බෝග ප්‍රති අපනයනයට තිත තබන බවට ගෝඨාගෙන් සහතිකයක්
Posted on October 26th, 2019

Lanka Lead News

ප්‍රති අපනයනය කිරීමේ අරමුණින් කිසිදු බෝගයක් ලංකාවට ගෙන්වීමට ඉඩ දෙන්නේ නැතැයි ශ්‍රී ලංකා පොදුජන පෙරමුණ ජනාධිපති අපේක්ෂක ගෝඨාභය රාජපක්ෂ මහතා පැවසීය.

ඒ මහතා මෙසේ පැවසුවේ අද (26) පෙරවරුවේ දියතලාව පැවැති ජන හමුවක් අමතමිනි.

මහින්ද රාජපක්ෂ රජය සමයේ ගම්මිරිස් කුරුඳු වැනි සුළු අපනයන බෝග ගොවීන් හොඳ මිලක් ලබා ගත්තද වත්මන් රජය බලයට පත්වීමෙන් පසුව ප්‍රති අපනයනය සඳහා අවස්ථාව සැලසීම නිසා මේ ගොවීන් ගොවීන් දැඩි අපහසුතාවයකට ලක්ව සිටින බව ද ඒ මහතා පෙන්වා දුන්නේය.

පොහොර නොමිලේ ලබාදීම, ගොවි ණය කපා හැරීම, කෘෂි කර්මාන්තයට සම්බන්ධ කර්මාන්ත වලට බදු සහන ලබා දීම, ආදී දේ මගින් ගොවි ජනතාවගේ ආර්ථිකය සවිමත් කිරීම සහ රට අහරින් ස්වයංපෝෂිත කිරීම බලාපොරොත්තු ව බවද ඒ මහතා පැවසී ය .

කෘෂි ක්ෂේත්‍රය ට අවශ්‍ය බීජ ලංකාවේ දීම නිෂ්පාදනය කිරීමට බලාපොරොත්තු වන බව ද ඒ මහතා පැවැසීය .

ඇසුරුම් කිරීමේ දී, ගබඩා කිරීමේ දී සහ ප්‍රවාහනයේ දී එළවළු නාස්තිය අවම කිරීමටත්, ඒ සඳහා කෘෂි කර්මාන්තය හා සම්බන්ධ කර්මාන්ත ඇතිකර ගොවි පවුල්වලින් නව ව්‍යවසායකයන් බිහි කිරීමටද සැලසුම් කර ඇතැයි එහි දී ඒ මහතා සඳහන් කළේය.

රටට විදේශ විනිමය ගෙනෙන තොරතුරු තාක්ෂණය ආශ්‍රිත සමාගම් බද්දෙන් නිදහස් කොට එම සමාගම් වලට රැකියා අවස්ථා බිහි කරමින්, පරිගණක තාක්ෂනය ආශ්‍රිත ව ඩොලර් බිලියන 3ක පමණ විදේශ විනිමයක් රට වෙනුවෙන් ඉපයීම සඳහා අවස්ථාව උදා කරන බව ද ඒ මහතා වැඩිදුරටත් අවධාරණය කළේය.

මෙම අවස්ථාව සඳහා ප්‍රදේශයේ දේශපාලන නියෝජිතයින් මෙන්ම විශාල ජනකායක් එක්ව සිටියහ.

One Response to “බෝග ප්‍රති අපනයනයට තිත තබන බවට ගෝඨාගෙන් සහතිකයක්”

  1. Ratanapala Says:

    Food Security is No.2 for Sri Lanka after National Security! These are the very things that Ranil led Jadapalanaya has been compromising in order to make Sri Lanka a “Failed State” in readiness of US-led occupation thereafter. Primarily it is only when Food Security is compromised that international sanctions work against a nation. This is the reason Ranil led administration commenced by replacing the fertilizer subsidy with money, knowing very well that money will be used for other needs of the farmer first and only for fertilizer, last.

Leave a Reply

You must be logged in to post a comment.

 

 


Copyright © 2024 LankaWeb.com. All Rights Reserved. Powered by Wordpress