ලංකාවේ පොලිටිකල් ලීඩර්ෂිප් එකක් නෑ.. ආයෝජකයන් එන්නෙ නෑ.. ඉදිරියට අමාරු වෙනවා..- ජයශංකර්
Posted on November 13th, 2025
උපුටා ගැන්ම ලංකා සී නිව්ස්
විපක්ෂ නායක සජිත් ප්‍රේමදාස ඉන්දීය රජයේ ආරාධනාවකට අනුව මෙම සතියේ ඉන්දියාව බලා ගියේ පක්ෂයේ වෙනත් මන්ත්‍රිවරයකු හෝ නොමැතිවය.
ඔහු සමග ලක්ෂ්මන් ෆොන්සේකා, චමිත් විජේසුන්දර හා කුසුම් විජේතිලක යන සමගි ජන බලවේගයේ සාමාජිකයන් ගියහ.
අගමැති හරිනි අමරසූරියගේ ඉන්දීය සංචාරයෙන් පසු විපක්ෂ නායකවරයාට එරට සංචාරයකට ආරාධනා කිරීම ගැන දේශපාලන ක්ෂේත්‍රයේ දැඩි අවධානය යොමු වී තිබිණි.
ඉන්දීය සංචාරයේදී විපක්ෂ නායකවරයාට අගමැති නරේන්ද්‍ර මෝදි හමුවීමට අවස්ථාව හිමිවූයේ නැත.
එහෙත් එරට විදේශ ඇමැති එම්. ජයශංකර් හමුවූ අවස්ථාවේදී ඔහු ප්‍රකාශ කර ඇත්තේ, ‘ලංකාවේ පොලිටිකල් ලීඩර් සිප් එකක්’ නොමැති බවයි.
‘‘ආයෝජකයන් එන්නෙ නැහැ. ආර්ථිකය හොඳ බව පෙනුණට 2028 වසරේ සිට ණය ගෙවන්න වෙනකොට අමාරු වෙනවා.’’
ඉන්දීය විදේශ ඇමැතිවරයා ලංකාවේ අනාගතය ගැන කීවේය.
ඉන්පසු ඉන්දීය ආරක්ෂක උපදේශක අජිත් දොවාල් සමග කලාපීය ආරක්ෂාව, තරුණ නැගිටීම් ගැන පැයක පමණ කාලයක් කතා කළ විපක්ෂ නායකවරයා එරට සෞඛ්‍ය ඇමැති හමුවූ විට ලංකාවට ඖෂධද ඉල්ලා සිටියේය.
එරට මුදල් ඇමැති සීතා රාමන්, කොංග්‍රසයේ නායකයකු වන ශෂි කාරුද හමුවූ විපක්ෂ නායකවරයා බ්‍රහස්පතින්දා රාත්‍රියේ යළි දිවයිනට පැමිණියේය.