මහින්දට තර්ජනයක්
Posted on February 12th, 2015

නලින් ද සිල්වා

බටහිරයන්ට අද ප්‍රධාන ප්‍රශ්නය බවට පත්ව ඇත්තේ මහින්ද රාජපක්‍ෂ ය. ඔවුන්ට සිංහල ජාතිකත්වය 1506 සිට ම ප්‍රශ්නයක් වී ඇත. මහින්ද රාජපක්‍ෂගේ කෙතරම් දුර්වලකම් තිබුණත් සිරිමාවෝ බණ්ඩාරනායක මහත්මියගෙන් පසු සිංහල ජාතිකත්වයට ලැබුණු ප්‍රශස්ත ම නායකයා ඔහු ය. දෙමළ ජාතිවාදය රැකීම සඳහා එංගලන්තයත් ලෝක ආධිපත්‍යය රැකගැනීම සඳහා ඇමරිකාවත් රනිල් පුනරුච්චාරණය කරන ඔවුන්ගේ ම බසින් කියන්නේ නම් රාජපක්‍ෂ රෙජිමය එළවා දැමීමට කටයුතු කළහ. ඔවුන්ට ඉන්දියාවේ සහාය ද ලැබිණි. අප දෙමළ ජාතිකත්වයකට විරුද්ධ නැත. එහෙත් දහනවවැනි සියවසේ මුල් භාගයේ සිට බටහිරයෝ දෙමළ ජාතිකත්වය වෙනුවට දෙමළ ජාතිවාදයක් සිංහල ජාතිකත්වයට එරෙහිව යොදා ගනිති. අපට අවශ්‍ය වනුයේ රටේ ස්වෛරීභාවයට හා ඒකීයභාවයට තර්ජනයක් වන දෙමළ ජාතිවාදය මුළිනුදුරා දැමීමට ය. දෙමළ ජාතිවාදයෙහි කොටසක් වූ දෙමළ ත්‍රස්තවාදය පැරදවීමට මහින්ද රාජපක්‍ෂ දේශපාලන නායකත්වය දුන්නේ ය. 
අද බටහිර යටත්විජිතවාදීන්ටත් ඔවුන්ගේ හෙංචයි රනිල් මෛත්‍රිපාල ආණ්ඩුවටත් අවශ්‍ය මහින්ද රාජපක්‍ෂ දේශපාලන භූමියෙන් ම අතුගා දැමීමට ය. ලබන මැතිවරණයේ දී මහින්ද රාජපක්‍ෂට සංධානයෙන් ඉදිරිපත්වීමට එහි බලහත්කාරයෙන් නායකයා වූ මෛත්‍රිපාල සිරිසේන ඉඩ නො දෙනු ඇත. මහින්ද සංධානයේ අපේක්‍ෂකයා ලෙස ඉදිරිපත් කළ හැකි ය. එහෙත් ඒ සඳහා පළමුව මෛත්‍රිපාල සිරිසේන සංධානයේ නායකත්වයෙන් ඉවත් කළ යුතු ය. එසේ කිරීමට නම් මෛත්‍රිපාල සිරිසේන ශ්‍රී ල නි පක්‍ෂයේ සභාපතිත්වයෙන් ඉවත් කළ යුතු ය. මෛත්‍රිපාල සිරිසේන ශ්‍රී ල නි පක්‍ෂයේ සභාපති වූයේ විධායක බලතල දඩමීමා කරගෙන බලහත්කාරයෙන් වැරදි අර්ථ නිරූපණ මත පදනම් වෙමිනි. 
බටහිරයන්ගේ අවශ්‍යතා ඉටුකරන චම්පික රණවකගේ වෛරී මුඛයෙන් නිතර කියැවෙන්නේ ජනාධිපති මුක්තිය පැත්තකට දමා මහින්දට දඬුවම් කළ යුතු බව ය. එහි දී ඔහු ආණ්ඩුක්‍රම ව්‍යවස්ථාව ඉවතට දැමීමට කියයි. මේ ආණ්ඩුව තරම් ආණ්ඩුක්‍රම ව්‍යවස්ථාවට පටහැණි ව කටයුතු කරන තවත් ආණ්ඩුවක් මෙරට තිබී නැත. අගවිනිසුරු ඉවත් කිරීමේ දී ආණ්ඩුව ව්‍යවස්ථාවට පටහැණි ව ක්‍රියා කළේ ය. එයටත් වඩා ආණ්ඩුව පත්වූයේ ම ව්‍යවස්ථාවට පිටින් ගොස් ය. මේ ආණ්ඩුව නීත්‍යානුකූල නො වේ (මේ සම්බන්ධයෙන් මෙම වෙබ් අඩවියේ පළ වී ඇති ලිපි කියවන්න). 
නීත්‍යානුකූල නොවන ආණ්ඩුවකට නීතියට පිටින් යෑම මහා කජ්ජක් නො වේ. ජනාධිපති දැන් සැරසෙන්නේ ඊනියා ජනාධිපති කොමිසමක් පත්කර වරදකරුවන්ට දඬුවම් කිරීමට ය. චම්පික රණවක මහින්දට දඬුවම් කළ යුතු යැයි බෙරිහන් දෙද්දී මේ කොමිසමෙන් සිදුවන්නේ කුමක් දැයි දැනගැනීමට අටුවා ටීකා අවශ්‍ය නො වේ. බටහිරයන්ට ද ආණ්ඩුවට ද අද ඇති ප්‍රධාන තර්ජනය මහින්ද රාජපක්‍ෂ ය. ඔහු කිනම් ආකාරයකින් වුවත් ශ්‍රී ල නි පක්‍ෂයේ මන්ත්‍රීවරුන් රාශියකගේ සහාය ඇතිව මීළඟ පාර්ලිමේන්තු මැතිවරණයට අගමැති අපේක්‍ෂකයා ලෙස ඉදිරිපත් වීම සාමාන්‍ය තත්ත්වයන් යටතේ වැළැක්විය හැකි නො වේ. 
මහින්්ද රාජපක්‍ෂ එසේ අගමැති අපේක්‍ෂකයා ලෙස ඉදිරිපත්වීම වැළැක්විය හැක්කේ ඔහුගේ ප්‍රජා අයිතිවාසිකම් නැති කිරීමෙනි. ඒ සඳහා විශේෂ බලතල සහිත ඊනියා ජනාධිපති කොමිසමක් පත්කිරීමට ආණ්ඩුවේ අවධානය යොමු වී ඇති බව පෙනෙයි. සිංහල ජාතිකත්වයට ලැබුණු නායිකාවගේ ප්‍රජා අයිතිවාසිකම් නැති කිරීමට මින් පෙර බටහිරයන්ගේ නියෝජිත එ ජා පක්‍ෂය ක්‍රියා කර ඇත. ආණ්ඩුක්‍රම ව්‍යවස්ථාවට පිටින් ගොස් වුව ද, සිංහල ජාතිකත්වයට ලැබුණු නායකයාගේ ද ප්‍රජා අයිතිවාසිකම් නැති කිරීම බටහිරයන්ගේත් ඔවුන්ගේ හෙංචයියලාගෙත් හෙංචක්කලාගේත් අවශ්‍යතාව වී ඇත.
නලින් ද සිල්වා 
2015 පෙබරවාරි 11

