ඊලාම් යුද්ධයේ ගෝඨාභය භූමිකාව
Posted on May 24th, 2018

 වෛද් රුවන් එම් ජයතුංග 

වසර 30 කාලයක් පුරා ඇදී ගිය ඊලාම් යුද්ධය එල්.ටී.ටී.ඊ සංවිධානය පරාජය කිරීමෙන් පසුව නිම විය​. මේ කාලය පුරා යුද විශලේෂකයන් , සමහරක් හමුදා නිලධාරීන් සහ බොහෝ දේශපාලකයන් විශ්වාස කලේ ප්‍රභාකරන් සහ එල්.ටී.ටී.ඊ සංවිධානය  යුදමය වශයෙන් පරාජය කල නොහැකි බවයි. නමුත් ශ්‍රී ලාංකික හමුදාව එල්.ටී.ටී.ඊය පරාජය කළහ​. ත්‍රිවිධ හමුදාවක් සහිතව විශාල භූමියක් පාලනය කල  ලෝකයේ බලවත්ම ත්‍රස්තවාදී සංවිධානය සහමුලින්ම පරාජය කිරීමට හැකි වූයේ කෙසේද ? 

ජයග්‍රහණයට පියවරු දහසකි. බොහෝ දෙනා මෙම යුද ජයග්‍රහණයට අයිතිවාසිකම් කියති. එසේම කුලල් කා ගනිති. මැදහත් සිතින් විචාර බුද්ධියෙන් යුතුව ඊලාම් යුද්ධය ජයග්‍රහණ මාර්ගය කරා ගෙන ගියේ කවරුන් ද කියා විමසා බලමු.

 

එල්.ටී.ටී.ඊ සංවිධානය පරාජය කිරීම සඳහා ජෙනරාල් ෆොන්සේකාගේ දායකත්වය සුවිසල් විය​. ඔහු ගොඩබිම් යුද මෙහෙයුම් වලදී කොටි සාමාජිකයන් විනාශ කර දැමීය​. මෙකී මෙහෙයුම් හමුවේ කොටින් හට භූමිය අල්ලා ගෙන සිටීම අපහසු විය​. ප්‍රභාකරන් පවා මෙම මෙහෙයවුම් හමුවේදී ව්‍යාකූල වූ බව එල්ටිටීඊයෙහි කාන්තා දේශපාලන අංශයෙහි නායිකාවවූ තමලිනී තම තියුණු අසිපතක සෙවණ යට කෘතිය හරහා පෙන්වා දී තිබේ.   මෙකී යුද මෙහෙයුම් නිසා ප්‍රභාකරන් ගේ අවසානය සනිටුහන් විය​.

ඊලාම් යුද්ධයේදී නාවික සහ ගුවන් හමුදා විශේෂ කාර්‍යභාරයක් කළහ​. නාවික හමුදාපති වසන්ත කරන්නාගොඩ ඇතුළු නාවික නිලධාරීන් එල්.ටී.ටී.ඊ සංවිධානය සඳහා එවන ලද ආයුද නැව් විනාශ කර දැමූහ​. එසේම මුහුදු සටන් වලදී ඔවුන් ගේ බලය අඩපණ කර දැමූහ​. මේ අතර ගුවන් හමුදාපති එයාර් මාර්ෂල් රොෂාන් ගුණතිලක ගේ නායකත්වයෙන් යුතු ගුවන් හමුදාව  එල්.ටී.ටී.ඊ බලකොටු ගුවන් බලය යොදා විනාශ කළහ.  

ඊලාම් යුද්ධයේ දී ගෝඨාභය රාජපක්‍ෂ  භූමිකාව  කුමක්ද ? 

