යුක්රේන ජනපති යුද නොවැදී මධ්‍යස්ථව සිටීමට ගත් තීන්දුව වලක්වා ඇත්තේ බ්‍රිතාන්‍යයයි- හිටපු අමෙරිකන් හමුදා නිලධාරිහු පවසති
Posted on December 12th, 2022
Lanka Lead News
යුක්රේන නායක වැලැදිමිර් සෙලෙන්ස්කි මහතාට මොස්කව් පාලනය සමඟ සාකච්ඡා කිරීමට ඉඩ දීම එක්සත් රාජධානිය ප්‍රතික්ෂේප කළ බව විශ්‍රාමික කර්නල් ඩග්ලස් මැක්ග්‍රෙගර් චෝදනා කරයි.පසුගිය සෙනසුරාදා(10) ප්‍රකාශයට පත් කරන ලද මිලිටරි ඉතිහාසඥ මයිකල් ව්ලහෝස් සමඟ සම්මුඛ සාකච්ඡාවකට එක් වෙමින් සාමය සඳහා මොස්කව්හි කොන්දේසි කිහිපයක් සපුරාලීමට යුක්රේන ජනාධිපති ව්ලැඩිමීර් සෙලෙන්ස්කි පසුගිය මාර්තු මාසයේදී සූදානම්ව සිටි බව විශ්‍රාමික එක්සත් ජනපද හමුදා කර්නල් ඩග්ලස් මැක්ග්‍රෙගර් ප්‍රකාශ කළේය.යුක්රේනය සහ රුසියාව සමථයකට පත් වීම වැළැක්වීම සම්බන්ධයෙන් ඔහු හිටපු බ්‍රිතාන්‍ය අගමැති බොරිස් ජොන්සන්ට දොස් පැවරීය.
යුක්රේන සහ රුසියානු නියෝජිතයින් මාර්තු මාසයේදී ඉස්තාන්බුල් හිදි මුහුණට මුහුන සාකච්ඡා වලට අසුන් ගන්නා විට, රුසියාව පෙබරවාරියට පෙර යුධ පිටියෙන් ඉවත් වීම වෙනුවට, කියෙව් නේටෝවට බැඳීමේ අභිලාෂය අතහැර මධ්‍යස්ථභාවයට එකඟ වනු ඇති විභවයක් මතුවී තිබූ බව ඒ මහතා ප්‍රකාශ කළේය. එහෙත් දින කිහිපයකට පසු, රුසියානු හමුදා විසින් අත්පත් කර්ගෙන සිට ඉවත් ගිය භූමියේ යුද අපරාධ පිළිබඳ සාක්ෂි තමා සොයාගත් බව සෙලෙන්ස්කි පැවසූ අතර එමගින් දෙපාර්ශවය අතර සාකච්ඡා නතර විය.
සාකච්ඡාවෙදි මැක්ග්‍රෙගෝර් කියා සිටියේ සාම සාකච්ඡා හදිසියේ අවසන් වීමට එක්සත් රාජධානිය වගකිව යුතු බවයි.
මාර්තු අග වන විට සෙලෙන්ස්කි මහතා ‘හොඳයි, අපට මධ්‍යස්ථව සිටිය හැකි’ යැයි පැවසූ බවට අපට සාක්ෂි තිබෙනවා, එම වචනය වොෂින්ටනයට සහ ලන්ඩනයට ළඟා වූ විට එම රටවල බලධාරින් කෝපයට පත් වුනා.” ඔහු පැවසීය.
බොරිස් ජොන්සන් වොෂින්ටනයේ අවශ්‍යතා නියෝජනය කළා. ඒ නිසා ඔහු ‘ඇත්ත වශයෙන්ම නැත, කටුක අවසානය දක්වා අපි ඔබට සහාය දෙනවා. ඔබ යුක්රේනයේ සෑම අඟලක් වෙනුවෙන්ම ඔබේ ස්ථාවරය වෙනුවෙන් සටන් කළ යුතුයි.” යනුවෙන් පවසා තිබෙනවා.
පසුගිය මාර්තු මාසයේදී සෙලෙන්ස්කි සාමය සඳහා සූදානම් බව අනාවරණය කළ පළමු එක්සත් ජනපද නිලධාරියා මැක්ග්‍රෙගර් නොවේ. ට්‍රම්ප් පරිපාලනයේ එක්සත් ජනපද ජාතික ආරක්ෂක කවුන්සිලයේ යුරෝපය සහ රුසියාව සඳහා ජ්‍යෙෂ්ඨ අධ්‍යක්ෂ ලෙස සේවය කළ ප්‍රවීණ එක්සත් ජනපද රාජ්‍ය තාන්ත්‍රිකයෙකු වන ෆියෝනා හිල් සැප්තැම්බර් මාසයේදී ලිඛෛතව පවසා ඇත්තේ ඉස්තාන්බුල්හිදි අතුරු ගිවිසුමක්” සඳහා එකඟ වී ඇති බවයි.
පසුගිය මැයි මාසයේදී යුක්රේන මාධ්‍ය, මෙම සාකච්ඡා බිඳ වැටීම, ජොන්සන් විසින් කියෙව් මත පටවන ලද පීඩනය හා සම්බන්ධ කරමින් අදහස් දැක්වීය. අප්‍රේල් 9දා අගමැති බොරිස් ජොන්සන් කියෙව් වෙත ගිය අතර, Uක්‍රඉන්ස්කය ඵ්‍රව්ඩ පුවත්පතට අනුව, පුටින් සමඟ ඇපකර සම්බන්ධයෙන් යම් ගිවිසුම් අත්සන් කිරීමට යුක්රේනය සූදානම් වුවද,බටහිරයන් එසේ නොවේ” යැයි නිලධාරීන්ට පැවසීය.
මේ වන විට ගැටුමට මාස දහයකට ආසන්න කාලයක්, සෙලෙන්ස්කි විසින් රුසියානු ජනාධිපති ව්ලැඩිමීර් පුටින් සමඟ සාකච්ඡා කිරීම තහනම් කර ඇති අතර, සැප්තැම්බර් මාසයේදී රුසියානු සමූහාණ්ඩුවට සම්බන්ධ වීමට ඡන්දය දුන් ඩොනෙට්ස්ක්, ලුගාන්ස්ක්, කර්සන් සහ සැපොරෝෂියේ සියලුම ප්‍රදේශ නැවත ලබා ගැනීමට පොරොන්දු වී තිබේ. 2014 ජනමත විචාරණයෙන් පසු රුසියාවේ කොටසක් වූ ක්‍රිමියාවද අල්ලා ගන්නා බවට යුක්රේන නායකයා ද ප්‍රතිඥා දී ඇත.
ක්‍රෙම්ලිනයේ මාධ්‍ය ලේකම් දිමිත්‍රි පෙස්කොව් පවසා ඇත්තේ රුසියාව සාකච්ඡා සඳහා විවෘතව සිටින නමුත් යුක්රේනය සමඟ පමණක් ඇති කර ගත් ගිවිසුමක් බටහිරින් ලැබෙන අණ මත ක්ෂණිකව අවලංගු කළ හැකි” බැවින් බටහිර බලවතුන් සම්බන්ධ විය යුතු බවට ඔක්තෝම්බර් මාසයේදී අනතුරු ඇඟවීය.