මෛත්‍රිපාලට අමතක වූ මෑත ඉතිහාසය
Posted on March 21st, 2015
නලින් ද සිල්වා
ශ්‍රී ල නි පක්‍ෂයේ නායකත්වයට පමණක් නොව ඕනෑම දේශපාලන පක්‍ෂයක නායකත්වයට අභියෝග එල්ල වන්නේ ඒ ඒ පක්‍ෂය තුළින් ම ය. එ ජා පක්‍ෂයේ පමණක් නොව වික්‍රමබාහුගේ ත්‍රිරෝද පක්‍ෂයට ද එය පොදු ය. මෛත්‍රිපාලට අවශ්‍ය නම් සිරිතුංග ජයසූරියගෙන් ඒ බව අසා දැනගත හැකි ය. ශ්‍රී ල නි පක්‍ෂයෙන් ම උදාහරණයක් ගත්තත් සිරිමාවෝ බණ්ඩාරනායක මහත්මියට අභියෝග කළේත් මෛත්‍රිපාල ඉහත සඳහන් කතාව කළ ටී බී ජයා මාවතේ (ඩාලි පාරේ) පිහිටි පක්‍ෂ කාරායාලය මංකොල්ල කෑමට තැත් කළේත් එතුමියගේ ආදරණීය දෝණියක වූ චන්ද්‍රිකාත් බෑණ පොඩ්ඩ වූ සිංහල විරොාධී විජය කුමාරතුංගත් ය. ඩිලාන්ලා රාජිතලා එ දෙපොළ පිහිටු වූ මහජන පක්‍ෂයේ සාමාජිකයෝ වූහ. මෛත්‍රිපාල එකල දේශපාලන වශයෙන් අඥාත පුද්ගලයකු වූ අතර පක්‍ෂය බේරාගැනීම සඳහා කටයුතු කළේ මහින්ද රාජපක්‍ෂ ය.
මෛත්‍රිපාල ශ්‍රී ල නි ප තරුණයන්ට කීමට තැත්කර ඇත්තේ තම ඊනියා නායකත්වයට පක්‍ෂයෙන් ම බාධා එල්ලවන බව ය. එහෙත් ඔහුට මේ මාස කිහිපයට අමතක වූ කරුණු දෙකක් ඇත. පළමුවෙන් ම ඔහු ශ්‍රී ල නි පක්‍ෂයේ නායකයා නොව විදේශ ඔත්තු සේවාවල ආධාරයෙන් ඒ තැනට පැමිණි පික්පොකට් නායකයා බව ය. ඒ පික්පොකට් නායකත්වය අව්‍යාජ විජාතික බලවේගවලට හිස නොනමන නායකයකුට ලැබිය යුතු ය. ඒ සඳහා ඩිලාන්ලා රාජිතලා පමණක් නොව නිමල් සිරිපාල ලා ද පක්‍ෂයට පිටින් හිඳ පක්‍ෂය විනාශ කිරීමට කටයුතු කළ චම්පිකලා ද ශ්‍රී ල නි ප හතර මායිමෙන් එළවා දැමිය යුතු ය.
ඔහුට අමතක වී ඇති දෙවැනි කරුණ නම් මහින්ද රාජපක්‍ෂ ශ්‍රී ල නි පක්‍ෂ නායකත්වයෙන් ඉවත් කිරීමට පක්‍ෂ අභ්‍යන්තරයෙන් සහභාගි වූවන් අතර ඔහු ද සිටින බව ය. ශ්‍රී ල නි ප නායකත්වයට ද්‍රෝහි වී ඇත්තේ කැබිනට් ඇමතිනි විමලා විජේවර්ධනලා පමණක් නො වේ. කැබිනට් ඇමති මෛත්‍රිපාල සිරිසේනලා ද පක්‍ෂ නායකත්වයට ද්‍රෝහි වී ඇත. එපමණක් නොව මෛත්‍රිපාල එහි දී විමලා විජේවර්ධනගේ ඥාතියකු වූ රනිල් වික්‍රමසිංහ සමග ද එකතු වී ඇත. මෛත්‍රිපාල කුමක් කීවත් එක වල්ලේ පොල් හඳුනාගැනීම සිංහල ජාතිකත්වයට ප්‍රශ්නයක් නො වේ.
නලින් ද සිල්වා
2015 මාර්තු 21
March 21st, 2015 at 4:13 pm
How can he confirm that SWRD killing is an inside job of SLFP.
I don’t agree with that at all…. SWRD made many big enemy’s due to his nationalistic policies. Now is My3 going to clear all of them and blame SLFP for that.
Is he fit to be the country’s leader?? Big question.
He is still with Gramasevaka mentality.