උපුටාගැණීම මුහුනුපොත

මේ ඔහු අත්අඩංගුවට ගැනීම පිලිබඳව මාධ්‍යයේ නොකියූ කතාව..

බැඳියාව

“”””””””

ඊයේ අත්අඩංගුවට පත්ව සිටින බන්ධනාගාර කොමසාරිස් සම්බන්ධයෙන් ජාත්‍යන්තර මානව හිමිකම් ක්‍රියාකාරීන් පිරිසක් තොරතුරු සොයා බැලුවා.

එහිදී ඔවුන් පැය භාගයක් පමණ මා සමග කතා කළා.

සත්‍ය මිස කිසිවකු සුද්ද කිරීමට අවශ්‍ය නැත

“””””””””‘”

බන්ධනාගාරය තුල කුඩු, අයිස්, දුරකථන ඇති බව සත්‍යයකි.

බන්ධනාගාර රෝහල, ප්‍රතිකාර මධ්‍යස්ථානයක් නොව, ඇති හැකි උන්ගේ රෙස්ට් හවුසිය බව සත්‍යයකි

බන්ධනාගාරය පුනරුත්ථාපන මධ්‍යස්ථානයක් නොව අපරාධ සම්බන්ධ පශ්චාත් උපාධිය ලබා දෙන ආයතනය බව සත්‍යයකි.

පසුගිය දශක තුන පුරාවට මෙන්ම අදත් බන්ධනාගාරය පවතින්නේ ඒ ආකාරයෙනි.

තුෂාර උපුල්දෙනිය අත්අඩංගුවට ගත්තා කියා කිසිවක් වෙනස් නොවුනි.

එවන් බන්ධනාගාර ක්‍රමයක් (වටයගේ වචනයෙන් කියනවනම් රාජධානියක්/ මුදා නොගත් කලාපයක් ) බිහිකලේ උපුල්දෙනිය නොවේ.

තුෂාර උපුල්දෙනිය අත්අඩංගුවට ගැනීම වෙනත් කතාවකි.

පසුබිම් සෝදිසි

“””””””””’

අනුරාධපුර සිදුවීමට සති දෙකකට පෙර වටගලගෙන් උපුල්දෙනියට හදිසි දුරකථන ඇමතුමක් ලැබුණි.

“අහවල් වෝඩ් එකේ ජංගම දුරකථනයක් තිබෙනවා, එය ගැනීමට STF සමග මා එනවා” ආදී වශයෙන් කතාවක් වටගල කියා ඇත.

වාර්තා වන අන්දමට වටගල බන්ධනාගාරයට යාමට සැලසුම් කොට තිබෙන්නේ මාධ්‍ය කණ්ඩායමක් ද සමගිනි.

තුෂාර උපුල්දෙනියගේ ප්‍රතිචාරය වී ඇත්තේ මෙවැන්නකි.

“ඇමතිතුමා ඕක කරන්ඩ එපා, මීට පෙර කැරලි වලට හේතු වුණේ හමුදාව ආයුධ සහිතව බන්ධනාගාරයට ඇතුල් කිරීමයි”, “ජංගම දුරකථන තිබෙන්නේ මොන වාට්ටුවේද කියන්න, මම ඒක අරගෙන ඔබතුමාට එවන්නම් ” ලෙසින් ප්‍රතිචාර දක්වා ඇත.

තවද සන්නද්ධ STF බන්ධනාගාරය තුළට ඇතුල් කිරීමට උපුල්දෙනිය විරුද්ධ වී ඇත.

එපමණක් නොව, උපුල්දෙනිය තවත් වැදගත් කරුනක් වටගලගේ අවධානයට යොමුකොට ඇත.

ටොයිලට්,ජලය ආහාර,ඇඳ ඇතිරිලි නොමැතිව සතුන් මෙන් ගාල් කොට සිටින සිරකරුවන් ආයුධ සහ කැමෆලාජ් දරන STF නිලධාරීන් හමුවේ කලබල විය හැකි බව පෙන්වාදී ඇත.

උපුල්දෙනියගේ ප්‍රතිචාරය හමුවේ වටගලගේ සැලසුම අලවී ඇත.

ඉන් අනතුරුව බූස්ස බන්ධනාගාරය දූපතකට ගෙනයන සැලසුම එළියට පැමිණ ඇත.

උපුල්දෙනිය පහත හේතු මත එම සැලසුමටද විරුද්ධ වී ඇත.

1. බන්ධනාගාරය දූපතකට ගෙනයාම හමුවේ ඥාතීන්ට සිරකරුවන් බැලීම දුෂ්කර වීම.

2. නීතිඥයන්ට සිරකරුවන් හමුවීම දුෂ්කරවීම.

3. මානව හිමිකම් කඩවීම

4. දූපතක සිරකරුවන් රැඳවීම ෆැසිස්ට් රාජ්‍යයක මිස දියුණු රාජ්‍යයක ලක්ෂණ නොවීම

5.GSP ප්ල්ස්, IMF ක්‍රියාවලිය, UNHRC නඩු වලට අවාසියක් වීම.

6. ජාත්‍යන්තර අපකීර්තිය.

මාලිමා රජයේ සැලසුම් වලට මේ ආකාරයට විරුද්ධ වන උපුල්දෙනියගේ විශ්‍රාම වයස එළඹෙන්නේ 2032 වර්ෂයේදීය.

ජනාධිපති පොදුසමාව යටතේ සිරකරුවන් නිදහස් කිරීම

“”””””””””

මාලිමා රජය යටතේ මුල්ම සිරකරුවන් නිදහස් කිරීම සිදුවුණේ නත්තලටය.