4 Responses to “මහින්දට තර්ජනයක්”

  1. Christie Says:

    “ඔවුන්ට ඉන්දියාවේ සහාය ද ලැබිණි. ” The fact is they the West supported Indian imperialists. Shenali’s article should be read by us all other than what she states about the two cunning Indians Bose and Mohandas. Jai Hind.

  2. ranjit Says:

    Professor we must educate the people by going around the country and explain the danger we are going to face if these Jarapalanaya continues with their Gestapo tactics. Tamils,Christians and Muslims have taken over the country.They change name boards as they like.They raid Buddhist holy places. They are celebrating and worshiping the murderer Prabakaran in open, They demand to remove Forces from North,They even tell us to mind our own business. Why we Sinhalese Buddhist keep our mouth shut? Is it fear or cowardliness?

    Keep politics out as Sinhala race we must stand up and fight these evil invaders. This is our country the Sinhala nation and we cannot allow few Tamils & Muslim,Christians to play around and make us second class citizens. We are the Majority and we have the right to do anything we like and good for our country. We are not a colony of ant country.We are a sovereign state with democracy. This western backed Govt should be kicked out soon if not our Sinhala leaders and the Sinhalese people have to face a bigger threat than the EElam war. By all means we have to protect our leader who brought us freedom and Peace His excellency Mahinda Rajapksa.Main objective of this Jarapalana traitors is to stop Mahinda coming back to politics. That’s the wish of Americans and the British too.So Sinhala heroes stand up together to fight the enemy known and unknown.

  3. NAK Says:

    Nimal Siripala is all but ready to do what it takes for him to pave the way to the Prime minstership. That is as far as he can expect himself to go and he seems in a pretty to get there.
    He was appointed opposition leader, not by the Speaker, but by the President who appointed the Prime minister and is not a popular leader in the SLFP or the UPFA. He was appointed as the opposition leader, because of his greed for power and positions,to keep Mahinda Rajapakse off contenton.
    This appointed, unpopular man, who repeatedly lost his own seat, is dreaming to become the prime minister denying MR the most popular man in the country by fathoms.
    If Siripala is not removed from the race and MR given his rightful place, he will only succeed in deviding the UPFA/SLFP there by giving next government to Ranil on a platter,which will suit Siripala as the deputy(puppet)Prime minister.
    If this plan is allowed unroll unchecked,all the hard work will be undone in no time and Rathana thero and Champika will be left bewildered just as done Maduluwawe Sobitha thero.
    It is time now for the grass root,district level party organisations of the SLFP to start voicing their concerns and protest vehemently this blatant betrayal of our country.

  4. Senevirath Says:

    මහින්දගේ ප්‍රජා අයිතිය නැතිකලොත් සිංහල ජාතිය සුන්නද්දූලි වීයාමට ඒ පාපකර්මයම ඇති මහින්දට එහෙම කරනවානම් රනිල් හා චන්ද්‍රිකා ගස් බැඳ හමගසා බාබකියු කර ද්‍රෝහීන්ට කන්න දිය යුතුය සිරිමාවොට එහෙම කළා නම් මුන් මහින්දටත් එයම කරනු ඇත මොනවා ඇතත් මහින්දට එහෙම කලොත් මුළු සංහල බෞධ්ධයන්ම එකාමෙන් එකතුවී විශාල අරගලයක් කල යුතුය

Leave a Reply

You must be logged in to post a comment.

 

 


Copyright © 2024 LankaWeb.com. All Rights Reserved. Powered by Wordpress