මහනුවර ගින්න සහ උස හීන්දෑරි ගේම්කාරයා
Posted on March 10th, 2018

ලියුම් කරු කීර්ති රත්නායක

මහනුවර ගින්න
රටක හමුදාව සහ  පොලීසිය යනු සිය මෙහෙයුම් තුලින්  ලාභ උපයන ආයතන නොවේ. රටේ නීතිය සාමය ආරක්ෂා කිරීමට ඔවුන්  බැදී සිටියි .එය අත්හල නොහැකි වගකීමකි. ඊට හිලව් ලෙස මහජන් බදු මුදල් වලින් ඔවුන් නඩත්තු කරනු ලබයි. ඒ අනුව ජාති-ආගම්, කුල-මල , පක්ෂ- පාට කිසිවකින් තොරව රටේ පුරවැසියන් ආරක්ෂා කල යුතුය. නමුත් අම්පාරේ සිට මහනුවර දක්වා ඇවිලිනු ජාතිවාදී කෝලාහලය තුලදී පොලීසියේ හැසිරීම ඉතිරි කලේ ප්‍රශ්නාර්ථයකි. ලක්බිමට නැවතත් කළු පැල්ලමක් එක් කල එම ක්‍රියාදාමයේ පලමු විත්තිකරුවන් වන්නේ පාලකයන් සහ පොලීසියයි.
ජන රාශියක එකතුවෙන් මුල්ම කෝලාහලය ආරම්භ වූයේ අම්පාරෙනි . අම්පාරේ මුස්ලිම් හෝටලයකින් සිංහලයෙකු  මිල්දී ගත් කොත්තුවකට වඳ බෙහෙත්  දැමුවේයයි  සැක කිරීම නිසා ගැ‍ටුමක් ඇති විය. එහිදී නීතිය අතට ගත් සිංහල පිරිසක් හෝටලයට පහරදී කුඩු පට්ට්ම් කලේය. ඉන් නොනැවතී අම්පාරේ තවත් මුස්ලිම්  ව්‍යාපාරික ස්ථාන දෙකකට සහ පල්ලියකට පහරදී තිබුනේය.  හෝටලයට පහර දීම නවතාලීමට පොලීසිය අසමත් විය.එපමනක් නොව ප්‍රහාරය  අනෙකුත් මුස්ලිම්  ස්ථාන දක්වා පැතිරීම වලක්වා ලීමටද අපොහොසත් විය
පොලීසියේ පිරිස් බලයේ ඌනතාවයක් කියා  නිදහසට කාරනා ගෙතිය හැක. මුස්ලිම්  ස්ථානවලට  පහරදුන් පිරිසෙන් කොටසක් පසුව අත් අඩංගුවට පත් විය. නමුත් පහරදුන් සැක කරුවන්ට චෝදනා ගොනු කොට තිබුනේ පෞද්ගලික ආරවුලක් ලෙසය. මෙය පෞද්ගලික ආරවුලක් නොව එක් ජන වර්ගයක් සංවිධානය වී තවත් ජන වර්ගයක දේපල වලට එරෙහිව එල්ල කරන ලද ප්‍රහාරයකි.  පොලීසියට නොතේරුනට කුඩා දරුවෙකුට පවා අවබෝධ කරගත හැක. එක්සත් ජාතීන්ගේ සිවිල් හා දේශපාලන අයිතීන් සුරැකීමේ ජාත්යන්තර ගිවිසුමට (ICCPR) ශ්රී ලංකා රජය බැඳී සිටියි. ඒ අනුව අම්පාරේ සහ මහනුවර ඇතිවූ තත්වය එකසත් ජාතීන්ගේ ප්‍රඥප්තිය උල්ලංගනය කිරීමකි. 
දෙදරු පියෙකු වූ කුමාරසිරිට  මුස්ලිම් පිරිසක් විසින් පහර දෙනු ලබන්නේ පෙබරවාරි මස 22 දිනය. ලොරි රියදුරා වූ කුමාරසිරි සහ සහායකයා දෙදෙනාම ප්‍රහාරයට ලක්වන අතර ඔවුන් මුලින් ඇතුල් කරනු ලබන්නේ තෙල්දෙනිය රෝහලටය. කුමාරසිරිගේ තත්වය අසාද්‍ය වූ විට ඔහු මහනුවර රෝහලට මාරු කරනු ලබයි . පොලීසියේ නොහැකියාව කොතෙක්දයත්  සැක කරුවන් අත් අඩංගුවට ගන්නේ මහජනතාව විසින් නීතිය අතට ගත්තායින් පසුවය. කුමාරසිරි  සුවිශේෂ වැදගත් කමක් දැරුවද රෝහල් ගත කල කාලයේදී පවා නිසි අවධානයට ලක් නොවිනි .  විවිධාකාරයේ  සැක කටයුතු පුද්ගලයින් ඔහු බැලීමට පැමිනි  අතර කුමාරසිරි පන අදින  ඡායාරූප සමාජ ජාලා පුරා පැතිර ගියේය . අන්තවාදී කල්ලි  සංවිධානය වී ඇගිලි ගනිමින් සිටියේ ඔහු අවසන් හුස්ම හෙලන තෙක්ය.
