මොහොමඩ් සහරාන් හෂීම්
Posted on April 23rd, 2019
වෛද්ය රුවන් එම් ජයතුංග
මොහොමඩ් සහරාන් හෂීම්
නුඹගේ දෙවියන් නොඅදහන
මිත්යාදෘෂ්ටිකයන් පිරිසක්
මරාගෙන මැරී යාමට නුඹ සිතුවාද ?
ස්වර්ගයට ගොස්
කන්යාවන් දහසය දෙනෙකුගේ
පහස ලබමින්
කිරි සහ මීපැණි බීමට
නුඹ සිතා සිටියේද ?
මධ්යකාලීන යුගයේ
ආගමික අන්තවාදීන් විසින්
ඔටු සම් වල ලියූ ප්රලාප
ශුද්ධ වූ දේව වාක්ය කියා නුඹ සිතුවාද ?
මිනිස් බෝම්බයට බිළිවූ
අහිංසක මිනිසුන් ගේ ලෙයින් තෙත් වී ගිය
රත් පැහැවූ පොළව නුඹ දුටුවේද ?
ඔවුන් ගේ ඥාතීන්
වියෝග දුකින්
නඟනා විළාප
නුඹට නොඇසුනේද ?