භූගත ජලයට වෛරස් එකතුවිය හැකියි. නමුත් භූමිදානය කරන්න දෙන්න. වෛරස් කමිටුවෙන් හතරබීරි කතාවක්. විද්වත් කමිටුව අවසරය නොදෙයි.
Posted on January 1st, 2021

උපුටා ගැන්ම Colombo Today

කොරෝනා වෛරසය හේතුවෙන් මිය යන පුද්ගලයින්ගේ සිරුරු භූමිදානය කිරීම හේතුවෙන් එම වෛරසය සුළු වශයෙන් භූගත ජලයට එකතුවීමේ අවධානමක් තිබෙන බවත් වෛරසයෙන් මියයන මුස්ලිම් ජාතිකයන්ගේ දේහයන් භූමිදානය කිරීමට ලබා දීම එතරම් ගැටළුවක් නොවන බවටත් වෛරස පිලිබඳ මහාචාර්යවරුන්ගෙ කමිටුව විසින් සෞඛ්‍ය අමාත්‍යවරියට නිර්දේශ කර ඇති බව වාර්තා වෙනවා.

භූමිදානය ද ආදාහනය ද යන ප්‍රශ්නය පැනනැගුනු විට සෞඛ්‍ය අමාත්‍යවරිය විසින් පත්කළ විද්වත් කමිටුව සහ වෛරස පිලිබඳ මහාචාර්යවරුන්ගෙන් සමන්විත කමිටුව අතර රැස්වීමක් ඊයේ (31) පවත්වා ඇති අතර භූගත ජලයට වෛරසය එකතුවීමේ අවධානමක් පැවතියද භුමිදනයට අවසර දෙන ලෙස වෛරස පිළිබඳව මහාචාර්යවරුන්ගේ කමිටුව නිර්දේශ කිරීම එහිදී ප්‍රශ්නයට ලක්වී ඇත.

භූගත ජලයට වෛරසය එකතුවීමේ අවධානමක් තිබෙනවානම් භූමිදානය කිරීම කිසිසේත් සුදුසු නොවන තත්වයකදී වෛරස් කමිටුව හතර බිහිරි කතාවක් පැවසීම හාස්‍යට ලක්වුණු බව සෞඛ්‍ය අමාත්‍යංශ ආරංචි මාර්ග පවසයි.

කෙසේ වෙතත් වෛරසය භූගත ජලයට එකතුවීමේ අවදානමක් පවතින බවට වෛරස් කමිටුව නිර්දේශ කිරීම හේතුවෙන් විද්වත් කමිටුව විසින් භූමිදානය කිරීමේ යෝජනාව ඉවත දමා ඇති අතර කොරෝනා ආසාධිත මළසිරුරු ආදාහනය දිගටම සිදුකිරීමට තීරණය වූ බව වැඩිදුරටත් වාර්තා වේ.

Leave a Reply

You must be logged in to post a comment.

 

 


Copyright © 2024 LankaWeb.com. All Rights Reserved. Powered by Wordpress