උස හීන්දෑරි ගේම්කාරයා
බොදු බල සේනාව  ප්‍රසිද්ධ කරලියට මුලින්ම පැමිනියේ 2014 මැයි මස 24 දිනයි.”හින්දු බෞද්ධ එකමුතුවට ජයවේවා ” යන පාඨය යටතේ මුස්ලිම් ජනයාට  එරෙහිව  කොටහේනේදී ‍රැලියක් පැවැත්වීය . ඊට හින්දු පූජකයන් කිහිප දෙනෙකුද සහභාගි වී තිබුනි. යුද ජයග්‍රහනයෙන්  ෆෝර්ම් වී සිටි සිංහලයන්ට  බොදුබල සේනාව රසවත් අතුරුපසක් විය. දිවයින පුරා බොදුබල සේනාව සීග්‍රයෙන් පැතිර ගියේය.  2014 ජනාධිපතිවරණය අභිමුවේ බොදු බල සේනා ප්‍රතිරූපය අතිශය තීරණාත්මක සාධකයක් විය
බොදු බල සේනාව යනු චම්පිකගේ කෙමනක් යයි ගෝඨාභය හිනයකින් වත් නොසිතුවේය. බොදු බල සේනාව යනු චම්පිකගේ 2020 මැතිවරණ ව්‍යපාරය  හා බැදුනු පලමු ගරිල්ලා ප්‍රහාරය බව නොවැටහිනි . ගෝටා සත්‍ය වටහා ගන්නා විට රාජපක්ෂලා පරාජය වී හමාරය. මහින්දගෙන් – බැසිල්ගෙන් ගෝටා වෙත අවලාද එල්ල විය.දේශපාලනය පිලිබද හයක් හතරක් නොදැන  සිය පට්ටමින් ඔලුව උදුම්මාගත් ගෝඨාභය අසරන විය. චම්පික-ඩිලන්ත-ඥානසාර කල්ලිය සමග පුපුරණ ආවේගයක් ඔහු තුල විය. චන්ද්‍රප්‍රේම වැන්නෙකු හරහා ඥානසාර කල්ලියට පස්පඩංගුවේ බැන වැදීම හැර ගෝඨාභයට කල හැකි වෙන කිසිවක් නොවීය.
රනිල් – සිරිසේන හීන් නූලෙන් කෙටවූ මහ මොල කරු චම්පිකය. බැංකු මහ බැංකු හොරකම හරහා  රනිල් කුජීත කිරිමට උල්පන්දම් දුන්නේ චම්පිකය. එජාපයට දැන් ජාන සැත්කමක් අවශ්‍ය බව කියන්නේ චම්පිකය. සියල්ල පැහැදිලිය චම්පිකට දැන් එ.ජා.ප නායකත්වයේ වෙනසක් අවශ්‍යව ඇත. මහනුවර ගින්න  2020 චම්පික  මැතිවරන සිතියමේ දෙවන ගරිල්ලා ප්‍රහාරයයි. මහනුවර ජාතිවාදී කෝලාහලය හමුවේ රනිල් චූදිතයෙකි. මුස්ලිම් ජනතාව රනිල් කෙරේ තැබූ  විශ්වාසය  රනිල් විසින්ම  සාහසික ලෙස කඩ කොට ඇත.
චම්පික යනු බොරදියේ පමනක් නොව දිය බොර නොමැතිනම් බොර කර හෝ මාළු බාන චරිතයකි. රනිල් යනු දේශපාලන කරලියේ අවාසනාවන්තම සහ අසාර්ථකම චරිතයක් බවට ඔප්පු වී ඇත.දැන් සියල්ලක්ම එක හඩින් ඉල්ලන්නේ වෙනසකි . මහනුවර සිදුවීමත් සමගම  රනිල්ට තව  දුරටත්  යා හැකි ගමනක් නැත. එ.ජා.පයේ නායකත්වයට සජිත් වැන්නෙකු පත්වුවද ඔහු   බිලි බෝයි කෙනෙකු වීම නොවැලැවිය හැක. යම් හෙයකින් නීතිය හා සාමය ෆොන්සේකාට හෝ චම්පිකගේ සගයෙකුට ලැබුන හොත් 2020 සිතියමේ අවසන් ප්‍රහාරය  එල්ල වනු ඇත. 