ඊලාම් යුද ජයග්‍රහණයෙන් පසුව මාධ්‍යවේදි  සී.ඒ චන්ද්‍රපේම  ගෝටාස් වෝ නමින්  පොතක් ලිවීය​. මේ පොත සක්‍රිය ලෙස සමාජ ගත නොවීය​. ඊට එක් හේතුවක් වූයේ එම පොතේ කතුවරයා ඊලාම් යුද්ධයේ දී ගෝඨාභය රාජපක්‍ෂ  භූමිකාව නිසි ලෙස පෙන්වා නොදීමය​.  සී.ඒ චන්ද්‍රපේම මෙම පොතෙන්  ගෝඨාභය රාජපක්‍ෂව යුද සෙන්පතියෙකු ලෙස පෙන්වා දීමට යාම නිසා ගෝටාස් වෝ කෘතිය අසාර්ථක විය​. යුද්දයෙන් පසුකාලීනව පවා මිනිසුන් තුල ඊලාම් යුද්ධයේදී ගෝඨාභය රාජපක්‍ෂ විසින් කරන ලද කාර්‍යභාරය පිලිබඳව අවබෝධයක් නොමැත​. අවාසනාවකට මෙන් දේශපාලනික සහ පුද්ගලික හේතු මත ඊලාම් යුද්ධයේදී ගෝඨාභය රාජපක්‍ෂ  මහතා විසින් කරන ලද කාර්‍යභාරය යටපත් කොට ඇත​.  

ඇත්ත වශයෙන්ම ඊලාම් යුද්ධයේ දී ගෝඨාභය රාජපක්‍ෂ  භූමිකාව  කුමක්ද ?  යුද්දය සමයේදී ගෝඨාභය රාජපක්‍ෂ   මහතා ලංකාවේ හිටපු ආරක්‍ෂක ලේකම්වරයාය​. අතීතයේ සිටි වෙනත් ආරක්‍ෂක ලේකම්වරුන්ට වඩා ඔහු වෙනස් අයෙකු විය​. ඔහුට යුද භූමිය පිලිබඳව අවබෝධයක් තිබුනි. එසේම යුද්ධයකදී ඉතාම අත්‍යාවශ්‍ය සාධකයක් වන ලොජිස්ටික්ස් හෙවත් භට කාර්‍ය සම්පාදනය සහ පෙරමුණට ආයුධ මෙන්ම අනෙකුත් අත්‍යාවශ්‍ය ද්‍රව්‍ය සැපයීමේදී ගෝඨාභය රාජපක්‍ෂ විශාල කාර්‍යභාරයක් සිදු කලේය​.මීට ඉහතදී පැවති ජයසිකුරු වැනි දැවැන්ත මෙහෙයවුම් අඩාල වීමට එක් ප්‍රධාන හේතුවක් වූයේ මෙම ලොජිස්ටික්ස් සාධකයයි. එහෙත් අවසන් යුද්ධයේදී මෙවැනි දුර්වළතා මතු වීමට ඔහු ඉඩ දුන්නේ නැත​. මෙම කරුණ යුද ජයග්‍රහණයේ එක් ප්‍රබල සාධකයක් විය​. විජිත පුර සටන ජය ගැනීමේදී මතු වූයේ ගැමුණු කුමාරයා ගේ කීර්ති නාමයය​. එහෙත් ගැමුණු කුමාරයාට එම ජයග්‍රහණය ලබා ගැනීම සඳහා තිරයෙන් පසුපස සිට ලොජිස්ටික්ස් සහාය දුන්නේ ඔහුගේ සොහොයුරු සද්ධාතිස්ස විසිනි. ඊලාම් යුද්ධයේ දී ලොජිස්ටික්ස් සහාය දුන්නේ ගෝඨාභය රාජපක්‍ෂ  විසිනි.  

දෙවන ලෝක යුද සමයේදී මිත්‍ර පක්‍ෂයේ හමුදා නායකයන් වූ ජෙනරාල් පැටර්න් සහ ෆීල්ඩ් මාෂල් බර්නාඩ් මොන්ට්ගෝමරි අතර බල අරගලයක් තිබුනේය​. මෙම බල අරගලය නිසා යුද්ධය අඩපණ වීම වැලැක්වීමට ඇමරිකාව ප්‍රමුඛ මිත්‍ර පාක්‍ෂික හමුදාවලට නායකත්වය දුන් ජෙනරාල් අයිසන්හවර් සූක්‍ෂම ලෙස ක්‍රියා කලේය. ​ඊලාම් යුද්ධයේදී හමුදාපති ජෙනරාල් ෆොන්සේකා සහ   නාවික හමුදාපති වසන්ත කරන්නාගොඩ අතර පුද්ගලික යුද්ධයක් තිබුනේය. ​මේ දෙදෙනා ආරක්‍ෂක රැස්වීම් වලදීවත් එකිනෙකා සමග කතා කලේ නැත​. මේ පිලිබඳව නාවික හමුදාපති වසන්ත කරන්නාගොඩ තම අධිෂ්ඨානය: එල්.ටී.ටී.ඊ. පරාජය – නාවික හමුදා භූමිකාව කෘතියේ පවා සඳහන් කොට තිබේ. 

