නැනො මාස්ක් නව නිපැයුම අග්‍රාමාත්‍යතුමාට පිළිගන්වයි
Posted on February 25th, 2021

අග්‍රාමාත්‍ය මාධ්‍ය අංශය

පේරාදෙණිය විශ්ව විද්‍යාලයේ ජ්‍යෙෂ්ඨ මහාචාර්ය ගාමිණී රාජපක්ෂ, විශේෂඥ වෛද්‍ය චමින්ද හේරත් මහත්වරු ඇතුළු කණ්ඩායමක් නිර්මාණය කළ නැනො තාක්ෂණික වයිරස් නාශක මුව ආවරණය ගරු අග්‍රාමාත්‍ය මහින්ද රාජපක්ෂ මහතා ඉදිරියේ එළිදැක්වීම අද 2021.02.25 දින පාර්ලිමේන්තුවේ කමිටු ශාලා 01හි දී පැවැත්විණි.

මෙම නැනො වයිරස් නාශක තාක්ෂණික මුව ආවරණය ඒ මත වැටෙන ඕනෑම විෂබීජයක් විනාශවන ආකාරයට නිර්මාණය කර තිබීම විශේෂත්වයකි. ලොව ප්‍රථම වයිරස් නාෂක සහ නැනො අංශු පෙරණ මුව ආවරණය මෙය වේ.

නොබෝදිනකින් මෙම විශේෂිත මුව ආවරණය දේශීය හා විදේශීය වෙළඳ පොලට නිකුත් කිරීමට පර්යේෂක කණ්ඩායම සැළසුම් කර තිබේ.

ඊට අවශ්‍ය රාජ්‍ය මැදිහත්වීම ඉටු කිරීමට සෞඛ්‍ය අමාත්‍යතුමියට දැනුම් දෙන බව අග්‍රාමාත්‍යතුමා මෙහිදී සඳහන් කළේය.

මෙම නව නිපැයුම සඳහා රාජ්‍ය ඇමතිනි සීතා අරඹේපොළ මහත්මියගේ සහය ලැබී තිබේ.

අමාත්‍යවරුන්වන බන්දුල ගුණවර්ධන, ගාමිණි ලොකුගේ, රාජ්‍ය අමාත්‍යවරුන්වන රොෂාන් රණසිංහ, සුදර්ශනී ප්‍රනාන්දුපුල්ලේ, සුසිල් ප්‍රේමජයන්ත, ලසන්ත අලගියවන්න, ඩී.වී චානක මහත්වරු සහ පාර්ලිමේන්තු මන්ත්‍රී ගයන්ත කරුණාතිලක මහතා ඇතුළු මහජන නියෝජිතයින් පිරිසක් මෙම අවස්ථාවට එක්ව සිටියහ.

Leave a Reply

You must be logged in to post a comment.

 

 


Copyright © 2024 LankaWeb.com. All Rights Reserved. Powered by Wordpress