3 Responses to “මහනුවර ගින්න සහ උස හීන්දෑරි ගේම්කාරයා”

  1. Nanda Says:

    BBS did not do anything here. Nor MB nor any other organisation exposing Muslim expansionism and exploitation of all situation. We condemn these attacks to silence these exposures.
    How about the criminal Bathudeen who is in drug business and land grab ? Rather than going after these organisation why don’t you go after them ?

  2. NeelaMahaYoda Says:

    Nanda

    There are two separate issues here, Keerthi Ratnayake is writing on Anti-Muslim Riots which is unfair and illegal. Other issue is Muslim expansionism which is also unfair and illegal.

    If you try to treat both issues simultaneously then we will end up in an utter failure.

  3. Nanda Says:

    Neela,
    I agree with you 100%. There are plenty of comments and writing on anti-Muslim riots (These are not racial acts but implementation of political agendas, robbery , theft).No one with a sound mind will approve attack on innocent people and their properties. It is not Muslim’s mistake, it is successive governments who completely paid a blind eye towards completely illegal and inappropriate construction and settlement activities, attack on Buddhist sites and monks and criminal activities of certain Muslims. I also believe It was a completely different group of thugs created Ampara incident.
    However, if you check all my comments they are on the 2nd one- no mixing here. I am very worried the 1st one will drive towards complete suppression of the 2nd one. I am not going to make comments about the obvious, that is condemnation of criminality with regards to riots, as it is done by most people and even by the perpetrators.

    All those who condemn violence, with the exception of very very few, do not even mention criminality commited by Muslim leaders. I can only see Shenali writing heavily on this at this moments, others are blaming each other group. While condemning violence, one should always mention long running unfair Muslim criminality at the same time. That kind of mixing is necessary.
    I can’t agree with the staement “…… එක් ජන වර්ගයක් සංවිධානය වී තවත් ජන වර්ගයක දේපල වලට එරෙහිව එල්ල කරන ලද ප්‍රහාරයකි.”, without mentioning the other racial gruop’s long running criminal activities. If I agree with that it means Sinhalese are a terrible race – obviously not.
    I am not interested in parlimenterian’s personal politics.
    I am also suspicious of the statement “පොලීසියේ නොහැකියාව කොතෙක්දයත් සැක කරුවන් අත් අඩංගුවට ගන්නේ මහජනතාව විසින් නීතිය අතට ගත්තායින් පසුවය. “. Actually Muslims themselves have identified and given the names to police and to help them catch them. Arrest did not happene after the riots. Correct me if I am worng please.

Leave a Reply

You must be logged in to post a comment.

 

 


Copyright © 2018 LankaWeb.com. All Rights Reserved. Powered by Wordpress