දෙමල ජන සංහාර කතාව කතෝලික පල්ලිය ප්රතික්ෂේප කරයි
Posted on May 25th, 2026
The Leader
සිවිල් යුද්ධයේ අවසන් අදියරේදී ශ්රී ලංකාවේ දෙමළ ජන සංහාරයක් සිදුවූ බවට ජීවන්ත පීරිස් පියතුමා කළ ප්රකාශය ශ්රී ලංකාවේ කතෝලික රදගුරු සමුළුව සහ කතෝලික පල්ලිය විසින් ප්රතික්ෂේප කරනු ලැබ තිබේ.
කතෝලික රදගුරු සමුළුවේ සන්නිවේදන කොමිෂන් සභාවේ සභාපති ජූඩ් නිශාන්ත සිල්වා රදගුරුතුමන් විශේෂ ප්රකාශයක් නිකුත් කරමින් සඳහන් කළේ පීරිස් පියතුමා පළ කළ අදහස් කතෝලික පල්ලියේ නිල මතය නොවන බවයි.
ඔහු ප්රකාශ කළේ ඔහුගේම මතවාදය මිස කතෝලික පල්ලියේ මතවාදය නොවේ,” යැයි රදගුරුතුමෝ සඳහන් කළහ.
එමෙන්ම ශ්රී ලංකාවේ කතෝලික පල්ලිය සෑම විටම ජාතික සංහිඳියාව, සමාජ සංවාදය සහ සියලු ජන කොට්ඨාශයන්ට ගරු කිරීම වෙනුවෙන් පෙනී සිටින බවද උන්වහන්සේ අවධාරණය කළේය.
මේ අතර කොළඹ අගරදගුරු සමාජ සන්නිවේදන අංශයේ ජාතික අධ්යක්ෂ ජූඩ් ක්රිශාන්ත ප්රනාන්දු පියතුමන් සඳහන් කළේ ශ්රී ලංකාවේ පැවති යුද්ධය කිසිදු ජන වර්ගයකට එරෙහිව නොව ත්රස්තවාදයට එරෙහිව පැවති යුද්ධයක් බවයි.
දළදා මාළිගාව, අරන්තලාවේ භික්ෂූන් වහන්සේලා, මහ බැංකුව, කොටුව බස් නැවතුම්පොළ සහ දෙහිවල දුම්රියට එල්ල වූ ප්රහාර උදාහරණ ලෙස සඳහන් කළ ඔහු එවැනි ත්රස්තවාදයක් මුලිනුපුටා දැමීම අත්යවශ්ය වූ බවද පැවසීය.
ජීවන්ත පීරිස් පියතුමන් විසින් වසර 30ක යුද්ධය මුළු දෙමළ ජනතාව විනාශ කිරීම අරමුණු කරගත් එකක් බවට කළ ප්රකාශයට සමාජ මාධ්ය ඔස්සේ පුළුල් අවධානයක් ලැබුණු අතර ඒ සම්බන්ධයෙන් මේ වනවිට විශාල සමාජ සාකච්ඡාවක් නිර්මාණය වී තිබේ.
(සටහන | ගිම්හාන් ද සිල්වා)