එහිදී අධිකරණ අමාත්‍යාංශය අනුමත කළ ලැයිස්තුව සහ නිදහස් කළ ලැයිස්තුව අතර වෙනස්කම් තිබී ඇත.

ඒ සම්බන්ධයෙන් අධිකරණ අමාත්‍යාංශයේ පියුමන්ති, උපුල්දෙනියගෙන් හේතු විමසා ඇත. උපුල්දෙනිය යැවූ ලිඛිත පැහැදිලි කිරීම අධිකරණ අමාත්‍යාංශය පිළිගෙන ඇත.

නත්තලට සිරකරුවන් නිදහස් කිරීමේදී උගත් පාඩම් අනුව වෙසක් නිදහස් කිරීමේදී අනුමත ලැයිස්තුවට තරයේ අවනත විය යුතු බව දන්වා චක්‍රලේඛයක් කමිශනර් මෙහෙයුම්( උපුල්දෙණිය වෙනුවෙන්) නිකුත් කර ඇත.

කෙසේ වුවද වෙසක් පොදු සමාවේදීද අනුමත ලැයිස්තුව සහ නිදහස් කළ ලැයිස්තුව අතර වෙනස්කම් තිබී ඇත.

එකී වෙනස්කම් සම්බන්ධයෙන් කරුණු විමසීම වෙනුවට සිදු වුණේ උපුල්දෙනිය අත්අඩංගුවට ගැනීමය.

අතුල තිලකරත්න නිදහස් කිරීම

“””””””””””’

අතුල තිලකරත්න නිදහස් කිරීමේ සිදුවීම කරළියට ආවේ පුවත්පතක පළවූ වාර්තාවක් සමාජ ජාලාවල වෛරල් වීම නිසාය.

අතුල තිලකරත්න සිදුවීම වෛරල් වීමත් සමග අධිකරණ අමාත්‍යංශයේ ලේකම්, උපුල්දෙනියට කතා කොට කරුනු සොයා බලන ලෙස දැනුම් දී ඇත.

ඒ අනුව අතුල තිලකරත්න නිදහස් කිරීම සම්බන්ධයෙන් උපුල්දෙනිය අනුරාධපුර බන්ධනාගාර අධිකාරියගෙන් නිදහසට කරුණු (Explanation) විමසා ඇත. (2025 ජූනි 6)

අනුරාධපුර බන්ධනාගාර අධිකාරි එදින whatsapp හරහා නිදහසට කරුණු මූලස්ථානයට එවා ඇත. ( එය A demi-official ලිපියකි)

ඉන් අනතුරුව එනම් පස්වරුවේ අදාල නිදහස් කිරීම සම්බන්ධයෙන් වාර්තාවක් උපුල්දෙනිය විසින් අධිකරණ අමාත්‍යංශයට යවා ඇත.

අතුල තිලකරත්න නිදහස් කිරීමේ දෝෂයක් ඇත්නම් ඔහු අත්අඩංගුවට පත්විය යුතුය.

අතුල නිදහස් කිරීම සම්බන්ධයෙන් නීතිපති දෙපාර්තමේන්තුවේ හනුමා නොහොත් දිලීප පීරිස් බොරු කියා ඇත.

අතුල විදේශගතව ඇතැයි දිලීප අධිකරණයට කියා තිබුණි.

උපුල්දෙනිය අත්අඩංගුවට ගැනීම.

“””””””””‘””

ඉහල නියෝගය අනුව උපුල්දෙනිය අත්අඩංගුවට ගැනීමට යෙදවූ මුල්ම CID කණ්ඩායම (උත්සාහය) ක්‍රියාත්මක නොවුනි.

CID දෙවන කණ්ඩායමද ක්‍රියාත්මක නොවුණි

කැබිනට් තීන්දුවකින් උපුල්දෙනියගේ වැඩ තහනම් කොට උපුල්දෙනිය අත්අඩංගුවට ගැනීමට තුන්වන කණ්ඩායම යොදවන්නේ ඒ අනුවය.

හිටපු CID අධ්‍යක්ෂක මුතුමාල ඉවත් කිරීමට මෙවැනි කරුණද බලපෑවා විය හැක.

නිගමනය

“”””””””””””

අතුල නිදහස් කිරීම Admin procedures වලට සම්බන්ධ නඩු නිමිත්තකි.

CIDය යොදවා උපුල්දෙනිය අත්අඩංගුවට ගැනීමට පෙර කළ යුතුව තිබුණේ අභ්‍යන්තර පරීක්ෂණ අධිකරණයක් (CofI) හරහා පරීක්ෂණක් කිරීමය.

කන්ටේනර් නිදහස් කිරීමේ සිදුවීමට එක නීතියකුත් සිරකරුවන් නිදහස් කිරීමේ සිදුවීමට තවත් නීතියකුත් එනම් එකම නඩු නිමිත්තට පරස්පර අයුරින් ක්‍රියා කිරීම තුළින් විධායකයේ බල අපහරණයක් දිස්වෙයි.

ජවිපෙ පැලවත්ත කාර්යාලය ෆැසිස්ට් පාලනයක අත්තිවාරම කපනු පෙනේ.

එකී පාලනයට නුසුදුසු ඉත්තන් ඉවත් කරමින් සුදුසු ඉත්තන් ප්ලාන්ට් කිරීමේ මෙහෙයුමක් ක්‍රියාත්මක බව නිගමනය කළ හැක.

( උපුටා ගැනීම අවසන්)

Keerthi Ratnayake