇසිනි. යුරෝපයේ රජවරු ද අධිරාජයෝ ද වුහ. සම්බන්ධන් අද ඊනියා දෙමළ රාජ්‍ය දකින්නේ ක්වේරොස්ගේ ඇසිනි.
රටක මිනිසුන් නීතිය ඉදිරියේ සමාන වුව ද සංස්කෘතීන් සමාන නො වේ. දෙමළ සංස්කෘතිය සිංහල බෞද්ධ සංස්කෘතියට සමාන නො වේ. සිංහල බෞද්ධ සංස්කෘතියට මෙරට විශේෂ තැනක් ඇත. දෙමළෙන් ද ජාතික ගීය ගැයීම යනු ඒ තැන නැති කිරීමකි. එහෙත් දෙමළ ජනයා අද ඒ ඉල්ලීම ඉටුකර ගැනීමට උත්සාහ කරති. එහි දී ඔවුන්ට ආධාර වන සාධක තුනක් වෙයි. එකක් ඔවුන් බටහිරයන්ගේ හා ඉන්දියාවේ ආධාරයෙන් දරණ දේශපාලන බලය ය. දෙවැන්න බොහෝ සිංහල බෞද්ධ නායකයන්ගේ නිවටකම ය. තුන්වැන්න බටහිර දැනුම් ආධිපත්‍යය වෙයි. මෙරට පඬියෝ බටහිර මතවාද ප්‍රචාරය කරන්නෝ වෙති. මේ පඬියෝ ද නිවටයෝ වෙති. ඔවුහු පුස්සෝ ද වෙති. එහෙත් බටහිර දැනුම් ආධිපත්‍යය විසින් ඔවුන්ට සමාජ තත්ත්වයක් පිරිනමනු ලැබ ඇත. සිංහලෙන් පමණක් ජාතික ගීය ගැයීම දෙමළ ජනයාගේ උගුරෙන් පහළට ඒ තල්ලු කිරීමක් යැයි කියන මේ පුස්සෝ මෙරට ඉතිහාසය හා සංස්කෘතිය නොදන්නවා පමණක් නොව එක් භාෂාවකට වඩා කතාකරන ජනයා සිටින බොහෝ රටවල ජාතික ගීය ගයන්නේ එක් භාෂාවකින් පමණක් බව ද අමතක කරති. (මතු සම්බන්ධයි)
මේ ලිපිය මුහුණු පොතෙන් ද කියවිය හැකි ය
https://www.facebook.com/Nalin-de-Silva-188511888194878/
නලින් ද සිල්වා
2016 මාර්තු 24
March 24th, 2016 at 7:13 pm
Prof Nalin,
There was a rumor (?) that Indrapalan’s thesis was stolen from the London library. It will be a great service if your copy is digitized (or scanned) and add to the free internet. Thank you.
wije
March 25th, 2016 at 1:51 am
බෞද්ධයින් හැටියට ජාතික ගීය පාලියෙන් කියන්නැයි සිංහල බෞද්ධයා ඉල්ලානැත. අරක්කු බීම තහනම් කරන්න යැයි සිංහල බෞද්ධයා ඉල්ලානැත. එහෙත් සිංහල බෞද්ධයාට හලාල් කැවීමට මුසල්මානුවල් යටිකූට්ටු ලෙස කලෝය. අදටත් කරති. මේවා කරනවිට බිය නැතිව “එපා” කියන්නට හැකි රජ්‍යනායකයෝ එකෙක්වත් මුලු ඉතිහාසයටම හිටියා ද ?
පඬියෝ කියති. දේසපාලුවෝ කරති.
පඬියන්ට පමණක් දොස්කියා වැඩක් නැත. දේසපාලුවන්ට බලය ඇති නිසාය.
බලයේ ඉන්නවිට කිසිමදෙයක් නොකර බලය නැතිවිට සිංහලයින් වෙන දේසපාලුවන්ට බලයේ නැතිවිට ඒ බව මතක් කරනොදෙන පඬියෝද එක් අතකින් නිවටනොවුනත් නිවටයින් වැනිය.
March 25th, 2016 at 11:59 am
dham ඔබ මේ වටින් ගොඩින් වහෙන් ඔරෝ භාෂාවෙන් නිවටයින් වනියය් කියන්නේ ලිපිය ලියු නලින් ටද එහෙනම් ඔබ නිදාසිට අවදි වුවා වියහැක බලයේ සිටිනවුන්ටත් බලයේ නැති උන්ටත් වාදීන් තැනට වදින්නට රිදෙන්නට වසර තිස් ගණනක් ති ස්සේ නොබියව කිව්වේ නලින්ය මේ නිසා වසර දහයක් ඔහුගේ රස්සාවද නැතිවිය ලිපියේ වැදගත් කරුණු තිබියදී ඒවා විවේචනය නොකර නලින්ට අවලාද නගන්නට කෙලෙහිගුණ දන්නා කිසි සිංහලයෙකුට නොහැක දෙ මල ත්‍රස්තවාදය ආයුධ බලයෙන් මර්දනය කලයුත්ය කල හැකියය් අභීතව සිංහ නාද කලේ නලින්ය . එය ලාවට කලඅ . ය නම් තවත් ඇත .cwije මෙන් ඔහුගෙන් ගතහැකි ප්‍රයෝජන ගන්න ……ඔබේ වගන්ති පැහැදිලිමදී නිසා මම වරදවා තේරුම් ගත් තා නම් සමා වන්න අදටත් මහින්ද නලින්ට වඩා කන්දෙන්නේ ඩලස් විමල් ජී එල් වනියවුන්ටය ජීඑල් ගේ ෆෙඩරල් අමුඩය තවමත් කලිසමට යටින් ඇත අනික් දෙන්නා මාක්ස් ධර්මානුගත ජාතික වාදියෝය නලින් බුද්ධ ධර්මානුගත ජාතික වාදියෙකි
March 25th, 2016 at 2:12 pm
ධර්මසිරි, සමාවන්න.
නලින් අවුරුදු ගනනක් කල සේවය දනිමි. ඔහු කී දේ කළා නම් දැනටත් රට හරි තැනය. ඔහූට කිසිදිනක “පඬියා” නොගැලපේ.
එහෙත් බොහෝ පඬියෝ එල්ලී සිටිති. නිවටයෝ නොවුනත් කතානොකර ඉන්නවුනුත් සිටිති. පිල් මාරු කර ආපු එවුනුත් සිටිති.
කෙසේ වෙතත් නලින්ලා මීට වඩා මුන්ව හදාගන්න වැඩකල යුතුය.