යුද හමුදාවත් නාවික හමුදාවත් අතර ඒකාබද්ධ සහයෝගය නොමැතිව සටන් කිරීම ඉතා අපහසුය​. යුද විශේෂඥයන් පෙන්වා දෙන අන්දමට දෙවන ලෝක යුද්ධයේදී ජපානය පරාජය වීම සඳහා එක් හේතුවක් වූයේ ජපාන යුද හමුදව සහ ජපාන් නාවික හමුදාව අතර ඒකාබද්ධ සහයෝගයක් නොතිබීමයි. හමුදාපති ජෙනරාල් ෆොන්සේකා සහ නාවික හමුදාපති වසන්ත කරන්නාගොඩ  අතර පාලමක් වෙමින් යුද හමුදාවත් නාවික හමුදාවත් අතර ඒකාබද්ධතාව පවත්වා ගැනීමට උපකාර වූයේ ගෝඨාභය රාජපක්‍ෂය​. ඔහු  ජෙනරාල් අයිසන්හවර් ක්‍රියා කලාක් මෙන් හමුදාපති ජෙනරාල් ෆොන්සේකාත් සහ නාවික හමුදාපති වසන්ත කරන්නාගොඩත් අතර සමබරතාව පවත්වා ගත්තේය​. මෙම කරුණද යුද ජයග්‍රහණය  පිණිස බලපෑවේය​. 

ගෝඨාභය රාජපක්‍ෂ යනු ඊලාම් යුද ජයග්‍රහණයේ පරම උරුමක්කාරයා නොවන බව සැබෑය​. එහෙත් යුද ජයග්‍රහණය සඳහා ඔහු  දායකත්වයක් ලබා දුන්නේය​. ඉංග්‍රීසි භාෂාවේ  give the devil his due කියා කියමනක් තිබේ.  මේ අනුව ඊලාම් යුද ජයග්‍රහනයේ ගෝඨාභය රාජපක්‍ෂ  භූමිකාව කුහක කමකින් තොරව පෙන්වා දිය යුතුය​. 

වෛද් රුවන් එම් ජයතුංග 

3 Responses to “ඊලාම් යුද්ධයේ ගෝඨාභය භූමිකාව”

  1. Christie Says:

    India is after Gota is evidence that he has been a contributor towards the wiping out of the Indian terrorist arm.

  2. Hiranthe Says:

    Thank you Dr. Ruwan for coming forward to praise this great personality.

    Not only logistics. He was the main strategist on how to approach the whole thing. If you take the Army into consideration, General Fonseka had the metal to push the Army beyond boundaries. But the unit commanders and soldiers had a big faith on Gota. Many of the front line commanders were from Gajaba Regiment in which Gota was attached to, before his retirement. These top unit Commanders and Gota had a very close connection than the connection they had with their own Commander in chief.

    This approachability helped them to get logistics to their action fronts. When the soldiers were in water for days with wet uniforms in the lagoons and when the news reached him, Gota found his own initiative to create a field cloth drier by using empty shipping containers and powerful fans. This type of real actions further encouraged our soldiers.

    His experience in IT helped develop the overall strategies. It was the only war fought in the world with day to day progress marked on a digital map which helped the Sri Lankan living overseas also to watch the actions and be part of it.

    This brought the whole nation together. TV news were always showing the progress of the front DAILY to the whole nation similar to a “MONTHLY progress reporting on a large construction project”. This was an unmatchable leadership and it gave a tremendous courage to the soldiers at the war front. They felt that they were not alone and the whole nation was behind them and cheering.

    In my view, without Gota, this war could not have been won. He played a bigger role than Prince Saddhatissa since he was the one who planned the overall strategies with the ideas of the Commanders of the four forces, which was done by King Dutugemunu.

    We should give the credit to Admiral Sarath Weerasekara also here. Without his units who looked after the liberated areas, the Army could not have gone to the front in full strength.

  3. NAK Says:

    The bottom line is ‘if not for Gota there would be no victory! and not give the devil its due.

Leave a Reply

You must be logged in to post a comment.

 

 


Copyright © 2018 LankaWeb.com. All Rights Reserved. Powered by Wordpress